陳漢記 (已結業)

跟阻住講了很多次,說想要到大埔去狂吃一下,因為對上一次去大埔,吃不到陳漢記的蟹粥,一直耿耿於懷.適逢公關感冒了兩週,胃口全無.星期六,剛病好一點的公關,尤如猛如餓鬼出籠,將2個星期未吃的小宇宙,都在今日爆發出來,吼~~餐廳是茶餐廳的格局,但人流如鯽,外邊還有一條短短的人龍呢.服務一般,侍應都粗聲粗氣,但這是茶餐廳的指定動作,你只要想好才點菜,也沒什麼大問題的.你看,鮮橙色的蟹兒.優哉悠哉地在粥裏暢遊著,多捨意啊~~粥底很綿,蟹的鮮味,完全融入粥裏.($30)雖然蟹比較瘦,但以甜取勝.粥裏真的有一整隻花蟹,十分足料..可愛的蟹兒,你死得瞑目吧!你的犠牲,沒有白廢啊~十分好味,腸粉薄得有點透明,紅紅的叉燒,多誘人啊..($15)吃下去十分滑,鼓油甜甜,很好味,熱辣辣,YUMMY!為我的大埔餓鬼之旅,踏出了美滿又美味的第一步~~店外看到貼著招人的POSTER,寫著$10000一個月的夜更洗碗工.現在,做食肆,真的很難.

同朋友去大埔一日遊round 1三人叫了兩碗出名的花蟹粥幾大碗~!花蟹好鮮~好味! 但味中不足係d粥! 5係正統生滾粥geh...(同電視講的好大差別)粥係好有味,但5係花蟹味,而係勁味精粥 !蹧躂了碗花蟹粥!>< 食完仲勁口渴.....算lar, 甘平~ 5可以要求太多 食完去食糖水去也~

成日來大埔做FACIAL, 都會經過, 只係以為一間唔起眼的茶餐廳, 點知前排電視介紹, 又聽到住大埔的親戚常提起~我都忍唔住, 夾啱有次做完FACIAL來嘗嘗~下次可再揀其他餐試試~果然粥底好味, 好綿好滑, 唔會太鹹, 讚~ 不過滑牛就韌韌地, 要o趙多幾口才吞到, 至於牛味呢.....就冇乜LU~滑滑蝦腸真夠滑~ YUMMY! YUMMY!!腸粉真係超滑, 蝦超大隻又爽, 正正!! 下次要試下夜晚來, 吃個煲仔飯+豬潤腸~

11點幾去到陳漢記,都已經full左成7,8成有多同mummy兩個人坐張大木台,之後都有人坐我地對面再晏d可能就要排隊a_a一人揀左一個套餐~及弟粥有肉丸,豬腸,豬潤同豬肚 D肉丸好鮮,D內臟都應該洗得OK,冇咩臭味(Y)個粥底都幾鮮甜,但問過係冇落魚的a_a叉燒腸好滑,食完一舊會再想食第二舊xd不過佢吾算好大碟,而你係睇得出ok多油,食多得就會濟:smummy要左肉丸粥,佢都話個粥底甜^^牛肉腸都好滑,好好味~~不過份量吾算好多,so我地嗌多碗牛腩麵d麵夠爽口,都ok不過都係牛腩正d,好入味,又吾算好肥,又吾係好"un"整體幾好,可以再食遲d要試下煲仔飯~~

四月二十三日 (星期六)吃過阿婆豆婆花,緩緩行到陳漢記要等的,就是六點鐘開前的煲仔飯開爐因吃了豆腐花,吃不下兩個煲仔飯點了一個黃鱔排骨煲仔飯再另點鮮蝦腸粉和片頭牛腩米煲仔飯製作需時,先吃其他的腸粉也是即叫即製的很薄的腸粉皮包住蝦肉,是半透明的,若隱若現的蝦肉爽口而粉皮有質感,是一大享受片頭牛腩米是水準之作不過這裡的腸粉和煲仔飯著實太出色,比下去了十五分鐘,煲仔飯送到面前香嘖嘖的,飯粒精塋很新鮮的黃鱔,加上入味的排骨(骨不太多)是全港數一數二的煲仔飯名店如喜歡的,老公仔特別推介白鱔(他上一回試過了)

當日同３個朋友又去食飯。朋友們照常叫左煲仔飯，但除左煲仔飯外，今次好想同大家介紹下佢的牛腩撈麵！真係超好食～～～！！！我食咁多間牛腩撈麵最好食就係Ｅ間！朋友知我喜歡寫食評，俾我試Ｄ每一個煲仔飯。　牛腩撈麵：個牛腩好林又好入味～個麵都好彈牙同埋一Ｄ都唔乾！我５分鐘就將碟麵清哂！　肉餅煲仔飯：個肉ｓｏｓｏ好食因為太林同埋冇咩味。　滑牛雞肉煲仔飯：Ｅ個真係好食喎～個牛真係好好食，好滑好有牛味。雞肉都合到好處！　蠟味雞肉煲仔飯：Ｅ個都好食，好多料。個蠟腸最好食！正～

大埔區，真係冇乜邊個唔識陳漢記，就算我呢區外人，入親佢總要幫襯，就知點解佢越做越旺。食物雖然都係大路，勝在樣樣都幾有水準。腸粉皮薄又夠滑，粥底就夠晒錦，煲仔飯就大大煲，熱辣辣兼料又正。加上價錢又唔算貴，食物又有番咁上下~~

果日同個白痴由沙田行去大埔, 真係癲啊~上網見到d人話陳漢記幾好食, 去左一試. 好彩入去食時先落雨, 岩岩好點左3樣野: x燒腸, 魚腩粥, 花蟹粥1. x燒腸: 個皮真係好薄, 透明的 睇到入面d餡, 但食落就無咩特別2. 魚腩粥: 個fd點的, 個人唔鐘意食魚, 食左一小碗, 好多細骨 >.< 但個fd話幾好3. 花蟹粥: 好清甜啊, 真係有原隻蟹係入面的, 正2個人70蚊落樓, 抵啦

假日來了這裡，要了豬膶腸，叉燒腸，花蟹粥和凍奶茶。花蟹粥夠綿，蟹件不少，不錯。至於腸粉，朋友說不好，但我感覺還好，腸粉皮薄，汁味道的不錯，不過缺點是少了些滑溜感覺，整體在水準以上。

大埔美食半天遊的第三站，來到這間「陳漢記」。這間其貌不揚的港式茶餐廳，以煲仔飯和腸粉打出名堂，成為區內名店之一。這次往試，吃的也是這兩道招牌菜。來的時候正是晚上六時正，這裡的馳名煲仔飯開始有得供應，時間真是夾得非常好。因為時候尚早，所以我們兩人不用等位便可入內吃晚飯，但過了二十分鐘左右，這裡已是座無虛席，遲來的客人已要在外面等位，我們可真是夠運呢！叫來兩道招牌菜：「豬膶腸粉」和「白鱔牛肉煲仔飯」。這裡的腸粉水準不錯，腸粉皮薄得透亮，裡面的豬膶清晰可見。豬膶切得細碎，但份量也不少。味道雖淡，都幾粉嫩，沾些甜甜的醬油來吃，都幾好味。煲仔飯相對來說沒有腸粉那麼好。熱騰騰的煲仔飯雖仍可口，白鱔也頗肥美，但牛肉質素普通，而且這飯有一個較大的缺點，就是整煲飯雖還好味，但飯與餸的味道未能水乳交融地結合在一起，給人飯是飯，餸是餸的感覺。在這方面，之前所試的「味中味」可比它勝上一籌呢！話雖如此，它的腸粉和煲仔飯仍算有中上的水準，假如不是要求太高的話，這裡仍是個吃腸粉和煲仔飯的好地方。

是日去左大埔度買丸，之前睇村屋嗰陣聽d 經紀講話陳漢記唔錯，決定行左去一試。因為已經 17:30, 又唔係下午茶又唔係dinner，所以唔使等位…諗住坐低食個豬潤腸就走，點知越食就越好味，同行既母親就話不如叫個淨腸粉，(因為見到對面枱)…再坐多陣先見人地食個蝦米腸，不過算啦…都真係幾滑，不過建議大家走油，因為真係好多油！等到18:00 左右，就叫左個煲仔飯，田雞油鴨脾煲仔飯，一個字，「得」！不過就貴左d…前後坐左個幾鐘，只因樣樣野食都係分開叫。但最唔想提同講既就係佢個炸兩原因係油條係係出面叫番黎，又唔係好新鮮咁…下次我一定唔會再叫！

11月13日, 為慶祝呀菲嘅農歷生日, 今日山長水遠帶佢去到大埔林村許願樹, 在途中先搵個地方醫醫肚~ 知道呢度附近有間出名嘅蒸腸粉, 特登來試一試~ ::: 免牛粥 + 蝦腸 ::: $26免牛粥都算幾好, 好夠熱, 不過應該都係一早煮好, 放d免牛入去嘅啫…免牛真係好碎, 碎到唔能夠搵到一舊完整碎牛, 好似同粥混合咗咁~ 粥底有牛味, 都算綿, 再加埋蔥粒同花生粒, 都幾香口~腸粉係即叫即蒸, 都要等十五分鐘先有~ 不過都係值嘅!! 腸粉皮好夠薄, 精瑩通透嘅皮下可見大大隻嘅鮮蝦~ 一咬落去腸粉皮好香米味, 滑得嚟完全可以一口啜落喉嚨, 而蝦肉爽口之餘亦十分彈牙! 再配上甜甜嘅豉油, 口感味道都好豐富~ 雖然份量唔多, 但已經十分滿足~::: 叉腸 + 凍奶茶 ::: $20 + $2腸粉皮同蝦腸一樣, 都係好夠薄而且一樣咁滑~ 但係叉燒唔靚喇, 雖然料幾多, 但似係隔夜貨, 肉地有d霉咗同好鞋, 同d腸粉唔夾~ 不過d叉燒都幾多~凍奶茶真係幾讚! 無唸過呢度除咗腸粉同粥品出色之餘連d茶記飲品都咁有水準!! 奶同茶比例好好~ 濃郁奶味中又滲出甘澀有致嘅茶味~ 而且口感好thick!

好多喺大埔生於斯長於斯嘅朋友，都對陳漢記呢間食店讚不絕口，較早前，有朋友曾提及我嘅食評中，毫然未有推介過煲仔飯，突然腦內靈光一閃，陳漢記再浮現眼前，於是趁天氣仍然寒意未消，決定到訪一下，俾自己個胃一個溫飽同填補食評一個缺口...陳漢記以腸粉及煲仔飯馳名，其中黃鱔煲仔飯同埋豬膶腸粉更加吸引到唔少食家，不過熟悉我嘅朋友都知我唔太喜歡食豬膶同熟魚，所以今次選擇左比較大路嘅豉汁排骨滑雞煲仔飯同埋叉燒腸粉。腸粉即叫即蒸，送上檯時熱氣騰騰，香氣十足，腸粉皮夠薄身，望落晶瑩剔透，叉燒餡料在粉皮下白裡透紅，賣相的確幾對辦。不過入口後發覺，腸粉煙韌度只屬一般，而且一夾即散，估計係米漿部份做得未如理想所致，加上叉燒咬口一般，無乜嚼頭可言，整體上只算係不過不失。如果相比其他酒樓黎講，呢份腸粉還可以叫水準唔錯，但同佐敦堂記嘅腸粉相比之下，就完全唔合格了...久等嘅煲仔飯等左十多分鐘終於送上，揭開煲蓋一剎那，香氣撲鼻，倒豉油時果種迷人嘅「渣渣聲」直教人口水直流，快手影過相後，起筷！飯粒食落略嫌濕左少少，但嚼感總算鬆香滿意。滑雞稱不上滑，坦白講仲有少少嚡口，而且雞皮脂欠豐厚，味道麻麻。反而排骨食落有點驚喜，肥瘦均

甘耐無黎，估唔到陳漢記既粥品差左甘多。皮蛋瘦肉粥：粥唔綿，材料還材料、粥還粥既感覺。炸腸：差到爆！油條又乾又靭，腸粉 “淰bad bad”！水餃河：河粉少、水餃爽口新鮮但只有三隻。真係無唸過炸腸會甘難食。

本身想去食清湯腩，點知星期日閂門咁就食返陳漢記啦！下午茶時段無煲仔飯，就食下粥麵腸粉肉丸粥+蝦腸餐($26)粥底依舊好綿，正!肉丸都幾好味,雖然唔算新鮮即製蝦腸個樣唔太整齊，但都保持到水準(有一次夜晚黎食，唔得，皮好厚)牛雜麵 ($20)一碗有好多牛肚! 夠稔，唔錯牛腩（一碗）　($40)好失望的一碗牛腩俾左好多唔同部分的牛腩，其中有d非常"un"!!!咬極都咬唔爛!有一部分係OK的，但整體上偏咸食完感到好多味精... OK黑名單