陳儀興飯店 (崇齡街)

營業中

休息中

昨晚好想食潮州嘢 七點去到好彩仲有一張卡位 因為如果要搭枱就走人 坐低好快有侍應落單又主動介紹菜式 (所有嘢都好街坊 唔好要求大酒店式的殷勤)不過態度係ok嘅😊我哋叫咗凍烏頭 雜錦拼盤 蠔仔粥 凍烏頭 - 有油份 唔會乾爭爭雜錦拼盤 - 正常蠔仔粥 - 蠔仔又大粒又新鮮(粥係冇方魚架) 加碗白飯 兩個人埋單$410

重陽節晚上即興到陳儀興飯店吃晚餐，位於新蒲崗崇齡街40號地舖。 好耐沒有打冷， 大約6點45分到達，等了半個鐘以上才能入座，加上安排入座時有點混亂啊！ 一間老字號的打冷店，晚餐 ～ 鹵水拼盤$135、 韭菜豬紅$70、 蠔仔粥大鍋$128、 蠔餅$85、 煎炸牙帶魚$70、 豉椒炒大蜆$98。 🔸鹵水拼盤 ～ 鹵水汁幾香， 但拼盤的款式不算多。 🔸韭菜豬紅 ～ 豬紅口感好滑又入味， 份量多。 🔸蠔仔粥大鍋 ～ 蠔仔粒粒脹卜卜新鮮美味， 加上西芹粒，昇華了整鍋粥的味道。 🔸蠔餅 ～ 入口鬆化，蠔肉鮮甜大粒。 🔸煎炸牙帶魚  ～ 醃製得過鹹， 口感亦一般。 🔸豉椒炒大蜆 ～ 蜆肉細細粒不算是大蜆，不過都炒得幾惹味。 如果下次再嚟我會選擇打電話訂位， 希望唔使排太耐😊。 🏷️溫馨提示～ 整個用餐體驗均屬個人分享意見, 只作參考😊｡

少有名氣的潮州打冷，夜晚真係好多人排隊呀，如果唔一早book定位，我諗真係未必等到位。不過可能因為期望太高，最後都少少失望。所有菜式都係正常發揮啦，無特別驚艷，有一兩道菜都偏咸，整體不過不失。

其實之前都嚟過㗎啦，貪呢度易搵位夠地道，三個人坐埋都可以叫多啲嘢！今日竟然全部叫炸嘢！熱氣到爆！叫咗椒鹽九肚魚 - 冇得彈，九肚魚入口即溶；蠔仔粥 - 非常入味，粥同蠔仔嘅比例啱啱好；川椒雞 - 呢個係最失望嘅菜，因為呢傳統嘅潮州菜係應該用辣椒葉去做，但係佢就用個西蘭花，所以已經唔係潮州菜，而且仲鬼死咁辣，一啲都唔好食！落差太大！煎蠔餅 - 煎得爽脆可口，而且都唔覺好油膩；反沙芋 - 呢個菜已經好少人做非常邪惡又有啲鹹蛋，而且炸得好甘！好食但好熱氣！

有訂位，本身book左8點鐘，朋友們7點55分左右已經到達，諗住好快有得入去啦，點知一等就等到8點半先有得入座。唔係太明點解，因為飯店本身同我地講6點半入座有限時90分鐘，咁正路黎講我地訂8點應該有位。唔係話唔可以要人等，但book左都要等半個鐘就覺得過分左。8點15分個陣催促過，同我地講執緊枱，然後8點30分我地入座前望住職員執枱。食物水平唔差，價錢都合理。人均二百食到滿足同飽，真係要人等咁耐呢點唔係幾得。

#MC帶你去新蒲崗「陳儀興飯店」相信新蒲崗街坊無人不知，由1963年開業，喺旁邊更開咗兩間分店，但依然座無虛席，受歡迎程度可見一斑。🦐 潮式醃瀨尿蝦 $338食完真係返唔到轉頭，瀨尿蝦以大蒜、辣椒、香菜頭、白醋、蠔油、魚露等生醃腌製，上枱前已經斬件方便進食，啜一啜就已經食到👅蝦肉仲好彈牙唔霉，味道鹹鮮，吊出海鮮嘅鮮甜，再帶點微辣、蒜香，惹味過癮，最後小編忍唔住再嗌多一份🤤🐟 潮州馬友魚飯（凍魚） $198馬友白嫩多汁，魚肉鮮嫩厚實，唔會好易散，好易食到一層層嘅魚肉。入口味道鹹鮮味十足；或者可以蘸普寧豆醬一齊食，層次風味更加出眾😽🦆 澄海滷水鵝件提起打冷，點會無滷水鵝呢😜鵝件已經上曬色、入曬味，食落好香滷水味，入口唔咸，雖肉質偏瘦，差啲油香🫢🦪 潮州蠔餅 $85又係例牌必點嘅餸菜，蠔餅煎得十分乾身，蛋邊非常香脆㖭，蠔仔十分飽滿，蘸埋魚露，味道一流👍🏻🍚 潮州蠔仔粥 $128蠔仔十分足料又飽滿，無多餘調味，味道簡易直接，配以芹菜同薑片，蠔仔一啲都唔腥味、好鮮甜，可以落少少胡椒粉吊一吊味，味道更好☺️✨ 椒鹽百花釀大腸 $105除左潮州菜，依道啲小炒都十分唔錯，即叫即炸，熱辣辣咁上枱🔥仲有炸蒜

又另一個Happy Friday，同朋友要搵地方收工聚聚，就揀左去係新蒲崗嘅陳儀興飯店🪿🦀潮式生硽膏蟹（時價）呢個係朋友叫嘅，我就唔係好敢食，所以就問佢哋嘅食評，個汁醬就係用蔥蒜、辣椒同豉油配成。啲蟹肉口感似啫喱，配啲汁好送飯😋🪿潮州拼盤（時價）食打冷又點可以唔叫鹵水嘢呢 呢個拼盤乜到有 有鵝腸 鹵蛋 鵝肉 鹵豆腐 …… 滿足曬我哋全部人嘅要求🦪潮州蠔餅（$85）個蠔餅啲蠔隻隻都好大隻🤩 而且一啲都唔腥 仲炸得好香脆 又有提供魚露比我哋點 好鬼正！🍆避風塘茄子（$95）全日最好食最驚喜就係呢一味餸！一食第一啖就食到好重嘅炸蒜同辣椒味，之後慢慢食到去外皮炸到好脆入面仲軟軟地嘅茄子🍆我哋成檯食過都讚不絕口 如果唔係本身叫得太多野食 一定叫多碟🤣食左成餐，最好笑就係我哋個個都覺得佢嘅熱碟更加出色🤣🤪📍陳儀興飯店 (崇齡街) (新蒲崗)新蒲崗崇齡街40號地舖

個烏頭魚個肉好鞋颯颯 個醬又鹹死人 完全唔值198芥蘭炒牛肉一d都唔熱 好似係一早炒好擺保溫箱咁 你個保溫箱咁垃圾就自己翻炒一下個菜啦🙄️我地仲嗌左一個焗魚腸 完全冇味！蛋又老 魚腸又少 最好食係個蠔仔粥 因為蠔仔比較新鮮我見間鋪在新蒲崗有咁多分店仲以為會好好食 結果….太失望了！💔

😋🍽️潮洲蠔餅 $85非常酥脆 每一口都能吃到蠔仔 而且每粒蠔仔都很大粒及很飽滿 整體不油膩 非常滿足🍽️潮洲春菜 $70春菜炆得很稔 但又不會過爛 豬腩肉入口即溶😋🍽️潮式浮豆腐$75淨豆腐是潮洲用語 即是油炸豆腐 外脆內軟 本身味道較淡 故需配搭蒜泥醋 🍽️鹵水拼盤 $135有墨魚 紅腸 豆腐 雞蛋 大腸 豬腩肉等 一次過滿足各方不同喜好 正常發揮😋🍽️韭菜豬紅 $70豬紅易夾不易散 口感滑而實 非常入味 😋🍽️蠔仔粥 $128粒粒飽滿的蠔仔 很有鮮味 🍽️醬王爆魚扣 $80烏頭魚扣爽脆彈牙 配搭蒿荀同炒 非常惹味😋🍽️芋泥 $45作為芋頭控的我 很喜歡這甜點面頭舖上銀杏作點綴 芋泥口感綿密又滑口 甜度適中 作為飯後甜點一流

思「潮」起伏，會默默地睇晒openrice 二百幾個食評，再從中揀出心水菜式，我諗我應該真係恨打冷恨得好緊要🤪🪶 滷水鵝片 (上裝) $310上裝起片，下裝斬件，厚實嘅鵝胸肉，要片得夠薄先會啖啖肉得嚟又唔難咬，跟住傳統智慧（？）去叫，果然冇甩拖🤓🪶 滷水鵝腸 拼 滷水鵝肝 $168 以前香港仲有新鮮鵝腸賣，帶有少少肥膏嘅豉椒鵝腸，嗰種美味，真係絕非依家嗰種爽口得誇張、但味同嚼蠟嘅雪藏鵝腸可比擬😢上網見到呢度嘅鵝腸有肥膏，簡直係眼前一亮，雖然都係太爽口，但充滿油香，算係稍稍拾回一些童年滋味🍭🦪 蠔餅 $80唔知係真係足料定手氣好，少少地夾咗幾箸，每次都夾中蠔粒，炸得透徹香口，連入面綠色嗰啲唔知係蔥定莞茜，都照食不誤😂🐂 大漠牛柳粒 $105大漠喺我心目中幾乎就等於孜然味，冇可能唔叫啦😌 的確好香孜然味，但風頭就被醃牛肉嘅美極味搶走晒，食咗兩粒就冇食了，反而炸過嘅四季豆仲吸引🥲🐚 紫蘇葉煮田螺 $98今晚叫嘅餸，幾乎全部都係openrice食評中常客，唯獨呢個好似出現少於五次🤫 唔使懷疑，絕對係充滿私心、向童年回憶致敬之選🫡雖然味道唔錯，但咁細粒嘅田螺，食起嚟真係幾費時，可一不可再，下次應

#陳儀興飯店 平日食都要等位今次提早左book 一於試試打冷同小菜#滷水鵝片皮同肥肉比例啱啱好 炆得入哂味但又唔會太淋唔會太鹹 仲有少少香味 色澤又靚 底層仲有滷水豆腐 索哂味 屋企人都大讚👍🏻✨#滷水拼盤好多材料選擇 有滷水蛋、紅腸、墨魚、豬耳、豬大腸😋#潮州凍蟹每日限定數量 最好預先訂購第一次食 將新鮮嘅蟹煮熟後放入雪櫃冰凍後再食 肉質鮮甜只係個人覺得有啲貴價唔飽一次便好了 建議將quota留比其他菜式🔥#咕嚕豬扒酸甜口味 送飯一流👍🏻#楊州炒飯炒飯粒粒分明 食到一粒不剩👍🏻#豉汁蒸大白鱔豆豉蒸鱔真係好夾 好入味 回味無窮🥰#中菜#小食#打冷#潮州菜#將軍澳#滷水#hkig#hkfood#foodie#18區搵食#18區美食

是日星期五，同朋友一行四人去到陳儀興新蒲崗總店晚飯，好多人等位，建議事前book位較好。 我地4個人共叫左6樣野 👉🏻韮菜豬紅：非常入味, 豬紅唔腥, 4個人清哂。👉🏻方魚肉碎粥（鍋）：調味恰當，唔會太咸，正常水準，可自行決定需唔需要加胡椒粉，份量多，最後吃不完。👉🏻潮式滷味拼盤：有魷魚，豆腐，紅腸，雞蛋，腩肉。魷魚尚算彈牙。豆腐最入味。👉🏻小炒王：有鑊氣，足料兼大磡，如果冇咁咸會更好。👉🏻煎蠔仔餅：蠔仔新鮮，皮煎得香脆鬆化，正。👉🏻蓮藕餅：煎得好脆同爽口，味道正常，但不太驚喜。 最後埋單每人$160，扺。

今日終於去咗新蒲崗頂頂大名嘅陳儀馨食打冷。呢間老鋪疫情前晩市好多人排隊，好墟冚！上星期日晩食，等左10分鐘就有位，不過要搭枱，一張大枱坐三pair 客，都好闊落嘅！由於只有兩個人怕食唔晒，所以只點咗兩味：家鄉炒麵線、奇妙沙拉骨！我哋等咗30分鐘，都未上菜，於是追單，點知話漏咗單😩，再等多15分鐘到先有得食！隔離嗰兩組客已經食飽咁滯！🙈🙈家鄉炒麵缐：$70賣相：正常味道：略嫌淡左啲奇妙沙拉骨：$85賣相：好多沙律醬味道：豬扒夠淋，配埋沙律醬好惹味兩者份量都好充足！下次可以是其他菜式！

打冷嚟講我本人最鍾意食呢一間陳儀興，首先想講佢嘅螄蚶喺香港本身已經比較難食到，其次佢嘅醃製方法真係好好食，我已經嚟過幾次每一次食嘅時候都好新鮮，好彩都冇肚痾🤪🤪 其次馬友我都係必食推介，佢唔係太多骨，本身已經好入味完全唔使點醬汁，魚嘅質地會比較鮮嫩 最後當然唔少得打冷人都會食嘅鵝片，同埋生腸墨魚，雖然我平時都會覺得鵝片係有少少貴，久不久食吓都可以 如果泊車嚟講嘅話佢都會算係方便，就咁放喺街，要注意佢會有抄牌嘅風險

屋企人生日想食潮州菜，聽講新蒲崗依間出品唔錯所以特等book位來食。夜晚18:00左右到餐廳仲唔係好多人，同街有幾間舖頭，有卡位可以入座。野食嘅份量都幾大，三個人三個送已經可以食到好飽了。最出名嘅鹵水拼盤鹵水味道整得唔會太鹹，可以保留到食材原本嘅味道之外，鹵水味也很是突出。拼盤入面有5-6樣肉類同豆卜，美中不足嘅係冇鵝腸，如果想食要單點。不過始終係拼盤，入面點都會有唔太喜歡嘅食材。潮州蠔餅炸得非常酥脆可口，而且唔會太過油膩，蠔仔嘅數量都好多，也夠肥美，質素很唔錯，下次如果來會再食。黃鱔煲非常有驚喜，本身擔心鱔魚嘅分量會好少，但係分量都幾多，唔會全部都係洋蔥青椒。味道方面都幾惹味，但係食到最後就覺得有啲太鹹了。