陳儀興飯店 (崇齡街)

營業中

休息中

今晚約咗朋友喺新蒲崗食晚飯，順便畀手信佢😀 佢篩選左幾間餐廳俾我揀，我就揀咗陳儀興，因為係我比較少會食嘅潮州菜😅兩個人叫咗一個避風塘炒蜆，春菜同埋滷水鵝～避風塘炒蜆嘅蜆肉好肥美，辣度幾惹味開胃，送飯一流👍春菜係食潮州菜必食嘅， 因為平時好少見到，質感偏淋，個湯底幾濃郁但一啲都唔油～鹵水鵝色澤好靚，個汁幾香唔會太咸，鵝肉口感較實但一啲都唔“鞋”，難怪會攞獎😂見到隔離檯叫九菜豬紅同蒜香骨好似都好吸引🙈咁多款式有排我慢慢試😂

勁抵食之選，平民價錢，而且份量又多，食到飽到嘔！【水煮滑牛肉】$75一翻d料就聞到好香花椒味，份量真係好多，大量芽菜係哂底浸住，牛肉都吾少，出面閑閑地都要百蚊，呢到呢個價錢真係好抵食！牛肉幾滑幾juicy,食完果種麻痺感覺好正，而且食完又吾會好口渴。【避風塘炒蜆】$85辣椒炸蒜吾會多到喧賓奪主，勁香麻惹味，又冇蓋過蜆味，蜆肉算幾厚肉。【蒜香骨】$75炸皮又薄又脆身，肉質吾硬，排骨大小恰好，只係蒜香吾夠出眾。

同中學老友食飯，想要傳統打冷風味。聽人講陳儀興飯店水準高，就話不如試下。佢呢度的避風塘炒蟹，炒得十分好，蟹肉不會太乾身，大隻又juicy , d蟹肉仲有好多肉汁，雖然我地都唔食得辣，叫左唔辣，炒得依然惹味，但香口感覺不減。另外叫左大漠牛肉粒，肉質鮮嫩，腰果同豆角都炒到好入味，送飯一流。最驚喜係佢個避風塘炒蜆，每隻蜆十分大隻，好飽滿肥美，同好多食店d 蜆好細隻同殼多過肉完全不同。呢d美味送酒傾計一絕。總的來說，呢d實而不華的傳統風味買少見少。 想食傳統風味，要黎呢度。

想食潮州野，驚覺屋企附近既陳儀興飯店正正就係一間潮州飯店，就同男友去打個冷。格局係典型打冷店，自帶懷舊風味，有一角鹵水部。點左三個菜: 澄海鹵水鵝、避風塘茄子、蠔餅。六點黎到，人客不多，落完單九秒秒就上菜😂首先係蠔餅。蠔餅真係打冷必食。個餅鬆脆，蠔嫩滑。第一次食避風塘茄子，茄子沾漿炸好，再加入蒜粒同辣椒一齊炒。好香口，茄子入口滾燙。減肥人士天敵，因為茄子好索油嫁😂😂最後係另一打冷必食鹵水鵝。啲鵝鹵得好入味，又唔會太肥。好味~~埋單食左三碟野，加左支汽水，二百五有找，真係幾抵下。食完仲可以過隔離食碗米芝蓮推介中式糖水~

早兩晚約左個舊同學食飯，兩個麻甩佬、男人的浪漫，去左新蒲崗食中式晚餐。一入去個伙記已經推介食避風塘炒蟹，我們都叫左一個唔辣既試下，另外亦叫左避風塘炒蜆、大漠牛肉粒同豬大腸配墨魚，兩個人四個餸，應該相當夠飽。當然啤酒、汽水少不了。首先來的是避風塘炒蜆，雖然有少少辣，但蜆肉仍然好鮮甜，好肥美，蜆入面仲有汁，唔會覺得乾，作為前菜，送酒一流。再來是打冷檔的豬大腸配墨魚，豬大腸通得夠乾淨，腸壁夠厚肉，滷水夠入味，正。墨魚夠爽夠脆，點埋潮州辣油，好食。再來是大漠牛肉粒，牛肉好淋，唔會乾爭爭，而且仲有腰果同豆角，加埋辣椒，非常野味。最後係重點既炒蟹，外面非常野味，但蟹殻入面仍然好鮮甜而且好多蟹汁，而且隻肉蟹好多肉，蟹身、蟹鉗、連蟹腳都食埋，超正。總結而言，非常出色的香港風味，三五知己吹水好去處。

今晚到新蒲崗工作，相約朋友吃飯，朋友介紹來這間打冷店，她已經來過很多次，果然是不錯。餐廳環境不算大，但勝在五臟俱全，門前飯上很多各款潮州魚及滷水菜式，非常吸引。我們點了一份大漠牛柳粒，這道餸真是餸飯良伴，把四季豆及牛肉飛油再用籽然粉、炸蒜及辣椒乾爆香，十分惹味！雖然看上去很多辣椒乾，但不算太辣，很好吃，非常推薦！食肉獸的我們再點了一份豆醬雞，餐廳用自家製大豆醬來弄的，雞肉嫩滑爽甜，加上鹹鹹的大豆醬，味道很搭配。避風塘炒蜆，用上很多配料去炒，有洋蔥片、甜椒等，蜆肉無沙鮮甜，但醬汁較鹹，餸飯是還可以接受。整體來講，餐廳食物有質素，友人都說是難得能保持水準的打冷老店。

小時候到新蒲崗廣場自修室溫習的時候已經認得這間餐廳，今晚和舊同學重遊舊地，便決定來這間打冷吃頓飯。餐廳分了兩個廳，我們被安排去了後街那間廳，環境不算大，所以坐得都較為逼挾。餐廳牆身跟一般打冷店般貼上了各式各款的餐牌，真的是花多眼亂。點了滷水鵝片，超愛吃這款打冷菜，鵝片滷得入味，肉質厚實而嫩滑；個人喜愛沾些酸醋一起吃，更滋味。蠔餅比我想像中大份，但蠔的份量便相對少些，蠔肉鮮甜，蛋餅炸的金黃香脆，放置一會也不會變淋，非常好食。肉就有了，也要點份菜吃的；打冷必食的炆春菜，雖然看上去並不吸引，但味道非常好，因為春菜必須炆得變黃變淋才入味好食，非常好餸飯👍🏽食物質素出色，但環境很嘈雜，未能慢慢享受這頓飯，但下次還會來的，因為食物是不錯的。

今次專登來到新蒲崗黎間潮州打冷人氣老字號，因為地點交通唔太方便，所以一直想黎但都抽唔到時間，今次終於有機會入到黎朝聖一下！黎間老字號真係好出名，一條街都已經開左幾間分鋪，人氣非常旺，不過店員好快就會安排入座，個日仲見到藝員😳滷水鵝件 $98(美味指數: 😋😋😋😋😋)潮州打冷店必食滷水鵝片是常識吧😎鵝片鮮嫩入味，多肉唔肥。下面的豆腐亦到吸晒d滷水汁。滷得出色水煮滑牛肉 $98(美味指數: 😋😋😋😋)好多辣椒好香，仲有麻麻辣辣甘。牛肉好嫩滑，份量夠避風塘炒大蜆 $85(美味指數: 😋😋😋😋😋)避風塘風味少少辣，炒得乾身有鑊氣，好惹味潮州蠔仔餅 $70(美味指數: 😋😋😋)蠔餅真係大件夾抵食，有兩大塊甘多。金黃鬆化酥脆，蠔仔size唔算大粒，但勝在數量夠多，每一啖都食到蠔仔😍(5分為最高)整體食物質素：性價比：推薦指數：

#陳儀興飯店 (新蒲崗)經驗話俾我聽用人名來做招牌嘅，💪🏻都係實力店。充滿老字號感覺。無論店內店內果然夠晒懷舊。👴🏼落單既叔叔上左年紀，仲有心有力。☺️對我地友善又親切。感覺到好有人情味。揀左叔叔推介既菜式：#滷水鵝件 $98一上碟，見到外表包住一層鵝油。😍已經令人垂涎三尺🤤。滷水味好香入味，鹹香得來又有啲甜甜地。鵝係肥美既鵝，肉質鮮美嫩滑帶鵝脂肪。好好味😋。#滷水鵝腸 $98又大條又粗而且勁爽脆。 🤪呢個口再撈埋滷水汁，😝簡直令人欲罷不能食完一條接一條。#炸蠔餅 $70勁大嘅兩塊蠔餅。即叫即炸，新鮮熱辣辣👀。脆身無多餘既油。😯蠔仔都好飽滿。除咗潮州野，仲有港式野同🌶四川野。意想不到呢度辣野係咁出色。#水煮滑牛肉 $98一開始食覺得唔係覺得好辣🌶但係越食就會覺得越麻辣。🙆🏻‍♀️芽菜底吸晒啲湯汁又辣又過癮。🐄滑牛肉就好似佢個名咁都真係滑牛而且無咩筋。#避風塘炒蜆 $85首先一讚，💕蜆肉肥美而且冇沙。👅面頭鋪滿辣椒乾。而且每粒蜆都充滿辣椒籽。唔好以為會好辣，呢個反而只係香辣，🤤味道有啲似食乾鍋。好惹味。

近年來接觸潮州菜的次數實在多了, 漸漸地對潮州菜的興趣是有增無減,是次經朋友介紹了這間位於新蒲崗的陳儀興飯店，是老子號的打冷店, 食物有水準, 看來是吸引的。這一夜，在附近打完羽毛球後, 就來會一會這店子。飲品方面, 先來一支忌廉汽水, 甜甜地也夠冰涼, 感覺唔錯。再來魚湯蜆，蜆做到僅熟而肉質不老，蜆肉鮮甜，還有味菜及粉絲，吸收了蜆肉的鮮美，至於那個魚湯，其實也十分好的。當然要試澄海卥水鵝，此品是潮州菜常吃之物，一大碟堆得滿滿的, 鋪面是卥水鵝，底下是豆腐，鹵水鵝份量不少, 鵝肉質軟熟而鹵水味足，豆腐軟滑, 也不錯。也試試蒜香骨，是即叫即炸的，熱辣辣上枱, 外層酥香味美，內裡肉味豐富，蒜香味濃郁，非常惹味。是晚吃得頗滿意, 食物有水準, 價錢經濟實惠,值得一試。

新蒲崗📍超級高質 #打冷 #潮州菜❗️我應該係一間老字號，佢有一間係打邊爐嘅，就喺隔離街！ 除咗高質真係冇嘢可以形容，非常地道，性價比高，店員服務態度非常之好！~*~*~*~*~*~*~*~*~*~*~*🌟 打冷必食春菜🉐個人認為打啦一定要叫呢個 「前菜」😆味道很好但略嫌湯底有點太油！~*~*~*~*~*~*~*~*~*~*~*🌟 魚湯蜆 🐟每隻蜆得非常大隻，湯底#胡椒味比較重，粉絲完全所晒魚湯同蜆嘅鮮味！ ~*~*~*~*~*~*~*~*~*~*~*🌟 澄海鹵水大鵝肝 + 🌟澄海鹵水鵝 🈵必點💯 鵝肝非常大塊，口感粉粉的，非常好食！ #滷水鵝 非常入味，不油膩，肉質鮮嫩！~*~*~*~*~*~*~*~*~*~*~*🌟 潮州凍魚（馬友）❗️❗️睇幅相都見到條魚非常之靚，好多魚油，我非常推薦！~*~*~*~*~*~*~*~*~*~*~*仲有好多餸想食，我諗要去多幾次先可以食晒佢所有嘅餸😆~*~*~*~*~*~*~*~*~*~*~*Overall scores: 9.5/10

新蒲崗成日都係食宵夜嘅地方通常過嚟都一定係揸車揸得車梗係同幾個朋友一齊食㗎啦 今次我哋搵到呢間陳儀興呢一間餐廳前後幾條街都有佢哋嘅舖位仲有唔同種類嘅菜式都有所以我對佢有信心 夜晚就過嚟試吓打冷 入到嚟嘅感覺係大排檔嘅feel當然就叫嗰啲打冷會叫嘅菜式就好似澄海滷水鴨 炸蠔餅啊 厚肉多膏肥豬腸 仲有蒜香骨炸號餅係新鮮炸出嚟而且仲好大塊 厚肉多膏肥豬腸同滷水鴨應該係用咗陳年嘅滷水滷出嚟嘅 好夠入味香酥骨一擺低再有濃濃嘅 椒鹽味香味四溢 最後仲叫咗個香炒漁露蝦 依個送飯真係一流 夠哂味 同埋好容易拆殼 對我黎講最緊要方便 整體感覺滿意 價錢合理

呢晚同咗幾個老友聚舊，某君提議食呢間大排檔，咁我哋幾位都冇咩特別想食，就聽佢話去咗呢間食！要知一間潮州打冷掂唔掂就一定要試下佢啲滷水，我哋叫咗碟鵝腸，食鵝腸梗係要食有肥膏啦，呢到嘅鵝腸都好厚肉，好吸收到滷水汁， 夠晒入味！伙計介紹澄海滷水鵝都好出名，叫我哋整碟，果然冇介紹錯，鵝肉夠鬆軟入味，要讚一讚個底下嘅豆腐索哂汁，食落又綿又滑！正！呢到嘅蒜香骨炸完都有啲肉汁喺入面，唔會太乾身，超惹味！蠔餅份量超多，有兩大塊，表板好酥脆香口，雖然有啲厚粉，但蠔嘅份量都多，唔錯！順帶一題，平日夜晚原來都幾旺場，好彩我嗰日六點幾左右就到，食得八點鐘已經全場爆滿，如果唔想等位真係要早啲嚟！

近期飯局多相約於住宅區，新蒲崗是其中之一。每次經過陳儀興時，總會見到有人於門外等位，與友人相約如果早放工的話，可以到此一碰運氣。是夜比較早放，到陳儀興時總店已滿座，侍應帶到街口右轉的分店，不過分店都只剩下一張空枱。澄海滷水鵝到老店多叫傳統菜式，澄海滷水鵝是潮州名菜。鵝件滷水味重，鵝味到位，不見腥膩，配潮州白粥味道一濃一淡較相宜。鵝件下面放有豆腐，嫩滑入味。魚湯浸大蜆蜆隻數量頗多，不算大隻但有肉地，鮮甜嫩滑。魚湯濃白，加入胡椒粒及唐芹同煮，濃甜中帶辛辣味，正合友人口胃，飲得一滴不剩。煲底有少量粉絲，吸收魚湯甜味，友人很快吃光，還說應該多加粉絲。潮州蠔仔餅潮州蠔餅與台灣蚵仔煎大不同，蠔餅炸脆，口感鬆化香脆，用上鴨蛋不用雞蛋，令蛋味更香更濃。蚵仔煎則用上雞蛋及較多番薯粉，淋上台式甜辣醬，口感煙煙韌韌。陳儀興的蠔餅有兩大塊，新鮮熱辣，入口脆卜卜，蠔仔飽滿大粒，濕潤新鮮。

同朋友黎打冷，飲返枝汽水，食D重口味野，真係人生一大樂事。今日我地揀啲餸，店員都讚我地食得好「潮」 🤣普寧浮豆腐皮薄外脆內軟，點喼汁食，入面熱辣辣。蒜香骨勁多蒜 🤤 唔係只在表面，每舊肉食落都好香。排骨仲好多肉，唔使點汁都夠好味。重點黎喇！避風塘茄子！一大堆辣椒同香料下就係一塊塊炸到外乾內juicy既茄子！蒜、辣、豉油真係perfect match，唔太食得辣既我俾佢陣香氣都吸引左，加上茄子大舊，唔會沾到太多辣，但炸就炸得好香。