陳儀興飯店 (崇齡街)

營業中

休息中

今日去新蒲崗探婆婆，婆婆帶路去食飯！佢話呢間好多人㗎早啲去！好在有聽佢講六點就過嚟等位，當然就唔使等啦好快就可以入座！呢間餐廳同一個地方附近有幾間店舖應該都幾受歡迎，主要係食炒小菜，潮州菜！整體來講炒出嚟嘅小菜都有鑊氣,絕對有大排檔嘅感覺!食物種類比較多選擇,也有打邊爐!我比較想食潮州菜所以今日主打潮州菜式！滷水鵝件： 味道不錯很入味，婆婆都話食到啲肉都夠林！豆腐在底更加入味！滷水鵝腸：一樣夠入味，哦腸夠爽口！分量亦都很多，配飯食一流豪仔餅： 食潮州菜亦都係必食嘅菜式，上菜熱辣辣，而且大大份！每一啖都食到豪仔，又香又脆！味道不錯啫啫鐵板通菜：真係鐵板上，夠晒熱！炒得很香，又係跟飯食一流的菜色今次婆婆冇介紹錯，街坊可以識得捐窿捐啦搵嘢食！

話說一直以來都好鍾意食打冷，而呢一間打冷菜館我亦都聽過好多次佢個名，今次一於就同兩個朋友過嚟試一試佢！見到門口咁典型嘅潮州識擺法就知道一定係一間好懷舊嘅潮州打冷菜館呀！首先諗都唔諗就叫咗一碟螄蚶，係我嘅最愛！因為女人食係最好最補血嘅，呢間葉得真係超級入味亦都落咗好多我最愛嘅蒜頭，我自己一個人都食咗大半碟配埋啤酒真係一絕！潮州春菜呢咪餸唔係到到都有得食，直情覺得有啲童年嘅味道啊又係我嘅最愛鵝肝，其實好多人都會鍾意喺西餐廳食鵝肝，但係我好想話俾你知，其實潮州菜館嘅鵝肝先係最好食！入口係可以即溶㗎最後就梗係唔少得滷水鵝拼盤啦！呢一餐簡直係完美啊，都未食完已經諗緊下次幾時要再嚟啦，叫咗咁多味餸埋單先至三百幾蚊

香港擁有多國多族既特質就好明顯，淨係中國菜都數死你，配合多年既大排檔文化，好多熱炒小菜都非常有價值潮州菜當然係熱選，除打冷最正幾味，特色小炒都正今次食出名潮州菜食店陳儀興，睇下有咩驚喜店共分三邊，旺到一個點，平日夜晚可能都要訂，裝修，無啦，牌檔咁菜式當然以潮式野為骨幹，好多款式既小妙、海鮮，期待花多眼亂，揀餸都揀左十幾分鐘，潮州嘢無理由唔食魚既，揀左凍馬友，馬友特色：油分高，較大條夠肉，佢完全發揮到佢既特點油分充足既肉再加埋普寧豆醬，無得輸份量都好足，好正好滿足加個椒鹽九肚魚，賣相一流，外脆既，味道都相當不錯不過入面既肉就未算最滑，同埋食食下佢變細左，即係一開始既賣相只係因為炸完，不過味道係ok既豉椒炒大蜆，蜆真係大既蜆肉都幾鮮，有咬口既豉椒味道相當不錯，非常有風味份量亦好足，係值得一食既原本都夠喇但見冬天有豆苗，多口問下可以點整，佢居然答我雞油！！！！！認真如果你食過雞油炒豆苗，你對豆苗或者雞油或者傳統大排檔菜，應該有啲研究識食豆苗既人必叫：雞油炒豆苗，佢能夠將豆苗既特別味道發揮到極點一試難忘而好多地方已經無，上台即試，係依個味喇魔鬼在細節就係依種，勞蘇食會話，你未食過雞油炒豆苗你唔

今日黎到陳儀興梗係要叫多啲潮州菜啦🤪話晒之前都上過電視！叫條魚試吓先，潮州凍馬友，好鮮甜嘅凍魚，仲保留到魚入邊嘅油份，識落好滑好鮮，點少少豆瓣醬就更加惹味🤩 另外黎潮州店梗係會叫潮州三寶，揀咗墨魚紅腸同埋豬耳，墨魚真係好正，又入味又彈牙，另外一邊仲有豆腐，雖然唔係主角但係大家都會搶着食！ 蒜香骨，排骨炸得好脆，食落好香口，而且蒜味都幾重，用嚟送酒飲係一流嘅小食！啫啫炒通菜，呢個一上枱就出晒煙，嗰陣蝦醬味係超級香，就連隔離枱啲人都忍唔住望，通菜好爽口，好入味。

不是一間正式潮州食府，食物也不是特別出色。明明是叫蒜蓉豆笛，就換來了蒜香骨。十八式潮州拼盤只是一些頭頭尾尾的部分。蝦棗似墨魚丸，一点蝦味也沒有。鹅片非常一般，沒有豆腐墊底。試了一次就算。沒有下次。

說到香港少有的潮式打冷風味，在新蒲崗的陳儀興飯店必定是數一數二大有來頭的食店。雖然地點不在旺區，是在工廠區，鑽石山地鐵站行20分鐘才到，或是搭巴士才到的新蒲崗，但當身在其中，該區晚上燈火旺人流多，食店臨立，懂得尋味者一定找到嚐味的地方。真的很久沒吃潮洲菜，還記得上一次吃凍蟹回味無窮。今晚朋友說帶我去吃地道一點，未到門口，先見人龍，沒想到平日也那旺場。陳儀興飯店牌坊歷史悠久，在門外已經看到它的歳月，門外放了不少海產，店內也有潮式一盤盤菜，香味撲鼻，非常有特色！想不想它在同街還有幾個店，等位時間不太久，員工熟悉環境欣勤，坐下已經肚子咕嚕，點了幾個地道菜，做得出色有：潮式鹵水鵝片，每次到潮式食店必點，這理的鵝肉鬆化、嫩滑，一咬多汁，滷水汁甜咸道剛好。蠔餅：潮洲做法是炸的，香脆一點，鴨蛋特別香，蠔仔肥美帶點甘香。排骨春菜：潮式特式菜，春菜煮得淋甜，加上用肉排骨，肥瘦適中，湯頭更香甜。韮菜豬紅：我最愛吃此菜，有兒時回憶，豬紅不散彈口，滷水汁很美味，我吃不停口！今餐沒點凍蟹、魚，看到其他食客都是街坊熟客吃得津津有味，下次來一定要試！總體來說，食物種類選擇多，味道好，員工欣勤，雖不是裝修堂皇，但甚有

今日去mikiki 行街，晚飯時見到呢間潮式打冷店好多人，見價錢也可以，所以我哋都去試試。等了一陣，就安排入座。知道呢間滷水食物好出名，但自己不太嗜，又怕生冷，於是叫一些熱辣辣的小炒。我哋叫了：1. 避風塘炒蜆呢個真心推介！真係好好食，炒得好惹味。不是太辣，我不能吃辣都可以食到，而蜆也好鮮。2.煎蠔餅好大塊蠔餅，好香脆。每口都咬到大量的小蠔，真正！3. 大汗牛柳粒呢個比較辣少少，但牛肉豆角炒得好惹味，用嚟送飯一流。碟碟小菜都大大份，好有鑊氣，價錢亦都唔算貴，真係有啲喜出望外。

Happy Friday 放左工，同老公撐臺腳。我地兩個都鍾意打冷，去左新蒲崗潮州菜既老字號-陳儀興飯店食晚飯。鍾意係度食晚飯原因係因為哩間飯店好多出名好味既招牌菜，如：凍蟹、蠔餅、潮洲滷水鵝肝等等⋯同埋哩度侍應笑容親切有善，招呼有禮，服務態度十分好。晚飯時間雖然要等位，但十分值得等候。老字號打冷鋪，價錢街坊價，沒有收加一，絕對係我同老公最愛飯堂之一。兩個人點左三款菜式及兩支可樂，白飯兩碗。避風塘炒蜆：必點之選❤️蜆夠大隻肥美，用避風塘料來炒得有鍋氣，十分野味。蒜香骨：一碟份量好多塊，勁多蒜，炸得香口又多肉。大漠牛柳粒：老公最愛💕牛柳粒炒得十分嫩口，仲有腰果、毛豆、避風塘來炒，十分入味，送飯一流。

新蒲崗多好嘢食就大家都知，仲有一間登上過唔同報章雜誌嘅潮州打冷👐👐今日就專程去品嚐一下😝首先我哋叫咗炸牙帶同烏頭兩款魚。烏頭魚真係好值得推介，表面乾身，唔會有多餘嘅水份。但係奇怪在食落仍然好Juicy!!將魚嘅肉汁完全鎖住😎 牙帶就炸得好香口！送潮州粥一流啊😹 細細舊咁好的骰！我哋仲叫咗酥炸排骨，完全冇諗過咁好食。 有時炸完啲排骨啲肉冇咩味，淨係食到炸粉。呢度嘅排骨完全唔會啊！😍👐 呢個餸絕對可以成為小朋友最愛🙌食潮州嘢點可以唔嗌拼盤啊！拼盤材料都算豐富，有紅腸，有魷魚等等。 當然唔少得吸晒所有精華嘅豆腐！😍諗返起都有少少流口水！

好久無吃過潮州打冷，對上一次吃都差不多一年前，剛好跟同事放工經過，見到之前吃過的陳儀興打冷餐廳，心血來潮回味一下。價格唔貴，可惜今晚人唔多，唔可以試多幾樣一定下次再聚打冷絕對不能錯過肥厚肉多膏肥鵝腸，滷得非常入味，爽口彈牙，底下更有不少豆腐蠔餅炸得香口又脆身，蠔肉粒粒肥美，加上少許胡椒粉跟魚露同吃，更滋味澄海滷水鵝一碟份量都多，滷水鵝來得更入味，肉質厚嫩，配上白飯加啤酒更是不錯。絕對係打冷必叫大滿足一餐

食打冷真係食地道嘅好一行到門口就見到打冷應有嘅食材 相當有風味 為咗食出打冷風味專登嗌咗打冷必叫春菜 少少腩肉調味春菜夠諗入味 絕對係回憶之選 之後有鵝肉鵝肝 鵝肉夠滷水味咁啱俾咗髀位我地食落去比較嫩口唔乾夠肉汁 鵝肝要讚讚 冇腥味 夠香滑 食落仲有甘香味如果多幾舊更満足 豉椒炒蜆食得多避風塘炒蜆唔喺度度有香味十足顏色亦好靚 但略嫌少少咸 可能因為提起辣味 不過送啤酒應該唔錯最後另一打冷必叫蠔餅蠔唔算好大粒但夠鮮甜 而且唔會到好厚粉 煎得啱啱好 加埋少少魚露吊味 相當夾 睇見門口大大條鵝腸 俾佢吸引住左即管嗌左一碟試試 食落爽脆 仲有少少膏嘅甘甜 一定係新鮮鵝腸先有咁嘅效果 打冷愛好者必試！

🇭🇰新蒲崗打冷老字號🤔受當地人歡迎既餐廳🤩雖然新蒲崗冇地鐵站要行過去唔方便🌝不過既然聽人講呢家餐廳唔錯😗就試下佢✌️佢有兩個鋪位，平日都差唔多全爆🌝-🦢#鹵水鵝粉肝🦢（$118）同大家食開嘅法式鵝肝唔同😛並唔係食油香🤪而係食滑同嫩既口感🤗火喉嘅控制要啱啱好，如果唔係就會粉😭果日既鵝肝又滑又甘香🤪而且切得超厚✌️最重要係唔係好多地方有得食🙃好食🤭.🐖#鹵水鵝腸🐖（$98）鵝腸係新鮮貨，因為有肥膏🤩冰鮮既就會洗得好乾淨😭鵝腸煮得啱啱好勁爽口😳食落好重油香食完真係返唔到轉頭🤪慢慢咬啲油香出晒嚟😗而且份量多，好抵食😛.🐑#鹵水鵝🐑（$98）煮老咗少少，食落有少少鞋口😭好彩唔係切咗個胸俾我🌝如果唔係就香口膠😂好彩個滷水唔會死咸🤔 而且俾咗個肶肶我😛希望下次火候會好少少.🐡#避風塘炒蜆🐡（$85）呢個有少少伏😂個味咸過我😭本身以為會好惹味，一食入口不得了🌝好似食左一口鹽入口咁😭 呢個唔使叫😗因為我相信大家都冇買洗腎機🤪.🐥#炸蠔餅🐥（$70）炸得好脆口，不過唔夠鬆化🤔而且蠔仔嘅體型唔夠大😭識落有空氣感🌝如果足料少少就更好啦😗-🎈 新蒲崗崇齡街 40 號地下平均傷害：$160好味值：7/10-打冷滷水排

火鍋店周街都係，但要數有驚喜嘅不出十間！陳儀興飯店就係其中一間了👍🏻冬瓜湯底必選！未落碗料前一定要先飲一碗冬瓜湯，超濃超甜，打邊爐少有嘅濃度，值得一試牛肉類別亦非常出色，因為太靚，碟牛一黎到，大家嘩左一聲，嘭嘭嘭就食晒，相都唔記得影🤣🤣⋯⋯好抵食，又大碟！仲有必食推介就係炸魚皮，即炸的😱😱😱熱辣辣勁脆口，超好味最開心就係有大大杯嘅凍檸茶，打破火鍋配可樂嘅定律，最啱怕肥嘅女士，可以走甜，哈哈！

一想起潮州打冷，會想起大角咀，其實要找老字號，新蒲崗陳儀興飯店不能不提，地方雖淺窄，但店員服務殷勤。我們點了個魚蜆湯，魚湯濃郁香厚，仲有胡椒味辣辣地，蜆肉新鮮肥美。蠔餅是去潮州舖必點，最驚喜是沒有整個碟底都是油，蠔仔量多足料，抵食！另一讚是澄海鹵水大鵝肝，除了鵝肝爽口之外，鹵水味道真是一絕，看來是秘方呢。友人因不吃辣以為少了很多選擇，店員推薦了普寧浮豆腐，外皮酥脆內裡嫩滑，點上韭菜鹽水吃，真想來多一碟。老字號果然名不虛傳。✨✨✨✨✨✨✨✨✨✨如果大家喜愛我寫既食評📝，麻煩幫幫手比個愛的鼓勵❤，我會寫更多豐富既食評比大家！🤤✨✨✨✨✨✨✨✨✨✨

同老友食飯,想食打冷風味,陳儀興飯店水準高,就試下.陳儀興這間打冷老店,相信街坊都不會陌生.地道實而不華的感覺已經很少見.鵝腸厚肉多膏肥超級正.本身一般食腸,怕腥.但呢個唔腥好乾淨仲超肥.