陳儀興飯店 (嘉悅)

營業中

休息中

這店我曾在它試業時即六月中來過一次，鹵水味道和魚飯都非常有傳統水準，但相隔四個月的今天再食😔完全相反，沒有一道菜合格，我叫咗鹵水鵝片、鹵水豆腐、凍黃油烏頭、漁香九菜花及潮州炒麵線先講鹵水味道，得一個字形容“咸”沒有鹵水味，鵝片又韌；另外條黃油烏頭魚（因為上次食過好食）☹但可惜今次一啲魚油香味都無，食得出應該是幾日前賣剩，魚肉死死實實又乾又咸；相反炒麵線就好淡口似無落鹽，又乾又無料，只得幾條又咸又硬嘅肉絲襯托下，完全不是傳統炒麵線做法🤦‍♀️🤦‍♂️整餐飯簡直食不出試業時嘅水準，不會推介，失望😓

又係食麻甩嘢嘅時侯😍😍呢間陳儀興喺爵祿街已經好多年老字號，仲有玫瑰餐廳都係同一個老闆，一早已經去潮聖過，水準甚高，價錢親民，但係嗰頭真係比較小去，知道佢地8月開始喺屋企附近開咗分店，梗係要去幫襯下啦，食物質素亦都keep到高水準，menu除左傳統打令食物，仲多左好多特色小菜，新裝修更加乾淨企理，而且佢可以開到凌晨2點（同區好小開咁夜，唔駛話食到10點咁趕😅😅，最好嘅係近屋企，以後夜咗想食嘢或者想食下消夜飲下🍻🍻都有地方，諗起都開心🤤🤤🥘鹵水拼盤$108鹵水好入味，係好惹味嗰隻，打冷必食，尤其裏面啲鵝片&大腸超正，又夠淋，不過下次可以再試下鹵水鵝肝🤔🤔🥘韭王炒黃蟮$85黄蟮夠爽口，韭王火候又啱啱好，唔會謝晒，茨頭又剛剛好包住，所以成個餸係炒好好，恰到好處，乾身香口😍😍🥘蝦棗拼蚧棗$158呢個可以淨要蝦或蚧，我地梗係雙拼啦(可以食晒兩款😍😍）但其實兩種口感差不多，炸得都夠脆，都係比較傳統潮州小菜，唔太特別🥘韭菜豬紅$70Mr.C至愛🤤🤤豬紅係爽嘅，個汁夠惹味，但略嫌韭菜份量小左d，全部都係豬血😅😅🥘辣酒煮花螺$98汁夠辣夠麻，但啲螺太細，有啲失望😌😌同埋個湯太多，好難夾啲螺出嚟🙈🙈到最後甜

•韭黃炒黃鱔• $85韭黃幾好食！食完一啖又想食多啖好有鍋氣味！不過個黃鱔個日食就麻麻地唔係好新鮮！味道方面好夠 唔會太咸！•鑊氣小炒皇• $105平時食呢碟 係會食到好多渣！呢間啲材料真係靚！又無渣 又爽 唔係淋！夠香口！食左一啖 仲會想食多啖！•蒜蓉開邊蝦• $208呢個食完真係要飲茶去臭🤣🤣🤣好香蒜蓉呀呀呀送飯一流！！！啲蝦又新鮮！中等size嘅蝦 都叫多肉！！！覺得新鮮已經好夠～•滷水鵝片,另加墨魚• $118+40嘩！呢個真係要讚！我覺得自己好似食緊刺身咁😂😂😂真係切到好薄！但係好好食！！！唔使厚 都食到肉味！墨魚爽口！又夠薄！真係好似食緊刺身！個滷水味同出面唔同！但一食就記得係呢間出品！個滷水好有味道呀！！！•方魚肉碎粥• $138/窩好有茜味！仲要好強烈添😆唔鐘意食茜 我諗吹窩嘢應該搞唔掂！但我好鐘意😆😆😆又濃湯 又有茜味！肉碎連飯 真係食到好多碗！仲可以另叫白飯倒入去 再食多一窩🤫🤫🤫•蒜香排骨粒• $95呢個味道偏甜甜地 但唔係非常甜！蒜香唔夠蒜蓉開邊蝦濃！蒜香唔算好香 呢個普普通通啲排骨粒比較多肥豬肉Ps 呢間嘢嘅食材每日都有限！海鮮都係得幾份！保證到每日都係用新鮮

本來開開心心特登book位想試新野，點知最後黑住面走。。Book枱時已知90分鐘，都合理呀！本來進餐時成個過程都好正常，上菜職員都好有禮貌，我都好有禮貌每次講唔該回應，最緊要大家開心嘛！中途我食完一碟收一碟，你唔想阻我食野又好，或者想我快d食完都好，都ok既！食到大約70分鐘靜返一碟未食完，有職員黎催我話出面有好多人等緊，要交枱，我都覺得奇怪，我心諗，明明未到90分鐘，唔通出面多人我就要讓張枱出嚟？！我叫左4碟餸兩個人食，都唔係食得慢呀！咁我答左嗯一聲！咁我繼續食埋靜低既個碟啦！食緊途中又聽到有個職員指示另一職員幫我張枱賣單，我都心知不妙，好啦你拎張單黎我照埋，咁我繼續食，食完野飲兩啖茶漱下口，又有職員拎哂盤同d新餐具走埋黎問我食哂未可唔可以執，你都拎哂盤仲企係四座位其中一個位到（唔係枱邊），唔通我話唔執得咩！你邊執我就邊飲埋啖茶啦！飲埋啖茶享受埋我應有既權利就走左啦！前後大概75分鐘到啦！至於食物，普普通通啦！魚湯浸蜆-胡椒味極濃，蓋過哂d魚湯味，蜆就一般般啦，細細粒，尚可接受。蠔餅-正正常常，質素同廟街差唔多！避風塘茄子-都係正正常常！鹵水拼盤-擺盤雜亂無章，味道都係正常啦！電話b

之前去開新蒲崗諗住食，點知食閉門羹。今次見到係將軍澳新開，新裝修，冷氣夠，坐位都算闊落，坐得幾舒服，9點零鐘等左30分鐘左右入座，可以食到12:00唔洗趕，慢慢嘆。店舖有提供左2隻醬料比客人配野食點，而且佢提供既辣醬，味道類似xo辣醬，配埋d野食點幾好食。鹵水拼盤（鹵豆腐、紅腸、鹵蛋、生腸、墨魚、腩肉、豬頭肉、豬耳）（108蚊）感覺幾抵食，入面都幾多肉下，點埋底下既鹵水汁同黃金鮮魷（128蚊）一開始黎錯左個普通脆鮮魷，同職員講佢都好好禮貌，say sorry換返個黃金鮮魷比我，味道都ok，有咸蛋味，咸蛋份量岩岩好，唔會好漏好油。豉汁蒸大白鱔（150蚊）呢樣男朋友食，佢話都ok，想像中既味道，正常。魚香炒菜花（88蚊）魚香味配埋菜花，口感幾好，但魚香味可以濃d。最後叫左個甜品手工福果芋泥（40蚊），本身唔知福果係咩黎，以為係類似日本大福個種，問完職員先知係白果，呢樣好有驚喜，本身好中意食芋泥，而呢間既芋泥好香好濃，而且好有口感，熱辣辣食，好正！略嫌份量少左d姐。呢到既服務都幾好，而且言語間、服務感覺都好有人情味，值得一試。

見佢新開冇耐，就約左將軍澳之友試下☺️下午經過book左8點鐘，晚上去到都要等15分鐘位，真係好多人！亦講左係限時食90分鐘入面位置比較窄，枱都比較密，但食物水準唔錯！4個人叫左5餸+2甜品其中比較出色既有：1. 蠔餅，脆得黎唔算好油膩2. 炸蝦球，唔算好熱氣，幾彈牙3. 芋泥，雖然只係一碗仔，但佢抵食，濃芋頭味，亦好飽肚😂4. 砂糖炸芋，味道好好，但放太耐就硬，要快啲食其他食物都中上水準，價錢都正常，下次都會再幫襯

之前新店開張，食過返尋味👅， 👀見到佢有 午餐餐牌 ,已經睇定食乜嘢留返下次食, 由於假日實在太多人, 所以決定放假先嚟試一試,午餐供應時間中午⏰12點 至下午4時30分 ,不設下午茶點了:1) 方魚蠔仔粥$55加油菜$10， 是日燉湯$28(響螺燉雞)感想💝: 好足料， 唔會因為做午餐分量縮小，低讚，🐟 魚湯做底 ，蠔仔新鮮飽滿 ，加埋肉碎冬菇絲，好鮮味呀! 👍😋， 呢個下次要encore 💯燉湯😋,真係燉出嚟唔係煲咗 ，放落去個燉盅到畀你♨️， 熱辣辣 ，跟餐加$28真係低讚👍， 成個鐘入面都係湯料，好完都半飽! 2) 鹵水鵝片飯$75加墨魚$10，變雙拼感想💝: 呢個必食既鹵水鵝片飯🦆 ，我對佢好有信心 ， 一出嚟賣相， 同平時晚餐差唔多 有芽菜墊底 ，唔會因為午餐份量有所改變， 加十蚊嘅墨魚都有好多片， 呢個飯真係不得了! 真係必點!👍😋

尋晚叫幾味, 有以下食後感-腩肉大腸 : 腩肉件件都9成肥糕, 想食但唔係咁敢食, 有點浪費, 當然, 呢個都有點個人問題, 都理解叫得腩肉就預左有肥糕, 但係希望餐館可以為客諗諗, 比多D半肥瘦, 9成肥糕的就唔好上枱。豬腸OK, 乾淨。碟野如果墊番D鹵豆腐就好D，咁有時有老人家肥豬肉食唔到都可以有D豆腐食下。-椒鹽鱔: 其實本身OK的, 但有點偏咸, 食完好口乾-胡椒豬肚湯: 呢個自己同家人都覺得麻麻, 反而呢個唔夠胡椒味-蝦棗蟹棘: 呢個好食, 不過多幾粒就好喇, 唔係好夠分-炒麵線: 呢個好! 夠乾身, 都夠味, 剛剛好!

晚飯外賣，試一試嘉悅地下新開的潮州食店~陳儀興。點了5樣食品：潮州蠔仔粥一碗，潮州炒飯，啫啫雞煲，甜酸排骨， 鹵水拼盤。先講蠔仔粥，啲蠔仔好飽滿，最怕食這些帶殼粥類有沙或碎殼，而它又沒有，食得好順口，一個人清咗一碗。雞煲鑊氣好夠，另外還有啲豬潤，雖然我第一次食雞煲內有豬潤，但喺又幾好食哦，啲豬潤口感幾好， 放在口中咀嚼起沙的，我比較喜歡，而不是似豬潤肉的豬潤咁粉滑。甜酸骨就大路款，冇咩太特別。 鹵水拼盤，值得一試$108 有雞蛋，鵝奕(骨多，只有3舊好似骨咁，唯一食到的是奕尖位)，豬耳，腩肉，豆腐，豬腸，豬頭肉，紅腸…要嚟餸啤酒一流吧！將軍澳潮州店又真喺少見啲，值得一試

今晚同老公撐檯腳，6點已經店內非常多人，walkin有位都算偷笑。店員話無book位都可以俾位坐，不過就要一個小時內食完。easy啦，上菜都算快，10分鐘已經有嘢食！ 潮汕滷鵝，肉好淋好香而且份量OK，我覺得同家鄉味道無咩分別，非常親切，水準好高！蠔仔粥，水略多，不過味道正宗，該有的材料都有齊！老公食完話想再encore芋泥，好難喺香港食到呢個菜式，芋味很濃郁，有少少偏甜，不過都接受到，細細碗唔heavy又可以過足癮事頭婆都係潮州人，臨走講左幾句家鄉話，分外親切～ 臨走見到唔少鄉親黎食，都係一間廣受潮州人愛戴嘅鋪頭喇！

呢間新開左冇幾耐，7:00pm去到見排晒長龍，好在侍應仲有一張枱，不過只限一個鐘，因為果間房比人book左8:30pm,我地自己友食飯，緊係冇問題啦……如果唔係要等6張枱，我地係附近住，又唔係吹水，甘緊係即刻入去啦，我地一家三口叫左蠔仔粥，都好好味，蠔餅外脆內軟，正！豬紅及鵝片亦都好味，以後都不用再出九龍城食潮洲野！

新店未開始裝修，報章上已有報導的新餐廳。係澳南呢個各式中西食肆已落戶的新區，唯獨欠缺堂食滷水鵝餐廳就顯得別樹一幟。開張唔夠兩個星期，路過試試外賣。果然令人驚嘆物價飛升，通脹重臨。六小片滷水鵝片加一些大豆牙扛底盛惠＄138，傻傻哋并紅腸加多＄40。鵝肉還有點削，比較鬆散。尤幸韭菜豬紅令人眼前一亮，滷水汁不會太鹹，味道適中，成餐飯主攻韭紅。一向係北角太平買外賣，雖然多＄20，近＄200 一盒鵝片雙并，但鵝片數量具說服力。

又一人氣店殺入澳南，6月3日開始試業，已經大排長龍，我預早訂位，晚上都要分兩個時段，去到都要等了一會，人龍一值至晚上9點，我朋友極力推介, 第一次食，平常心， 潮州菜式，點了1) 必食蠔餅 感想: 的確零舍唔同， 有別於一般潮式餐廳既蠔餅，食得出蠔嘅鮮味，炸得香口，正!2) 必食鹵水鵝片鵝片好滑， 鹵水汁整得好，總之好好味3) 招牌避風塘茄子招牌果然係招牌， 炸漿薄， 茄子竟然唔油膩， 好香口，出色，估唔到咁普通嘅茄子都可以整到咁好味4) 蒜蓉粉絲蒸蝦 時價海鮮，$23X, 價錢公道,上菜快, 蝦嘅切法，完全可以食晒整隻蝦5) 魚湯煮大幌魚湯超有驚喜， 感覺有啲似胡椒豬肚湯煮大蜆， 唔太辣味道好夾， 胡椒控的我真係忍唔住飲曬個湯! 總結: 樣樣食物都水平之上，難得樣樣餸都做得好味，上菜快， 招呼不錯，難怪成為人氣店!

今次第一次吃陳儀興，剛好是它們開張的第一天，雖然是試業，但其實餐牌的食物全都準備好，任你叫。眼見其他檯上的餸菜都很大碟，所以兩個人只叫兩樣餸好了，以免吃太撐。叫了個鹵水墨魚拼生腸，及炸蠔餅。蠔餅先上，炸得非常香脆，乾身，是正宗潮式的炸蠔餅，內有很多蠔仔，新鮮肥美。鹵水墨魚的份量比較矜貴，而且味道較淡口，問店員要了些辣椒醬，味道即時提升。免茶芥及加一，埋單180元，價錢合理。下次會再想試試其他招牌菜式。