102
4
4
營業時間
今日營業
11:00 - 23:30
星期一至日
11:00 - 23:30
*最後落單時間: 23:00
食家推介
相關文章
其實喺將軍澳本身都冇乜好多嘢選擇，最經常就係入商場，知道陳儀興喺將軍澳開咗分店，之前食開佢太子嗰間，都幾唔錯，特別係佢嘅滷水、烏頭魚，都整得非常唔錯。對比太子，呢間分店面積就相對細好多，但係佢自己都打正旗號，開嘅目的，係為咗令到將軍澳嘅人都有得食佢嘅滷水，所以細細地，我自己覺得都唔會話太大問題。佢呢度有唔同飲品俾人哋揀，仲可以係包入去午餐裏面，我自己就揀咗玄玉紅棗薏米水同埋金銀花茶，幾清甜。我自己就覺得，食滷水都好難避免會有少少鹹，飲涼茶相對地就可以解油膩。嚟呢度就一定要食佢個滷水鵝肉，我自己本身都好餓肉，所以一坐低嘅時候就即刻點左。佢嘅牛肉唔會整到好老，反而比較嫩滑，而且肉身亦都將滷水汁吸得非常飽滿，每一啖都係八角嘅香味。糯米豬大腸，雖然好肥，但係其實好脆，好甜，亦都火候足夠，自己喺屋企真係整唔到。最後就係鹽焗烏頭魚，呢度真係限量發售，我自己就要咗嗰日最後嘅一條，要嘅時候，師傅仲問我，如果要等45分鐘，等唔等？我自己覺得，一場嚟到，冇理由唔食呢度嘅招牌菜啊，所以點都話等。
繼續閱讀
今晚有朋自遠方來，時隔好耐，大家終於可以聚一聚，當然就要加好餸啦！！陳儀興係屋企附近開咗一段時間，之前係太子已經食過，覺得好好食，食物有水準！所以今次加餸首選就揀佢啦！外賣餐牌好多嘢食，又有選擇。要食就食啲出名嘅招牌菜啦。。。鹵水鵝件：我地嗌左份例牌，其實份量都好多，滿滿一盒整齊擺放。鵝件唔會全部都係骨，亦唔會過肥！咬入口肉質淋嫩，唔癡牙。真係淋嫩，平時食係好柴㗎。陳儀興呢間鹵水係好食，味道又唔會死咸，又唔會好重佐料嘅味道。亦然食好鵝肉味，正！記得啲芽菜底，都係重點，爽口又脆。吸收哂啲鵝汁，好好食😋。凍黃油烏頭：原條烏頭切好起骨對半，肉質已經見到滲透黃油。食烏頭蒸出嚟有黃油就代表係靚，好食。難怪我係街市成日都買唔到有黃油嘅烏頭。靚烏頭真係可遇不可求，所以真接買一條黃油烏頭就最方便😂😂餐廳仲已經做咗簡單起骨處理，食起上嚟就更方便啦。魚湯浸蜆：呢款餸又係好特別，我都未試過。一大碗，蜆肉好多，成個湯好鮮甜美味。入面除左有蜆，仲加左冬菇木耳粉絲。我覺得可以先飲左湯再慢慢食蜆，個湯加左胡椒，所以飲到覺得個身熱辣辣，出哂汁，但真係好好飲！或者啲湯用嚟撈飯食，做泡飯都一流因為天氣太熱，順便買左支五花茶降溫，自家製嘅涼茶，一次飲哂，爽！
繼續閱讀
某日係附近超市買完嘢後，途經呢個屋苑商場，發現呢間打冷小菜飯店，個名有D熟，上網CHECK原來新蒲崗都有一間，係將軍澳開多咗一間。打冷都係我喜歡嘅食物款式，一於試下晚市外賣店內貼住暢銷龍虎榜，有相望容易D點菜......哈..哈.....師傅無停手，等候時間唔算耐，拎得...............網評呢間嘅鹵水出品有水準，當然要入鄉隨俗試下啦。呢盒鹵水鵝件 ($118)，份量相當對眼，只係有少少大荳芽墊底，其餘全部係鵝件。鵝皮下無多餘肥膏，食得健康! 鵝件多屬胸位，多肉食之餘又唔會嚡口，而鹵水汁已經滲滿鵝件，唔會過咸，有陣餘香味留係口內。無食過韭菜豬紅 ($70)就好似唔係打冷，大大盒，豬紅同韭菜比例大概七三，恰如其位。有汁浸住所以食時仲係溫熱，豬紅口感煙韌，點埋佢個辣椒油加D辣度，挑起食慾。呢度除咗有潮州嘢食，仲有粵菜小炒，既然叫外賣，當然點D自己唔識煮/唔會煮嘅餸啦……呢客蒜香骨 ($95)就係其中之一啦。 見到佢個盒蓋係界開咗，為咗唔會比D倒汗水整濕個骨(好細心喎....)炸脆咗嘅香蒜舖咗係骨上，未食已經聞到香蒜味自己煮個飯，用黎送飯好岩數; 入口仲夠熱，肉嘅比例唔少，唔油膩同帶有香蒜味，好耐都無食過呢類香口惹味餸，零舍好味道。3月外賣自取有九折優惠，在家都食到好味潮州嘢，為平淡嘅在家晚餐加添D新鮮感。
繼續閱讀
⭐️【將軍澳】傳統老字號潮州菜⭐️上次經過將軍澳嘉悅，見到這間店鋪很多街坊買外賣，已經很感興趣，今次再次在附近經過，決定去買外賣回家品嚐。【陳儀興飯店】聽店員說原來已經是在香港屹立五十多年的潮州老店，但跟想像中的潮州老店，裝潢跟那種街坊小店格局又有所不同，裝潢相對地較清新雅緻，餐牌上的食物都是除了比較傳統的潮州菜，亦有鑊氣小炒菜式，而且店鋪應該在區內亦受歡迎，因為外賣亦非常地好生意。【滷水拼盤】(HKD108)我去打冷就一定要叫滷水拼盤，拼盤內容很豐富，有生腸，墨魚，紅腸，滷水大腸，鴨掌，五花腩肉，滷水蛋，豬耳，滷水豆腐，自家秘制滷水鹹甜適中，每一款鹵水款式食材都各有特色，質素都好平均。【糯米釀大腸】(HKD108)糯米釀大腸是潮州傳統名菜，工序䌓複，單單是處理大腸已經很複雜，其實就是將糯米釀進豬腸中，但複雜是避免腸衣迫破，而煮熟後蒸再切片煎香，切片後看到的釀大腸有很多材料: 糯米、花生、蛋黃、臘肉，而糯米吸收了材料的味道，變得綿香煙韌，加上外皮煎香後大腸皮有點脆口，蘸上潮州金桔油，酸甜解膩。【撚手蒜香骨】(HKD95)小菜是即叫即炒，蒜香骨細細件入口啖啖肉，炸得外脆內嫩，格外惹味香口，而且肉質夠鬆軟，鑊氣很不錯，不會油淋淋，喜歡滿滿蒜香的味道，而且很足料一盒分量都很多件。【忌廉忌廉】(HKD15)〔陳儀興飯店〕@yeehingchan香港新界將軍澳至善街9號嘉悅地下2-3號舖Shop 2-3, G/F, Twin Peaks, 9 Chi Shin Street, Tseung Kwan O, N.T., Hong Kong
繼續閱讀
422 瀏覽
「陳儀馨飯店」扎根新蒲崗超過50年，可說是地區名店；只是位於舊區，附近又沒有地鐵站，一直沒有的起心肝專程去光顧。估計是第二代、甚至第三代接手後，銳意擴張生意、靜極思動，選址新進中產住宅區將軍澳南開分店。種種原因，結果拖了差不多九個月，到了這個週末才有機會到將軍澳分店品嚐午餐。疫情肆虐下，週末午餐人流不多。面積唔算好大，潮州滷水打冷店的靈魂滷水檔也因此相對細小，視覺上未夠震撼。午市套餐及二人小菜套餐唔算特別抵食，最終決定單點。滷水鵝片（$138）同其他潮州打冷店比較算便宜，但滷水鵝片份量也較少。鵝片切得厚薄適中，鵝胸皮爽滑，拍鬆後的鵝胸肉軟冧冇渣。滷水出色，醇而不嗆；香料份量恰好，芳香而沒有過鹹，兼有鵝脂油香；不愧是潮州老店的陳年滷水膽。撚手蒜香骨（$95）選用一字排，但斬得細細件，似是蒸肉排的尺寸大小，用作蒜香炸肉排第一次見。撇除這一點，肉排表面沾上一層薄薄脆漿而非乾粉，入口多了一陣酥脆；咬下去肉汁豐富、有肉味，亦夠鬆軟。乾炒牛河（$60）油潤、但略為太濕身；味道亦偏淡，欠缺豉油香氣。牛肉更差，欠肉味、亦缺乏調味；入口未夠鬆軟、有少少乾硬。追加燉湯（$28）普普通通，稍欠鮮味肉味。始終有一個幾十年歷史的滷水膽，滷水出品相當出色；但小菜及炒粉麵就很一般。滷水好味，可以作為外賣滷水斬料加餸之選。（編按：給予笑臉及味道四粒星純粹因為滷水出品。）
繼續閱讀