陳儀興飯店 (嘉悅)

營業中

休息中

突然又興起”回憶殺”，相信唔少人兒時都曾經睇過老夫子。今次去食呢間打冷，竟然有一系列老夫子裝飾係門口，腦海即浮現”耐人尋味”，哈哈哈……..店內唔難發現佢地嘅蹤影，陪住你食飯。特設老夫子菜推介菜式，每款都以佢地嘅經典四字作名，好似”耐人尋味”，”一舉兩得”，超搞鬼。咁就試吓由佢地個人推介嘅幾款菜式。鹹魚蓉蓮藕煎肉餅 ($108) 選擇梅香做菜料之一，因其肉質軟綿、味道甘香鹹鮮，容易混入肉餅與蓮藕粒煎香。有喼汁點食，煎得肉餅外脆內綿，咸魚蓉加肉餅超級好送飯，加埋蓮藕粒嘅爽脆口感，成為今餐嘅”偷飯賊”。呢碟蒜蓉炒蕃薯苗 ($88)，插上一支大蕃薯旗仔，好應題喎。蕃薯苗以蒜蓉清炒，簡簡單單已經味道唔錯。呢碟鹹魚蒸馬友 ($208)，有”生死戀”外號。將鹹魚同新鮮魚一齊清蒸，確係特別煮法。亦係選擇梅香放上馬友一齊蒸，咸鮮味滲入條馬友。馬友肉質超嫩滑，無咩細骨，夾少少梅香魚肉一齊食，驚喜味道。只有打冷先有得食，一大碗韮菜豬紅 ($70)，豬紅忽然變做大佬。韮菜係底，浸住係濃味醬汁中，問侍應拎埋碟潮州辣椒油點食，豬紅滑得黎帶點煙韌口感，點可以唔叫。仲有一系列老夫子食品可以買走，例如港式蛋卷，惹味醬

呢度唔單止有好味嘅潮州打冷菜，仲有老夫子嘅身影同你一齊享受美食📚。陳儀興飯店同老夫子合作，喺將軍澳分店搞咗個期間限定嘅主題餐廳，特別推出多個老夫子打卡位📸，仲有幾款老夫子推介菜式等緊你嚟試🍜。—————————————————🪷 耐人尋味 - 鹹魚蓉蓮藕煎肉餅 $108 外層煎到金黃酥脆，入面嘅肉餅又夠嫩滑，每一啖都係經典嘅廣東味。仲要插住枝老夫子竹籤，即刻覺得好有特色。
🐮 各有千秋 - 蜜椒番薯牛柳粒 $88 蜜椒番薯牛柳粒係必點之選，有鹹有甜好開胃，牛柳粒炒到啱啱好，加埋番薯同蜜椒，真係食到停唔到口。
🦆 非同凡響 - 滷水鵝肝 $178鵝肝入口即溶，滷水味又夠入味，下面仲有大量芽菜，正呀！
🍠 潮州手工芋泥 $48 手工芋泥好滑，淡淡的甜味，食完真係大滿足！
🧋 樽仔奶茶 $20 樽仔奶茶嗰種懷舊味真係冇得輸，奶茶香濃又唔過甜，解膩一流。
🧉 羅漢果茶 $20 羅漢果茶清甜潤喉，飲完真係好舒服，健康又好飲。
🍚 白飯 $12白飯煮得啱啱好，粒粒分明又唔硬，配咩餸都咁啱。

最近我地黎左一間潮州菜，竟然有做老夫子主題😍好正😆童年回憶返哂黎😍我地逐個逐個公仔打卡🥰餐牌上面有唔少地道嘅潮州手工菜👍🏻仲有老夫子系列嘅菜色叫🤗🌸蜜椒蕃薯牛柳粒，牛柳粒嫩滑，味道好野味，蕃薯🍠好香甜😍平時都係食開薯仔，變左蕃薯又幾好味🥰🌸鹹魚蒸馬友，之前比較少食蒸馬友😆估唔到係咁鮮味🥰仲要勁甘香d魚油滿滿🥳加埋薑蔥同醬油，鹹魚又好夾😚🌸百花大腸，係墨魚滑配大腸😍炸得夠乾身，唔會膩😋口感彈牙🥰🌸老火燉湯，姬松茸燉雞，味道香濃😍

同朋友由細到大都係老夫子迷，今晚特登帶埋佢黎到將軍澳嘅陳儀興飯店食飯，餐廳內外設多個老夫子打卡位，包括老夫子、大番薯同秦先生嘅搞笑造型同場景，充滿懷舊氣氛，打卡一流！將軍澳店特別推出多款老夫子主題推介菜式，連菜式名都零舍有老夫子風味🤣滷水鵝肝 $178滷水鵝肝入口軟滑濃香，鵝肝煮得啱啱好，咬落似奶油咁融化，帶陣陣脂香，滷水汁入味，滲入鵝肝，配上墊底嘅芽菜，味道豐富又唔會太膩咸魚蒸馬友 $208馬友魚肉鮮嫩，蒸得軟滑，咸魚嘅咸香滲入魚肉，味道濃郁惹味，魚肉少骨，食落方便，拌飯一流，係潮州菜嘅經典之選！蒜蓉炒番薯苗 $88蒜蓉炒番薯苗簡單清爽，番薯苗新鮮嫩綠，炒得爽脆可口，帶濃郁嘅蒜香，食落好開胃，唔會太油膩驚喜優惠⭐️原來而家download陳儀興飯店嘅官方App，即可換領精美禮品，包括蛋卷、芋頭酥或辣椒油，數量有限，粉絲同食客唔好錯過！

陳儀興飯店將軍澳分店最近同經典漫畫《老夫子》合作，推出懷舊潮州菜式同多個打卡位。佢哋嘅招牌滷水鵝片，鵝肉肥瘦啱啱好，滷汁香而唔鹹，肉質嫩滑好食。仲有「各有千秋」蜜椒番薯牛柳粒，用番薯代替薯仔，炸得香脆甜甜，配埋嫩滑牛柳，好有層次。蒜蓉炒番薯苗新鮮爽口，加埋「老夫孑」插牌，好有趣味。黃金番薯片裹住鹹蛋黃炸得香脆，鹹甜剛好，最好趁熱食。餐廳用《老夫子》漫畫做裝飾，打卡一流，氣氛好輕鬆。人多時要排隊，記得提早訂位啦！下載陳儀興app可以免費換（原味蛋卷 / 蔥味蛋卷/ 芋頭酥/辣椒油）選其一份

陳儀興飯店 (嘉悅) (將軍澳).之前黎同今次仍然同老夫子聯乘，佢依家仲有個app join完會員可以嚟拎小禮物，可以拎佢哋嘅蛋捲或者醬料，而今日咁啱佢有嘅係花生糖！.▪️蜜椒蕃薯牛柳粒▪️.深入民心又可愛嘅老夫子入面有個叫大蕃薯，細細粒圓轆轆咁，連薯仔牛柳粒都變咗番薯牛柳粒比薯仔更加甜🩶.▪️蒜蓉炒番薯苗▪️.要食就梗係要叫個菜，咁啱又係番薯苗番薯苗夠爽口又惹味.▪️鹹魚蒸馬友▪️.食潮州嘢嘅地方就可以食到馬友，好耐冇食過呢種魚肉質比較實淨，同埋有淡淡嘅香.▪️韭菜豬紅▪️.唔知點解每次食潮州嘢都好鍾意叫，可能係因為我身邊嘅另一半好鍾意食韭菜又唔會太鹹，恰到好處.📌 陳儀興飯店 (嘉悅) (將軍澳)將軍澳至善街9號嘉悅地下2-3號舖.環境：⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️價錢：⭐️⭐️⭐️⭐️

今次真係畀我搵到個好地方！將軍澳「陳儀興飯店」竟然同童年回憶《老夫子》玩Crossover，未入門口已經見到「大番薯」舉住餐牌招呼客人，即刻勾起晒細個睇漫畫笑到咔咔聲嘅回憶！😆.🍽️ 懷舊菜式食到舔舔脷👅打冷必點嘅「滷水拼盤」真係大滿足！墨魚片、腩肉、大腸、紅腸、生腸、豬耳、豬頭肉、鹵蛋、豆腐，岩哂每樣想試小小但又唔食得多既我~墨魚片爽到彈牙、豬頸肉滷到入口即化，最正係啲滷水唔會死鹹，仲有淡淡藥材香，配住碗白飯簡直一絕！而「老夫子勢均力敵」鹹魚蒸馬友🐟完全係驚喜——馬友魚肉厚到似棉花咁軟，上面鋪左金黃色霉香鹹魚，鹹鮮味慢慢滲出嚟，超鮮香～連平時怕魚骨嘅我都清晒成碟！🐟.私心推薦「耐人尋味肉餅」🍘，鹹魚蓉同蓮藕碎撞出神奇火花，咬落「索索聲」又帶啲魚香，送飯真係無得頂！仲有蜜椒番薯牛柳粒🍠，焦糖香脆嘅番薯甜到入心，牛柳粒咬開仲有肉汁爆出🐮，好味到停唔到口～🤤.🎪 **漫畫場景打卡一流** 等位嗰陣已經忙住同牆上嘅老夫子四格漫畫自拍，入到去仲發現連牆紙全都是老夫子！真係勁多打卡位📸.埋單先知Download陳儀興App即送懷舊禮盒🎁✨ 貼士：晚市勁多人，記得早少少去拎位影相！

提早同屋企人一齊慶祝母親節，揀咗間主打潮州菜嘅餐廳，仲同老夫子合作，環境同布置真係帶點懷舊風，不過環境上稍為有啲迫。叫咗幾個餸，埋單千三蚊出頭，性價比算幾高。整體食物質素中規中矩，冇特別驚喜，但幾樣菜式真係值得推介：1. 滷水鵝片 - 鵝肉軟腍入味，滷汁濃香，啱啱好，老人家同小朋友都鍾意食。2. 蒜蓉炒番薯苗 - 新鮮爽口，蒜香撲鼻，簡單但做得好。3. 潮州蠔餅 - 外脆內軟，蠔味濃郁，完全唔油膩其他菜式就一般，例如鹹魚蓉蓮藕煎肉餅，覺得鹹魚嘅味道唔夠突出，肉餅又有啲實蜜椒番薯牛柳粒同春卷都係正常水平，冇乜特別印象。胡椒豬肚湯老人家同細路鍾意，味道溫和啱用黎飲湯，但作為胡椒愛好者嘅我，覺得胡椒味同辣度有啲不足。西芹炒黃鱔（？）更係有啲失望，黃鱔味唔夠，感覺普通到有啲失色。

陳儀興出名潮州菜，每次喺將軍澳區想食中菜，都會諗起呢間。假日通常都要等位，所以平日收工早啲過嚟，可以舒服咁食。Download app做會員有蛋卷送，食滿$500減$100，抵抵☺️今次嚟到有限定老夫子主題，菜式都特別唔同架！勢均力敵- 鹹魚蒸馬友必試煎馬友，魚肉超滑，而且起咗骨，好快就成條魚清晒。耐人尋味- 鹹魚蓉蓮藕煎肉餅菜名同老夫子漫畫相關，勾起好多回憶。味道唔算咸，食落咸香脆口。一舉兩得-鹹魚肉絲韭菜花爆炒夠鑊氣，除咗韭菜肉絲，仲有芽菜。潮州炒飯單尾叫多個炒飯，有蝦、肉鬆同蝦米，香口好食，好滿足。🧸評分：🧸🧸🧸🧸4/5🗺️ 香港將軍澳至善街9號嘉悅地下2-3號舖

今次去咗陳儀興飯店將軍澳分店，撞正佢哋同老夫子搞聯乘，成間餐廳都佈置滿老夫子漫畫元素，仲有特別設計嘅菜名，真係「耐人尋味」又過癮！試咗幾款招牌菜，全部水準在線，仲好有創意，絕對值得推介！🐟「勢均力敵」鹹魚蒸馬友 ($208)呢道菜名玩老夫子經典四字詞，但味道一啲都唔兒戲！馬友魚肉嫩滑無骨，蒸得剛剛好，魚油香濃，配上鹹魚一齊蒸，鹹鮮味滲入魚肉，真係「勢均力敵」——鹹魚嘅濃郁同鮮魚嘅清甜互相平衡，送飯一流！🐮「各有千秋」蜜椒番薯牛柳粒 ($148)牛柳粒炒得夠鑊氣，肉質軟嫩帶少少焦香，配上蜜糖同胡椒調味，甜中帶辣，非常惹味！最特別係加入咗番薯粒，外脆內軟，同牛柳粒形成鮮明對比，真係「各有千秋」，口感同味道都層次豐富！🦆「非同凡響」滷水鵝肝 ($178)潮州菜必試滷水，而呢個鵝肝絕對係「非同凡響」！厚切鵝肝入口即溶，滷水香醇唔會過鹹，下面仲墊咗爽脆芽菜，解膩又增加口感。鵝肝油香豐腴，配白飯簡直係絕配！📸 老夫子打卡位 + 懷舊禮品餐廳佈置咗多個老夫子打卡位，仲有老夫子主題食品禮盒（如芋泥酥、蛋卷）可以買走，粉絲必掃！總結：陳儀興本身已經係老字號潮州打冷，今次聯乘老夫子更加有驚喜，菜式創新得嚟

將軍澳陳儀興飯店與老夫子聯乘合作，推出一系列老夫子菜式，無論店內外佈置抑或菜式擺盤，都注入了老夫子漫畫元，超多打卡位。勢均力敵 鹹魚蒸馬友：馬友肉質鮮甜嫩滑，以薑蔥蒜調味；鹹魚獨特鹹香與馬友魚鮮味互相平衡。各有千秋 蜜汁番薯牛柳粒：牛柳粒軟嫩帶些嚼勁，酸酸甜甜好開胃；番薯則外脆內軟。一舉兩得 鹹魚肉絲韭菜花：鹹魚鹹香突出，韭菜花爽脆，兩者配搭得好好。🔎陳儀興飯店（嘉悅）📍將軍澳至善街9號嘉悅地下2-3號舖

閨蜜約我放工後，去位於將軍澳至善街9號嘉悅地下2-3號舖的《陳儀興飯店》與老夫子約會，餐廳佈置充滿了他們老友記的影像😍😍，好多打卡位呀！老夫子的推介：📍勢均力敵 $208咸魚蒸馬友：馬友蒸得非常好，魚肉嫩滑可口，帶有梅香鹹魚的鹹香味。📍各有千秋 $148蜜椒蕃薯牛柳粒：牛柳粒外脆內嫩，牛味香濃，蕃薯軟綿好食。📍非同凡響 $178鹵水鵝肝：鵝肝幼綿，入口即溶，份量夠。📍焗魚腸 $88瓦砵仔魚腸是我兒時的至愛，今日再遇，實是難得。📍白飯一碗 $12飯粒軟綿好食。閨蜜鼓勵我去參加餐廳的迎新禮品券，免費兌換其中一份（原味蛋卷/葱味蛋卷/辣椒油/芋頭酥）。

👧🏻😋👅🍽✨老夫子聯乘好味打冷 🥰-🥢 陳儀興飯店食物同服務都好出色, 除左將軍澳街坊, 都好值得區外居民入黎食! 最近轉左主題, 菜名, 擺盤插牌同佈置都轉晒老夫子🥢 之前未登記過會員既唔好錯過, 而家download app登記會員會送老夫子包裝既芋泥酥/蛋捲禮盒/辣椒油😎▪️勢均力敵 - 鹹魚蒸馬友 $208🐟 靚馬友油潤香滑, 肉質鮮甜, 薑蔥蒜配蒸魚豉油同魚油完美融合; 鹹魚都好滑好creamy, 鹹鮮方面係勢均力敵, 但新鮮魚都係冇得輸🙂‍↕️▫️非同凡響 - 滷水鵝肝 $178🪿 油香係一咬就湧出黎, 厚切軟滑但食多多都唔膩, 送飯一流😍▪️耐人尋味 - 鹹魚蓉蓮藕煎肉餅 $108🧆 香煎到外面脆卜卜, 而肉質起膠彈牙, 亦有爽脆蓮藕粒同軟滑鹹魚蓉, 又一道白飯殺手🤤▫️脆皮落湯錢 $88🍡 類似糖不甩咁用煙韌麵團沾上花生碎, 但呢款有煎過底面都好香脆, 又甜又滑但神奇地唔膩

鍾意食潮州菜嘅朋友對陳儀興飯店應該唔會陌生，最近發現原來將軍澳分店做緊期間限定「 陳儀興飯店 x 老夫子」，推出多款老夫子推介菜式。餐廳仲有唔少老夫子打卡位，好有特色呀。 今次特別試咗幾款老夫子推介菜式，價錢合理，選擇亦相當多元化。耐人尋味 - 鹹魚蓉蓮藕煎肉餅( $108) - 呢個煎肉餅好有驚喜，外層煎得好香脆，肉餅入面有鹹魚蓉同蓮藕，味道好有層次。 各有千秋 - 蜜椒蕃薯牛柳粒 ($88)- 呢個番薯牛柳粒，但感覺同薯仔牛柳粒差不多，配搭三色椒同蜜椒一齊炒，入口夠晒惹味。 一舉兩得 - 鹹魚肉絲韭菜花 ($98 )- 未食已經聞到陣陣香味，鹹魚配搭肉絲帶少少鹹香，仲有爽脆及清新口感嘅芽菜及韭菜。潮州蠔仔粥（$72）- 潮州菜中嘅經典之一，非常足料，入邊有超多蠔仔，粥底非常入味，入口鮮甜。 餐廳設有唔少老夫子打卡位，非常有特色。多款老夫子推介菜式水準亦好高，價錢合理，值得一試。最近仲推出優惠，只要download佢嘅app 就可以免費換到蛋卷、芋頭酥或辣椒油一份。

餐廳都可以同卡通人物 cross over 咁搞笑真係有老夫子嘅推介菜式🤣🤣1) 各有千秋 蜜椒番薯牛柳粒🤎番薯粒半煎炸過 加埋啲蜜糖外脆內軟嘅感覺牛柳粒煎得幾香🍯真係同番薯粒各有千秋 有埋啲青椒紅椒 幾惹味🥰2) 勢均力敵 鹹魚蒸馬友🎣肉多骨少油豐味濃嘅馬友 蒸嘅火候啱啱好 😌😌有埋啲鹹魚就再多咗一份味道配飯食啱啱好3）耐人尋味 鹹魚蓉蓮藕煎肉餅🥩肉餅打得彈牙 有埋啲魚蓉 同埋幾爽嘅蓮藕份量都算多 總共有八塊😇😇Share 就啱啱好4）潮州蠔仔粥 嚟到潮州舖頭梗係要食返碗潮州粥 我幾鍾意粥嘅湯底 甜甜地新鮮🍚5） 最後嗌多支竹蔗茅根水 潤潤喉嚨連支嘢飲都有老夫子㗎 😙😙竹蔗茅根少少甜，有助於清熱、止咳係健康飲品