陳儀興飯店 (嘉悅)

營業中

休息中

數一數二香港正宗潮州打冷舖喺將軍澳開咗分店！將軍澳店大排長龍，去食飯必須book位🍽食物方便有好多選擇，老少咸宜，店舖裏面都見到好多一家大細嚟食飯👨‍👩‍👧‍👧👩‍👩‍👧‍👧滷水拼盤蠔仔粥，份量好大，夠6-8碗生醃膏蟹，好入味，好鮮甜

放假阿媽唔想煮，所以就等佢休息一日，放是我就搵吓有乜買，最終竟然比我喺將軍澳見到有「陳儀興飯店」。之前食過太子店覺得好掂，所以即刻鎖定目標😃。餐廳喺區內好受歡迎，嚟買外賣嘅街坊同速遞員絡繹不絕🥡，收銀阿姐做到唔停手！我哋買咗三個餸，價錢唔算平，不過份量畀到足，分兩餐食都夠👍。鹵水拼盤($108)，拼盤內容好豐富😍，當中包括鹵豆腐、紅腸、大腸、鴨掌、鹵蛋、生腸、墨魚、腩肉、豬頭肉以及豬耳等。每一樣食材質素都好平均，而且處理乾淨。我個人就較為鍾意爽口嘅墨魚同生腸，而腩肉就略嫌肥咗少少🐷。鹵水鵝件($118)，🦢呢盒鵝件係近上庄位置，有胸肉同鵝翼，食落大啖肉，相對少骨。鵝肉本身香而不羶，而滷水汁味道恰到好處，唔會過重口味，主要係襯托出食材嘅鮮味。撚手蒜香骨($95)，🦴蒜香骨非常惹味，外賣水準都有95分，相信堂食定必更出色。每粒排骨經爆香，滲透出濃郁蒜味，超正；再加上外層脆脆哋同有炸蒜，口感佳！我第一次咁鍾意食有骨嘅餸。總括嚟講，陳儀興無負老字號之名，食物質素無令人失望。即使而家無得堂食，但外賣同樣可以品嚐到好味潮州鹵水同即叫小炒🍚🥢。除咗加餸之外，我仲見到佢有推出盆菜添！

講起新蒲崗食嘢，講講吓大家都會提起陳儀興飯店，連阿媽都識，先知原來有五十年歷史😲一家飯店屹立新蒲崗多年，宜家將軍澳開分店，裝潢都變得新潮，與老店感覺截然不同，但食物味道依舊😌呢排禁堂食，乖乖留在家，但日日煮都苦惱，間唔中外賣加餸😋新舖寬敞舒適，裝修雅致❣️🌟有分鵝件同鵝片，鵝件有淨肉有連骨～鵝片入味～肉質軟嫩😋😋😋底下有豆腐同花生🥜豆腐很滑很溫柔😌🤩食潮州嘢我必點蠔餅當然堂食一定係最好食啦～返到屋企大概八分鐘，都仲係酥脆😆仲有好多蠔仔🦪裝上大碟扮下自家製🤣份量唔小，有兩大塊👏🏻🌟糯米釀大腸～都算工序䌓複的一道菜，豬腸要洗得乾淨無酥味。餡料有糯米、菇、蓮子等等～將餡塞入豬大腸後煮熟，切片再煎香～食嘅時候配上桔油，酸甜解膩～

屋企人話想打冷，但無左晚市堂食，午市打冷又有啲奇怪，原來呢間主打潮洲菜嘅陳儀興飯店外賣有折，所以就買嚟做晚餐。平時打冷都會食嘅烏頭，呢間餐廳選用元朗烏頭，仲有牌仔證明，無花無假，用鹽焗再凍食，魚肉有黃油，加上附送嘅豆醬一齊食，味道好鮮，咸咸地幾香。我本身都怕外賣嘅蠔餅會淋，但竟然拎到返屋企仲好脆，因為外賣盒有開洞，唔怕焗到淋，蠔仔好大粒，蠔餅好香口好脆卜卜，份量都唔少，幾好食。滷水拼盤有好多款，有生腸、紅腸、墨魚、腩肉、蛋、豆腐等，都幾豐富，而且味道好入味，尤其生腸、墨魚夠爽口，豆腐滑得嚟但吸收左滷水汁，整體都唔錯。

禁左晚市堂食之後，相信唔少人都被逼留係屋企叫外賣，但食嚟食去都係啲茶記外賣真係好悶，咁岩見到將軍澳南嘅陳儀興飯店都有推外賣，於是就買嚟試下。叫左條元朗黃油烏頭王，一份澄海鹵水鵝同蒜香骨，賣相都唔錯，仲好細心咁附上好多醬料，同堂食一樣咁。黃油烏頭係凍烏頭，好似魚飯咁嘅食法，魚肉味道鮮甜結實，油香十足。鹵水鵝件份量唔少，醬汁好香但唔太咸，鵝肉嘅肉質有彈性，肉味好香。蒜香骨好香口，炸得好脆，排骨有肉汁，炸蒜好多，好岩送飯。整體味道唔錯，就算外賣都有水準，係屋企都可以打到冷，唔錯！

上個禮拜，探外婆前去左附近既餐廳打算買埋外賣一齊食，最後揀左陳儀興飯店試下外賣質素如何？澄海滷水鵝：滷水鵝份量適中，口感吾硬吾乾，而且大部分位置都系啖啖肉，鵝皮唔算太肥，所以連皮一齊食吾會覺得太肥膩啊！另外，餐廳提供埋白醋點用，味道酸酸地更開胃。生炒排骨粒：份量幾多粒，吾會得啲骨無肉食。排骨粒外皮吾會太多粉去炸，咬落肉吾會過硬。醬汁酸酸甜甜的確令人愈食愈開胃。整體來講味道吾錯，用黎送飯一流！黃金雞軟骨：話明黃金當然有咸蛋黃既味道，依種味道幾香口，但吾算太易覺得漏個種。雞軟骨有口感，吾會硬到咬吾開。最後加多罐汽水比自己飲下。

舊同學搬咗入去將軍澳，趁今日放假入去探吓佢，中午本來話去附近嘅陳儀興飯店食飯，但因為太多人冇位，於是買兩個餸返屋企食。餐廳主打潮州打冷，又有小菜，每種買一款試吓！潮州馬友魚飯，潮州魚飯，又稱凍魚，大家切勿被「魚飯」之名誤導，此菜不含米飯，魚一定要新鮮才可以做魚飯，凍的馬友魚肉質緊緻，油份豐腴甘香，微鹹更特出魚的鮮味！咕嚕焗排骨，排骨入味有口感，甜酸醬汁調得適中，加上蜜桃好香甜！配碗白飯一定好開胃！

疫情嚴重，又停咗晚市堂食，上班一族冇時間買餸煮飯，唯有買外賣，同事上網搵到間陳儀興飯店，位於同事將軍澳家樓下，打冷和小炒都唔錯，放工就跟咗佢去買外賣回家食。餐廳6點後全部做外賣，都有不少客人等緊，落單後都好快煮好有得拎。生炒骨，見到已經胃口大開，排骨炸至外層脆口，就算沾滿酸酸甜甜的醬汁，都不會林。肉質有口感但不會鞋口，呢間配菜不用菠蘿用桃一樣好食。蒜香骨，望落去好似好乾，但食落就唔會，排骨炸得香又入味，夾埋炸過嘅蒜蓉超美味！糯米釀大腸，糯米腸比預期中薄, 外層好似脆皮腸嘅薄衣, 包住濕潤糯米, 唔會太乾, 糯米中夾集超林嘅花生碎同埋臘腸粒。整體口感都好林好濕, 散發淡淡糯米香。

潮州菜餐廳登陸將軍澳，附近居民有口福啦，最近禁晚市堂食就去支持吓，外賣自取都好方便。久未品嚐潮州菜嘅我地當然要點啲潮州特色菜，順道比家人一嚐潮式滋味。食潮州菜點可以唔食鹵水鵝，鹵水鵝件片好一件件，面頭有啲鵝片位，下面就為有骨嘅部位，鵝肉好香鵝皮帶油脂，愈邪惡嘅東西愈好吃。糯米釀大腸都係第一次品嚐，薄薄腸皮包住香軟糯米飯，糯米飯料都幾多，除咗平時嘅蝦米花生菇粒等，仲見到有鵪鶉蛋，食落幾香口不過帶少少羶味。潮式甜品必食反沙芋，平時係屋企唔會整到嘅食物，當然要買返嚟試吓，綿密嘅芋頭帶少許金黃外層裹滿糖，有碎嘅砂糖更有一層層糖衣，嗜甜控必會被滿足呢！

去將軍澳幫阿妹屋企大掃除，上去之前佢叫我去附近嘅陳儀興飯店 買外賣，陳儀興飯店是一家香港地道潮州飯店，亦揉合現代新派創意菜式。迎合不同客人口味！澄海鹵水鵝：汕頭澄海出名獅頭鵝，獅頭鵝的肉味跟一般鵝不同，肉鬆軟且鵝味重，師傅用秘製滷水汁烹製，味道濃而不鹹，鵝肉嫩滑。滷水拼盤：有鹵豆腐、鹵蛋、紅腸、豬腸、墨魚、腩肉、豬頭肉。材料鹵得入味，有爽口有滑溜多種口感。蒜香骨：採用貴價一字排豬肉，即叫即炸，外脆肉嫩，加上炸蒜更添香味！

晚市繼續暫停堂食，星期五晚不想自家煮，便去買外賣支持一下飲食業。心血來潮想吃潮州菜，想起之前經過的陳儀興飯店，店外的一幅畫令窩夫留下深刻的印象。餐牌上列出多款潮州打冷和招牌小廚等，選擇很多，窩夫選了三款經典的潮州菜式。鹵水鵝件($118)切得厚薄適中，鹵水入味卻又不會太鹹，肉質不韌，下面有豆腐墊底。潮州凍烏頭($188)大大條，肉質結實，鮮甜美味，既沒有泥味又沒有腥味，蘸少許普寧豆醬更能提升味道。魚尾有個牌，原來是楊氏元朗烏頭的認證。轉眼烏頭魚已經被吃得一乾二淨，只剩下魚皮。打開沙嗲芥蘭牛肉($98)的盒蓋，香氣撲鼻，還在冒煙，可見它的熱力，沙嗲惹味帶微辣，用上芥蘭苗，爽脆得來不會太硬。

抗疫措施晚市禁堂食, 足足挨咗一星期, 今晚丫媽叫我放工買料返屋企加餸。聽街坊講附近有間打冷味道唔錯, 於是今晚就去買黎試下, 外賣單點仲有9折。menu上選擇都幾多, 落單後等咗大約十分鐘左右就拎得, order咗三個dishes,【元朗黃油烏頭王】HK$188元朗烏頭魚身肥美、冇泥味, 肉質清甜幼嫩, 點普寧豆醬食提升了鮮味。【澄海鹵水鵝】HK$118幸運地餐廳比咗鵝髀位我, 啖啖肉, 肉質juicy, 算得上幾嫩, 鹵水唔會過鹹過淡。【蒜香骨】HK$95雖然拎到返屋企都相隔大半個鐘時間, 預期唔會好似堂食即食咁香脆。蒜香骨仲keep到三成脆, 表面唔會太油, 幾香口, 特別係相夾少少炸蒜食, 再提升了香口度,唔會冇肉食, 肉質有口感得黎又唔會太乾而咬唔開果種, 最中意食近骨d肉, 帶點爽口。

陳儀興飯店已經扎根於新蒲崗56年之多，最近看到食評，將軍澳都已經開咗分店，今天下午便專程來享受午餐。潮州馬友魚飯，聽其名以為是飯，其實是蒸熟了的新鮮馬友魚，攤凍之後，用來凍食，是潮州特色之一。本來想點烏頭的，可惜下午午飯時間太好賣，賣完了，不過原來馬友比芋頭更加美味可口，只需點.些寧波的豆瓣醬，便增加了其鮮味。澄海鹵水鵝，滷水的味道適中，花椒$0.8味道香濃，鵝肉肉質軟淋可口，加些自家製的蒜蓉白醋，味道更佳。糯米釀大腸，煎香了的大腸，釀滿了糯米和配料，大腸味道十足。這裏的衛生做得很好，落場時間，看見女侍應用清潔劑，將所有桌面清潔，值得一讚👍👍👍👍👍

呢間老字號陳儀興係新蒲崗五十年，之前專程去食過，都幾正。今日去開將軍澳，都專登去試一試佢新店。而家無晚市堂食，所以就叫左幾樣野外賣返屋企慢慢嘆。澄海鹵水鵝🌟118潮洲打冷店，鹵水鵝一定要好味先留得住客。呢度師傅濃郁的滷水，鵝肉入哂味，又腍，連皮食一樣正，唔會太漏。潮洲蠔餅 80有兩大件，炸得好香口又唔覺油膩，蠔仔份量都多又juicy，就咁食又得，點佢比既辣醬仲惹味。反沙芋 88反沙芋我好少食，朋友叫左就試下，原來咁鬼正，用黎做甜品一流。芋頭包住薄薄一層糖霜，外脆香甜，芋頭夠哂腍芋香十足，功夫十足。朋友仲講香港好少食到咁正。

最近疫症關係，又好想食中菜，於是去咗將軍澳澳南海岸嗰邊嘅餐廳搵好嘢食😋💗 其中見到一間中菜廳好吸引，叫做陳儀興，聽朋友講話好出名打冷小炒，超級有獲氣，今次嚟食果然冇令我失望，嘢食超級高質😋梗係叫呢度嘅王牌小食：蠔餅🥰🎉必食推介！蠔餅外層炸到脆卜卜，但又唔會好厚粉，輕輕一層嘅炸粉包住大大隻又鮮甜嘅生蠔🦪食到停唔到口😍脆盞生炒骨酸酸甜甜非常開胃😁 而且好多肉，肉質都好鮮嫩，好嫩口㗎😝滷水拼盤材料好豐富，落足料👍🏻 材料包括大腸、豆腐、紅腸、墨魚、滷水蛋、滷水鴨翼，每一樣食材都好新鮮，而且得好入味，滷水世一😛最後仲叫咗一罐無糖可樂飲到，爽🤣總括來講，今次間餐廳有意外嘅驚喜，食返正宗嘅潮州打冷味道，每樣菜式都好用心製作👍🏻