陳儀興飯店 (嘉悅)

營業中

休息中

侍應十分周到，我們一行11人坐低，便介紹我們叫個6人餐，加一分蠔餅，鵝肝，四分之一鹵鵝上莊，及之後再加了反沙芋，這個手工菜，現在很多潮州餐廳都沒有供應，我們有幸食到感覺很幸福。埋單每人$125沒有加一, 咁嘅質素及份量係連鎖餐廳一定double價錢。

將軍澳區唔算好多潮州打冷選擇，今日聽朋友講呢間都多人食，所以過黎試下我地叫左1️⃣潮州蠔餅💰98蠔餅份量都大，我地四個人食都夠。蠔餅煎得夠香脆，粉漿好薄，蠔仔都足夠，唔會腥，趁熱食好味😋2️⃣滷水鵝片💰168滷水鵝片入味，鵝🦢味濃郁，略嫌份量太少，好快無曬，下面墊底係芽菜，唔係豆腐，想試埋豆腐都唔得🫣3️⃣潮州蠔仔粥💰148蠔仔粥份量多，但係蠔仔再多啲更好，調味恰當，味道鮮美，四個人食，一人可以食到2碗😽😽4️⃣雙麵黃💰108第一次食呢個，佢係用公仔麵煎到好似餅咁，之後點醋同埋白糖，味道都可以5️⃣水煮滑牛肉💰128滑牛份量好多，食極都仲有，唔會鞋口，質感幾好，牛肉味濃，浸係麻辣湯度，令人想一食再食❤️❤️6️⃣黃金鮮魷💰128黃金鮮魷炸得好好，粉漿好薄，表面有好多咸蛋黃醬，好入味，正👍7️⃣潮州傳統反沙芋💰88第一次食反沙芋頭，原來芋頭出面好似糖殼咁，裹滿左砂糖，好脆，裏面係粉糯香軟嘅芋頭，好正🥹🥹8️⃣滷水雙拼💰108叫左墨魚片同紅腸，紅腸普通質素，墨魚片爽口彈牙，份量都係唔算多🥹消費價錢：4人💰1181，人均💰295結論：（10分為滿分）味道：7/10性價比：6/10回頭指數：7/10餐廳名稱：陳儀興飯店餐廳地址：

一家大細去食飯通常都係食中菜，唔想食大集團 今日就試下呢間「打冷」。一早打電話book左枱，所以唔洗等位。我哋食個日係平日夜晚黎，但都見有幾枱客係門口等位，要齊人先入得，大家記得留意返。服務員態度都好有禮貌。不過唔知係佢冷氣壞左，定真係唔多冷氣，就算有幾部風機，都仲係好熱，希望可以整下個冷氣啦。入正題，食物質素真係唔錯，我哋叫左8樣野，全部都好正宗好好食。蠔餅外脆內軟；鹵水嘢（我哋食咗豆腐、鵝片、墨魚）全部都好入味，味道啱啱好，香得嚟唔會太鹹；糖醋麵即叫即整夠晒脆；菜譜煎蛋好有細個嘅味道；韭菜豬紅整得好好；牛肉炒芥蘭d牛肉好腍；咕嚕肉就算有汁都食得出好有肉味。以呢個價錢呢個質素真係唔錯，但如果可以加錢加大就更加好，因為太好食，成家食嘅話就唔夠食。期待下次encore!

平日夜晚估唔到都咁多人，不過訂咗枱所以唔駛等位，食物味道好好，價錢合理，6個人去都只係一千多啲啲。其實出街食飯我最注重係服務質素，呢間舖嘅人冇得彈，好有禮貌，手腳又快，係可以回頭嘅舖頭。如果要彈嘅淨係冷氣唔多夠，其他都好好。

父親節帶左屋企人黎食，當日walk-in 都唔係等得好耐(可以訂座)五個人點左7樣野+兩碗🍚🦪潮州蠔餅$98必點！估唔到份量有兩大塊，每塊都有15cm，每隻蠔都好大隻，絕對唔係蠔仔，基本上點夾都一定有原隻脹卜卜蠔，比例蠔佔左8成～超酥脆好抵食❤️🦢滷水鵝片$168適合2~3個人share，鵝片下層墊住左唔小芽菜，鵝片真係有小小入口即化，成個口腔都充斥住鵝油香🤤🐙滷水拼盤$138有九款滷水食物，最有印象係墨魚片同生腸好爽脆，但相對其他滷水味較淡🦑香脆鮮魷$128 又人必點系列👍🏻👍🏻超級惹味，外皮脆魷魚軟，仲有好多脆脆係面，有小小似避風塘，增加左味道層次，勁岩送酒送飯🍆魚香茄子黃鱔煲$118無骨岩曬懶人，黃鱔口感有小小似魚皮，不過茄子偏油，魚香味唔特出🐷京都骨$88醬汁酸酸甜甜好開胃，肉質唔乾🍲潮州蠔仔粥$72一碗都夠2~3人分，蠔仔同樣每粒脹卜卜，無腥味成個粥都好鮮甜，必食！*另收10%服務費+茶介每位$10埋單$972

同一班同事收工黎食，整體水準唔錯鵝片入味出色鮮魷一上枱就比人搶曬，熱辣辣薄粉好好味，推介豬肚湯就嫌唔夠味，一般般，可以唔試黃金雞軟骨唔係好夠味，咸番少少會好味啲煎蠔餅難得唔腥，推介整體唔錯，可以一試

🥢🥣🥄二訪，質素變差了▫️90分鐘用餐時間🆗胡椒豬肚湯 - $118上次食過好味又足料，所以今次忍唔住再叫。但冇估到變差左，湯少左，只有8成滿，配料豬肚同酸菜都少左好多，酸菜冇味全白色的，湯嘅味道都冇上次甘濃。🔘脆盞拔絲咕嚕肉 -$108失望，竟然吾熱，只有暖，咕嚕肉理應炸過再煮，應該又熱又脆，但可惜吾熱都吾脆，好似擺咗好耐咁，酸甜汁嘅味道還好但量吾夠，雀巢炸得好靚，有橙、黃色2層，但都係吾脆，吾好食，配料吾用菠蘿，用上楊桃，係成碟最好食嘅，另外仲有三色椒，切得好細粒。☑️潮州蠔餅 -$98 呢個係3道菜內最好食嘅，大碟，有2大塊，新鮮炸起，真係脆口同熱辣辣嘅，蠔仔吾腥，蠔嘅份量都好多，就甘食或配搭魚露都好味。但因比較油膩所以比較滯。

超過半世紀歷史的陳儀興潮州打冷在新蒲崗區算是街知巷聞的老店，一直都很想試一下但始終不在就近地區所以提不起勁來。近年這老店大展拳腳一口氣開了多間分店，而原來將軍澳也佔其中一席位，之前在該區探朋友就順路來探店一下。🔹交通還算方便，離港鐵站僅數分鐘腳程，附近一帶都是新落成的住宅區，靜中帶旺。🔹小店裝潢平實整潔，擺脫了老舖的陳舊土味，座位雖不算太闊落但尚算舒適。🔹有別於傳統打冷店，菜式選擇頗廣泛，除了必食滷水打冷和傳統潮洲菜之外，還有不少中式小炒和避風塘菜式，就連生醃海鮮和燉湯也有供應，懷舊得來又富潮食的味道。🦀霸王醃膏蟹 $538，一上菜已是終極目標，生醃膏蟹！以價格來說沒預期中的大隻，但勝在醬汁蒜辣十足，比起韓式醬油蟹多上了一份刺激，鹹鮮惹味，啫喱狀的蟹肉順滑嫩口，加上橙黃蟹膏濃郁甘香，餘韻在味蕾間縈繞不散，讓人欲罷不能。🐚醃螄蚶 $98，又是另一至愛，這裡的螄蚶隻頭雖偏細打開時難就力有點困難，但清潔得十分乾淨，而且極入味鹹鮮多汁；蚶肉略嫌不夠大有點不夠喉，要多吃幾隻才能止「渴」。🍗滷水鵝片 $168，打冷食鵝片是必須的，這店的陳年滷水鵝片份量算多，塊塊厚肉鬆軟，色澤琥珀肥瘦適中，皮滑肉嫩

🥄🥢🥣爆場鑊氣小炒▫️限時90分鐘▫️前菜有花生，另有一碟酸醋及辣椒油▫️6:30pm出面已經好多人等位☑️ 魚香茄子黃鱔煲 - $118用煲上十分熱，而且好保溫，都幾大煲，茄子及黃鱔嘅份量都好多，茄子煮得夠香夠淋勁索汁，撈飯一流。而黃鱔切成條裝，冇骨，十分易入口。☑️胡椒豬肚湯 -$118好大鍋湯，而且十分足料，有大量豬肚及酸菜。湯十分好味，胡椒味十足，少少鹹但又唔會過辣，我地飲到停吾到口，2個人就飲晒成鍋湯，再將湯料打包聽日食😂☑️沙嗲炒活蜆 - $95蜆嘅數量好多，而且都大隻，炒得好有鑊氣，亦都好掛汁，沙嗲味濃厚，配菜洋蔥同青椒，都好爽口。☑️糖醋煎面 （雙麵黃）- $108主食我哋冇要到白飯，反而叫左雙麵黃，面餅睇落薄薄地已經切成八件，外層金黃香脆，而入面嘅麵條卻能保持彈性，軟硬剛好，點上砂糖同埋醋，酸酸甜甜十分好味。

將軍澳打冷首選陳儀興， 啱啱食完 已經諗定下次要食乜🙊🙊蘇格蘭蟶子蒜蓉味香濃❤️，超長蟶子鮮甜彈牙好爽口,蒜蓉夠香亦唔會搶咗聖子嘅鮮味😳，加埋粉絲好想一食再食。醬爆田雞N年冇食過田雞, 憶起兒童年代的滋味,啖啖肉肥田雞腿😬, 加上特製醬爆去炒, 連西蘭花都炒得香口夠鑊氣🤤。川椒雞小小川椒味,一點點麻,吃不慣辣的都容易入口, 麻香油惹味雞味濃✨， 雞件一口一粒方便食用。鹵水拼盤招牌菜色, 特製滷水醬汁, 啖啖正宗口味打冷味道, 加送啤酒冇得輸👍👍。胡椒豬肚湯豬肚味很突出🤩, 厚薄肉質均勻爽口, 不會給的胡椒味蓋過, 酸菜也很好吃。~~~~~~~~😋味道: 9.5/10📸賣相: 8.5/10🛋️環境：8/10💁‍♂️服務: 8.5/10💎性價比: 9/10💲人均：$100 up/位⏪回頭率：95%~~~~~📍陳儀興飯店 (嘉悅)將軍澳至善街9號嘉悅地下2-3號舖~~~~~

潮洲菜適合大群人眾餐 特色小菜不少很合適麻甩佬的男生們 算是特色菜之一超級推薦他們的 性價比很高蠔餅份量超多的 用大量蠔肉配上蛋漿炸成餅蠔肉每隻都很飽滿 幾乎每塊餅皮都吃到油味不重 是炸的挺香凍烏頭烏頭蒸熟後冷凍 用上元朗自家烏頭肉質偏嫩 沒有什麼碎骨刺可以沾黃豆醬 我建議加點醋和辣椒風味也不錯 反而沒有那麼鹹口滷水拼盤拼盤可以滿足到貪心的味蕾已包含有很多的部位墨魚片薄而爽口 雞蛋紅腸充滿滷水味韭黃炒白膳嫩口爽口 有少少草青味的韭黃配上少量的菇片 膳肉片去炒膳肉爽脆 帶少少韭黃香個人挺喜歡這個菜式

糯米釀大腸一般糯米味道大腸皮薄到食唔出係大腸粉量極少蠔餅正常發揮Above average鹵水併盤咁多道最高水準份量可以，味道可以鑊氣小炒皇九菜花都嫩都正蝦乾勁硬其他配料極少款式都少魚香茄子黃鱔煲份量偏少對比一般潮館鱔肉質可以但整體走油過多。頗油利京都豬扒個汁都幾螢光色肉質可以但有啲乾潮洲炒飯都乾身可以幾好味避風塘粟米份量極少，對比出面其他餐館。加埋都唔知有冇一條粟米有啲粟米還粟米避風塘還避風塘嘅感覺韮菜蜆蜆肉冇𡁻口。味道正常無特別同一般潮菜館差不多都係有啲蜆殼今次冇食糖水都想講一講。$50一碗，隻碗細到可憐。 3匙應該食哂垃圾糖水食2次啲員工10個8個態度差由其係銀色短髮個個。

朋友見我愛打冷，介紹我去將軍澳一間超正打冷菜館一齊食👍🏻餐牌超多推介，黃金鴨舌-😍食過後我都超推介-整條完整加so，鹹蛋味好香，好邪惡，邊個位置都佈滿真係超正避風塘黃鱔-黃鱔厚身，炸過後食更爽口，避風塘包括炸蒜頭，香蔥同辣椒配合，簡直回味🤭醬爆田雞-泥到香氣撲鼻，醬汁特別惹味，骨肉滲透，田雞份量多，肉彈牙，髀位最正，伴上西蘭花，非常好小菜👍🏻滷水鵝片-鵝片色澤好靚，咬口亦好好，唔鞋，無多餘肥膏，鵝味濃郁，底部有滷水豆腐，夠爽夠入味綠豆清心丸-綠豆煮至綿綿，綠豆香濃清心丸呈透明，煙韌。整體不錯，星期日至星期四宵夜時間9點後仲9折tim.平日都多人。盡早拎位🫣

小妹好耐冇食潮州打冷啦🙈尋晚同屋企人去咗間50年老店食飯我哋6點半walk in可以直接入去食飽出嚟嘅時候見到都幾多人排隊同埋好多人都book咗位如果住得遠嚟食嘅book定位就穩陣啲啦😆-♥︎ 潮州蠔餅 $93唔好睇張相覺得好似好細塊咁其實系兩塊大大塊嘅炸蠔餅嚟架😍嚟到嘅時候啱啱炸起熱辣辣炸嘅火喉控制得幾好外面酥脆🤪食落唔會好油膩粉漿比例適中入面超多蠔仔好足料😳♥️粒粒都肥美飽滿🤤冇腥味之餘仲食到蠔嘅鮮甜呢個真系必食😋味道: 9/10性價比: 8/10-♥︎ 滷水鵝片(例牌) $168小妹唔鐘意一啲太肥膩嘅肉類呢碟滷水鵝片肥瘦適中😆肉質夠嫩 好容易就咬得開滷得入味又唔會過鹹不過冇花椒八角嘅香味 但正正就啱我哋口味😂要彈嘅系份量真系偏少睇落好高好多但底部墊住好多芽菜呢個價錢有啲貴😗味道: 9/10性價比: 5/10-㋡ 黃金鮮魷 $128呢碟先至系邪惡之王😈炸完再加埋鹹蛋黃😍當然冇得輸外面脆卜卜 唔會好厚粉😜魷魚爽口彈牙條條都沾滿邪惡嘅鹹蛋黃😍略嫌佢鹹咗少少如果淡味翻少少就”perfect池”啦🙈味道: 8/10性價比: 7/10-♡ 避風塘大蜆 $98呢款小妹就唔太推薦啦可能因為本身我哋都

朋友住在將軍澳的嘉悅，今晚相約她家居樓下的「陳儀興飯店」飯聚。飯店裝潢平實，主打潮式打冷，服務招呼週到，原來於1963年創立。朋友是飯堂常客，由她點菜最好不過了！糖醋煎麵~外脆內軟的雙麵黃，蘸上陳醋白糖一起吃，簡單卻食味動人！碧綠川椒雞~嫩滑的雞肉帶有香濃、微麻的川椒味道，伴著炸得輕盈薄脆的珍珠葉，非常冶味可口！黃金雞軟骨~細細粒的雞軟骨，被「黃金」重重的包裹，這些要吮骨其實是吮取鹹蛋黃和牛油的甘香，雖然十分魔鬼，但美味當前，就當一陣子的魔鬼吧！脆盞拔絲咕嚕肉~咕嚕肉鮮嫩軟腍，甜酸味道剛好，這道小菜一改慣用的菠蘿，是選用香桃。免費奉客的綠豆清心丸~是我們的至愛甜湯，綠豆扁、清心丸分別有粉糯與軟滑口感，滑溜溜質感的甜湯，甜度適中，百吃不厭！