陳儀興飯店 (嘉悅)

營業中

休息中

以前大學嘅時候好鍾意一大班人一齊食潮州打冷🤪可以叫勁多小菜大家一齊食😋呢晚提早幫👦🏻慶生，同屋企人一齊食呢間人氣潮州打冷店🤩呢間野成日都聽到佢個名，但一直都未試過😬舖面唔算大，星期六晚去都好full！大家嚟食建議book位呀🥺🌟潮式凍蟹🦀 $550/$500 (3.56/5)我哋叫咗兩隻凍蟹😋兩隻都算大隻，仲要好多膏😍廚房會幫我哋將蟹斬件，每件都好多蟹肉💖蟹肉同蟹膏都好鮮甜🥰最正係打開中間嘅蟹殼發現超級多膏！💛正到傻呀🥰🌟滷水拼盤 $138 (4/5)拼盤大大碟，有好多款唔同嘅滷味💖生腸、紅腸、大腸、魷魚、雞蛋…❤️我最鍾意係滷豆腐💖🤩大大舊，仲要吸哂啲滷汁，超好味😋😋🌟潮州蠔餅 $93 (4/5)其實不嬲識我嘅都知我唔食蠔😳但呢個蠔餅連我都覺得好食！首先佢炸得金黃色超級脆，入面嘅蠔大大粒超足料💛而且啲蠔完全冇腥味！點埋自家醬汁覺得好好味🤤🌟脆盞拔絲咕嚕肉 $108 (4/5)脆盞拔絲嘅意思係咕嚕肉下面有一層炸得香脆嘅網，兜住啲咕嚕肉，令到擺盤好似好靚咁🤣但質素的確唔差！出面食嘅咕嚕肉成日都勁細舊，仲要炸皮又厚，骨又多，冇乜肉咁🫤但呢間嘅咕嚕肉份量好多，而且每件都大大舊啖啖肉😍食得好開心

經過幾次這間地鋪都無幫襯過，今日終於有機會試下喇，排隊只需要等幾張枱。店內裝潢似大排檔而且夠哂光猛。韭菜豬紅用沙嗲醬調理的醬汁，味道好特別，豬紅同韭菜都非常入味，同埋份量都算大碗！蠔仔粥柴魚湯底就係頂呱呱！潮式蠔仔粥呢個就係靈魂，淨係飲個粥底已經夠哂鮮，加上蠔仔又多又大隻，每一啖都係鮮味，呢個十分推薦！滷水拼盤墨魚片、豬耳、豬頭肉。絕對合格嘅打冷拼盤。呢樣基本上都係打冷嘅指定動作，十分之多嘅配菜墊底，好飽肚滷水鵝片入哂味！但鵝肉又唔老，肥瘦適中，以味道份量比嚟講，算係抵食嘅三杯雞煲好耐無食，所以叫一叫嚟食下。煲仔上夠哂熱，一上檯個香氣已經制霸左

如果想食打冷，陳儀興都係一個信心嘅選擇，新蒲崗老店都幫襯咗好多年，知道將軍澳開咗新店，梗係過嚟試吓。當行入一間裝修雅緻咁新淨嘅舖頭時，雖然佢個招牌係寫住陳儀興，但內心不免都會有一絲懷疑，但當我將個韭菜豬紅放入口嘅時候，我就知道呢一間同老店係無分別，依然食到老店嘅水準同埋味道。#鹵水鵝粉肝 $178除咗法國嘅鵝肝出名，潮州其實都有一味鹵水鵝肝，鵝肝吸足鹵水汁，口感柔嫩，甘香鮮味，入口即化。#鹵水拼盤 $138比出面打冷大碟，有墨魚片、腩肉、大腸、紅腸、生腸、豬耳、豬頭肉、鹵蛋及豆腐墊底。每間店嘅鹵水汁都唔同味，有啲偏甜或有啲重鹹，呢度鹵水汁係屬於鹹香濃郁，全部鹵得入味，而且能保留食物原本嘅味道，沾上潮州辣椒油加蒜蓉白醋一流。#潮州蠔餅 $93新鮮炸起兩大塊，上枱時熱辣辣，炸得酥脆但唔油膩，唔會話一咬落去就標晒油出嚟，外脆內軟，一定要用鴨蛋先可以炸到呢個效果，蠔仔飽滿足料，充滿蛋香，加埋蔥粒，沾埋魚露更惹味。#韭菜豬紅 $70食打冷必點韭菜豬紅，醬汁味濃複雜，用咗唔同調味料去熬製，豬紅處理得好好無腥味，吸晒醬汁好入味，韭菜好嫩無渣，份量都幾大碗，不過豬紅就鹹咗啲，應該送潮州粥食味道就剛剛好

自從搬左黎將軍澳區之後就好少食打冷 無乜聽過邊間好食 通常都係出去區外食新蒲崗間陳儀興不嬲都出名 不過就未食過見佢將軍澳分店開左就黎幫襯下星期五夜晚7pm黎到都幾full 不過我地兩個人食好彩無預約都攝到有位我地叫左生醃蟹、蠔仔粥、黃油烏頭原本想叫瀨尿蝦 不過原來要提早預訂食物潮式生醃膏蟹  時價:$538侍應話隻蟹重十至十二兩 果然真係好大份 蟹蓋好多軟膏 隻蟹啖啖肉 好正不過分量太多我地兩個人勉強先食曬 蠔仔粥  $72蠔仔粥好多蠔仔 粒粒都好飽滿 好鮮味粥入面仲有冬菜方魚凍食元朗黃油烏頭  時價:$188烏頭同平時一樣都唔係好重魚味 有少少黃色油 要點普寧豆醬吊味特別既係條魚有標誌識別來自本地元朗魚場今次真係喜出望外 雖然價錢貴左些少 但所有野都好食!有機會一定會再返黎encore!

如果鍾意食潮州嘢嘅一定會聽過陳儀興，以前佢喺土瓜灣，之後開咗分店喺將軍澳，咁近自己梗係要來試吓嗌咗個招牌滷水拼盤，蠔餅佢個滷水拼盤拼左墨魚生腸，冇乜特別，都係正正常常嘅滷水拼盤，冇乜味但唔會話太韌咬唔到蠔餅就有啲驚喜，香脆，啲蠔好多好新鮮豉汁炒蜆，都幾多幾大隻，豉汁味好香滷水鵝冇乜特別有少少鞋，冇乜味另外仲有好多特色嘢，但係因為太少人所以食唔到，希望下次再嚟嘅時候可以試到更加多嘅嘢見到隔籬枱有魚都好似好好食咁

我返工地址係東九龍，所以我都多左去將軍澳揾食，所以今日就約左朋友來將軍澳「陳儀興飯店」食下潮州菜啦。。。。。。凍食黃油烏頭呢個餸係我最喜愛的潮州餸之一，所以如果餐廳有提供的話我一定會叫來食的，烏頭係選用元朗烏頭，魚肉質鮮美重要有黃油的。潮洲蠔餅呢個又係我去潮州餐廳必食的菜式，佢煎得香脆，同埋啲蠔仔肥美大件好鮮味。滷水鵝件呢個滷水鵝件滷得好入味，同埋我鐘意佢隻鵝唔會好肥，平時好怕啲鵝皮好肥膩，但呢到啲鵝件一啲都唔會有呢個問題。五指毛肚無花果燉烏雞湯呢個又係好清甜好清香的湯，佢果湯一啲都唔油啱晒啲注意健康之人仕。

陳儀興飯店有三間分店，今日就去左位於將軍澳嘉悅嘅分店，一聽將軍澳以為好遠，但原來個位置都方便，由將軍澳站A2出口行六分鐘就到。因為訂左位，但遲左小小到，但職員嘅服務都好好，優先安排我地入座，所以去到好快就有位。入座後，見到環境都乾淨、企理、舒服，落單時職員都有推介我地食乜，態度親切。🤡潮州蠔餅 $93上枱時熱辣辣，炸得鬆脆可口，蠔餅入面又足料，唔會話偷減料，加上不同配料，味道一流。🤡鹵水雙拼(墨魚片、紅腸) $108墨魚片十分爽口，紅腸又唔會薄切，一啲都唔會同你慳，鹵水味十足，但又唔會咸！🤡韭菜豬紅 $70一大碗豬紅，份量十足，豬紅香滑，唔會一夾就散，配上辣辣地嘅湯，令人回味。🤡霸王醃蟹膏 時價潮州式”醬油蟹”，唔洗去韓國都食到，香甜嘅蟹膏爆曬出泥，值得你一試再試。🤡醃螄蚶 $98螄蚶好似硯一樣，平時食硯就食得多，今次試下凍食嘅打冷螄蚶，別有一番風味！唔會腥，超有鮮味！🤡臘味炒芥蘭 估唔到臘味同芥蘭係咁夾！臘味嘅味道完全融入到芥蘭入面，一啖臘味一啖芥蘭，令你一食再食！強烈推介！🤡潮州蠔仔粥 $148/窩必食足料蠔仔粥，一窩足夠每人食兩碗，雖然一大窩，但味道並唔會分薄，每一啖都充滿蠔味！

最近天氣漸冷，份外想食打冷菜。 今晚同媽去將軍澳陳儀興飯店，一間甚有口啤及無人不識的潮州打冷餐廳。 食物份量足、小炒有鑊氣及合理價錢是長期受歡迎的原因-🔸招牌蠔餅打冷必點之選！不能錯過的炸蠔餅！蠔餅即叫即炸，炸得色澤金黃酥脆！ 一口咬下，香氣在口腔回盪！ 蛋香及蠔味突出，點上魚露醬汁，味道的鹹鮮引出蠔仔海鮮的濃甜，很有水準😋-🔸滷水鵝 滷水鵝是打冷常見的小菜。 秘製滷水汁想當惹味；鵝皮油潤甘香、鵝肉入味而且肉味突出，肉質軟腍-🔸燉湯冬天一定要來盅滋補燉湯。 選擇了「蟲草花雪耳燉雞」。燉湯很足料，而且無味精。湯底清甜，養顏潤肺！ -🔸蒜香骨蒜香骨！唔食唔得！ 太好味😋 炸得粒粒金黃，蒜味濃郁！又是一道惹味非常既菜式！

2:13 叫嘅外賣 轉賬紀錄 3:12 先至開始送過嚟 等外賣做嘅時間就要一個鐘頭 🥲🥲🥲🥲😂😂😂 100出頭嘅一個湯飯午餐 😊😊😊叫唔叫呢間外賣 大家自己諗

潮州菜甚少去食，難得朋友介紹了佢屋企附近一間潮州菜館，價錢實惠又好味，一於約埋一齊去試吓。午飯時段非常爆滿，人氣店。滷水鵝片指定要食嘅菜式之一，係潮州菜代表者。鵝肉軟腍不會太肥，鵝皮香肉嫩，啖啖肉香。潮州蠔餅超大碟，抵食喎！煎得非常鬆化不油膩。蠔隻爆膏又爆汁，惹邪至極。潮州浮豆腐原來係炸豆腐，外層酥脆內綿滑，不錯。天氣有點清涼，燉湯最啱季節。今日燉湯係蟲草花雪耳燉雞湯，村料十足，湯底清徹，味道清香，非常潤喉。

今晚母親大人大駕光臨，血拼完後又係時候補充體力，問佢想食咩?  佢話想食潮州菜，好彩有呢間。早到早食，二人安排四人側邊枱，滷水/傳統潮菜/小炒/水煮系列一應俱全熱辣辣燉湯首先出場，今晚有蟲草花雪耳燉鷄 ($68)，可提高免疫力，雪耳潤肺養顏。超足料，面層唔會有層鷄油，味道清甜，阿媽話飲完成身䁔晒。凍食元朗黃油烏頭王 ($188)，已起主骨，食時相當方便，有普寧豆醬點食。話明係黃油烏頭，中間位置係見到黃油嘅; 肉質鮮甜，唔點醬汁食都好味，煮法愈簡單愈能食出原味，正呀!潮界嘅脆物擔當，當然唔少得蠔餅啦 ($93)，送埋魚露點食蠔仔飽滿，散滿係蛋餅漿內，入口先脆，然後有蠔仔嘅柔軟口感，用啤酒汽水黎配搭，咁邪惡得唔得架?!  哈哈.......簡單又專一地點咗呢碟滷水鵝件 ($148)，份量夠2-3人分享，相當抵食。鵝肉入口無渣，滷得相當入味，皮下脂肪適中，用黎送潮州粥都唔錯。底部有大豆芽，若果有埋滷水豆腐就仲正。上菜速度快，坐得幾舒適，本想食埋糖水但已經好飽，綠荳清心丸.................你等我呀.....。

喜歡吃潮州打冷菜的朋友對「陳儀興」這個名字應該都不會陌生，超過半世紀的歷史，從新蒲崗起家到現在擁有多家分店，分店的裝潢比老舖新穎，但出品依然保持一貫水準。今次來到這家位於將軍澳的分店，離港鐵站數分鐘步程，附近一帶都是新落成的住宅區，所以吸引到不少家庭客，一家大小來用膳。▶️潮州鵝件（$148）潮州滷水最聞名，是潮州打冷必點菜式。滷水鵝件的外皮色澤均勻，肉質鮮嫩多汁並帶有絲絲的滷水香料的味道。▶️潮州蠔餅（$93）金黃色的蠔餅，大大隻的蠔仔口感軟綿，加上脆脆的炸漿，外脆內軟，形成强烈的口感對比。▶️凍食黃油烏頭（$188）黃油烏頭的價錢是時價的，價錢會以大小和來貨有所不同。來自元朗的烏頭，尾巴夾了出產商的名字，有名有姓，當然有品質保證。▶️老火燉湯（$136）可以在潮州打冷店飲盅粵式的老火燉湯，材料、味道和火喉都到位，十分滋潤又清甜。兩款的燉湯分別是五指毛桃無花果燉烏雞和蟲草花雪耳燉雞。▶️白飯（$12）▶️茶芥 （$10）Storefront Interior Menu

呢間係我食過幾間陳儀興最差既一間，落錯兩樣單呢d小事，燉湯黎錯左話無曬另外一款，但係一開始唔講直接隊另外一款燉湯，仲要鹹到苦既...食過太子同新蒲崗都好好食，諗住將軍澳近近地可以食到就去試下，點知真係十分失望

跟住住將軍澳的朋友夜麻麻搵野食，好多餐廳9點零就收鋪，好彩行一陣見到呢間潮州菜。朋友話平時餐廳都好滿，就算外賣都要等好耐，今次誤打誤撞黎到食，果然無令人失望！🥢想食好耐嘅蠔仔粥勁足料，一份細嘅都分到4至5碗，蠔仔size中等，配菜有冬菜、肉碎同方魚，脆脆地，啖啖肉之餘又有粥，夠晒兩個人慢慢添食！🥢鹵水拼盤好惹味，醬汁落得一啲都唔手軟，滷得好入味！有墨魚片、腩肉大腸、紅腸、豬耳、豬頸肉、鹵蛋同豆腐，乜都可以試幾舊，啱晒口痕嘅我地😆 個人最欣賞豆腐同豬頸肉，超入味，又唔會太咸！🥢朋友話未食過白鱔，所以一試豉汁蒸大白鱔，上枱擺盤幾吸引！海鮮要襯熱食，凍咗可能會腥。大白鱔肉身好厚，但豆豉整得唔夠散，下底嘅豆卜吸唔到味。😥🥢今次係我第一次食手工芋泥，味道略甜，落得太多糖？實物同相片有距離，大家要叫就小心啲！整體用餐體驗唔錯，滿足咗想食潮州菜好耐嘅慾望！下次一黎一定會食鹵鵝片同炸蠔餅😋😋😋

本身係新蒲崗潮州打冷的老字號，已經開到去將軍澳喇🙌午市、晚市十分墟冚，座無虛席，記住訂枱丫，就可免除等位的時間。環境充滿懷舊風，地磚顔色分別以藍色啡色圖案為主，別岀心裁，店內的畫及擺設都十分吸睛，用餐時不防留意一下。侍應友善有禮，殷勤服務，上菜速度亦相當快。餐牌選擇繁多，可滿足不同口味既食客；包括套餐、精選、打冷、小菜、燉湯，還有自家制飲品，非常養生。當晚二人點了元朗黃油烏頭王，全身只有一條脊骨，肉多骨少，味道鮮味，肉質肥美。燉湯分別點了五指毛桃無花果燉烏雞、蟲草花雪耳燉雞。非常足料，湯料滿滿，養顔必點，火喉十足，清甜可口。蠔餅分量超班，香味撲鼻，蠔餅炸至金黃色，而且蠔肉非常飽滿大粒、新鮮不腥，口感十足，炸至甘香鬆脆，令人食唔停口。滷水鵝 大大碟，仲有鵝脾，肉質鮮嫩細滑且滷水非常入味，必食之選！整頓晚餐分量超值，味道亦不錯，食品種類好多好味又大份，兩人吃到相當飽。陳儀興飯店（將軍澳店）🔹地址：將軍澳至善街9號嘉悅地下2-3號舖🔹 網址: https://s.openrice.com/QrbS0ASqA00~ukrZ9Aw