陳儀興牛什粉麵 (鴻祥大廈)

營業中

休息中

原本約咗朋友旺角食晚飯，朋友見天文台預告有大雨就爽約，一個人都要食，一個人都可以盡興，經過旺角煙廠街見到一間好出名嘅潮州打冷，原來呢間係主打潮州粉麵相當吸引，唔少得當然有潮州牛腩牛雜，仲有潮州魚蛋魚片豬肉丸等，仲有炸魚皮、炸蝦棗、墨魚條等小食。崩沙腩叫咗個崩沙腩淨食，淨食份量多滿足感更多，一放低都已經聞到牛腩嘅香味，食牛腩都知道崩沙腩係牛腩之中嘅靚嘢，炆得又腍又入味，一層筋膜少少脂肪一層厚肉，一啖咬落去無得頂，筋膜位好爽好彈，必須加啲店家自製辣椒油，辣油炒得超級香，令牛腩更上一層次，淨食除咗有菜底仲有白蘿蔔吸收腩汁真係好正。章魚金手指店員哥哥介紹係新出品，即叫即炸，裏面粒粒章魚的確好足料。原來有牛沙瓜，之前食過一次口感獨特，更有極罕有嘅牛脆骨，雖然罕有，但價錢與其他粉麵差唔多，店員話每日得好少，賣晒就無，想食要早啲碰下運氣。牛腩真係好特別有自身魔力，好似呢間啲牛腩咁靚真係好過好多美食。另外店裏海報有各式潮州餅，七月31日前有75折早鳥價，有興趣朋友要把握時機。

香港的牛雜粉麵店都有很多，但要弄得好吃又有特色的，還真的要選一下，就像今天吃的這間一樣，有比較少有的牛脆骨可以吃到，整體質素都不錯。牛脆骨餐（７４元）牛脆骨比較少見，這裡燉得很入味，陣陣滷水香，肉質很嫩，中間又會吃到有爽脆的脆骨，口感更豐富。麵底選了幼麵，質感爽滑。湯底香濃又清甜。崩沙腩餐（１７１元）油脂豐富的崩沙腩，吃起來又香又滑的，濃濃牛肉香，帶點入口即化的口感，但肥而不膩。油菜套餐都有配菜的，選了蠔油生菜和腐乳通菜炸雲吞（３５元）用的是鮮蝦雲吞，所以吃起來外脆內爽滑，蝦味突出。可樂／龍鳳檸樂（＋２元）

之前去過陳宜興嗰度食潮州菜，估唔到連潮州粉麵佢哋都有食，今日經過旺角試吓佢哋嘅出品，餐廳比想像中多嘢食，而且仲有得加錢又套餐，都幾好崩沙腩河粉🍜🥩 崩沙腩係牛橫膈膜部位，肉質軟腍帶膠質，肥瘦適中，牛味特別濃郁。燜到入口即化，配河粉吸晒濃郁湯汁，每啖都香濃滿足，係香港人至愛牛腩粉之一。牛脆骨河粉🍜🐮 已經有好多年冇見過有牛脆骨食，牛脆骨即牛氣管，滷到入味，咬落爽脆有膠質，口感特別彈牙。配滑溜河粉同鮮甜湯底，啖啖都充滿牛香同層次感，食落超有驚喜。腐乳通菜🥬🧂 通菜爽脆，炒時加腐乳、蒜茸、辣椒絲，鹹香惹味又帶微辣。腐乳醬汁包住菜，每條通菜都入晒味，炒到翠綠唔變黑，夏天食最開胃。炸蝦棗丸🦐🍡 蝦棗用蝦仁、豬肉、魚漿、香菇等搓成，外層包豬網油，炸到金黃酥脆。內餡鮮甜彈牙，外脆內嫩，咬落有蝦香同肉香，配甜酸醬最正。

鍾意食牛嘅可以去「陳儀興牛什粉麵」食。喺呢度可以食到牛嘅唔同部位。❤️牛脆骨河粉配通菜，加$2嗌左支竹蔗茅根水。第一次食牛脆骨，食到軟骨脆脆地有口感不錯👍🏻。河粉幼溜～通菜爽脆。❤️崩沙腩配米粉配菜心，加$2嗌左龍鳳檸樂。崩沙腩牛味香濃～菜心翠綠鮮甜。龍鳳檸樂有鹹檸和檸檬🍋。❤️我要哂一次過食晒炸魚皮、炸雲吞、炸魚條、炸墨魚條、炸章魚丸、炸蝦棗丸，大滿足！鍾意食重可以download app做會員。

舖頭睇落好細，但非常企理衛生，伙記都好有禮貌，上菜又快，當然價錢係比一般面檔貴啲，但啲野食有質素嘅～🌼雲吞面加配套餐份量足，有成4粒大大隻雲吞，雲吞皮薄爽口彈牙，面底有咬口唔會太淋👍🌼腐乳通菜雖然係加配嘅，但都好多🥹而且啲菜新鮮冇渣

週日同朋友一齊嚟咗呢間喺旺角嘅粉麵店食個 early dinner 🤣$76「牛脆骨麵餐」，套餐包一碟菜同埋一杯飲品，有啲飲品就要補錢，睇吓你飲乜🤣；「牛脆骨」據聞係連接牛肺嘅氣管位，含有膠原蛋白係牛雜中極稀有特殊部位🤣；「牛脆骨」嘅脆骨部份脆脆哋又黐住少少肉口感有啲似豬耳，幾得意🤣$64「自製鮮蝦淨雲吞餐」：食到又見到有爽滑嘅鮮蝦仁🍤喺裏邊🤣跟餐「灼菜心」：要咗全走，菜心夠新鮮，簡單幾好食🤣跟餐「腐乳通菜」：通菜都係新鮮，加埋有鹹香嘅腐乳，咁又惹味啲🤣跟餐「竹蔗茅根水（+$2）：帶微甜，幾清新🤣跟餐「羅漢果茶（+$2）：都係帶微甜，都係幾清新🤣$40「炸雞中翼」：燒雞翼，我鍾意食，炸雞翼，我亦都鍾意食🤣，雞翼炸得夠晒香口🤣

陳儀興呢個名大家都聽得多。原來旺角有間專食牛部位既粉面店，今日同屋企人一齊經過去食。自製鲜蝦雲吞餐呢碗自製鮮蝦雲吞餐唔錯！雲吞嘅餡料鮮嫩多汁，蝦肉嘅鮮味一口咬落去都係蝦鮮味。五花茶味道醇厚，仲有助消化！崩沙腩餐崩沙脆餐係每日限量，手快有手慢冇。米粉煮得剛剛好，唔會過爛。肉好淋，牛味重，而且唔肥，一咬就溶落個口到，份量都比得好多，超大碗。通菜好鮮嫩，最欣賞佢個腐乳醬，係自家製，好惹味！同埋佢分左2邊擺，唔食既人都可以唔點，幾好既設計。竹蔗菜根水甜甜地，飲落去好舒服，仲有清熱解毒嘅效果。

旺角咁多好嘢食，次次都唔知食咩好，今日經過見到呢間牛腩粉麵竟然有牛嘅特別部位，咁就一於嚟試吓啦。原來呢度嘅牛脆骨一日先會運貨兩次，咁就好似新鮮啦，咁我梗係叫一個牛脆骨試吓啦。一上枱樣子好似雞軟骨咁，但係一眼又口真係好大分別。佢係類似濃味嘅牛，加上雞軟骨，口感同味道都一流啊，唔怪得咁多人想試啦。而且除咗牛脆骨之外仲俾咗幾嚿牛腩我，兩樣襯埋真係好好食呀。朋友唔食牛，所以揀咗雲吞河，試咗佢一粒雲吞，雲吞都好大隻，而且入面有三隻蝦，下次食都應該會再試雲吞呀。而且呢度除咗粉麵之外，仲有唔少雜物，我就認為呢個炸魚餅最出色，因為入面材料好豐富，而且炸嘅時間都啱啱好。非常建議大家經過旺角嘅時候嚟試吓呢間啦，價錢又平而且材料好充足。

今晚又要到旺角針灸，路邊這裏，看到人山人海，便入內吃過下午茶。崩沙腩餐$81 ，河粉、生菜、凍檸茶。崩沙腩，崩沙腩帶點脂肪的香氣，牛肉味道十足，軟腍可口，加上河粉爽滑彈牙和湯底牛骨味道十足，整個崩沙腩河，十分滿意。生菜🥬凍檸茶，茶味香濃，檸檬份量十足，攪勻之後就是港式檸檬茶。自製鮮蝦雲吞餐$60 ，幼麵、菜心、凍鴦。自製鮮蝦雲吞，有師傅在現場包裹着雲吞，所以便點了一個，雖然湯底不是大地魚湯底，不過雲吞都有四大粒，蝦肉爽口彈牙，因此都算是一個不錯的選擇。凍鴛鴦，奶茶、咖啡和花奶份量適中，試過人最喜歡的組合。炸蝦棗丸$35，即點即炸，爽口彈牙，如果以小食份量來說，性價比高。

晚上出左旺角購買後，就在附近的陳儀興牛什粉麵開餐, 餐廳主打潮式粉麵，有牛雜、崩沙、牛坑腩及雲吞等等, 地方企理乾淨，價錢貼地。 淨崩沙腩，又名「蝴蝶腩」，邊皮連着塊薄軟膠質，爽軟不硬，煮得入味，咬落有陣陣油香味，瘦的部位則柔軟，底下仲有蘿蔔同生菜，索晒腩汁更可口。雲吞米線🍜～雲吞足料，蝦🍤同豬肉份量均勻，調得味道都唔錯，米線加入辣椒油食就更加正。我要晒(炸物拼盤)～各有特色，炸得香脆可口，美味的小食。生菜🥬&通菜都翠綠夠健康。飲品方面要左老友凍鴛鴦順滑，我點的金銀茶夠晒清熱，

之前喺觀塘食過，但係觀塘嗰間位置太隔涉成日都想覆桌，再去食「陳儀興」！原來旺角都有鋪頭唔算大，但勝在夠地道，鋪頭細細但成陣牛骨香飄出街坐低即刻order咗兩款招牌哥仔手腳快又好人，抵讚！牛脆骨套餐（極罕有部位！）真係第一次試牛脆骨！咬落爽脆得嚟又帶啲膠質個口感似牛筋+軟骨混合體「極罕有部位」喎！脆口但中間又黐住啲膠質，個口感似食緊牛版軟骨湯底清甜唔油膩，仲跟埋碟翠綠油菜，抵食！崩沙腩淨食（招牌必點🌟）腩肉肥瘦啱啱好，一啖咬落去層次分明個筋膜位仲有少少黏嘴，正！米粉滑溜掛湯，飲多兩啖牛湯，果然係鎮店之寶凍奶茶茶味濃又夠滑，完美配搭！轉套餐加$22有油菜同炸魚皮（仲送碗蘿蔔湯）炸魚皮脆卜卜浸落湯3秒，必加！鍾意食牛嘅朋友真係要mark低呢間罕有部位唔係度度有而且價錢合理小食炸墨魚條（$35）外脆內彈牙，外邊同入面分兩層，外表係脆口入面彈牙點埋甜辣醬真係停唔到口～

今天在旺角，就來這間六十年的老店吃粉麵。**自製鮮蝦雲吞米線** 雲吞真係冇得頂！每粒都脹卜卜，咬落去先係薄滑嘅雲吞皮，跟住就係滿滿嘅鮮蝦餡，蝦肉爽口彈牙，仲有豬肉，鮮甜得嚟帶啲爽脆，湯底飲落清甜唔油膩，米線吸晒湯汁好滑順！ **崩沙腩米線** 崩沙腩肉份量十足，排的整整齊齊，肥瘦均勻，腩肉燜得夠淋，個汁香濃得嚟唔膩，配米線一流！ **炒菜心** 菜心翠綠爽脆，仲好有菜味，夠鮮甜！ **炸魚皮** 脆卜卜！點湯食或者就咁食都咁正，完全冇油膱味！ **紫菜湯** 有好多紫菜，清淡得嚟好鮮甜，食完濃味嘢飲返碗，舒服晒！ ** 我要曬**這份是小食拼盤，有炸章魚蛋、炸魚皮、炸雲吞、炸墨魚條等，一次過滿足嗮！整體嚟講，價錢合理，份量足，味道夠地道！一定會再幫襯！👍

Chan Yee Hing, well-known for its Chiu Chow cuisine since decades ago, has expanded its empire to another genre - beef noodles. Beef dishes were served with lettuce and radish.Lean Beef Brisket Instead of being "lean", it was a combination of meat, tendons and fat. Extra tender and moist brisket with gelatinous tendons. A fulfilling dish.Beef Throat A rare cut. Was guessing it'd be a bit of a chew but turned out it was a part layered with velvety meat, tendons, fat and crunchy bones. The flavors

今日係陳儀興食左2個好特別既牛部位，都未係其他地方見過🌟牛脆骨麵（極罕有部位）聽樓面哥哥講話牛脆骨好罕有，就膽粗粗試一次。上菜果下就覺得碗麵好大碗，但啲牛嘅份量一啲都唔少喎！食落去都幾新奇，脆卜卜又彈牙，個感覺都幾獨特。🌟牛沙瓜 麵/飯/ 淨呢個牛沙瓜又係罕有部位，我孤陋寡聞，真係聽到未聽過，鑒於我最鍾意試新嘢，梗係嗌返碗試吓味。估唔到嘅係，牛沙瓜反而睇落有啲似豬肚，食落又好有牛香味。仲要勁大兜，有排食，最驚喜嘅係，食到落底有蘿蔔解膩，即刻加晒分。🌟炸物諗住呢度主打牛，啲小食嘅水準應該同出邊差唔多，但估唔到炸魚皮真心超好食，新鮮出爐脆又香。我地仲嗌埋炸墨魚條，配泰式甜辣醬，又係口感一流，係必試之選🌟腐乳通菜個腐乳通菜都唔差㗎，印象深刻係腐乳勁多，啱晒我呢啲重口味嘅人，偏偏啲通菜又唔鹹，同腐乳嘅鹹香超夾。#陳儀興牛什粉麵 #旺角 #粉麵 #港式 #旺角美食 #煙廠街 #港式粉麵 #牛什麵 #牛脆骨 #香港美食 #美食指南 #美食推薦

係旺角想快食個飯 經過見到「陳儀興牛什粉麵」好好奇 唔知原來陳儀興連粉麵都有😮 就入去試下 餐廳裝修光猛乾淨 座位坐得寬鬆舒服睇餐牌見到除咗普通牛腩之外 仲有好多特別部位嘅選擇 最後我就食咗限量的崩沙腩河粉+通菜+金銀花茶 見到仲有新出小食好特別 所以叫埋「章魚金手指」崩沙腩上枱一睇已經覺得又腍又靚 食落好有驚喜 牛味好足 而且份量不少 河粉幼滑 整碗粉都好好食通菜配的腐乳好細心地放在一邊 大家需要多少份量悉隨尊便 值得一讚章魚金手指戒成八爪魚造型去煎炸 咬落見到很多章魚粒 是一個很特別的小食除咗平日普通飲品之外 見到有個「事頭婆涼茶」好正咁 所以選擇了金銀花茶 清熱爽快 超級滿足咁離開