陳儀興牛什粉麵 (鴻祥大廈)

營業中

休息中

因為睇左右youtube有人介紹話呢間舖頭嘅炸醬麵有9.5分，我抱住好大期望來試，坦白講有啲失望，佢嘅味道係ok既，但係真係冇好大驚喜亦都冇9.5分咁高，加上太多汁比較重口味咸左d，可能因我期望太高，但可以一試!而介紹嘅凍奶茶亦都唔係好飲，我覺得有啲澀，完全唔需要專登試。另外，我仲試咗佢個牛腩河，因為下午茶平啲，牛腩個纖維幾好食(即係米白色嗰塊)，但係啲牛肉真係有d鞋口，但河粉同個湯底都可以，實情係真係唔使專登去食。因為本身冇諗住寫呢篇食評，所以冇影相，可能係我唔好彩，今日佢嘅食物質素冇講得咁正。至於牛雜及牛內臟，因為下午茶時段冇特價所以冇試，可能好食都唔定。唔知有冇人同我有同感呢？如果有可以留言畀我。

今晚黎到旺角周圍都好多人，天氣凍凍地想食湯麵，見到哩件餐廳唔洗等位就入黎試下啦🤭牛雜拼手打魚蛋米粉牛雜包曬牛肚、牛腩、牛膀、粉腸、大腸，牛腩肥瘦剛好，唔會太韌，粉腸同大腸油香味十足😋手打魚蛋夠彈牙又有魚味，應該幾新鮮😆腐乳通菜幾大兜，腐乳醬都比得足，不過不失啦～炸魚皮脆卜卜浸落牛雜麵度食，索曬啲湯汁，正啊👍🏻見佢推介有唔少牛嘅特別部位食 例如崩沙腩、牛沙瓜等等 大家有興趣嘅話都可以黎試下😆

陳儀興做潮州野起家，試過太子過陳儀興尚潮樓，d潮洲菜好有傳統味道，仲有出面少有既手工菜，上星期竟然見到陳儀興牛什粉麵開左係旺角，太好啦咁就腳😋粉麵店新開張乾淨企理，無我最驚既麵店簡水味～ 客飯同粉麵都可以加$20轉餐，就可以揀油菜/魚皮，+紫菜湯/飲品，幾抵👍🏻牛肚邊米 $68店員推介，話牛肚邊少之有少，唔係成日有貨！上枱心諗咪又係牛肚，但入口真係食得出同平時食開既唔同，比平時既更入味，口感軟熟Q彈。湯底好重腩汁味，米粉索哂好食😋崩沙牛腩飯 $85崩沙腩份量多，爽滑軟腍，唔會過多脂肪，比例岩岩好牛脂味香濃，我中意點少少辣椒油，整碗白飯已經好正👍🏻跟餐既腐乳通菜同炸魚皮都好好食，如果二讚一就揀炸魚皮啦，係自家製，浸一浸湯會聽到魚皮發出滋滋聲，係新鮮既魚皮先有，食落特別鬆脆香口，好食❤️

一路都知道呢間幾好味, 你見到佢新開張即刻幫襯啦，點知就即刻中伏呢間真係好孤寒，$65 一個牛坑腩飯啲牛腩少得可憐超級薄，博到好似一開2咁樣，有冇咁孤寒㗎，俾多少少都唔會死啫，下邊有張相你哋自己去睇吓多少你自己判斷啦。我見隔離叫牛腩$55 ，個個人都係差唔多咁少。味道只係好普通，牛腩係幾滑嘅，但係真係超級咸，如果血壓高人士千祈唔好食啊行過啲去油麻地有間食牛腩好味好多。真心唔推薦大家去，呢間只係掛個名。千祈唔好嘥錢，入去係咁叫你upgrade做套餐，菜都得好少幾條，完全搵笨！

知道陳儀興係旺角開左粉麵檔，特登同朋友過黎試下，舖頭唔算大，一般粉麵檔格局侍應姐姐都幾熱情，又會主動介紹下，唔錯啊食粉麵最愛就係叫崩沙腩崩沙腩腩河配埋芫茜蔥崩沙腩肉質較軟腍，有筋膜同少少肥膏，肥瘦均稱，油香同牛味更濃朋友叫左牛坑腩試左少少，是很爽身的牛腩位，都唔錯轉套餐可加$20，有飲品，油菜/炸魚皮好少食粉麵會叫炸魚皮，見呢到跟套餐可以揀就試下，炸得香口，脆卜卜都幾好食油菜都大大碟，腐乳通菜都係不錯選擇

早幾日去旺角行街，行完就搵嘢醫醫肚，平時好鍾意食粉麵，特別鍾意食牛雜牛腩，見佢新開就去試下睇完餐牌見到有幾款特別部位都有，牛坑腩、崩沙腩同沙瓜都有，我就點咗沙瓜，見到份量都多，沙瓜口感特別，入落好嫩腍又有牛香，而且燜到好入味，米粉正常都唔錯，重點個辣椒油好香，配啲沙瓜食仲正另外我點了餐配埋香脆炸魚皮，脆卜卜好香口，浸湯食吸咗啲湯都好正，仲有凍檸檬茶茶底都好，茶味好清香又出，價錢都好合理，整體味道好食

看似普通嘅魚蛋牛雜粉麵好多地方都有得食，但係想食到一碗正經似番啲樣嘅都唔係咁容易，同價錢無關，$60至$70一碗都可以係好難食。旺角雖然係有好多選擇，但合我口味就只有陳儀興！湯底不濃不淡，配有芫荽蔥炸蒜粒，手打魚蛋有香龍魚味，牛腩淋身，墨魚丸味道濃郁，爽口彈牙，十分有口感，誠意十足，炸魚皮又簿又脆又香口，只需+$20就可配飲品及油菜或炸魚皮，非常經濟實惠💪，各式單餸粉麵$38，另加一餸+$12，非常經濟實惠x2💪💪，從此變成飯堂了～

老婆大人 Cherry Choi 🍒旺角新租客 #陳儀興牛什粉麵 等了約1.5月終於開張了🎉🎊🥳#全新靚裝修，有心思，見質素甘高我才安心肯去😁平時我是甚少去食牛什粉麵的，要睇靚環境😎見店舖牆有懷舊風插畫🖼️亦有張好顯眼既字畫，類似 #九龍皇帝👑既書法✒️。老婆話陳儀興好勁，只係新蒲崗有四間分店👍👍我食完後都覺佢係 #世一1️⃣🥇👍🏻今次選食 #牛三寶麵(轉米粉)、#豬手米線🐷、#炸魚皮🐟、轉套餐跟既 #油菜、#枝裝可樂牛腩🐂最緊要冇化學味🙈，嫩而挺身，唔會變石頭🪨，有D筋膜痴住增加口感就更正🤭牛筋睇落簡單，但要整到Q彈而唔硬膠🦘、軟滑而唔頹廢🤌🏻，入味而唔過咸🧂，就真係講功夫炸魚皮🐟既要爽脆、香口，亦要避免油膩🛢️、過期🗓️。最緊要係你咩時間去食都可以咁好食🕚，唔似油炸鬼要夾出爐時間⏱️依家愈黎愈少傳純米粉🍚，雖然唔係人人都鐘意佢個口感，但真係好食架🤣新包裝支裝可樂🍼曾經消失過一排，雖然再出現番冇咁好飲又小支左，但都好過罐裝😋我哋叫了油菜菜心，菜心嫩好食，睇得出是有質素的👍😋最後講返個靚舖位於 #煙廠街 同 #花園街 大單邊，是由叻叻老婆 #Cherry攻商鋪🍒 租出🥳🥳之前都成日聽話同陳老闆睇舖好

嘩嘩嘩🤩恭喜陳儀興牛什粉麵旺角分店開張啦🎉🎊🥳舖位於旺角花園街同煙廠街交界，大單邊 好搶眼😍之前是清水Bareshell吉舖，前租客是 「八方雲集」。經過約1.5個月嘅全新大重本裝修😍，裝修得好有特色舒適別緻，真變得靚仔好多🥰可以黎食野🍽️打卡📸好開心今日嚟左內部試業。見餐牌 都多選擇，真有選擇困難症🙈最後，聽了靚姐介紹，最後決定一嚐牛三寶麵🍜 加墨魚丸 及飲凍檸茶 🍹😋牛三寶🐂既牛肚夠香有咬口😋，牛筋夠腍Q彈👏🏻，牛腩夠腍入味、墨魚丸彈牙👍🏻幼麵都好爽好味，我叫咗少麵減量，因怕肥🤣🤭後來見主食加$20有套餐選擇， 油菜/炸魚皮🐟 + 紫菜湯/飲品，好吸引。 我選了炸魚皮，比預期中大碟，可能是試食益我🤣🤭好香脆，唔會油唔會腥，食了停不了口🤭食得炸物緊要飲杯野舒緩，凍檸茶🍋🍹茶底香、檸唔苦、甜度適中😎最後我當然清晒所叫食物。多謝老闆請試食😋🙏祝生意興隆🎉🎊💰💰💰🥳🥳 會叫老公及朋友快來食😋