阿鴻小吃 (已結業)

本人覺得食鵝翼一定要用手食才好味,在飲食男女看到的介紹,一直未有嘗試,今日經過和富道看見那些鹵水鵝,買了半隻鵝,兩隻鵝翼,回家作晚餐,吃飯時已經不熱,還是很好食,比很多出名大店更好食,價錢普通可以接受.

晚飯時間, 早到不用排隊~蔡瀾炒麵$32/碟, 麵質是比一般$5 炒麵彈牙, 味道一般, 又沒有甚麼配料, 不及劉森記的煆子撈麵阿鴻鴨舌沒有甚麼肉, 有一些特色不過我還是較喜歡優之良品的...很多人點鹵水甚麼的可惜我不喜歡鹵水的食物, 看來不會再來了.

好好食, 出品認真! Ordered 鴨下巴、雞腳根、滷水拼盆，蔡瀾撈麵very good and taste very good, I must come again although I live in Kowloon side.

之前見這店廣受好評，前幾日有機會行經這店, 就即刻來試！～我食呢餐都幾大犧牲，因為我唔記得我仲病緊的，之後食完果然失聲，都怪我貪食啦！！我兩個人叫左三樣，包括：阿鴻鴨舌、海蜇拼芥末雞腳根及鵝片撈粗。阿鴻鴨舌一碟有六隻，麻麻辣辣的，好惹味！～海蜇拼芥末雞腳根，海蜇是普通貨色；反而覺得芥末雞腳根很特別。我本身喜歡吃芥未的，芥末味夠之餘口感又略爽，讚！～鵝片撈粗就ok啦！！～鵝片算多，但味道不是很出眾。有機會想再食芥末雞腳根及鴨舌，或試南乳齋，堂食時都見有好多人買外賣！！～

品味源自個人, 這句說話在今晚足以證明.是夜本來没有意慾吃鹵水的, 但是眼見店外没有人龍, 而這裡的朋友又極力推薦, 無可能放棄好機會吧!第一次當然要點招牌貨雞腳根吧! 這客雞腳根味道脆身, 但麻香味道不重, 可能下次要試芥末味, 雙併的海哲只是一般貨色, 没什特別. 鴨舌香滑而且入味, 的確是好推介. 鴨片的味道不錯, 不算太肥, 但可能因為這個原因, 肉質太鞋且有點un招牌炒麵的麵質幼細而彈牙, 味道很濃, 其實跟菜譜上的蔡瀾炒麵没什分別. 但可惜不好蔥茜的我跟蒙牛, 吃得有點難吧! 没有用料的炒麵, 賣四十元是不是貴了點呢?味道是不錯的, 但對我來說, 又不是太值去排長龍, 或是日吃放吃的癮子

三個人在飯局前，找地方飲杯酒，兜來兜去，結果來了這裡。一樣是啤酒，這裡沒有生啤，只有樽啤，不過夠冰凍，也沒相干。來這裡的最大原因，因為這裡的小吃很適合下酒，先來一碟辣味的無骨鴨舌。鴨吞依舊鹵得夠味，最怕坊間一些連雪味也未清除的鴨舌，吃了這裡幾年，當然是沒有此弊病。再來鹵水豆腐，夠味又不會過鹹，這味鹵豆腐，似易實難，很容易就會下重手，鹵過了頭。最後的是麻香鴨腎，三個人，輕易的幹掉幾支大啤。七時多，店內已然爆滿，但幾位阿姐仍鬆容應付，明顯的久經戰陣。埋單位位45蚊，以hh來說，計及食物質數，相當化算。

曾經有一段時間，主人與奴隸獸經常途經『阿鴻』，只是無緣光顧。今次懷著誠意專程去此店外賣：1. 鹵水豆腐（HK$8.0）：豆腐嫩滑，只是鹵水味淡了一些。2. 鹵水蛋（HK$3.0）：抵食，下次一定要加碼。3. 鹵水鵝翼（HK$20.0）：味道OK。4. 招牌鴨下巴（HK$22.0，3件）：夠麻夠辣，最適宜做下酒佳餚。（奴隸獸忌食。）5. 阿鴻鴨舌（HK$22.0，6件）：老闆娘叫廚師送多幾件給我們，所以有9件鴨舌。越食越開心，越食越好味。

我打包了芥末雞腳筋和撈麵,味道是比較特別,但價錢實在太貴,是人工方面嗎?記得好久前都打包過鴨舌,也是覺得太貴沒再去幫襯了........

去完金凱,沿路行去阿鴻,想叫阿鴻鴨舌,但未有,(好失望),於是要了豉油王鴨舌-好香,不過,由於平時阿媽都會整,驚喜不大,芥末雞腳筋-我反而覺得芥末味還可以多一點,滷水豆腐-真係好滑!下次要試阿鴻鴨舌!!!

雖然有d遠, 但係每次去都好期待&滿心歡喜好飽地離開...麻辣鴨舌好好食, 好香好辣好入味, 有次食唔到好失望, 每次必叫既。叫左個招牌撈粗, 原先諗緊蔡瀾撈好定招牌撈好...事因上次在大榮華食過豬油0牛左幾日..所以都係叫招牌撈粗算啦.幾好丫, 雖然無咩料, 不過味道係ok既。鹵水鵝片拚墨魚係wonderful的, 連d豆腐都好好食好滑。。。鵝片超嫩的....真係無咩好講~見醉酒珍肝個名好似幾好食, 又再叫左碟, $32蚊可惜我原來係唔食肝既...食左一舊, 不過都覺得佢好香酒味.川辣豬利, 嘩嘩嘩,好辣但係好正呀...完全唔似係豬利,好嫩呀...麻到好開心...有heart的廚師&食物!!好得!

久聞呢度有麻辣「鴨下巴」同「有骨鴨舌」食, 今日終於0黎睇0下, 6:00pm 坐低, 想食招牌鴨下巴, 點知阿姐話賣晒(6:00pm 咋喎!?!?! 真厲害!), 「要鴨舌好唔好? 一樣味的」, 咁就點話點好啦. 見有蒜香雞, 又要了個蒜香雞湯麵.鴨舌($22) 先0黎, 賣相都幾騎呢, 今次都係我第一次食有骨的鴨舌... 咬落好脆口, 都唔少肉, 醬汁就好麻又好辣(in view of 我幾唔食得辣0野), 食到我個嘴唇痹晒, 搞到要飲支裝可樂($6) 解辣. 整體好惹味, 食得非常過癮. 推介!蒜香雞湯麵($38) 賣相幾油... 雞件肉質好滑(食完0係先0係門口見到原來係新鮮雞, 唔怪得啦!), 蒜蓉味極濃, 不過都幾鹹, 相信送飯會好好食; 幼麵就係一個驚喜, 麵質極爽口, 無鹼水味, 幾乎拍得住麥奀! 整體幾油, 不過真係好好食.小店環境乾淨企理, 鋪位細, 但唔覺得up dup, 另外不得不提, 所有檯面玻璃板下面都貼了好多Openrice 的comment XD 招呼唔錯, 阿姐幾有禮貌.埋單$66, 雖然唔係話食到飽飽, 但味道真係幾得, 會再0黎-- 希望下

終於都食到北角的阿鴻小吃，我已不是我，因為食左我一世都不會食的東西﹗鴨下爬，聽到都怕，食落好有咬口，皮肉骨分明，送酒佐物﹗涼伴豬耳，嘩，豬耳，豬耳都真係第一次，食落好爽口，脆脆地咁，麻油及芝麻的結合產生香口的妙用﹗不過食食下都係有少少反胃的感覺，因我始終都不習慣食呢家野﹗牛展好辣，不過好野味，最後的是我偶像蔡爛撈面，用豬油整的，好香好彈牙，不過...............肥到無朋友﹗聽日要食下麥皮了﹗終於都食到了﹗想了個多月呢﹗多得好友的提醒，我六點半已入坐，七點全場已爆滿，出面仲要排大隊呀﹗呵呵﹗

先謝過南瓜兄的安排及打點, 小弟二人不用操心, 準時到達就得.上次來這裡已經係年前同頌揚來, 今次人數更多, 試的應該係更多. 本身小弟不太吃到辣, 之前來吃都沒有點甚麼辣的菜色, 是晚就吃了不少比較辣的. 當然係對小弟來說的, 對師姐同路比她們就唔係一回事.店方上菜係慢慢上, 讓我們一住飲, 一住食, 都幾寫意.麻辣雞腳筋: 8分, 夠爽夠脆, 那份麻辣小弟還頂到, 應該係因為麻比辣多. 麻只係令舌頭有點痺, 飲兩啖酒就無問題.芥末雞腳筋: 8分, 跟上面的麻辣雞腳筋異曲同工, 只係由麻辣換了成芥末. 一食落口, 那份濃烈的芥末味馬上傳入鼻內, 文迪接受不了, 小弟就好勉強, 當然雞腳筋的口感係依舊.蒜香雞: 8分, 有雞吃, 自然高興. 上次只吃了一件, 今次就係吃完又吃, 真係吃到不能. 本身這道菜色其實未算很特別, 但係雞肉嫩滑, 食落口已經好吸引, 面頭的蒜香其實只算係點綴一下.老火湯: 9分, 這時老火湯也上場了, 雞腳湯簡簡單單, 無乜油, 無味精的痕跡, 仲唔收貨?麻辣鴨舌: 8分, 跟著來的係兩道店方的招牌. 鴨舌又係輕微的辣, 又加點麻, 好香口.招牌鴨下巴: 8分

接上文:日前飯局,有人舊事重提又話搞阿鴻飯局?)我家下話唔執wor.)(咁,唔執都可以搞飯局架.)我又係bor.)結果在公關一早提議,路比bear bear等人和議之下,徇眾要求地安排"阿鴻飯局".可惜最後公關小姐因工作關係不能前來,可惜可惜.每一次安排飯局,幾時都抱著"為人為我不必區分,一切事幹開心要緊."的想法.結果有好幾次"超重",好像今次的阿鴻飯局,就算出席名單去到本來最多的二十人,也想多些人去參與,差點忘記阿鴻本身為小店,未必能夠容得下我們.不過,飯局前陸續有些朋友因事缺席,縮到最後,剛好一打.幾張檯拍在一起,一字長蛇陣,準時七點九入席.本身已來過好幾次,想吃什麼已經心中有數,雞腳筋啦,鵝片啦,鴨舌啦,蔡瀾撈麵啦,蒜香雞啦,隨口up,當秘岌.就真的成為這夜的菜式.少不了阿鴻的老火湯,仍舊不下味精,住家味滿分.男人老狗前來,必定感動.雞腳筋分開兩味,芥末雞腳筋的芥末味,官能上甚為刺激,其爽脆的口感,又是真的爽說.如果受不了其味,麻香雞腳筋,一定合乎閣下之口味.(一隻雞只得兩個雞腳筋,我們十二個人,要吃幾多隻雞才夠?)當小弟邊吃邊想著這個問題之時,這一刻,蒜香雞便上桌.雞肉嫩滑,

來到阿鴻,買些小吃回家送酒,兼且向鴻哥求証,是否會在十月結業?打包兩味,阿鴻鴨舌同麻香雞腳筋,兩味不嘗已久,仍然很高水準,鴨舌的麻辣味道有致,前辣後麻,非常井然有序.鴨舌上少少的一忽肉,口感煙齦.送酒真不錯.麻香雞腳筋沒有芥末般霸道,麻香四溢,雞腳筋質感爽脆,吃落"索索"聲.闊別年多,鴻哥已經滿頭白髮,見到他當然問問未來的動向而家傾得七七八八,加上好多熟客仔叫我做落去,應該會繼續下去.)眾阿鴻迷,應該放下心頭大石吧.日前飯局,有人舊事重提又話搞阿鴻飯局?)我家下話唔執wor.)(咁,唔執都可以搞飯局架.)我又係bor.)