阿鴻小吃 (已結業)

一入到去老細+老闆娘+兩個侍應啊姐同時咧嘴報上親切微笑有d受寵若驚但心內立刻加分坐低後老闆娘全程保持笑容一直相安無事,直至落單後唔知係咪我地點既食物太少,問啊姐鴨舌可唔可以相拼黑晒口面話唔得,同入黎個陣既口面完全唔同以為侍應係咁姐點知連老闆娘都係咁比錢個陣,好似你係佢殺父仇人咁點解態度可以360度轉變既??講番食物芥末雞腳根─掂,好爽,個汁較得好香海蜇拼豬耳─海蜇唔得,唔夠爽 反而豬耳幾好,好爽,食落仲有酒香蔡瀾炒麵─我同bf都食唔出有豬油味,普通撈麵,竟然要$30 鴨舌─麻麻,灣仔個間好d,唔值咁貴

餐廳聞名已久，驚聞鴻哥有去意，火速找個晚上去試。整個下午腦袋裡都是雞腳筋，哈哈！乘地鐵的話，在北角站下車的路途不算很遠。六時多來到仍然有位子。點了蔡瀾炒麵($30)、麻香雞腳筋拼海蜇($36)、南乳粗齋($38)和豉油王鴨舌($36)。蔡瀾炒麵材料簡單，沒有肉絲，有豬油香卻不肥膩，以薑絲增加刺激口感，味道有層次，如果價錢平兩元會更加心服。雞腳筋不能雙拼，要分開點，不嗜辣，所以點了麻香雞腳筋拼海蜇。醬汁濃，腳筋爽，只有十來件，不消一會已吃光。豉油王鴨舌未吃已聞到豉油香，鴨舌肉多很滋味。南乳粗齋材料普通，南乳很香，其實不算很特別，因為媽媽也做得到，少吃住家飯的人可以點吃。最特別的是紅蘿蔔切成心形！不知道大家有沒有留意到呢！服務生姐姐很細心，看到我大包小包的就主動拿空凳給我放好，另一桌坐在冷氣機口的客人說冷，她立即調校出風位置，值得一讚！

上星期看了一本雜誌, 說它將會做到十月就會關門大吉, 所以馬上約了兩位朋友再去一次, 希望此不是事實啦！芥末雞脚筋: 好爽口! 但價錢就貴了點.鹵水鵝片拚豬脷: 鵝片好腍鹵得好入味,豬脷做得唔錯好味,但放在下面的豆腐才是我的"非佛".排骨湯麵: 排骨做得非常入味,所以我同朋友都想來多一碗,但最後還是比自己肚子空間吃其它嘢!鹵水牛展飯: 非常普通及麻麻地好味!滋味雞飯: 可能他切了隻雞趐給我,所以本人就覺得麻麻地及好一般.例湯: 都是我的"非佛"啤酒一支,山葵凍飲一杯放在檯面的咸菜一定要食,因為實在太好味及完全是免費.三人盛謂$270

Sunday with Papa Mama~~重遊舊地--炮台山~試了那間<<飲食男女>>介紹過的那間"阿鴻小食"~點了鴨舌和聽聞是HK唯一的芥末雞脚筋~還有一些湯麵都幾好食!!不過爸爸狂話雞脚筋食水深!!的確的確!!$32只有幾塊~鴨舌好好味﹐肉厚~醬汁好!! 價錢較公道~$22/6條山葵凍飲酸酸甜甜﹐像酸梅湯~湯面做得幾好!!麵很爽!!新鮮~

今次係第一次寫食評,唔係因係食物特別突出,而係因為老闆娘的經營態度好有問題...店中只有員工三名, 一名為熟手阿姐, 一名為生手阿姐, 另一為便服老闆娘. 遇菜單不明詢問時, 老闆娘庇度極不耐煩, 隨便回答便走開, 其他客人提出要求或更改, 老闆娘於客人背後暗地說麻煩...老闆娘希望客人盡快食完盡快交枱, 不斷催促員工代為收碟...老闆娘, 我只想對你說: 真正好吃的店不是全靠食物, 是要用真誠去對待每位客人.食物: 3 分服務: 1 分(0.5分是給於厨房默默努力的老闆; 0.5分是給熟手的阿姐)到此店幫襯?! 各位食客小心便服老闆娘...

之前覺得呢度D野已經無咁好食, 但當試過另外既店舖後就發現原來阿鴻真係好得醉鴿- 酒味香濃同嫩滑, 連骨都入晒味脆瓜- 雖然無拍但醬油依然入味, 夾埋辣椒絲同蒜茸一齊食, 正豉油鴨舌- 如可以爽口D會仲好鹵水豆腐- 一個字"滑"雖然真係幾好味, 但唔知呢餐會唔會係最後一次食呢...

還記得上次幫襯時，是與一眾OR朋友在這裡喝黑啤，眨眼又已一年多。要吃多一點澱粉質，在和富街揀揀下，不知何解來了這裡。見有條小人龍在門外等，但因為流量快，等不了幾分鐘已可安座在店子後方的四人檯。幾小時後已要比賽，要儘量多吃，亦要避開煎炸及辣的東西。要了拌黃瓜、麻香雞腳筋、鹵水墨魚拚海淅、鹵豬腩肉撈麵及招牌撈都，加碟淥芥蘭。拌黃瓜切細條，並不是拍的，咬落自然不夠鬆，不過伴的汁酸酸地，吃落都算是幾清新；雞腳筋是雞腳的後跟，有咬口，配上麻油及鹵汁，是這裡吃得過的一味；鹵水墨魚浸得入味，吃落幾腍身，配上爽口的海浙，是不錯的配搭；鹵水腩肉薄切，用鹵水炆得入味，吃落滿口油香又夠味，當然如果你問我，厚切雖然味較淡，但卻是吃得過癮一點，口感豐腴一點。麵夠咬口，但在浸了鹵水汁的情況下也嚐到有鹼水味，是日很餓，不介意也很快吃清；招牌撈麵用上了火腿、蝦乾、瑤柱、韮王等配料，簡簡單單的，味道也真不錯，喜歡吃撈麵的也可以一試。雖云這裡賣的是「小吃」，但吃了這麼多味，也飽到十足。埋單一百四十幾，是仍有水準的。

見到咁大比數話好所以就同老婆黎左一試，叫左介辣同麻香雞腳根、川辣牛展、蒜蓉炒白菜、墨魚餅、例湯，滿心期望等緊黎，食過之後覺得其實不外如是，由其個牛展最唔得，好“鞋”口，又冇辣味，同相中的有好大出入，本來想叫千層峰試，我地七點未夠就點菜都話賣晒，唔係好賣得咁交關呱，後來到八點差不多離開時，聽到其他後來食客點菜好多都已經售馨，攪錯呀，我難明呢間舖咁快賣完d野食點捱到收舖,佢地應該注意呢點，無謂要食客掃興而回

一大班人去食, 食左好多野, 好彩有book位, 雖然已經係最大張檯, 但都唔夠坐..... total三個鐘, 所以一定會寫漏野因為人未到齊, 所以先叫一碟南乳粗齋, 又好味喎, 唔似屋企整果d有一浸怪齋味... .不過11個人一人一件都好快清碟..第二碟係已經係主角--- 滷水鵝. 好入味, 小小暖, 好滑. 正呀... 唔知幾多碟喇... 另一個好味o既, 滷腩肉, 竟然, 係竟然唔肥, 都仲係咁滑, 又係咁入味, 好健康呢~~鴨舌叫左兩種, 一種仲會剩番舊軟骨,暖暖地o既... 一種係冇骨,甜甜地凍o既. 前者好味d, 後者就太腍,太甜呢.滷水豆腐- 好滑呢!滷水豬頸肉- 好爽好滑又好味四川醬辣牛展- 唔辣, 好普通, 後來個阿姐話原來冇落辣... 咁都得???凍烏頭- 肉滑但黐皮, 人地話唔係上品, 唔知係咪呢???爽耳- 爽囉!滷蛋- 冇咩特別呢! 都係滷蛋一只.芥末雞腳筋- 好有wasabi feel, 好爽, 有o趙口.. 通鼻塞..哈哈~~~橙色潮州墨魚- 好腍呢.. 千層糕?? - 好爽~豬大腸- 好味呢, 但好腍, 如果可以爽d更好... 仲有d自制咸菜, 唔咸

兩個人:鴻記鴨舌-即麻辣鴨舌，連鴨喉嚨，好味。麻香雞腳筋-麻醬加薑溶?味道特別，食落好爽。粗齋-南乳炆齋，OK。整體上唔錯。

呢期煲緊"4400", 星期六晚飯係呢度買, 落去拎完又可以再睇過鹵水鵝- 要了下庄, 大約$60, 鵝片好靚咁放晒係面, 另外連骨既就墊晒係底, 鹵水鵝唔算滑, 但就鹵得好入味, 朋友仔鍾意食鵝片, 而我就反而鍾意食佢連骨位, 啜下骨...正脆瓜- 青瓜用左蒜茸同豉油同醃, 幾清新既一道菜娃娃菜- 普通鹵水鴨舌- 鹵得幾入味, 帶爽口粥例湯

一年多前幫親過一次，琴晚來食晚飯，食客仍然咁多。(不知道是否冇乜枱嘅原因:得10張枱)。Order 左滷水鵝片(例),蔡瀾撈麵，海哲拼豬耳，滷水蛋，南乳齋，鵝翼，蒜蓉菜心，蒜香雞飯，2例湯&1白飯。鵝片幾好，唔會太鹹而入味，但本人覺得海哲拼豬耳好得，海哲有少少酒味，豬耳質感ok,唔會好硬。蒜香雞飯好味，但美中不足係佢地比左全部雞胸我。埋單成$305。本人覺得佢地價錢較貴，再加上位置唔就脚，會只屬於內不內去一次過隻。

昨晚難得同朋友仔心有靈犀都想食醉鴿, 打去問好彩仲有, 即刻落家order轉頭去拎醉鴿- 好濃酒味, 令到每舊鴿肉都沖滿酒香, 鴿肉又夠滑, 唔錯豉油皇鴨舌- 鹵得算入味, 但肉質有點鞋鹵水豆腐- 水準下降中, 入口無左以前個種好滑溜感覺鹵水蛋- 鹵得入味娃娃菜- 食左咁多濃味野, 呢個菜就變得好清新以上既食物都係D濃味野, 齋食會覺得幾咸, 下次都係叫番個蔡瀾撈麵平衡下先得

一向係蔡瀾先生嘅fans。大部份蔡生推介嘅小店，我都會捧場。今次嚟到北角，每次經過呢度都係擦身而過，好似同佢冇乜緣。今次同太太又行過，決定試吓佢...嚟到當然係要食招牌鴨舌啦。感覺上滷水味並冇台灣老天祿嘅濃，但卻多了一份麻油香及辣味，各擅勝場...叫咗個滷水鵝片拼豬脷飯。飯好軟熟；鵝片挺滑；豬脷普通，但鹵水味唔夠濃，差咗少少...見到有個蔡瀾撈麵，知道一定係豬油撈麵，馬上叫。簡簡單單用上微甜豉油加上爆過嘅薑葱及豬肉去撈，香味盎然，如果可以再加多D豬油會更好。雖然好味，但卻盛惠三十多大洋，有D搶錢嘅感覺..試過就算la...

20 December 2006 (Wed) - 晩飯其實我己經完全唔記得自己食過啲乜，只係記得所叫既嘢都好好食，除咗鵝片比較普通之外，其他都好好味，亦由於我哋只有兩人，都唔能叫太多，否則會食唔晒！但係我真係要去多次，因為嗰度既食物水準好高，阿姐們亦好有禮貌，感覺到招呼唔錯，雖然當日阿姐好忙，啲嘢亦黎得好慢，但係都覺得好好！