阿爺燒鵝餐室 (已結業)

話說見到新開張，見到價錢唔貴又幾企理，加上金毛叔叔落力介紹，不妨吃個睇下係咪值得再幫襯。煙熏燒鵝例牌，份量ok，賣相靚仔。望望d肉，有光澤而且淺色，證明新鮮肉燒嘅。味道呢？好香煙熏味，皮脆肉仍保留到肉汁，唔會太咸，絕對有別於平時食嘅燒鵝。我覺得唯一美中不足係有少少肥，同有1/3背脊位，肉較少，但係老公話咁先食到唔同部位嘅香喎～確實加配白飯同菜蜜都幾爽嘅～客人之間都相隔都幾遠，環境乾淨，而家買燒鵝仲送少爺雞，都幾抵食，會再幫襯的。

As my parents said that it has been awhile since we bought roasted meat back home for dinner, I decided to do so today. Ever since the virus began, more people chose to take away to avoid the crowd. Roast Goose restaurant was located at Tai Wai Road, several minutes walk from Tai Wai MTR.They have menu for both dine-in and take away option. They mainly offered several types of roasted meat such as BBQ pork, pork belly, steamed chicken and BBQ ribs etc. Roasted pork belly was roasted till the ski

今日屋企拜神所以落去樓下買燒肉，第一次試買阿爺燒鵝，上網睇佢燒鵝出名，不過阿爸話想要燒肉同埋雞，咁就要左半斤燒肉同埋半隻雞試吓本身以為佢係淨係賣燒肉，原來仲有早午晚餐，仲有下午茶添佢仲出咗個印花優惠，滿左$60就可以給一個印花返到屋企再微波整熱啲燒肉食，個外皮好脆，每層肉好分明，個味道偏重，送飯一流，而且叮完之後有啲油香出咗嚟個豉油雞一打開個盒已經聞到好香，果皮食落好滑而且啲肉都係好滑，而且好夠味屋企人都好鐘意，下次都可以試吓其他嘅唔同燒味

經過見到餐廳入邊都幾多人，而且仲唔少人買外賣。睇一睇價錢又唔算貴，就決定買啲返屋企食🤩叫得阿爺燒鵝餐室燒鵝應該唔錯，就叫咗燒鵝。燒鵝幾新鮮，面上有油嘅光澤，而且個皮都脆，燒鵝夠大隻，好多肉😋另外，叫咗油雞飯。油雞都整得幾唔錯，雞肉夾埋姜蓉食真係啖啖雞肉。食多幾碗飯😎再叫咗乳豬飯，乳豬份量都唔少，而且好脆、好新鮮，最鍾意食乳豬飯😍呢度啲燒味質素確實唔錯，下次會買下其他燒味，會再回頭！😋😋

大圍都唔係好多間買燒味，所以依家阿爺燒鵝確實係外賣好選擇。雖然都有堂食，但係近期都係選擇外賣。呢度出名燒鵝，當然叫咗個燒鵝下莊，燒鵝皮夠脆，又有燒鵝油，鵝味都幾香。燒鵝髀真係啖啖肉，大滿足！另外叫咗乳豬飯，好脆好新鮮、好味。而且乳豬仲有啲肉，夾埋個皮食好正，乳豬飯真係幾抵食。仲叫咗半斤燒腩仔，燒腩仔唔會太鹹，味道適中；而且又唔會太肥，燒肉皮又脆，半斤份量都好多，好食！外賣抵過糖堂食，所以外賣好抵食！

疫情横行，為了安全起見，一放工都係即刻返歸，唔好周圍去。晚市時間，很多餐廳都有外賣優惠，方便我這些唔想堂食既人。就好似這間燒味店，外賣比堂食略便宜。餐廳最出名就係食燒鵝及乳豬，所以就揀了個燒鵝及乳豬五寶飯。五寶飯除了有燒鵝及乳豬外，還有貴妃雞、叉燒、紅腸及咸蛋半隻，十分豐富，如果可以搭燒肉就更好。燒鵝有很香的煙薰木香味，外皮還有點脆，皮下脂肪很香，肉質嫩腍而且有肉汁。乳豬就算外賣返到屋企，都保持到皮脆肉嫩，而且乳豬皮肉之間的油脂又唔會太多，唔會食到一口油。叉燒用了梅頭肉，半肥瘦有蜜糖香味，入口肉質很腍。貴妃雞都唔錯，好有雞味又唔鞋口。仲有隻雙黃咸蛋。

好耐無親手斬料返屋企了，唔知有無十年，得閒斬下料，呀媽多謝你，煮少樣。🐣身痕經過大圍出一出站買最出名係燒鵝，6點幾去到已經好多人排隊。今次試下鼓油雞同燒腩仔，聞陣味已經好滿足🤤最後返到去我仲用焗爐整熱佢食🤤🤤🤤🤤.😻鼓油雞好滑好香，半隻都好大份$78燒腩仔就肥廋均勻，啖啖肉$65半斤，下次要試下燒鵝脾🤤.消費：$148 地址：阿爺燒鵝餐室（大圍店）大圍大圍道1-35號金山樓地下11A2號舖

相信大家最近響應Stay Home Stay Safe，而家盡量都唔會出街食飯，但成日食家常便飯會太悶，今晚決定係樓下斬料加餸。平時都會過黎食早餐前兩日屋企人已經過黎買左半斤叉燒 味道不錯。這晚就試下叫半隻油雞同半斤燒腩仔買完燒味記得拎返張印花咭，儲夠指定數量就可以換燒味油雞半隻，份量足雞肉嫩滑，又夠入味，色澤不錯個人覺得比起叉燒更出色燒腩仔半斤個皮好脆又唔死咸唔多脂肪 幾好味真係用黎送啤酒一流。下次再試下好出名燒鵝先得

樓下新開左間燒味舖，放工時間越來越多人係出面排隊，等緊外賣，人流旺左好多之前都嚟過食早餐，入面係幾光猛同坐得闊落所以就抱住一試無妨嘅心態，斬左叉燒同埋燒腩仔價錢同區內其他燒味鋪其實都差唔多，但就夠足稱叉燒燒到外有少少脆，肉質就夠滑同稔身，並唔肥膩另外幾鍾意佢蜜糖嘅甜味恰到好處燒腩仔皮超脆，而且肥瘦得宜，上層嘅肉相當之滑，且夾雜油脂香而底層嘅肉亦都唔鞋、亦無過咸既問題初試兩款燒味，很有質素、很有驚喜

要數大圍最好的燒臘，必選「燒味之作」；但近日多了一個勁敵👉🏼「阿爺燒鵝」，選擇和配搭多很多，例如常餐和燒味混搭，又例如燒味不止可配飯、米、瀨，更可配鵝油撈麵。燒鵝鵝油撈麵（下午茶$52）他們採用荔枝柴烤出色澤金紅的燒鵝，淡淡煙薰香味，皮脆、肉滑、骨香、入味，且肥而不膩，油花讓人齒頰留香🤤粗麵吸滿鵝油和醬油，吃到滿咀油香，且鵝油沒豬油黏口，邪惡感稍微降低（自我催眠），唯獨麵質爽彈感差一點點，否則堪稱完美。

在大圍閒逛，早知道有一新燒味店落户，主打燒鵝，沒有燒鴨。今天特意安排時間前來買外賣。掛在窗廚的燒鵝確實靚仔，渾然飽滿。也想試叉燒，所以買了一份下庄半斤叉燒。印花優惠。假如依照這個方向，有幾多人可以在一個月內，到店消費四千元來換燒鵝？買回家就吃午餐了。外表也確實靚仔，可惜偏瘦，也許是時節關係。一試，奇怪？外表滿燒薰味，但也太矯揉造作，來得也不自然。然後肉質淡而無味，首先醃料的味道不足，香料層次各樣欠奉，出來的是種難受反感的人造味精味道，再者鵝身也欠肉香，是故要下師傅調味？肉質燒得好是好，但首先選材已不佳，調味欠層次，冒各而來，怕且失望。後來食到鴨背位，較薄所以特別鹹，相信是醃的時間不足，以重鹹來入味之故。半斤叉燒，一打開就大鑊。首先是下欄模樣，幾塊不同位置搭夠數，師傅，一般咁多散位，會出雙拼搭齊的。再講肉質，外表瘡白無汁，不是燒得糖漿不夠，就是隔夜貨。切得有厚有薄，相差三倍。肉瘦，多筋，欠叉燒香，玫瑰露香，醃味。整體而言，店面亮麗，掛在窗口的也漂亮，但只有外表而沒有內容的燒味，我就不會再來了。

行街除了可以當運動外，另一個好處便是沿途總會有一些新發現，例如今日，行經大圍道，見到一間連招牌紅紙也還未撕下的新食店，抬頭只見店舖最尾四隻大字: XX 燒鵝餐室，本著八掛以及為食的心態過去眇了眇餐牌，價錢不算平，但掛在櫃窗內的燒味又好似燒得幾靚，所以即時上網找找有關食評，發覺口碑不俗，相片的食物質感叫人垂涎，所以考慮了一會便決定買外賣試試。從別人的食評中，發現原來燒味飯可以加$ 10 轉鵝油撈麵，而這裏主打燒鵝，又怎能不點一客 "阿爺燒鵝飯” ( 附送一個例湯， 飯轉了鵝油撈麵，另加多 $10 轉鵝胸  )。未打開外賣袋前，已隠隠聞到一陣熏香味，當打開袋口，一股很香的煙熏味湧出，再打開外賣盒， 濃濃的煙熏香味加上眼前外皮油潤富光澤的燒鵝，簡直令人急不及待要即刻起筷。燒鵝皮相當薄脆、皮的油份適中，機乎沒有肥膏，可能肥膏在燒的過程中已變身成甘香的鵝油，用來製作了鵝油撈麵吧；鵝胸肉嫩鵝味濃，啖啖肉，好正，那股煙熏味徘徊良久不散，但又不嗆喉，可謂色、香美味。至於鵝油撈麵，我在網上見到是用幼麵，但這盒是用闊麵，個人比較喜幼麵較軟的口感，豉油的色澤不俗，惟味道略淡，鵝油味不算突出，可能被燒鵝的煙熏

近來疫情嚴峻，都多咗係屋企食飯，買餸一次過要買大量，燒味就係好幫手了！今日幫襯左大圍呢間阿爺燒味餐室，新鋪落地，紅紙都未滅，買咗一斤阿爺叉燒（ $130 ）同埋一斤脆皮腩仔（ $130 ）返屋企食。師傅即叫即切，兩樣都香噴噴，腩仔個皮脆卜卜，半肥瘦，肉質都OK。叉燒厚切啖啖肉，蜜汁晒入去好正， 有咬口得來又夠腍，一斤原來都幾多。等外賣嘅同時見到有唔少客黎問仲有冇燒鵝，不過可能時間太晏已經賣晒了，下次有機會黎真係要試吓先。

今日去左大圍探阿公，見到佢屋企附近新開左間《阿爺燒鵝餐室》，見到掛住既燒鵝燒得幾是正咁播，叫左一份古法煙燻燒鵝下庄$138、半斤阿爺靚叉燒$65、紅腸半斤$45同埋店員介紹新出既鹵水豬手仔1份$38外賣🥡番屋企做Dinner, 分開左3個外賣盒裝住。終於到晚餐時間，整番熱燒鵝同叉燒，燒鵝充滿住好香濃既古法煙薰味道，脆皮下舖滿薄薄既鵝脂，鵝肉特別軟嫩及有少許油脂，食落又唔會太肥膩，再點埋附送既甜酸醬汁增加口感，送飯一齊食一流！😋😋 而阿爺叉燒都半肥瘦，沒有太厚肥膏，切得好厚身，入口淡淡肉，肉身較好鬆軟，唔會太韌，味道岩岩好唔會太咸，食出啖啖滋味！😋😋而燒味店的紅腸是大部分原產於立陶宛的薰制香腸，因皮是紅色所以叫紅腸。紅腸皮脆肉結實，帶有熏肉的香氣，跟飯一齊食一流☺️😋滷水豬手仔：這是餐室既新出品，剛新鮮出爐，豬手仔滷得很入味，味道又唔會太咸，仲淋得嚟帶爽，肉身都較滑嫩，非常滋味！👍😋+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

最近晚晚都係屋企煮飯，煮到心很累所以今日就係燒味鋪斬料加餸，比自己放下假揀呢間唔單止因為掛出嚟嘅燒味唔錯仲因為見到入面環境乾淨企理，有更大嘅信心脆皮腩仔燒腩仔肥瘦得宜，食多都唔會覺得膩要滑既地方夠滑，而且脆皮堅脆味道唔會過咸，真係比較有素質嘅先可以調味到啱啱好蜜汁燒排骨仲以為燒排骨就等於金沙骨，但其實係用上咗更大嘅排骨燒製近骨位當然肉比較滑，調味同燒腩仔一樣都係剛剛好就係最好有蜜汁嘅香，但就唔會有過多醬汁同醬汁太稠既情況出現上湯油菜亦比想像中好，無草青味上面仲放有炸蒜添加香氣