阿爺燒鵝餐室 (已結業)

路經阿爺燒鵝餐室，俾佢嘅「$18半隻雞」吸引左，就當斬料加餸啦，不過要先買滿$100先可以用呢個優惠價，雖然佢主打燒鵝，但左睇右睇最後決定買1/4隻乳豬（ $188 ）。隻雞都幾靚，有脾有翼，食落都幾滑，基本上冇乜肥膏，唔錯。另外隻乳豬都算大碟，剛剛斬出嚟個樣比較靚，到我食飯嘅時候塊皮就林咗啲，但整體肉質都算唔錯，爽得來又有彈性，相比雞就肥膏多咗一啲，不過都可以接受。佢仲有其他下午茶和午市套餐都做特價，下次啱時間都可以試吓。

在家食飯食得多都好悶，得閒斬料返屋企… 大圍唔知幾時開咗間新嘅燒味餐廳，專食燒鵝，今日就去嗰度斬料加餸返屋企試下啲味道！外賣價錢中規中矩，唔算特別平但係都唔算貴 ，而且選擇都幾多本身聽到店員係咁話新鮮出爐燒鵝髀，真係好想食……但係呢排濕疹發作都係唔好食啲濕毒嘢， 最後只係斬左叉燒同燒肉返屋企叉燒顏色非常之靚，而且仲有好多蜜汁！ 側邊有少少燒燶嘅香味，食落非常之鬆軟鬆化！ 而且麥芽糖嘅甜味調教的剛剛好，唔會太甜但係有令人想再食多啲嘅感覺！半斤燒腩仔， 燒腩仔肥瘦分明， 而且打開已經聞到非常之香， 燒肉皮仲係非常鬆脆的 一啲都唔硬，肉質仲有啲juicy綜合斬料斬咗兩味，屋企人評價都唔錯可以encore！ 下次一定要試下食燒鵝先得等外賣時見到原來有做下午茶，仲去到六點 可以一試阿媽已經整咗手撕雞，如果唔係可以試下呢個

阿爺燒鵝開到黎大圍啦。之前屋企人係西灣河買過一次食完就已經非常回味。可惜一直都無機會再去果頭食野。估唔到最近開左係大圍。疫情時候緊係買返屋企加餸啦。睇落去都令人流曬口水。燒鵝睇落去都真係幾大隻，由於想試埋叉燒，所以就買左半隻（$248）啦。半隻燒鵝既分量已裝滿了整個外賣盒，分量之多完全超出想象。燒味就緊係要趁熱食先最好味啦。燒鵝肉質肥美，嫩肉多肥脂少，鵝味香濃。燒鵝火喉岩岩好，更顯皮脆肉嫩。最吸引人既地方係 呢度既燒鵝係用炭火燒既，味道比一般既燒鵝更有層次，食落更加齒頰留香。諗起都想再食。除了燒鵝之外，亦想試下呢度既叉燒。叉燒屬半肥瘦類，咬落去油脂唧出黎，更顯肉香。肉身鬆軟，唔會燒到乾巴巴。真係好好味。整體黎講，呢個價錢食到咁好既質素係呢頭真係非常少有。一定會再買。

大圍新開左間燒味餐廳,見到掛住D燒鵝同燒肉,燒得好靚,就外賣左個燒鵝五寶飯,脆皮腩仔,凍奶茶,凍檸蜜,返屋企加餸.燒鵝五寶飯,有燒鵝,貴妃雞,叉燒,紅腸,咸蛋,有齊我鐘意既燒味,燒鵝皮脆肉嫩,油脂甘香,無膻味,肉汁豐富,果然係鎮店之寶. 貴妃雞肉質嫩滑,叉燒半肥瘦,超嫩滑,入口蜜汁甜甜咁,皮有少少焦香,更加野味,成個飯好豐富,好滿足.脆皮腩仔,肥瘦適中,味道唔會太鹹,D皮燒到金黃色,好鬆脆,脆到卜卜聲,入口鬆化唔肥膩,個人鐘意唔點芥苿醬,本身味道已經岩岩好.超好食!凍奶茶,凍檸蜜都唔錯,原來外賣滿$100加$18就有半隻雞,真係超抵.

呢日係大圍踩完單車, 準備番屋企食飯見到呢間餐廳有好多燒味, 個樣都幾吸引~ 所以就買左D 番屋企加送! 屋企人好中意食燒肉同叉燒, 我就各買左半斤番去同佢地開心SHARE~~ 叉燒我特別ORDER 左要瘦叉~ 因為唔中意太肥,瘦叉又有趙頭! 正! 我買完番到去放左兩個鐘先開飯~ 叉燒既口感仍然好好, 而家每塊都好飽滿~ 至於燒肉就仲正! 塊皮勁脆! 肥瘦適中! 點埋芥辣仲惹味! 另外我仲叫左個麻醬秋葵, 條條都夠哂大條! 正! 加埋麻醬其實真係超夾~下次想試下佢個燒鵝同乳豬!

相信燒鵝會是很多人的必食燒味，我就由細到大都咁中意食！充滿油香和脆脆的外皮總是教人難忘！這家阿爺燒鵝，一直在港島經營，近期逆市擴張，在大圍新設分店，主打的就是大家至愛的燒味。燒鵝乳豬飯($72) Roasted Goose & Suckling Pig with Rice (HKD72) 外皮脆身，而且肉質嫩口鮮美。肉質的嫩滑，也能使鵝皮香脆，而且肉汁鎖住在中間，每口都充滿了油香，加上乳豬，皮碎肉嫩，脂肪入囗即融，鹹鹹地味道好，不知不覺就吃下整碟。貴妃雞米粉 ($53) Steamed Chicken with Rice Noodles (HKD53)貴妃雞是一種經典的燒味款式，份量也不少，雞肉皮爽肉滑，配有醬料，配上米粉。另外可以配合餐湯，雖然要加錢，但算是健康的選擇。一段時間沒吃燒味，偶然再吃，感覺就是另一風味。這家餐廳食物質素也不俗，於是寫下此文和大家分享！

沙中線開通左，我家去沙田好方便，所以近排多左去大圍覓食，今日就同老公去行下，出大圍站不久，就見到老公喜愛的燒臘店，叫阿爺燒鵝餐室。廚窗掛咗燒鵝、义燒、乳豬、油雞、切雞等，新鮮出爐的燒鵝令老公口水都流埋，本來想入座食，但見到門口餐牌寫買滿外賣自取滿$100，可出位價$18換購少爺雞半隻，真係好抵，所以我們就買外賣回家食。阿爺燒鵝皇上庄：燒鵝用古法煙燻，味道獨特，鵝皮超薄，沒有肥膏，所以不會太油膩，肉嫩滑富肉汁，點些酸梅醬更美味。脆皮腩仔飯：燒腩仔肥瘦比例恰當，五層分明，肥瘦相間，鬆化的燒肉皮香脆可口，肉嫩甘香。少爺雞最抵食，不會因收18蚊而減抵質素，份量依然足，雞肉十分嫩滑。

天氣太熱想買外賣返公司食，見好多人留意，就揀左呢間餐廳。（成日覺得多人就係好😂）佢唔知係疫情定係佢既營銷手法，佢都幾著重外賣，同埋佢外賣計埋盒都平幾蚊。我望入去都真係多人食，同多人買外賣。望下佢d燒味好似好正🙊外面燒到金黃色，同埋好juicy 見到d汁滴落黎👀通常我第一次食個間餐廳都係會揀佢既招牌野食，有個👍🏻係隔離個d必試，今次叫左佢個阿爺燒鵝髀飯外賣拎走。不嬲都知鵝唔同鴨，都係貴d同d肉好食d，今餐當正自己去深井食燒鵝咁😂叫完等外賣見到佢d野好乾淨，唔似d燒味檔，呢個時勢佢咁乾淨，抵佢咁多人黎食。佢既包裝幾好，同埋真係唔會油淋淋個袋，仲有佢係用大盒裝。比我想像中係大盒😳最後，主角黎啦🙊好大件鵝髀，同同事分享，大家都一致覺得燒得好香好脆好好食😍仲會比2包酸梅醬，食鵝一定要落會更加好食，d鵝唔會肥，佢肥膏個層好薄，同埋比起我印象中既深井燒鵝冇咁咸，清清地。呢盒飯我係食唔哂，其實女仔係2個人食都得。仲有最想講既係，佢條菜係我未係出面食過咁淋同甜，通常都係硬爽既👍🏻佢條菜會加分😂 佢近大圍市中心，大家經過值得一試👍🏻

肚餓了，行過見到D燒味，口水都流埋，即刻入去試試佢。每人叫一碟雙拼，夾埋咪有四寶囉！可以一次過試齊幾款潻燒鵝叉燒雙拼飯 $62份量好多，而且燒鵝同叉燒都好香。燒鵝，係厚肉的部位，燒鵝皮帶點煙熏香，有少少脆口的感覺。鵝肉唔肥亦唔韌，有肉汁。叉燒，瘦叉邊位帶點肥，食落都幾淋幾香。乳豬油雞雙拼飯 $70肉肉幾乎蓋過飯面，無論乳豬同油雞，都睇得出D皮好脆乳豬唔肥，比例完美，齋睇都知好好味，四款燒味中我最 like 佢。油雞緊緊熟，所以肉質特別滑，雞有雞味，點埋薑蔥就更加無得彈。凍檸茶 +$3，凍奶茶 +$3雙拼飯包飲品，平均每人六十幾蚊就食到，算抵。燒味汁亦好好味，用來撈飯真心正。

約咗朋友喺大圍吹下水，朋友話落大圍開咗間港式燒味餐廳，咁咪去食番餐燒味囉。入到去都唔係好需要等好耐就有位，餐廳都有安排探熱，咁大家都食得放心啲。呢間餐廳面積唔係好大，但係新裝修完，所以都算光猛、企理、乾淨。叫左鵝瀨粉，後尾見到隔離枱嘅撈麵幾吸引，所以最後都係決定瀨粉轉鵝油撈麵。朋友叫左個特餐，同埋炸鷄脾。想講燒鵝入口有一種烤嘅香味，入口唔會話好肥膩嘅感覺，同埋鵝油撈麵真係幾好食，不單止冇梘水味，仲啖啖都係我鐘意嘅粗麵，正👍。

香港人喜歡吃燒味，我也不例外，眾多燒味當中，燒鵝更是我的至愛。我不時都會到處訪尋我的心頭好，今日傍晚時份，專程去到大圍的阿爺燒鵝，遠看已看到不少人在門外等候外賣。原來店家正做緊期間限定益街坊優惠，凡外賣自取滿$100，即可以出位價$18換購「少爺雞」半隻，所以吸引到不少街坊來斬料加餸。阿爺燒鵝飯（HK$58)👍👍👍👍👍我今日真係好好彩，師傅竟然斬了隻鵝脾給我，雖然不是全脾，但係我都好滿足了。燒鵝皮薄肉嫩，鵝肉細緻香滑，皮與肉之間的脂肪薄薄一層，在口中散發出鵝油的香氣。配合酸甜的酸梅醬，既可減膩，亦令鵝味提升。極尚乳豬飯（HK$68)👍👍👍👍👍這𥚃燒鵝是主打，但他們的乳豬也不容忽視。乳豬的皮脆到一咬下去，就聽到咯咯聲，皮下有一層薄薄的脂肪，然後就是嫩滑的豬仔肉，三種層次，三種口感，果然是極尚。凍檸茶（+$3)👍👍👍👍另外加$3 可以配特飲。門面內在環境餐牌

大圍呢到好多食店，而且多數都係小店，都幾有地區特色，今日想起食燒味，所以就來呢到食一個大餐。呢個係一個$128的餐，有燒味雙併，因為朋友好細食，所以就叫一份兩個人食。先來一碗雞腳湯，好濃，正。再來一碟叉燒飯，好甘香的叉燒，肉地好好有口感，而且味道調得唔錯，有淡淡的蜜糖香味，呢個做得好好的蜜汁。另外叫左白切雞，同樣都好大份，而且整得好靚，雞肉都好滑，一個人真係食唔曬呢~仲有大大碟菜，哇，上面有一大堆炸蒜，令整碟菜生色不少呢~!

星期六同家人去左大圍踩單車，踩完吾想反屋企煮野食就系附近睇下有咩外賣買反去，結果就去左－阿爺燒鵝餐室。極尚乳豬飯 $63 (轉瀨粉)：乳豬既份量適中，可惜乳豬比較肥，帶了肥膏而肉相對較少，因帶有肥脂肪令整舊乳豬帶少少林口，乳豬皮香口。飯可以由於轉自己中意食既粉麵，我就揀左瀨粉，口感好爽滑；而湯底加了一蚊分開裝，令瀨粉吾會吸散湯底而吾好食。紅豆冰 $8：套餐另加８蚊可加紅豆冰，紅豆冰既紅豆好甜又吾硬，而奶好滑又香。阿爺叉燒半斤 $65：叉燒有分半斤或一斤，半斤分量好多，二人食用必定足夠！下單時要求了半肥瘦叉燒，口感林口，厚切，叉燒汁好甜；而叉燒吸入叉燒汁令每舊同樣入味！

幫朋友搬家去大圍，因為要幫手裝飾一下屋內擺設，所以外出晚膳後再回來做，我們就到附近的阿爺燒鵝餐室食燒味飯，因為朋友食過好好味！餐室門前已有不少客人等位，因趕時間唯有買外賣回家一齊食，望到廚窗掛了不少燒味，每樣都好想食。見到師傅剛剛掛上一大抽义燒，紅卜卜的义燒掛滿蜜汁，令人唾涎欲滴，即落單要了半斤，义燒肉質軟硬適中，甘香不膩，蜜汁甜絲絲超美味！貴妃雞飯，貴妃雞皮滑肉嫩，飯香口感軟熟。原來外賣滿$100，可以$18換購半隻少爺雞，當然要換啦！肉質細嫩超抵食！

在大圍附近開工，我地去左呢家阿爺燒鵝餐廳，原來有本地經典早餐，而且意想不到地多選擇~~睇個餐牌，有成日食既湯麵餐，也有未見過的菠蘿包加料餐，因為都幾特別，所以就叫左兩個試下。本地蕃茄濃湯牛肉米線套餐$36，份量都好多，而且炒蛋好滑，仲有香噴噴既蒜蓉多士，真係好醒晨。配番杯好正既港式奶茶，哇~真係不得了，味道好香濃呢~大愛~!!!!火腿蛋菠蘿包餐$32，呢個真係都幾特別，雖然好似又咸又甜，但都幾好食。蛋牛菠蘿包餐都食一個新嚐試~$32配個凍奶茶，夏日至正