141
4
5
港鐵大圍站 A 出口, 步行約4分鐘 繼續閱讀
所有分店 (2)
電話號碼
28100138
營業時間
今日營業
07:00 - 22:00
星期一至日
07:00 - 22:00
付款方式
現金 八達通
食評 (154)
等級4 2020-12-24
519 瀏覽
剛剛朋友聖誕平安夜早收,過來大圍找他食個聖誕下午茶。跟他見面大約下午兩點,他帶我來了這邊一間好出名的燒鵝店,他跟我說這間店開了未夠一年,但吃過之後,就會想再食,所以返頭客好多。單單我們吃的半小時已經輪轉了四五枱客,還有數名外賣客,可想而之有幾受街坊歡迎。因為想食乳豬,我們點了燒鵝乳豬奶瀨粉, 燒鵝非常新鮮,皮與脂肪分離,皮燒到非常脆口,酸梨酸增加燒鵝的味道,乳豬燒得金黃色,脆卜卜,像薯片,可點乳豬醬一起吃。另外點了一個下午茶餐,阿爺燒鵝胸肉加十蚊,配鵝油撈麵,加八蚊轉紅豆冰。鵝油撈麵係鹼水粗麵,彈性十足,喜歡食燒味的,總會喜歡食蔥油,加一些蔥油,撈埋一齊食,非常好味,碗湯是獨家秘製,都好味。朋友發現我的不是鵝胸肉, 店員另外上咗一碟鵝胸肉畀我,有些燒鵝汁在碟底,更好味。這個下午茶非常滿足,我們不喜火雞,反而道地食燒鵝,希望大家聖誕快樂,我誠意向住在附近的朋友推介。想不到聖誕有小禮物收,好開心咯!滿分為10分(1分最低,10分最高)食物:8.5環境:8衛生:8服務:8價錢: 8.5舒適度:8總分:8 繼續閱讀
(以上食評乃用戶個人意見 , 並不代表OpenRice之觀點。)
等級4 2020-09-27
1544 瀏覽
2020年9月23日 星期三今日突然之間要陪老婆返屋企食飯,不過外母話唔夠餸,叫我地加餸拎上去,臨時臨急都唔知買咩好呢個時候喺大圍火車站附近見到呢一間餐廳,出面見有好多人排隊等外賣原來係阿爺燒味店,餐牌有齊晒咁多款燒味,價錢都算大眾化,而且燒味仲可以要半斤添,於是我哋每樣要少少,打算外賣返屋企食返到屋企打開外賣盒仲係熱辣辣,首先叉燒唔會太肥,但係肉質又唔會太靭,幾有咬口,而且外皮嘅蜜汁唔會太甜,但係又滲到落裡面既肉,我老婆好鍾意之後有半斤蜜汁燒排骨,同頭先嘅叉燒有少少唔同,呢個燒排骨燒得更加香,肉味更加濃,撈飯食一流跟住有半斤脆皮腩仔,冇諗過份量都幾多,而且切得細細舊,方便一啖就食晒落去。燒腩仔外皮夠晒香脆,而且有少少鹹香,調味啱啱好,點埋黃芥辣一齊食就更加完美呢個只係半隻油雞,但係份量差唔多有成隻雞咁多,浸得好入味之餘,雞肉仍然係好嫩滑,色澤仲唔錯添,最重要係雞嘅肥膏唔算太多最後仲有油菜,冇諗過油菜上面會有炸蒜,一齊食味道又幾豐富,而且菜心一啲都唔老加料幾個一齊食$300都唔洗,仲可以令到老婆既屋企人咁滿意,值呀!! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-09-25
981 瀏覽
1+2+3+4 = HK$58? 這是怎麼樣的算式?疫情下,各大小食肆各出奇謀,以超值套餐價錢吸引客人光顧。今日經過大圍的阿爺燒鵝,看到他們推出了一個超值午市/晚市套餐,價錢只需HK$58 便可以吃到:1. 一款主菜2. 一款蔬菜3. 一款小食4. 一款飲品套餐原價$98,現以六折價$58,就可以享用這個全包套餐。但部分食品要另加收費。*阿爺燒鵝鈑 (+$8),極尚乳豬飯(+$18)套餐星期一至日供應,午市11:30am - 2pm, 晚市6pm - 9:30pm, 堂食外賣均可。阿爺燒鵝飯套餐(HK$66)👍👍👍👍👍燒鵝套餐是 HK$58 另加$8,燒鵝份量都不少,不會將貨就價。燒鵝皮脆肉嫩,入口還可以嚐到一陣煙燻的香氣,外皮脆而有光澤,肉汁滿溢。極尚乳豬飯套餐(HK$76)👍👍👍👍乳豬套餐是HK$58 另加$18, 乳豬件整齊排在熱飯上,乳豬皮薄帶薄薄一層脂肪,香脆得來並帶點脂香,乳豬肉鮮嫩,調味剛好,配以甜甜的乳豬醤,更能帶出乳豬的肉味。蠔油茶心/鵝汁菜心👍👍👍👍套餐還配以蔬菜,更加健康。選擇了兩款菜心,一款蠔油,一款鵝汁,鳽汁味的菜心比軟特別,令清淡的蔬菜,加上濃濃的鵝香。蜜汁排骨/爽口豬耳👍👍👍👍小食選了蜜汁排骨和爽口豬耳,排骨的蜜汁,入口甜蜜蜜, 但又沒有甜到漏的感覺。豬耳爽彈QQ的,淡淡的滷水香氣,味道恰到好處。老火靚湯👍👍👍👍平時在家很少煲湯,所以飲品就選了老火靚湯,青紅蘿蔔南北杏豬骨湯,清甜又健康。門面內在環境餐牌 繼續閱讀
(以上食評乃用戶個人意見 , 並不代表OpenRice之觀點。)
疫情之下 出街食飯都好奢侈 雖然在家食飯 可以練出一身好武功有有好多種食物都唔係話你可以出街食得到港式燒味就係一個好例子 任你再點厲害 在家都應該燒唔出燒味既獨突香味知道位於港島既有名燒味店「阿爺燒鵝餐室」殺左出黎大圍咁真係要試一試 雖然九龍區有好多好燒味店但大圍位處鄰近九龍 15分鐘車程就到 大大隻字 「外賣」 真係提提你 唔好錯過掛晒著名既明爐燒鵝出黎 真係睇見都流晒口水脹卜卜既燒鵝 其實有咁既樣既都唔係好多間要搵既 都係不斷嘗試 岩口味既始終要留住除左燒鵝 當然仲有不同既燒味 好似蜜汁叉燒,玫瑰雞,白切雞及燒肉等等當然我係為左燒鵝而來 目標明確入內請戴口罩同埋先量體溫 以保護大家安全燒味店既科技都進化到另一層次 都會用到QR CODE而且明碼實價 有菜單 有設計要左一個下庄 一個人食都係好過份又邪惡不過係呢個咁屈悶又難過既日子入面 就係一個獎勵 希望可以加油加油!!光澤鮮麗 皮脹肉分明 脂肪比例唔會好勁鵝都經過挑算 皮簿又要啖啖肉 真係唔容易 打開個盒其實仲熱 所以都唔需要再加工翻熱 始終翻熱就變得不同肉質好有口感 唔會散晒好林身 仍然有咬口 皮脆香有油份 香口非常我自己鍾意唔落酸梅醬 可以更加食出鵝本身既香味 呢間亦係可以直接食用 味道好出 單單係食左一口都齒頰流香 繼續閱讀
(以上食評乃用戶個人意見 , 並不代表OpenRice之觀點。)
等級3 2021-01-25
0 瀏覽
今日老婆返學,但有冇得喺餐廳食飯,所以只有買外賣回家食。行到大圍附近,記得之前食過呢一間嘅燒味飯,但係嗰時食燒排骨飯,味道10分不俗, 所以今次試吓佢嘅招牌菜。今日我叫咗一個叫燒鵝飯,$53沒有湯和飲品,感覺有少少貴,但我相信如果好食嘅話絕對冇問題。買咗回家之後,仍然有微溫,唔使用微波爐加熱可以即食。入面配上一包普通的酸梅醬,就係普通嘅酸梅醬。打開飯盒,師傅俾咗一個燒鵝翼,傳來陣陣的香味,正所謂色香味俱全,未食飯已經加分!我唔知係因為部位定其他問題,燒鵝肉很un ,很難先至可以食到, 要花好耐氣力先至可以骨肉分離, 對比起石門另一家已燒味出名的燒味店,呢一間完全比下去。如果下次有機會光臨的話,我會選擇叫燒排骨飯。如果想食燒鵝飯嘅話我會去石門嗰間,差唔多價錢,而且佢嘅酸梅醬極具特色。或者可以咁講,可能今次燒鵝翼先至係有咁嘅問題,如果食燒鵝胸或者背脊應該好味好多 繼續閱讀
(以上食評乃用戶個人意見 , 並不代表OpenRice之觀點。)