阿木台灣麵 (豉油街) (已搬遷) 新店位置

食過返尋味，之前黎旺角已經食過阿木，就算出面好多人排隊就照食佢，因為真係好鐘意食，咁多人食，所以一定吾會差，今次水準亦保持到。食物方面：味道好有水準，我叫左炸排骨便當，肉燥蕃薯苗同桂圓紅棗茶，三樣都不差，炸排骨飯係推薦大家食，好香之餘亦好有口感，食完炸排骨又可以啞返個菜食下，個菜都做得吾差，而杯飲品亦有陣陣清香，飲落口吾同一般出面既桂圓紅棗茶，係呢度先搵到呢隻味，好讚！服務方面：職員態度好好，安排入座貼心，送餐又有禮貌，台灣老闆又有禮貌，令人會再次回來。環境方面：舖面雖不大，但座位間都做足防疫措施，食得亦較放心，筷子為一次性筷子。位置方面：位於旺角鬧市，交通方便，約人或收工食飯都正。最後，職員稱讚好了阿木ig,會有阿木台灣生活百貨的coupon,我們有兩張，隨即吃完過去看看，就在距離餐廳不遠處，步行過去兩分鐘就到，有賣很多台式產品，吾洗飛台灣，係香港又可以掃貨了，呢一餐好正呢！

中秋佳節放早是常識吧😙。 跟家人到左旺角逛商場後，見到阿木有位，便提早食番餐先😋。 紅燒牛肉牛筋麵，夾起2大塊牛肉，仲極之厚身，帶有少少筋，炆得夠淋又入晒味，煙韌又爽滑，牛筋亦都有3、4件，牛筋好黏口好軟，滿滿的骨膠原！湯底正常，麵底唔錯，配菜有酸菜同紅蘿蔔🥕，很豐富呀。 家人點了的是麻辣湯底，說其實都唔係咁辣， 佢仲額外加上店舖台上提供的，見佢食到嘴都紅埋😄。台灣干貝粽，剛剛蒸出熱辣辣，粽內有花生、冬菇、咸蛋黃、花生同干貝，材料很豐富又飽肚。 醬油番薯苗，菜很清嫩新鮮👍。芝士岩鹽奶蓋四季青春茶，點了微糖少冰，所以飲落甜度剛剛好，表面的芝士鹹香奶蓋，飲落有清香味，又唔會太膩。友人叫了白桃汁，說清香解渴。 餐廳門口擺放了多款台式食品，很多都是台灣自家品牌食品，有我至愛嘅鴨血粉、乾果、太陽餅丶椒麻拌麵丶胡麻醬拌麵、台灣特產鳯梨酥、花生蛋卷、辣味牛肉乾同豬手，店員還派發了9折現金卷，只需購物滿$100便可享用。 餐廳：阿木台灣麵 (旺角)地址：旺角豉油街60-102號鴻都大廈地下3-4號舖

尋日趁住放假，約咗朋友嚟到旺角食個lunch～大概兩點，我哋喺旺角豉油街呢間好出名嘅黃店食台灣菜，正正兩點都有好多人喺門口排隊，可見佢嘅火旺程度幾勁！蕃茄湯牛肉牛筋面$69平時食麵好鍾意蕃茄湯底，今次呢個湯麵嘅蕃茄湯好濃郁，番茄🍅酸酸甜甜，配埋大大嚿牛肉，食落好新鮮，好有咬口，牛筋肉幾彈牙，仲酸菜同紅蘿蔔🥕材料十足芝士肉鬆蛋餅$42一直都好鍾意食台式蛋餅🥞咁啱有個芝士肉鬆蛋餅，梗係要試吓啦～蛋餅嘅皮幾薄，內餡有超級多肉鬆，名副其實嘅皮薄餡多，仲有芝士嘅香味添～岩鹽芝士四季春叫咗走冰同微糖，所以飲落唔會覺得甜，表面一層鹹香嘅芝士奶蓋，飲落有清香嘅四季春，淡淡地，唔錯

適逢禮拜日約左朋友到旺角食lunch，朋友話想試下呢間台灣餐廳～麻辣紅燒牛肉麵麻辣湯底辣得來又好刺激，麻辣非常過癮，手作麵比較煙韌有咬口，麵條就算浸左湯好耐都唔會太淋，因為朋友好鍾意食辣，呢碗麻辣牛肉麵好適合佢～牛肉好大嚿，同我朋友隻拳頭一樣咁大！食到我哋超級飽～鹽酥肉炸得幾香脆嘅鹽酥肉，外皮幾香脆，內餡有好多肉，感覺好邪惡，但係好香口，肉醃得夠入味，唔錯黑糖珍珠奶茶雖然叫咗少糖，不過仲係幾甜，珍珠幾有咬口，煙煙韌韌，奶茶幾香幾好飲～

阿木台灣麵一直係旺角享譽盛名，如果遲咗到達要排多於1小時先能入座。趁假日唔使番工就早d 6點半左右到達，估唔到都要拎飛等位，好彩大約10分鐘就有位。難得可以試試，就要試盡所有美食啦！今日叫咗個炸排骨便當($56)，而套餐就可以另外top up半價野飲，而我就配咗個黑糖珍珠鮮奶($17，原價$34)，出面一杯黑糖珍珠鮮奶都要至少$30蚊，所以都算抵飲。便當類食物都會配有前菜，有鐵蛋半粒，滷花生腐皮同菜圃。炸排骨大大份，鬆軟可口，但感覺上調味不足，所以加咗小小佢地嘅自製麻辣椒醬提升味道。而最重要嘅係呢度可以要求多飯多魯肉，係其他台灣菜店舖都未見有多魯肉嘅選擇，配飯一流，價錢都唔不貴，非常抵食。另外叫咗d小食，包括有芝士肉鬆蛋餅($42)，鹽酥雞($38)同家傳鹽酥肉($39)，芝士肉鬆蛋餅咬落去就feel到啖啖肉鬆，加埋芝士蛋餅軟糯，口感豐富。而個人推介家傳鹽酥肉，用咗脊里肉黎整，所以爽口酥脆，可能下次食就可以叫個鹽酥肉套餐。食完仲可以出去睇下餐廳商品，有台灣品牌蘋果西打賣，令我想起當年係台灣嘅種種回憶，真係想快d去到旅行呀。😭😭😭

阿木台灣麵💛滷豬耳 $32醬油番薯苗 $32芝士玉米蛋餅 $40炸甜不辣 $29話梅四季春 (少冰少甜) $24-醬油番薯苗🌱如果就咁食嘅話 冇乜味道上面有脆脆地嘅炸蒜片啲蒜片完全係點綴左啲番薯苗👻啲片甜甜地💁🏻‍♀️．芝士玉米蛋餅佢係我食過咁多個蛋餅入邊最林嘅一個🤣本身驟眼睇見佢淋geegee 比較濕 都唔睇好佢 因為食開嗰啲個餅皮應該煎得脆脆地🥺不過佢幾大件下🤤絕對唔可以睇小佢！佢入邊完全好足料好多芝士 粟米啲芝士可以拉絲！😋啲粟米感覺上係新鮮嘅粟米因為唔會好似盒裝粟米咁大粒另外仲會有啲蔥🤤．炸甜不辣食過最好味嘅甜不辣！😍每舊都好實淨 煙煙銀銀又大條 份量都算多$29絕對係唔貴 🤪．話梅四季春 (少冰少甜)估唔到粒話梅係鹹鹹地🤭感覺上有啲似涼茶溝話梅🤣佢入邊有三粒話梅👻．👆🏽呢個係🐷食嘅滷豬耳．另外隔離有鹽酥雞粉第一口有啲哽親🤭好似有隻胡椒味咁但食真啲就會feel到啲咸味好好食嘅鹽酥雞味😋．同埋麻辣醬喺隔離可以點啲自製麻辣醬唔辣嘅🤣不過係真係幾香😋-15/8 eat唔寫得好詳細㗎啦💁🏻‍♀️-好味程度：🌕🌕🌕🌕🌑抵嘅程度：🌕🌕🌑🌑🌑服務態度：🌕🌕🌕🌑🌑會回頭率：🌕🌕🌕🌑🌑

由於太肚餓的關係，點了台灣香腸滷肉飯便當，加配鹽酥雞，桂圓紅棗水。台灣香腸上灑了一點點黑椒鹽，食落口感飽滿，味道正宗又極不油膩，連蒜頭片一起吃味道更豐富。選擇免費加量後的滷肉汁和飯十分之多，非常能配合男和女的食量。滷肉汁味道濃郁而不油膩。而鹽酥雞分量不少，酥皮十分酥脆，硬度，肚餓快食不怕劃破口腔，椒鹽的比例適中，不會太鹹。最後，非常推薦這個桂圓紅棗水，每一口也有有淡淡的桂花甜味，不像外面的手搖飲料，太甜或假甜，每一口都令人感覺舒服，亦十分能夠舒緩來經痛楚。

同男朋友經過旺角一直都同佢鍾情臺灣菜，這間餐廳裝修唔錯很有格調。入來之後睇到有關menu, 不期然心有靈犀大家都喜歡蕃茄牛肉牛筋麵。主要係他們做的麵條非常嫩滑真係有臺灣風味佢就是牛肉牛筋很大件,很飽肚。尤其是牛筋真係唔錯好有風味。我自己女仔當然喜愛佢哋嘅肉燥飯。無論色香味機全都做到十足。當然最緊要係佢哋嘅黃金泡菜,已給他一杯熱嘅桂圓紅棗茶。紅棗茶對你對身體有益而且補血。男朋友最愛玫瑰花烏龍茶。😊😊

🍱鹽酥雞滷肉飯便當💲5️⃣4️⃣跟餐附送三款台灣小食（滷蛋.菜脯.酸齋)都幾豐富🤩我就叫咗多肉燥.味道正常岩岩好.撈埋啲飯唔會太鹹太重口味😋正常份量嘅飯量都算多 我都食唔哂🤣如果大食/想share嘅朋友仲可以額外叫多飯😆鹽酥雞略嫌佢唔夠熱(應該炸左有一段時間) 有小小偏乾 同埋冇乜肉汁🤔不過味道都正常 雞肉口感都唔會鞋🤩食完都唔會覺得好油膩同好熱氣👍🏻正常發揮👌🏻如果想食台灣野都不妨去試下～但假期可能就要預咗要等位 因為見都多人去食😉

已經光顧左好多次，每次都好滿足！紅燒牛肉麵水準一直keep到，牛肉超大舊，有4塊！好厚好諗！筋肉非常平均，啖啖肉，好滿足良心價良心店舖！點賺錢呀！？另外，麵都煙軔有口感份量岩岩好。至於湯底，好濃郁，相信都下了不少材料苦功。鹽酥肉小食來說，份量十足，應該有8～10條，兩人食，食極仲有！肉嫩有汁，炸得香囗！冬瓜茶糖度適中，可少甜，但非常有台灣口味！令我懷念台灣！最近仲有生活百貨，果乾同小食都做緊優惠！

呢間好多食評讚好，但之前lunch hour經過，見到太多人，所以食唔到。今日有家人嚟搵我食飯，幫手㩒定飛，終於有機會試吓（但之後發現原來有「咕嚕」拎飛apps.......）服務：等咗半個鐘，終於叫到我籌號，埋到去叫飛姐姐話執緊張枱，叫我俾個傷心出痕佢睇，之後又叫我等等，點知一等就又十分鐘，又唔敢行開，門口乾煎。十分鐘後又叫咗我之後張飛，同佢講完，先好似屈佢咁，好不情願要我再俾多次個傷心出痕佢睇，唉，明明心情大好都俾金魚記憶接待姐姐搞到火都嚟埋！環境：鋪入面都幾逼，要攝入枱罅先坐到埋邊個座位，而且冷氣好弱，我仲以為自己二十歲就更年期，室內都爆汗。食物：叫咗個紅燒牛肉麵餐（片切）牛肉好大塊，仲有四大件，其中2塊好鬆好入味，但另外2塊就好硬，唔入味，咬唔開。品質唔太穩定，跟餐飲檸檬四季春，不過不失，冇乜特別另一個餐係鹽酥排骨肉燥拌麵排骨（即係豬扒）炸得唔錯，唔油膩，但咬落冇乜肉味，應該係乸得過咗少少龍。肉燥拌麵唔錯，肉燥唔肥，冇見到一大陀油喺面，但又唔會好乾柴，夠味！跟餐熱冬瓜茶（少甜）不過不失。總括嚟講，呢間可以一試，食完餐飯都口乾。而呢個價錢同質素嚟講都可以一試。但如果再用半個鐘排隊

首先，記得用GULU攞飛，唔好去到門口先話：係喎，唔記得。好彩今次星期日3點幾不算多人排隊。其實食物種類不算多，但專注做幾樣就反而樣樣都好食。同時不用傷腦筋。紅燒牛肉麵必吃，牛肉4大塊，又厚又腍，腍得嚟又有口感，湯底濃郁，酸菜又多，解膩開胃。蛋卷必吃。尤其欣賞它的外皮，軟硬度做得好好，而且是薄皮，包住雞蛋好香好軟。今次單叫了肉鬆味，非常之多肉鬆，味道非常好。家傳鹽酥肉，有肉汁，不厚粉，不油膩，好大碟。還點了冇影相的仙草凍奶茶少甜，茶味奶味充足，仙草是一大舊不是一條條，啜唔到，要用匙羹吃，好滿足。

-我係阿木嘅fans, 大家都應該有聽過佢嘅牛肉麵，我都有食過，今日就主要講下佢嘅下午茶，每逢星期一至五都會mon住佢嘅下午茶時間，因為與其買杯奶茶，食佢嘅下午茶仲抵，所以都已經食哂佢4個餐嘅menu午市🍜紅燒牛肉麵（片切） $58 (9.5/10)牛肉比得好多，片切仲要超大塊又夠厚，呢個牛肉麵仲好食過我喺台灣食嘅😂，性價比超高，麵質好好咬，同拌麵一樣嘅麵質-下午茶🍚肉燥飯 $36 (9.5/10)肉燥比得好多，超好食，份量又夠飽肚🍜麻醬乾拌麵 $36 (8/10)佢個麻醬係熱，個麵幾有咬口、配青瓜嘅感覺幾新鮮，不過我食開辣，又好鍾意阿木嘅辣醬就會喺枱面拎啲辣醬係咁落☺️，因為佢個醬唔辣得嚟，好好食，我以前有買過佢啲辣醬返屋企打邊爐用🍜麻辣乾拌麵 $36 (7.5/10)佢係冇落麻醬，剩係落左枱面嘅辣醬版嘅乾拌麵，辣醬都比得好多，我鍾意麻醬嗰隻、再自行調節辣度，如果十小辣都食唔到嘅朋友、應該食唔到呢隻嘅辣度🍜新竹肉燥湯米粉 $36 (7/10)佢比左好多米粉，湯上面比左啲肉燥同埋蔥，個湯其實幾好食，肉燥味落得唔夠多，但我自己覺得配麵可能會好食啲跟餐包3款小食，除左小黃瓜同埋花生麵筋我都有

絕對係我既飯堂之一～每逢中午就大排長龍，幸好可以在The Gulu拎飛，可以節省等候時間☺️✨午市套餐❀ 麻醬拌麵便當依個set係必試！可選擇配台灣腸、鹽酥雞、炸排骨或鹽酥肉。每次都係揀左最愛既鹽酥雞，因為炸粉薄又香脆，無平時食開既咁油膩，而且雞肉好嫩滑又唔會太咸，味道好好！拌麵有好多麻醬，食落充滿麻醬香，上面更加入青瓜絲～而且套餐還有三款拌菜及飲品，好抵食呢！❀ 芝士肉鬆蛋餅另一個必叫item就係蛋餅，份量多又好食！蛋餅皮薄餡多，入面有蛋、肉鬆及芝士，特別以爆多肉鬆為重點！味就香口鬆軟，推介～

中午去到舖頭，已經見到有一堆人等緊入去，大約20分鐘後，成功入座。今次我哋叫咗麻辣牛肉牛筋麵 和 紅燒牛肉牛筋麵！($69/碗)食得牛肉麵都知湯底先係靈魂，所以嚟到嘅時候，第一時間試啖湯先！一試不得了，湯底香濃，有少許藥材香氣，唔似坊間果啲牛肉麵湯底咁用膏開出嚟！而愛辣嘅朋友推薦你哋試下叫麻辣味，種辣唔會辣到食唔到，帶少少麻嘅感覺，好有趣！牛肉真心推介，切得夠厚，而且牛𦟌中嘅筋腱好軟熟，好好食！