阿木台灣麵 (豉油街) (已搬遷) 新店位置

旺角一間台灣嘢去到夜晚9:00仲人頭湧湧，就一於去試吓芝士肉鬆蛋餅🥞估唔到咁重份量平時一般嘅蛋餅，我諗有一倍嘅份量肉鬆多到跌晒出嚟 都包唔晒入邊有芝士同埋煎蛋六大嚿 兩個人食都好多黑糖珍珠奶茶 叫咗微糖就啱啱好珍珠細細粒粒比較口感 奶茶順滑紅燒牛肉牛筋麵因為太飽，所以轉左新竹米粉米粉好幼嫩 紅燒牛肉湯嘅湯底牛筋有兩條都好腍牛肉都好厚 而且都好入味走酸菜 所以碗面有好多蔥 好香呢度嘅小食份量都有好多選擇價錢大眾化

.‼️❤️ 記得CLICK我PROFILE關注我呀 ❤️‼️.😋 𝔸𝕗𝕗𝕠𝕣𝕕𝕒𝕓𝕝𝕖 𝕒𝕟𝕕 𝔽𝕝𝕒𝕧𝕠𝕣𝕗𝕦𝕝 𝕋𝕒𝕚𝕨𝕒𝕟𝕖𝕤𝕖 𝔼𝕒𝕥𝕤 @ 🌟 阿木台灣麵《👽食神大媽食台灣菜》.💁‍♀️ 圖片展示美食為：紅燒牛肉牛筋麵 HKD 78鹽酥肉便當 HKD 63芝士肉鬆蛋餅 HKD 45滷牛腱 HKD 58金鑽鳳梨汁 HKD 17粒粒白桃汁 HKD 17.👽 地道好味嘅「阿木台灣麵」幾乎人人都識，大媽成日都有機會就嚟食！.🍜 呢碗「紅燒牛肉牛筋麵」絕對係至愛，牛肉同牛筋燉得好入味，肉質保持鮮嫩，湯底濃郁，麵夠彈牙，真係正宗好味。.🧆 鹽酥雞食得多，呢個「鹽酥肉便當」就唔係經常有。鹽酥肉外脆內嫩，好惹味，份量足夠！一食台灣嘢就想食肉燥飯，所以加錢配咗肉燥，唔會太油。再加上佢會配三款前菜，有榨菜滷蛋，大滿足。.🫔 必食嘅一款小食，一定係呢個「芝士肉鬆蛋餅」！蛋餅好內軟，煎得金黃鬆軟。裡面塞滿芝士同肉鬆，熱辣辣嘅蛋餅同芝士結合，口感好豐富！.🥩 太好味，唔夠喉，所以再加多一份「滷牛腱」，物超所值！牛腱燉得軟熟多汁。滷汁香濃滲透入每件牛肉，不論係單叫，定係配埋麵一齊食都一流！.🧋 跟麵可以加優惠價跟

阿木牛肉麵之前真係食過好多次，隔咗一排再食返都係覺得好好食，份量真係超多兩碗麵加兩個小食飽到反艇😂😂😂依家改咗做QR code落單更加方便~🍴 芝士肉鬆蛋餅 $46 (8.5/10)雖然$46唔平，不過真係好大份超級足料，餅皮軟熟煙靭真係有蛋味！肉鬆嘅份量係超多塞爆咗成個蛋餅，大滿足！由於肉鬆嘅份量太多唔係好食到芝士嘅味道，整體嚟講低比較鹹香！🍴 家傳鹽酥肉 $40 (9/10)每次嚟都會嗌鹽酥肉，真係好好食，佢炸得香口唔油膩炸粉係非常之薄，肉質食落去彈牙又大少少油脂！🍴 紅燒牛肉麵 $74 （8/10）覺得全香港冇一碗牛肉麵份量多過佢😂牛肉係牛腱，足足有四大塊，炆到好軟腍，肉同埋筋位分布平均，係冇得輸！面係用咗粗身嘅面，食落去都煙靭軟腍，湯係用咗紅燒湯食落去係有牛肉嘅香味鹹鹹地！一定要加嗰個辣醬，入邊有好多蝦乾，辣到唔會太辣又香口！真係靈魂，每次都會落🥰推薦指數: 8.5/10係小編心目中全香港最抵食，又好食嘅牛肉麵😝如果兩個女仔嘅話真係兩個麵加個小食好啦，因為真係會好飽😂😂😂😂

阿木出名貼地地道台灣菜，到而家都仲咁受歡迎，今日平日夜晚09:00都仲有8成滿座!麻辣牛肉牛筋麵湯底香濃微辣帶點惹味，牛腱肉大大舊但係超級腍!！! 太好味朋友爭食於是叫多份滷牛腱$58 share🤣連同牛筋都炆到入哂味，牛筋咬落有個種黏黏膠質既口感，正👍🏻麵仲可以選軟硬度👍🏻朋友既台灣腸滷肉飯，滷肉味道濃厚又份量十足，撈哂成碗飯無問題😂係台灣好中意食梅子地瓜球，哩度個梅子地瓜條都好好味，梅子粉滿瀉，地瓜條外脆內綿味道香甜😋最後飲埋兩杯台式飲品芝士岩鹽奶蓋炭燒烏龍and 金鑽鳳梨🍍大滿足👍🏻

平時去開旺角唔知食乜嘢多數都會揀食阿木台灣麵雖然一直都需要排隊但永遠都唔會失望就算佢喺舊地址嘅時候已經開始幫襯之前有段時間比較少去估唔到一樣咁多人始終性價比高，又好食嘅餐廳真係唔多最近再訪覺得有進步最出名當然係佢哋嘅台灣牛肉麵，半筋半肉真係冇得輸其次台式小食如鹽酥雞都係我嘅最愛♡麻辣牛肉牛筋麵♡蕃茄牛肉牛筋麵無辣不歡的我次次都係食麻辣牛筋麵，唔會太辣完全係台式麻辣嗰種香濃，但係今次我終於試咗朋友點的蕃茄牛肉牛筋麵，酸酸地的蕃茄濃湯非常開胃，半斤半肉牛肉煮得很入味，份量也是比較多，如果胃口細啲真係食唔晒♡蚵仔酥除咗鹽酥雞，大力推薦佢哋蚵仔酥，平時唔多地方見到，細細粒炸香脆但係比起鹽酥雞更鮮味，如果有埋蚵仔煎就好♡芝士肉鬆蛋餅其實自從喺呢度食到，就已經完全唔會掛住台灣嘅蛋餅，因為真係味道沒有太多偏差，超級飽滿的肉鬆芝士實在太邪惡，蛋餅皮仲好Q彈有質感，不要錯過飲品方面，印象中個名叫做鳳梨冰茶唔太甜幾好飲*如果鍾意食辣，記得要試吓佢哋嘅辣醬，鹹鮮而辣勁有層次，買返屋企好快俾人食晒• ───────────────阿木台灣麵 (豉油街) (旺角)旺角豉油街60-102號鴻都大廈地下3-4號舖•

阿木台灣麵係旺角區都頗有有名氣，今日午飯時間經過，終於有機會一試。蕃茄牛肉麵(片切)蕃茄湯底比平時食到的更開胃，湯底飲落清甜有牛香味。牛肉係我鐘意的牛𦟌，仲要有4大塊，超厚切，炆得夠入味，食落更清爽。酸菜帶甜，很好食，麵質又夠彈牙，水準很高。炸花枝丸真材實料，有花枝粒。炸到金黃，外表香脆。入面就夠咬口。金鑽鳳梨四季春加仙草四季春加入醃制的菠蘿粒，飲落清新有果香。餐廳野食夠地道，為左呢碗牛肉麵，我會再回頭。

上星期六我哋去左旺角既「阿木台灣麵」食飯，呢間餐廳除咗有正宗台灣牛肉麵，仲有好多款台灣特色食物同飲品，包括蛋捲🥚、小食🍢，同埋各款台式飲品🍹。我地揀左兩款麵，有蕃茄牛肉牛筋麵同紅燒牛肉牛筋麵。兩款都好出色，湯底濃郁，牛肉同牛筋都好嫩滑，特別係蕃茄牛肉牛筋麵，仲加咗蕃茄嘅酸甜味，好開胃！🍅除咗麵，我哋仲叫咗鹽酥雞同炸甜不辣。鹽酥雞外脆內嫩，每口都係外皮香脆，肉汁豐富，真係令人上癮！而炸甜不辣就係我最愛，裡面有花枝同蔬菜，油炸得恰到好處。🍗🌶️飲品方面，我揀左黑糖珍珠奶茶同粒粒白桃汁。黑糖珍珠奶茶味道濃郁，珍珠彈牙，甜度剛好，好解渴！而粒粒白桃汁清甜爽口，真係好消暑！🥤🍑「阿木台灣麵」真係一間唔可以錯過既台灣美食餐廳，唔論係麵條定係小食同飲品，每一樣都好正！下次再去旺角，我一定會再去食返啲美食！😋✨

同朋友一齊食 叫咗三碗牛肉面 一碟菜 一個蛋餅同鹽酥雞 同埋仙草奶茶牛肉面份量唔少 食完好飽 而且鍾意食蕃茄湯嘅人會揀蕃茄湯多過原本嘅湯底 茄湯唔係死蕃茄湯味 飲落似熬咗好耐 比較濃郁蕃茄味嘅湯牛肉麵蔥同酸菜都有揀多啲少啲 選擇幾個人化時菜應該係菠菜嚟 時菜唔只落咗豉油 仲有啲蒜喺面 食落一啲都唔dry 超級好食 仲要37蚊嚟講幾抵食芝士肉鬆蛋餅 入面肉鬆俾得唔少 而且都唔太細塊 食落冇咩特別鹽酥雞都係感覺冇咩特別 一定唔係難食 想過口癮都可以叫翻一份嚟食下仙草奶茶嘅仙草成舊放杯到 冇切開過 結果奶茶飲完都未吸到仙草

大隻仔今次覓食嘅店舖就係💥 阿木台灣麵 💥大隻仔今次介紹呢間餐廳由舊舖頭食到而家新店舖，餐廳老闆係台灣人，祖傳60年家族傳承秘方，味道夠晒正宗。大隻仔鍾意食呢間餐廳嘅牛肉麵原因就係牛肉夠晒大件，而且非常軟淋，有入口即溶嘅感覺，真係幾好食。阿木係少數可以做到咁高質，牛肉軟淋入味既台灣牛肉麵餐廳。特別提提，收銀員工超級有禮貌，非常加分。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般/正常1⭐️ 差味道 ⭐️⭐️⭐️⭐️⭐️抵食 ⭐️⭐️⭐️⭐️服務 ⭐️⭐️⭐️⭐️⭐️環境 ⭐️⭐️⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 紅燒牛肉牛筋麵 $78 湯底比較簡單，冇好濃烈嘅藥材味道，主要用上台灣醬油同豆瓣醬製成。主角牛肉牛筋份量多，牛肉係用上牛展，有2大件，每件都比匙羹還要大件，完全唔需要用牙力就可以咬開，而且非常入味，真係好好食。牛筋有3小件，比起牛展更加軟淋，充滿膠質，入口即溶。而麵條大隻仔每次都會選擇硬麵的。🔥 芝士岩鹽奶蓋四季春 $19點1-10餐，飲品有半價。四季春充滿青茶香味，芝士岩鹽奶蓋夠厚實，有淡淡芝士香味，而且夠滑。🔥 芝士肉鬆蛋餅 $45芝士肉鬆蛋餅味道不錯，可惜芝士做唔到拉絲，蛋餅皮唔會太厚，岩

以前旺角另一間分店排曬長龍嘅時候食過依家呢間依然都係咁多人繁忙時間前到食晚餐就唔洗等直接食。鹽酥雞就本身好鍾意食之前每次都係叫鹽酥雞便當食到好飽，覺得佢整得真係好香脆！。麻辣牛肉麵好香雖然係麻辣不過唔會好辣面條都軟硬適中值得一讚係牛肉好淋好入味！而且份量都唔少超級好食，真係大推。蛋餅揀左芝士玉米蛋餅每次黎親都係必點仲有其他唔同餡料可以揀。地瓜條好多酸梅粉酸酸甜甜好開胃其他小食都好吸引可惜兩個人太多食唔到咁多。下次一定會再食

⟡⟡⟡阿木台灣麵⟡⟡⟡每次係旺角行街都會心思思想黎食阿木，以前旺角返工可以隨時食，而家不行了🥲由小店開始支持，就算開多間品質都仲keep到-紅燒牛肉牛筋麵 HKD78牛肉同牛筋都足料🔅-鹽酥雞便當 🍱 HKD 58可以選擇多肉燥之舉 真係大大加分嫁！-台式炸大腸 HKD45-蚵仔酥 HKD49-黑糖珍珠奶茶 HKD16-芝士岩鹽奶蓋炭燒烏龍茶 HKD19加仙草+$5可以揀去冰🤭岩哂我呢d飲開熱野又心癮想飲凍既人🥰

今晚同朋友嚟到旺角食一間人氣餐廳，就係主打台灣料理嘅阿木台灣麵。
我哋一嚟到嘅時候，餐廳入面都坐滿食客，真係好受歡迎。係呢度可以食到正宗台灣牛肉麵，仲有款台灣小食同飲品揀，而且份量非常多，性價比高！店員都好nice咁同我哋推薦美食，佢哋話蚵仔酥係最近新推出，真係好好味！！主食 - 紅燒牛肉麵 & 蕃茄牛肉麵牛腱肉質軟腍多汁，煮得非常入味，配濃郁嘅紅燒牛肉湯，十好鮮甜美味。而蕃茄牛肉麵的湯底，會帶點酸甜味道，非常益胃又滋味。蚵仔酥(炸蠔仔酥）新推出小吃！極力推薦！新鮮炸至金黃色，外脆內軟嘅口感！而且蚵仔飽滿不縮水，讚！芝士玉米蛋餅正宗台式風味台灣蛋餅，香味十足！蛋餅有蛋香味，口感煙韌，再加入秘製醬汁、玉米粒和芝士，增加口感層次！飲品 - 檸檬四季春 & 粒粒白桃汁兩杯台式各有特色，檸檬四季春味道酸酸甜甜，十分解膩又解渴！而粒粒白桃汁的果香較為出眾，非常香甜，而且有粒粒白桃果肉，十分推薦！

呢間牛肉麵聽講好出名一直都放咗喺名單上面等着去食於是今個星期六就同咗朋友去咗呢間聞名已久嘅台灣牛肉麵食個lunch.不過其實本身都冇乜特別期望因為喺香港食過嘅牛肉麵個湯底都好似普普通通啲牛肉又唔算特別出色.基本嘢，嗌咗個紅燒牛肉麵加咗個燙青菜牛肉麵賣相都OK有大大件牛肉同埋有啲酸菜估唔到一食落去都幾有驚喜個湯底帶少少藥材味非常香濃然後加咗少少枱面嗰罐麻辣醬點埋啲牛肉食非常之夾有畫龍點睛之效果個面底都幾彈牙食吓食吓，轉眼間就清咗碗無咩期望之下，咁樣反而好驚喜絕對有下次

上網見呢間台式餐廳評價幾高，去左食個lunch，點知好失望。午餐配左肉燥飯，啲肉燥普普通通，但啲飯好淋，無乜口感。台灣腸仔ok，其他配菜都正常。加$10轉左做珍珠奶茶，加多$1諗住飲唔晒可以拎走，點知好難飲，啲味好假，同平時珍珠奶茶專門店簡直無得比。雖然佢唔係出名賣台式飲品，但無諗過咁難飲，連普通奶茶都比不上，最後飲左1/3頂唔順無飲到，外賣都拎唔落手。可能呢間只係出名食台灣麵，見大部分人係食麵。。。我咁唔好彩揀晒佢唔掂果啲食品卦。。。不過唔會再試了😅

星期日午餐我哋去咗旺角嘅「阿木台灣麵」店，真係好難搵到正宗台灣牛肉麵，而佢哋就係專門賣正宗台灣麵嘅！餐廳主打台灣麵，包括牛肉麵、台式便當、蛋餅同鹽酥雞等等小食，味道好正宗，而且價錢都好親民，性價比真係好高呀！🍜😋🍱🍳🍗首先係「紅燒牛肉牛筋麵」，牛肉係紅燒得好入味，軟腍多汁，牛筋都好嚼勁！麵條彈牙有嚼勁，湯底鮮美，真係食到嘴裡滋味無窮！每一口都係牛肉同牛筋嘅鮮香，令人回味無窮！🍜🐮😍接下嚟係「蕃茄牛肉牛筋麵」，呢碗麵湯底非常好味😋，蕃茄湯底酸酸甜甜，同牛肉同牛筋嘅結合真係好開胃！牛肉嫩滑，牛筋有嚼勁，配上彈牙嘅麵條，每一口都好滿足！味道鮮美，真係一碗令人回味嘅牛肉麵！🍜🍅🐮😋小食方面，「家傳鹽酥肉」，呢個係台灣嘅經典小食！鹽酥肉炸得金黃酥脆，外脆內嫩！每一口都食到肉汁嘅鮮香同鹹香嘅誘人味道！真係令人欲罷不能！如果你鍾意炸物，呢個絕對係你唔可以錯過嘅！🍗😍最後就係「炸甜不辣」，呢個係台灣嘅傳統小吃！炸甜不辣外脆內軟，每一口都有嚼勁同鮮甜嘅口感，味道出色！真係一款好開胃嘅小吃！🍤😋至於飲品，阿木台灣麵都有好多選擇！黑糖珍珠鮮奶有濃郁嘅黑糖味同咬勁十足嘅珍珠，味道非常香甜滋潤！芝士奶蓋岩鹽四季