阿四車仔麵 (已結業)

聯和墟轉角間阿四車仔麵地點就腳，所以都成日黎堂食/外賣番屋企嘆☺️呢間車仔麵可以叫既餸有好多種，價錢唔貴，門口有張大既點餐紙，可以揀定野食入去即刻坐低就落單🥰入到去座位好闊落，位與位之間有透明板隔開，夠哂乾淨衛生👍🏻同朋友叫左2碗自選車仔麵🍜我揀左雞翼🐥牛柏葉☘️咖哩魷魚🦑芝士腸🌭河粉配腩汁🤤🤤個人認為咖喱魷魚最好食😋😋咖喱味香而且魷魚爽口彈牙👍🏻😋而朋友嗰碗係豬紅🐷咖哩魷魚🦑雞翼🐥油麵配腩汁🤤🤤🤤佢就最鐘意大大隻雞翼☺️當然必食辣菜脯，久違的味道☺️加落湯麵度，香口惹味，又唔會太辣，正！

瑞士雞翼好掂，入味💕好食，肉嫩。招牌大碗麵就因為樣樣餸都想食啲試下味，有哂辣魚蛋，辣魷魚，鹵水蛋，豬皮，豬大腸，雞翼尖，蘿蔔，瑞士雞翼，豬紅，都係香港地道美食。每樣餸都好出色，全部都唔會淡而無味，真係入哂味，feel到咩叫用心制作。

想食車仔麵，見到呢間幾企理，又唔洗等位，店員都幾有禮貌，入面裝修帶點日式簡約既感覺，車仔麵少有既環境服務都唔錯。粗麵/腩汁 - 魷魚🦑豬紅，白蘿蔔魷魚口感都爽口既，但無乜味，白蘿蔔就有少少筋，無乜特別，豬紅都係正常發揮，湯底一般，連芫茜蔥乜野都無，有啲單調。油麵/咖哩汁 - 魷魚🦑豬紅，牛腩咖哩汁同腩汁都係匙羹既份量，種感覺好似你去買薯條跟茄汁，原本一心以為係融左入去湯底🤨牛腩略嫌唔夠軟淋，有啲癡牙。檯面有罐辣菜脯可以自行添加，微辣，爽脆，加埋麵食幾好食。整體一般，無想回頭食既感覺。

天時暑熱，要排隊等食實在難頂，所以見到呢間阿四車仔麵，長期無須等位，就決定入去避一避暑，又有邊個會估到，食完仲㷫過未食。叫左米粉加咖喱汁，餸要左滷水腩肉、溏心蛋、蘿蔔、炸墨魚卷。碗野一黎到我即刻嘩左一聲，湯底清如清水，咖哩汁得半羹，食落得咸味無咖喱味，如果一碗車仔麵嘅靈魂係湯底，咁呢碗麵已經出賣左自己嘅靈魂。雖然靈魂若變賣了，上鏈也沒心跳，但本著珍惜食物的精神，都要試埋啲餸。先食滷水腩肉，一睇到佢9:1嘅肥瘦比例，我心血管即刻忍忍作痛，人生走馬燈在眼前略過，感覺要馬上中風喪命，好在我吃掉10份之1的瘦肉後就收手，雖然攝牙罅都唔夠，但如果成舊食晒，我諗我都冇機會打到呢編食評。執返條命仔，再黎試吓個炸墨魚卷，點餐紙上雖然寫明係炸，但實際似酒樓點心的腐皮卷，外皮淋，完全冇炸過嘅香口，啲餡薄，保守估計不超過8mm，上一秒先係中風腩肉，而家又忽然養生蒸腐皮卷，實在來回地獄又折返人間。同場加映友人所叫的豬大腸，睇色水就知，不經人工調味，又係養生野啦，食落一陣陣濃厚豬羶味，可謂原汁原味。題外話，每張枱枱頭都有支美極，可能我見識少，食車仔麵有美極都係第一次見，所有野食一落美極，就只係會得返美極味，如果

由於住在聯和墟附近，又喜歡吃車仔麵，對這一帶的車仔麵都比較熟悉，而阿四車仔麵是我最常去的車仔麵，他的味道未必是最好，但肯定質素不算差。首先說環境，他有點像日式咖啡室的裝修風格，內部裝修新淨，坐得舒適，有比較輕鬆的感覺，如你喜歡看街景的話，你可以坐落地玻璃前的座位。食物方面，當日我去的時候是下午3:30 ，他有$35的三餸下午茶，包飲品，凍飲的話需另加$3 ，最後我點了油面，配辣魚蛋，豬大腸，瑞士雞翼，加辣醬，凍鴛鴦走甜。他的湯底算OK鮮甜，不是一般普通的味精水，另外如果你點辣醬的話，他會在湯羹上放上醬料，你自己攪勻。腩汁、咖喱汁、沙嗲醬也是一樣。麵條方面爽口，份量不多不少，如你需要加底的話另加$6。辣魚蛋大大粒也入味，另外豬大腸三件太大件，有點咬口，所以咬起上來有點韌，建議他切細件點會比較容易咬，另外亦不算太入味。最後兩隻瑞士雞翼算是入味，大細適中，不會是超細件那種雞翼。總結如果這個車仔麵滿分是5分的話，我會給3.5至4分。加價錢有相當合理，我已多次翻吃。最後服務方面也相當不錯，當天人不多，落單後不夠5分鐘便送上，面和飲品會用盤放好送上，賣相不錯。其中一位侍應姐姐很好笑容，會與你傾談，

好耐都無入新界，今次仲要去到粉嶺做野！人生路不熟嘅關係，我又搵返d熟悉嘅餐廳開餐🙈估唔到呢間「阿四車仔麵」原來開到去粉嶺都有！之前係旺角其實都食過好多次！所以我對佢好有信心😎先講下小食，我每次都一定食「炸墨魚卷」！外層塊腐皮炸到脆卜卜，好香口！入面包住爽口彈牙嘅墨魚膠同埋墨魚粒，口感勁豐富！至於另一款小食我地就叫咗「瑞士雞翼」！瑞士汁夠晒味，加上我係對雞翼毫無抵抗力🤣所以係唔係都咁好食😂至於車仔麵就都算抵食，$38有3餸！必食蘿白，又甜又夠腍！另一必食就係滷水腩肉，肥瘦分明，口感軟腍又入味，完全唔韌！呢個真係必叫！最後仲有不得不提！佢有我最愛嘅辣菜脯，呢個撈埋d麵一齊食，真係好正！佢唔算太辣，仲要任你食，勁滿足！

北區兒童係粉嶺搵到新食堂，香港地道美食除左茶餐廳之外，今日主題係車仔麵！「阿四車仔麵」裝修簡約，樓面乾淨，座位寬落，採光充足，提供一個舒適環境食車仔麵，一改「嗱渣麵」印象！🍜《招牌麵》同老公一人叫左一個招牌麵，岩哂有選擇困難症既你，招牌麵總共有九款餸，每一樣都有特色，個人特別推介豬皮入味之餘，仍然夠爽有口感；其次辣魷魚彈牙惹味，瑞士雞翼濃味，魚蛋好咖喱，其餘的都不錯。至於另一重點湯底！老公勁貪心剔哂四款醬汁包括咖喱、沙嗲、腩汁同辣醬，撈埋哂出乎意料地夾，佢仲講左十次以上好好味，所以建議大家剔哂佢😉九個餸又大大碗先係$60蚊勁抵食。🥵《麻辣牛柏葉》除左車仔麵，店內提供多款小食，盛惠$22，牛柏葉處理得乾淨好爽口，面頭嘅麻辣醬真係夠麻夠辣，好攻鼻濁親好幾次，但辣得過癮。😋《炸燒賣》至於炸燒賣，上枱時估唔到$22有成10粒，CP值極高，相信係即叫即炸，因為熱辣辣好香好脆口，樓面姐姐仲超貼心問要唔要加甜酸醬（即係麥當勞個泰式辣醬）。🍼🍵《樽仔奶茶》車仔麵跟餐加$12可以要杯凍飲，我今次就加$18試佢招牌樽仔奶茶，同普通凍奶茶比，奶味香滑，茶味濃郁而且唔會因為啲冰溝淡咗整體嘅味道。一間餐廳除咗食

星期六要返工, 收工食咩好呢? 肥brown突然又好掛住阿四車仔麵, 於是就獨獨去食碗麵<自選車仔麵>自選車仔麵肥brown今次就揀咗公仔麵底, 醬汁就揀咗沙嗲醬終於完咗一個禮拜, 肥brown要食好多好多嘅料, 一唔小心就嗌左八樣八樣野肥brown最鍾意豬大腸、豬腩肉、白蘿蔔同午餐肉豬大腸非常入味, 食落又唔會好油膩豬腩肉口感比較爽身白蘿蔔味道清甜水份滿滿午餐肉厚切, 食落啖啖肉<南瓜薯餅>另外仲嗌多咗份南瓜薯餅, 外皮好脆, 帶有點南瓜香甜<樽仔奶茶>樽仔奶茶口感順滑, 奶同茶嘅比例完美配搭

依度嘅車仔餸選擇好多，有成30幾款餸揀😆樣樣都想食～仲可以免費加腩汁丶咖喱汁丶沙嗲醬丶辣醬丶麻辣醬👍🏼今次我點咗「辣魚蛋+瑞士雞翼+炸片頭+米線」🥳 辣魚蛋正喎我至愛，瑞士雞翼好入味，米線夠順口滑溜～食食吓發現份量都好足，加咗腩汁絕對係精髓💗湯底更加香濃惹味～屋企人叫咗「豬紅+豬大腸+瑞士雞翼+粗麵」，佢話豬紅好嫩滑又夠味！依次仲遇上了平日下午茶時段～車仔麵包3款自選配料（只限＄9/10配料）只係$35，真係好抵食🤤見佢小食都有好多選擇，叫咗炸燒賣 （＄22）丶香辣魷魚（＄22）丶炸墨魚卷 （＄22）💗估唔到啲小食$22份量會咁足👍🏼 炸燒賣仲有甜酸醬配埋，外皮脆口～唔油膩又唔會乾柴👍🏼good 喎叫咗樽仔奶茶（＄18），茶味都濃，不過個人覺得甜咗啲啲～💗整體非常滿意～好企理又好食嘅車仔麵👍🏼

當日係流水響行完山之後想出粉嶺搵下午茶食，誤打誤撞就尼左依間餐廳，可能當時時間不早了所以客人不多我哋就咁可以入去坐低。當時仲係下午茶時段，三十五蚊三餸包野飲，我同我女朋友分別叫左唔同餸，有蘿蔔、雞翼、豬大腸、芝士腸、炸豆腐同埋魚片角，咁湯底就得一款但係就可以俾我哋選擇唔同醬汁，咁我地就叫左麻辣汁同沙爹醬。咁我另外加三蚊轉左烏冬，食落都唔錯，不過最推介係蘿蔔好甜好好食。咁佢其他餸份量都ok，最重要係菜圃任食不過張枱就有啲污糟，咁就減左啲分。

呢間粉嶺分店室內環境燈光光猛，座位舒適，冷氣充足。見到個廚房好乾淨，食材新鮮。餐單上可自選食材，麵同醬料，醬料就揀幾種都得！招牌麵 $60呢個真係岩中意食餸既人，佢乜料都有哂，啲餸係好新鮮，尤其辣魷魚同豬皮係爽口；滷水雞翼，雞翼尖同豬紅都煮到係入哂味；蘿蔔又勁大塊，呢個價緊係要合理比足料。而湯底就揀左沙嗲醬同辣醬，配埋煙韌既讚岐烏冬，真係無得歎！雞腎魚腐炸豆腐米線 $41雞腎好食，其實啲料係全部都好食，但可能我揀咗米線，湯底剩係揀左加腩汁就淡味左，因為加辣醬同麻辣醬既都唔錯！所以整體來講算唔錯了。另外叫左碟蠔油菜心$22 同日式吉列蠔 $26一上枱可見非常之新鮮同好嫩。吉列蠔外層係炸到呈金黃色，好酥脆！原本以為係一大粒蠔，但原來係小蠔，但呢個覺得幾有誠意！都有成5件，不過會食到會有點滯。樽裝奶茶 $18呢個自家製好飲，有點驚喜！夠茶味又不會太濃，又夠香滑。因為無加一，所以2個人食左百幾蚊4樣嘢，$200都不用，抵食既。總結我係中意佢啲嘢夠大份，無論係配餸或小食，麵份量好多，係好飽肚。

今天中午剛巧我們要到聯和墟幫媽媽拿點東西，因此誤打誤撞下，再次和寶寶到訪這家阿四車仔麵店用膳🌟這裏除了車仔麵吃外，還有多款小食❣️這裡的小食對於一家車仔麵店來說是挺特別的❗️例如素炸春卷、炸墨魚卷、日式吉列蠔、南瓜薯餅等，你會很意外這家吃車仔麵店居然會有這些小食提供😆而且價格還非常划算，最貴也不過 $26🤑🥢🥢🥢🥢🥢我們一人點了一碗三餸車仔麵，再另外點了幾款小食💕🍜🍜🍜🍜🍜寶寶點了蘿蔔、牛腩、牛柏葉粗麵，配以沙嗲醬💕香濃沙嗲醬以湯匙盛開，好讓食客可以自行決定添加多少到麵裡❣️蘿蔔挺不錯的，煮得夠軟腍又不會失去原來口感，很容易咀嚼👍🏻牛柏葉大大一片，咬得過癮，爽滑彈牙❗️牛腩肉質及味道也不錯，也炆得夠軟腍，但吃起來有點乾，廚房保存時，可以用湯浸着，相信食客吃的時候效果會更好～我就選了辣魚蛋、瑞士雞翼➕牛腩，配上最傳統的車仔麵—油麵及沙嗲醬💕辣魚蛋大大一粒，魚肉彈牙😋 吃得滿足💕瑞士雞翼嫩腍入味，好像煮了很久似的，連雞翼的骨也開始軟了🤣整體配合起來，這碗車仔麵也算不錯🥢炸燒賣 $22新鮮即炸的金黃燒賣外脆內軟熱🤩碟底更配有泰式辣醬，同用更添另一番滋味😋一客10粒，分分鐘比街頭的炸燒賣更便宜❗️🥢🥢🥢

如果想舒舒服服食車仔麵，我會揀阿飛車仔麵，因為佢嘅環境好乾淨，而且又唔會坐得迫夾，另外吸引我嘅原因就係佢有好多地道嘅小食可以叫我同朋友每人叫咗碗車仔麵，仲叫咗炸燒賣、碗仔翅、瑞士雞翼，而且價錢唔貴都幾抵食炸燒賣配埋酸辣醬一齊食, 外脆內軟既口感真係好正，唔係好多地方都有得食碗仔翅非常足料，好耐冇食過咁正嘅碗仔翅瑞士雞翼煮得好入味車仔麵嘅配料我個人好推介豬腸同埋墨魚春卷飲品方面就一定要試吓樽仔奶茶，茶香奶滑仲有樽裝維他奶添！所以如果想係粉嶺食車仔面，阿四車仔麵絕對係一個好選擇

#cassiegofanling-每個粉嶺人都應該知道聯和墟係最多好野食，瘦編雖然住係粉嶺，但可惜唔近聯和墟。今日專登搭車去個頭搵食～試下「阿四車仔麵」，係北區都幾出名。👍🏿-車仔麵有別稱「揦鮓麵」，因為普遍車仔麵店環境較差，衞生一般，不過依間「阿四車仔麵」環境裝修幾靚，店員介紹佢地仲用低溫慢煮處理食材，例如雞翼、牛腩等，所以啲食材好入味！🥰-落order同其他車仔麵一樣，係紙上面剔自己想食嘅產品，最低消費$38碗，基本上麵底、醬汁、配料有過百種選擇，都有多款飲品，實有一樣岩你口味。我自己覺得個滷水腩肉係最正，好入味，肥瘦均勻，大家一定要試下。🤩-味道評分▶️🌕🌕🌕🌕🌑 (4)抵食評分▶️🌕🌕🌕🌕🌑 (4)回購評分▶️🌕🌕🌕🌕🌑 (4)-➡️ 阿四車仔麵 (粉嶺)📍 粉嶺聯和墟和豐街59號地舖-

同朋友一齊喺粉嶺，想食個簡單嘅午餐，咁就嚟咗呢間口碑幾好嘅車仔麵店😁朋友同我我都係叫咗讚岐烏冬，我加咗滷水豬腩肉、瑞士雞翼、午餐肉、豬紅、白蘿蔔，朋友就加咗滷水豬腩肉、白蘿蔔、溏心蛋、冬菇、芋絲、素牛丸；我哋仲加咗小食「腩汁西生菜」同「香辣魷魚」share嚟食😋基本上全部食物都幾好食，特別係滷水豬腩肉（半肥瘦好滑好入味）、白蘿蔔（好嫩好甜）、香辣魷魚（惹味有咬頭）、午餐肉（煎得好香口）😋，讚岐烏冬就幾彈牙😋仲叫咗「熱奶茶」同「樽仔奶茶」，一熱一凍，兩個都香滑好飲😋。呢度乾乾淨淨企企理理食物好味又坐得舒服，真係簡單而滿足嘅一餐😋😁