阿四車仔麵 (已結業)

叫外賣，嗌咗個三送麵再另送，另兩個小食。點知末食落口就見到伏！麵同湯好唔logic竟然唔分開，啲粗麵好似浮屍咁，湯都無晒…見啲人comment咁好，我叫了好多滷水野，但全部都無色無水，腩肉、豬大腸、溏心蛋完全無味膠咁…啲素牛丸好細粒同埋有一粒粒硬野un牙要吐出嚟…單點兩個小食，個墨魚卷油淋淋，而雞翼不但無味，啲肉仲梅嘅，差得好誇張！

呢間車仔麵我唔係第一次食㗎啦，食完會再食一定有佢嘅原因。一碗好味嘅車仔麵精髓在於湯底，而秘製嘅辣汁就係碗麵嘅靈魂，只要有齊依兩樣嘢，無論幾普通嘅餸都可以整得好出色。餸菜面底款式都算多樣化，加上飲品嘅種類亦都好多，真係要去多幾次先可以試暈晒。除左一般既配料，我哋兩個人亦叫左幾款傳統車仔麵店好少見既餸，先講普通平時都有既滷水菜式，無論係腩肉雞翼定冬菇，幾款都醃得好入味。魚蛋豬紅咖喱魷魚呢啲穩陣嘅菜式當然唔少得啦，驚喜嘅係糖心蛋咬落即刻爆漿而且蛋香濃郁，簡直係高級拉麵店嘅水準。重點推介係炸墨魚卷，外面嗰陣皮索曬啲湯汁同埋鎮店之寶「麻辣醬」，而且入邊嘅墨魚滑亦都非常爽口彈牙，其實得兩條真係唔夠皮。下次再去我哋都打算試吓佢啲特色小食，見到隔離枱新鮮炸出嚟嘅炸燒賣賣相好吸引呀，搵日再去食過先。

喺粉嶺附近放lunch，突然間心血來潮想食車仔麵，就去到聯和墟的一間車仔麵專門店，知道在其他地區都有分店，一直都好想試吓，今日終於有機會了。餐廳的落地玻璃讓日光照射到餐廳入面，感覺好舒服，而且位置寬躺，環境舒適潔淨。落單以自助形式，Tick好配料及選擇粉麵類，隨即給職員下單，非常方便快捷。三個餸一個麵價錢都只係$38，雞翼控的我當然要選瑞士雞翼，還有好入味嘅魚腐，有口感的炸片頭，配以辣醬小辣的醬汁，等咗幾分鐘終於有得食，賣相份外豐富。當中的瑞士雞翼很入味，而且雞肉肉質鮮嫩，魚片頭大大件，有爽口彈牙的口感，油麵很林很入味。而小食 #炸墨魚卷 香脆可口，點一點泰式辣醬更加滋味。不得不叫這裏的招牌飲品 #樽仔港式奶茶，茶味香醇，確實唔錯！這一餐 #車仔麵午餐令我感到很滿足很飽肚！

而家大熱天時 有時食嘢真係冇咩胃口 所以都係揀啲快靚正嘅餐廳 今日經過粉嶺聯和墟呢度 見到阿四車仔麵就入去試下 座位好闊落 環境夠乾淨 價錢又好經濟 除咗傳統車仔麵之外仲有大碗飯食 今次揀咗2碗招牌麵 $58 面底要讚岐烏冬 鐘意佢夠粗身又彈牙 招牌麵吸引之處係有九個餸 分別有辣魚蛋 辣魷魚 豬皮 蘿蔔 雞翼尖 豬大腸 瑞士雞翼 鹵水蛋 豬紅 啱曬我呢啲樣樣都想食嘅人 再加多個素牛丸同魚腐 今次真係大滿足 蘿蔔煮得夠淋 好入味 又清甜又無渣 超正 下次要單點蘿蔔先夠 魷魚辣辣地又彈牙 好惹味 魚蛋 爽口彈牙 最鍾意就係個瑞士雞翼 夠曬入味之餘又唔會太腍 好好食叫咗兩杯嘢飲 凍檸茶同凍鴛鴦 最後發現原來有樽仔奶茶下次可以試下

平時成日都經過見到好多人買車仔麵，今日一試真係好味喎，仲要抵食又大件。滷水腩肉，咖哩魷魚，豬腸，炸墨魚卷我叫咗呢四款，腩肉係有兩大舊，肥瘦分明而且食落唔油，滷水入哂味再加埋肉質夠嫩! 咖哩魷魚調味岩岩好，辣味唔會過多魷魚又彈牙。豬腸係九轉腸仲好入味，一啲都唔油膩。最後炸墨魚卷都好出色，新鮮即炸夠哂脆。朋友食既貢丸，蘿蔔，蟹柳都好高質，食左佢一粒貢丸，好彈牙同埋菇味濃郁!另外再叫個油菜同滷水雞翼，生菜好新鮮同埋爽口，少少蠔油吊味已經好正。雞翼亦都係好入味，不過略嫌唔夠熱，如果唔係就真係超正!另外佢既樽仔奶茶都好好飲，唔太甜而且奶同茶既比例幾好，茶底濃奶又滑。

今日放工同朋友去左粉嶺買野，就諗住順便係附近食埋野。岩岩行到聯和墟附近，見到依間車仔面，就諗住試試佢啦😆因為真係太熱啦，一坐低就叫左嘢飲先，樽仔奶茶真係要試試，茶味好香，奶味濃👍🏻👍🏻招牌面依款面最岩就係心大心細嘅人，依個麵有晒幾款招牌餸，每樣餸都好出色，豬紅好入味，仲要辣辣地，好惹味👍🏻另外我仲叫左個三餸車仔麵，份量都幾多嫁。滷水雞翼好腍身又入味👍🏻我地仲叫左三款小食滷水豬大腸，好爽口且之前啤滷水嘢食一樣都係超級入味南瓜炸薯食，依個小食都幾驚喜，用南瓜蓉加埋薯蓉整成嘅炸薯餅，食落有淡淡嘅南瓜味👍🏻加埋泰式辣醬😂正丫下次經過聯和墟又唔知食咩好嘅時候，記得要試下依間車仔面啦

環境坐位闊落舒服 裝修簡單乾淨唔近粉嶺站 但都算易搵食物1. 車仔麵本身係38蚊3餸 但因為好多餸都好吸引所以加左18蚊加多2個餸 其中最推薦：滷水腩肉食落好似日式拉麵的厚切叉燒滷得入味又軟熟 輕輕一咬就化開瑞士雞翼簡單常見的餸 但難得整到色香味俱全 雞腎厚肉夠味又唔韌沙嗲湯沙嗲汁本身夠香 但溶左落湯之後就略嫌唔夠味好彩有免費的辣菜甫大大羹撈麵 夠哂惹味2. 小食 20蚊一款炸南瓜薯餅炸得夠脆 南瓜蓉甜甜地 好味配泰式辣醬都唔錯 不過如果配沙律醬可能更好食滷水大腸厚切的滷水大腸好味有咬口3. 炸墨魚卷墨魚味夠 配泰式辣醬好味

阿四車仔麵三餸麵招牌麵炸墨魚卷價錢💲: $38/ $58/ $20好味程度😋: 3.8/5服務🍴: 4/5環境🗾: 3.8/5性價比🥢: 4.4/5回頭率😚: 3.8/5-好中意車仔麵的我今日又去到一間叫阿四車仔麵的試下💛係有顏色添架！ 佢係粉嶺同旺角都有分店架，所以好方便☺️仲有佢地3餸1麵都係$38，好抵！加多個餸就$9😋-但貪心的我就要左大碗麵，貪可以咩都試到😂 逐樣講下先，我最愛蘿蔔！每舊好似有1/3個咁大，又大又甜，冇渣，好正😚 雞翼尖同雞翼都滷到入晒味，啲肉一咬就散😌 滷蛋都係，好夠味，係實個啲好似鐵蛋咁的質地😂 豬大腸舊舊都好厚，入面清得好乾淨，唔洗驚😂仲有咖哩魷魚同豬皮，都入味，2樣都好有咬口😍 魷魚切到一條條，好易入口😛仲有最尾的咖哩魚蛋，我就覺得平平冇奇🙈 佢地湯底唔係濃個隻，係清甜啲既食完唔口渴，如果你啲餸濃味咁個湯就濃啲，加上小小辣醬，唔錯🥰但個人會中意更濃hehe重口味!-另外另一碗有叫到魚皮，我都大推，因為好脆，好大塊，仲有碗另上，唔怕浸腍晒🤓佢地都比左成4大舊👍🏻 叫左一款小食，炸墨魚卷。係腐皮包住啲墨魚滑咁🧐我就幾中意，因為好香口，食到墨魚的彈牙😀點埋甜酸

平日較少踏足新界，是日遠征粉嶺，先吃碗車仔麵再到處遊歷一下。麵店乾淨企理，空調足夠，尤其夏天吃熱湯麵必須的。配菜及麵底都是傳統的款式，麵店則是較新式，另外也有數款大碗飯供應。車仔麵的配料有很多。這個招牌麵包羅萬有，那直接點這個，反正裡面的配菜都合口味。招牌麵除了固定的九款配菜，如瑞士雞翼、豬皮、豬大腸、辣魷魚、滷水蛋等等外，醬汁及麵底也是自己選擇。魚蛋入味，帶點辣很過癮；瑞士雞翼及滷水蛋都滷得出色。配菜都覆蓋了整碗麵，底下麵條相對不多。匙羹上的辣醬汁是精華所在，蘸麵及材料吃都特別惹味。小食有好幾款，價錢便宜，點了幾款吃吧。秘製香辣魷魚魷魚滑而爽口，醬汁是港式咖喱味，香香辣辣。瑤柱鮑汁雞腳雞腳多隻，肉厚入味，鮑汁醬甜甜的。甜酸齋厚厚的酸甜汁覆蓋著，齋麵筋濃味。還有自家出品的樽仔奶茶，樽裝盛著，沒有冰底令茶底變淡，醇香且冰涼解渴呢。

我同阿妹都好鍾意食車仔麵，去到邊見到車仔麵都會食，旺角有一間車仔麵環境唔錯見到新開就去試～ 超級為食嘅我哋揀咗超級多餸同小食！我嗰碗米粉有魚皮餃，魷魚，魚蛋，牛腩，蘿蔔。從來都冇想像過蘿蔔可以咁清甜咁入味☺️ 超級高質，而且湯底都唔錯。另外小食都好多選擇！好難先揀到出嚟雖然都係叫多咗d🤪 小食特別推介呢一個炸雞！炸雞炸到外脆內軟，喺其他全部車仔麵小店的確係好少見到～但係咖喱魷魚就可以煮耐少少，略嫌有少少唔夠味道🤪

想簡簡單單食返餐，街坊小店好合心水。😆車仔麵由細細個開始就會食，通常叫外賣，不過呢間乾淨企理，又坐得舒服一於坐低食☺️門面既一碗靚麵，一份情懷係將食個車仔麵去左懷舊feel (・∀・)裡面枱不算多，兩旁有吧枱位，一邊面壁，一邊望街，睇你想唔想見到人。個人幾喜歡個地版蜂窩拼貼，簡簡單單~凳幾好坐(◠‿◕)返正題碗麵選擇困難症好艱難嘅餐牌，因為選擇好多，咩都有，淨餸又得，幾多樣餸都得，經典類就真係樣樣都吸引(@_@)最後揀左魷魚、瑞士雞翼、春卷等等靚麵賣相同份量都吸引，重點真係要支裝可樂(＾3＾♪，每樣餸都係正常水準，味道不錯！沙嗲係惹味同出色的，多啲就好了！魷魚係最喜歡的一樣，爽口彈牙又入味！Good Good。。街坊小店黎講，價格合理，味道幾好！可以encore ƪ(˘⌣˘)ʃ

細細個就住聯和墟，係大個先搬走咗，基本上聯和墟車仔麵選擇唔算好多，大部分都係又賣麵又賣甜品嘅食店，而且聯和墟好嘢多，食店都要有實力先做得住。天氣好熱時都無乜胃口，番到聯和墟竟然有間新新地又專做車仔麵嘅店，就入左去試試。正常車仔麵要有嘅料佢都有，而且佢仲有小食揀。咁我就揀咗粗麵，牛腩，瑞士雞翼，蘿蔔，酸齋，菜，香辣魷魚；汁我就揀咗辣汁。試咗個湯，唔會有味道「確喉」個感覺，個辣汁同湯底都夾，而且嗒到尾會有微微嘅甜味😲👍🏻再試佢個雞翼，有啖啖肉既感覺，唔會好似一般車仔麵咁燘得太爛無晒肉嘅質感👍🏻酸齋酸甜適中，好開胃！魷魚同牛腩都好食，但我最鍾意係佢哋嘅蘿蔔，香，甜，索汁，而且仲要無渣我特登影咗張相去證明我無誇張，真係無一絲絲嘅渣嫁，蘿蔔好味到我想單叫多份，但太飽了，因為我貪心嗌得太多餸了....🤣叫咗一份吉列蠔，本身諗住都係翻熱嘅炸物，普普通通啦，但佢嘅炸蠔做得好好，粉厚薄適中，最最最重要係我咬落去係會爆汁，差啲唔小心辣親個嘴，依個都係我覺得有驚喜嘅！食完個麵真係超飽好滿足留番下次再試吓其他餸！（加蘿蔔！）🤭😝

口痕想食港式嘢，要平又飽肚，仲可以自選配料，首選一定係車仔麵！阿四車仔麵喺粉嶺聯和墟，價錢親民，配料選擇又夠多，3餸麫都只係$38，加幾蚊仲有埋野飲添！凍檸茶 / 凍檸水雖然是用上即棄的杯和飲筒，但疫情之下，更感衛生和安心！辣醬分開上，可按個人喜好加入湯底，夠晒貼心！個人推介以下配料/小食：魚皮夠薄而且香脆可口，一浸落湯就會發出霹靂拍勒的聲響，脆到不得了！芝士腸用上上等貨，咬開會有濃郁的芝士流出，Yummy！瑞士雞翼也是值得推薦的，雞翼入味肉質軟滑，唔會好似坊間嘅浸到黑晒爛晒！炸墨魚卷面層有薄薄的腐皮，格外香口惹味，點小小辣椒醬真係好食到停唔到！

去粉嶺一日遊 順道食牛腩麵 行經一間新派車仔麵舖 冷氣開放 座位舒適 好多食客幫襯 馬上改變主意😬-🍜招牌九餸麵 ($58）車仔餸選擇多 若果揸唔定主意 或者多心🥰樣樣都想食 呢個人氣之選就啱哂啦 魚蛋🍡豬皮🐽豬大腸蘿蔔瑞士雞翼🐔翼尖滷水蛋🥚豬紅魷魚🦑 醬料少辣好惹味 又睇得又食得🤩-🍗🍚慢煮豉油雞髀飯 ($38）鷄脾大大隻 色澤美麗 附送肉燥 唔介意洗手嘅話 一手揸雞髀大啖食👐 一手勺肉燥飯 食得豪邁又開懷👅-🦪日式吉列蠔 (跟麵飯加$20）有四隻咁多 非常抵食 蘸啲甜酸醬食 口感同味道 更為豐富-🥬腐乳時菜 (跟麵飯加$20）西生菜係百搭蔬菜 跟蠔油腩汁抑或腐乳 一貫嘅爽口好食-🥤凍奶茶 (跟麵飯加$10)🥤凍檸茶 (跟麵飯加$10）夏天食飯 凍飲係指定動作 少甜少冰 解渴透心涼 外帶杯包裝 飲唔晒索性邊走邊飲 -📍粉嶺聯和虛和豐街59號地下 阿四車仔麵

接近下午茶時段，來到粉嶺聯和墟一帶覓食，找來一家新派車仔麵試試。店內陳設以簡約為主，環境乾淨，我們研究完歺紙點了兩碗車仔麵或者我們本身對車仔麵有種情懷，細時排隊先點麵，大媽店員再一個個輪流問客人要什麼配餸，大家金睛火眼看着車仔格上各式各樣，看中什麼便點什麼，最後總會懇求虐牛腩汁或咖喱汁或蔥花⋯⋯這種就是港式車仔的情懷，可惜在這間走新派路線的車仔麵店吃不到這種風味。總括：食物質素不算差，但有沒有什麼驚喜，對於我們來說只能說是填飽肚子，真懷念地道港式車仔麵。