阿四車仔麵 (已結業)

想食車仔麵，見到呢間幾企理，又唔洗等位，店員都幾有禮貌，入面裝修帶點日式簡約既感覺，車仔麵少有既環境服務都唔錯。粗麵/腩汁 - 魷魚🦑豬紅，白蘿蔔魷魚口感都爽口既，但無乜味，白蘿蔔就有少少筋，無乜特別，豬紅都係正常發揮，湯底一般，連芫茜蔥乜野都無，有啲單調。油麵/咖哩汁 - 魷魚🦑豬紅，牛腩咖哩汁同腩汁都係匙羹既份量，種感覺好似你去買薯條跟茄汁，原本一心以為係融左入去湯底🤨牛腩略嫌唔夠軟淋，有啲癡牙。檯面有罐辣菜脯可以自行添加，微辣，爽脆，加埋麵食幾好食。整體一般，無想回頭食既感覺。