阿元來了 (鴻圖道)

營業中

休息中

之前見到人地上網介紹阿元來了,但一直都唔得閒,到琴日星期六終於有時間去食喇。因為都有上網睇過食評,見到d評價都幾好,所以都好期待。大概6點左右我同男朋友就去到阿元來了,初初搵唔到入口,行左去飲品個邊,點知原來似後門個到先係正門入口位置😮入到去都唔算多人,個場都算大見到有兩三張空枱,諗住好彩早唔洗等位ja,點知個服務員唔係叫我地入坐而係比張小食紙我地劃定食咩先同企埋一邊先,我地都覺得有d奇怪,原來後面有個位係比人等位既😶雖然唔知點解有空枱都要等位但我地都企左埋去等,但啱啱企左過去30秒都未坐低(因為佢地有d凳係比你劃紙既時候坐),有個服務員就過黎叫我地兩個同埋另一對早我地少少到既情侶入座喇😐過到去原來了佢地想我地搭枱,佢張枱正方型都偏細,我見個對情侶都望一望我地之後先坐低,可能大家都唔明白點解格離幾張都係2個人自己一張枱而我地要搭枱🤷🏻‍♀️不過我地唔知道係咪人地舖頭既規定,所以都無出聲,只係覺得奇怪。好快就叫野食啦,我同男友就叫左一份鹽酥雞,一份酥炸魷魚,一碗滷肉飯,一碗擔仔米粉,一碗芋圓後上,一杯奶蓋綠茶同一杯珍珠奶茶,共HKD 210。鹽酥雞ok,味道正常不過無驚喜,同繼xx香雞/豪

係觀塘返工，次次lunch想黎試下都排長龍，所以搵左日平日放工黎試試佢。平日晚上8點零黎到，前面都排左20人左右，等左差唔多半個鐘終於有位啦。裝修好有台灣的"古早味"好有心思👍🏼必點魯肉飯😋五花腩好香好入味，雖然睇落細細碗，不過食落岩岩好，再多就會好漏鹽穌雞👌🏼平時食炸雞最怕食到翻炸同一陣油味，呢到的炸物都唔錯，雞肉唔會太乾，不過椒鹽落得重手左，偏鹹。花枝丸👍🏼一客有五粒，不過都係偏鹹台南擔仔米粉👍🏼有蝦肉丸肉碎同半隻滷水蛋，新竹米粉好食，但好細碗兩啖就食曬😂

台灣夜市環境已經好正仲要歎冷氣感受大排檔就更有風味叫咗雞絲飯，不過雞絲切太粗太硬影響口感鹽酥雞外脆內軟炸粉不多口感正宗話梅茶不錯即製不麻虎有心意之後仲叫咗碗熱芋圓，好味但食得太急冇影相

台式料理熱潮捲土重來 阿元算係其中一間keep火紅keep住人氣既小店 由西環開到觀塘 主打台式小食 價錢大眾化  穿過小街後巷 打開道門後 唔知以為自己去左台灣戲棚 裝修方面花左唔少心思 見到張餐紙款色超多 唯有重點揀幾樣想食既魯肉飯 ＄29 古早魯汁 五花腩丁粒鋪滿成碗 魯汁調味唔錯 肉丁稔身入味 唔似平時又咸又瘦 淋上魯汁係比較肥膩 但絕對會食上癮 蚵仔煎 ＄35 份量好多 有蛋味蚵仔唔少 亦夠鑊氣 薯粉同上面層甜辣醬同係士林食既好似 下次想試蛋餅鹽酥雞 ＄35 炸得香口 外皮香脆 雞肉大粒唔乾有肉汁 調味係幾好 下次可以試下其他炸野滷味拼盤 ＄30 魯水雞翼豆腐蛋同豬耳 不過不失 豬耳爽口 落滴甜醬汁好有台灣feel綜合湯 $25 好喜歡台灣既肉丸湯 莞茜湯底好惹味 貢丸大粒彈牙 得2粒唔夠呀仲有好多款色未試 一定要再encore多次先得

與好友在對面街吃完素食，就黎到阿元湊下熱鬧， 見前排咁hit.幸運地入去唔使 排隊，因為已經食得很飽，所以我哋每人只係叫咗一碗芋圓糖水，另外再加一個阿仔煎。芋圓煮得好煙韌，糖水底唔會太甜，清清地嘅黑糖味好好食 除咗 芋圓 之外，裏面仲有啲黑色嘅珍珠同埋有啲類似花生既配料， 食落更加有層次 有咬口。阿仔煎嘅好 蠔好大隻好新鮮， 阿仔煎 唔會太黏，而且煎得好香口。再加上佢哋配咗一啲菜 喺裏面，令到成件事冇咁 肥膩。最後外賣咗一碗滷肉飯 打開少少蓋陣陣香氣撲出嚟，好入味好香口絕對值得一試再試嘅餐廳。順帶一提服務我哋嘅侍應 ，態度好好。

試咗台南擔仔棵條同奶蓋綠茶唔知係咪外賣先咁細碗？(外賣 湯同粉分開放)- 台南擔仔棵條 - 棵條原來即係河粉個湯底幾惹味不過配料就得好少得少少肉碎 一隻蝦 半隻蛋同半粒貢丸- 奶蓋綠茶 -奶蓋好厚同幾有奶香我揀咗微糖唔會太甜$59得咁少野食食完都唔覺飽

幸而有位好好既同事提早15分鐘去排頭位，雖然位處隔涉既工廠區，但午餐時段依然爆滿兼排曬隊。講純正台語口音既阿姐堅守人齊先可進內，一個也不能少既原則，但態度係好nice既室內裝修完全係老台灣懷舊既風情，別緻有心思眼闊肚窄既一大班女子1人叫左個飯+小食+凍飲。簡直係要大擦一餐方休不可小看魯肉飯細細碗，細小五花腩魯肉極入味可能較油膩得制，食左一半已有飽滯感！雞絲飯就無咁油，卻不夠前者惹味。幾款小食當中最最好食既係酥炸魷魚鬚，香口有咬感最難食係蛋捲，內裡既煙肉極咸是一敗筆，似食左幾斤鹽咁珍珠奶茶既奶味較茶味重，珍珠偏硬！

觀塘區要搵好食，價錢又適中既餐廳，經常係觀塘區返工既打工仔一大難題。朋友介紹搵到呢間阿元來了，無論中午定晚市，人流都好多，午市會有筆者好推介既煎蛋餅，細食既ol，叫一個蛋餅一個魯肉食就好夠了。晚市就無蛋餅，但叫一個魯肉飯，再加幾個小吃，叫多杯必飲台式珍珠奶茶，最後黎一個芋圓就fit哂！ 魯肉飯裝得好滿，完全夠食，珍珠奶茶好有台味，唔只得奶精味，啖啖珍珠，好qq有咬口！食物黎得好快，一落單坐低傾兩句就到，食物夠哂地道！思鄉既心情又得安慰～場地都唔算細，所以人流多，但去得快，唔驚要等個幾鐘先入去食飯！

早有耳聞西環店馳名中外，甚有台灣古早味，因此早已將阿元來了納入To-eat List。不過西環於我而言山高水遠，故此取觀塘店代之。身為過江龍，理應具有相當高的水準，否則豈可於香港食店林立之地立足，因此對它的期望就更加大。可惜食物水平乃一般貨色；魯肉飯本來就是穩陣之選，味道卻未見令人驚豔，魯肉切丁，滷汁香甜份量剛剛好，好食固然之，但表現實屬平庸，坊間更好食嘅魯肉飯大有人在，所言「寶島風味」，「名不虛傳」實在嘩眾取寵。黑糖牛奶珍珠同蚵仔麵線同一道理，前者本身牛奶，黑糖就根本立不敗之地，但珍珠過稔，沒有嚼口；後者湯頭和麵線都調味剛好，可是談不上必食，就是中庸之選。當日六點半左右到達，排隊時間半小時之內，可謂十分幸運，往後的食客就等候需時較耐，隊伍未見盡頭。內裡環境甚迫，要搭台，一張十分的骰嘅餐台坐滿四人，四個人六小碟已經佔滿全桌；對話內容十分赤裸，同時稍一駝背就會同後台的食客背貼背了。無須排隊尚可考慮，否則我認為不值一試。未知西環總店質素如何，但觀塘店確是令人小失望。

阿元來了係觀塘開左分店，朋友話想試，真係一試難忘。正宗台灣美味，好似去左轉台灣咁。首先講下個地點，正門係有d難揾，佢前面鋪面係賣台式飲品，要兜過停車場，去到一個以為係垃圾房既地方，唔好猶疑，行入去就岩架喇😂真係入錯垃圾房請唔好打我。行過一條走廊，好似通往左另一個世界，番番去舊時既台灣。店內環境裝修十分懷舊，有風味，食都食得開心d，等既時候仲可以影下相，打下卡。朋友點左魯肉飯，大讚有水準，味道係台灣既味道，size係台灣既size，價錢亦同台灣既銀碼係一樣！不過係港幣😂台南擔仔粿條，係台灣未食過粿條，原來好似河粉？我點既香菇肉羹麵，香菇大大片，肉原本以為好似碗仔翅既雞絲，原來係大大舊既肉球，肉質鮮嫩，加上濃濃既湯羹，麵質較軟，但整個配合得很好，喜歡。身為珍珠奶茶既忠實fans，我最近只愛天人茗茶，但今日太熱就點了杯茉香珍珠，又有驚喜喎！珍珠有煙韌有咬口，茶和奶比例剛剛好，甜度適中即使沒有叫少甜，仲附送奶蓋，變左奶蓋茉香珍珠。甜品就淨得一款，九份芋圓，口感煙韌。今日可惜既係食唔到蛋餅，如果想食蛋餅記住係五點半前先有，所以我會再去食多次先得。題外話:阿元係台灣人，同一個香港人開左呀元來了，走

台灣野again台灣好出名ga<阿元來了>係香港終於有分店為食ga我緊係去試下7點左右黎到見到前面有4，5個人諗住要等幾個字點知佢地未齊人所以等唔夠5分鐘就入得YEAH!!2個人佢比我們坐張方台好好彩彩我們唔洗搭台叫左滷肉飯蚵仔大腸麵線鹽酥雞台南府城蝦捲滷味拼盤2杯野飲滷肉飯滿滿的肥肉其實我有d抗拒點知佢做到入口即溶即刻唔同講法蚵仔大腸麵線足料鹽酥雞台南府城蝦捲即點即炸， 香脆可口環境超正搬左個暖暖車站黎

之前食過西環本店嘅阿元來了，觀塘後嚟又開左間，趁lunch去食食先，我最鍾意食魯肉飯架啦！Lunch人潮都唔少，不過店面比西環大好多，所以一路點野食一路排隊，好快就入到去啦！嗌左魯肉飯，控肉飯，擔擔麵，蛋卷，大腸拼小腸，鹽酥雞等等.....控肉超級肥美吖！蛋餅亦好惹味，大腸拼小腸本身以為係豬癬腸，但原來真係腸😂呢個我就麻麻地！加埋杯珍珠奶茶，同充滿台灣地道特色嘅裝潢，一個鐘就好似fly左去台灣咁啦～大滿足！

久仰阿元來了大名，今日終於有機會一試。今日要早啲返公司，所以一心買外賣返公司食。同同事決定去買阿元來了魯肉飯振奮一番。行到去地圖指住嘅位置，發現係間阿元來了台式飲品店，問問店員，先知餐廳喺後座。經過停車場行入去，不得了，排晒長龍，至少排左三四十人。好彩我地係買外賣，於是直接行入餐廳點餐就可以。入到去，真係好似去左台灣故事館咁，場景充滿台灣古早味，侍應操台式國語，播住台灣流行曲，正！睇睇餐單，價錢相宜，兩個人叫左兩個魯肉飯，一份鹽酥雞同一個貢丸湯！等左一陣，好快有得拎！四樣野夾埋$116，抵食！走嘅時候門口人龍冇短過.....魯肉飯好 好 食！好有油咸香，飯量多，一盒都食唔晒，如果要嫌的話，就係豬肉偏肥，當然全瘦肉又冇左陣油香！鹽酥雞還可以，份量都多，不過唔可以食太多，好熱氣。最後貢丸湯都推介，貢丸彈牙，湯雖然都一定係味精湯，但佢又幾好飲，有少少鮮味！總括黎講，值得推介！下次想試蚵仔麵線！

(原本冇諗過寫食評，所以一張食物相都冇影)終於都去左食阿元來了，一直聽說阿元好食，真係冇諗過咁失望。我地4個人叫左以下食物：1. 魯肉飯 2.台南擔仔棵條3.蚵仔煎 - 啲蚵仔完全冇味，稱得上唔知食緊乜4.塩酥雞 - 個人認為繼光香香雞更好吃5.酥炸魷魚6.甜不辣拼盤7.大腸拼小腸8.新竹貢丸湯 - 好似八方雲集仲好啲啲9.九份芋圓(冷) - 一個字「甜」，仲要係死甜。芋圓唔好食，小小應有嘅味道都冇，連連鎖店木子都做得比佢好除左3、4、9，其他食物嘅味道都屬於普通到冇得再普通系列，而飲品方面百香果紅茶、珍珠奶茶、冬瓜珍珠亦未見突出。順帶一提，本來買左生日蛋糕，諗住喺嗰度食完晚飯切埋，點知職員話唔可以，咁我地見點餐紙有寫明唔可以帶外來食物，所以無辦法。咁我地再問，可唔可以幫我地放住喺雪櫃先？點知佢話「我地個雪櫃爆晒」就KO左我地。我都係第一次遇到咁嘅情況...總括而言，食物質素加上服務態度都好一般，仲要排隊...真係一次就夠晒數！

聽聞觀塘新開了阿元來了，好友馬上搵人食lunch, 我當然答應出席。由於午餐時候有限，相約好12：10pm在店來集合。點知跟住個地址搵到外賣飲品店面，進店入口卻在後巷，有夠麻煩。 朋友仔早到，問了外賣飲品店員，但無見到以下的地圖，白白圍住成個工業大廈行了個半圈… 聽早到朋友仔說，他進店時都未見到那歡迎光臨的牌，入口地點真難找… 有大近視一定未知有無去錯地方… 店內卻另有洞天，感覺真的到了台灣，大部份店員會以國語跟客人溝通。 聽說午餐menu是比較小選擇。 份量亦比較小。 點了鹽酥雞、酥炸魷魚、滷味拼盤、爆濃芝士蛋餅和統一布丁奶茶：鹽酥雞、酥炸魷魚：炸得幾好，唔會太油，脆口；份量小，有好難食的菜一齊炸（應該是用作香料，不是食用的）滷味拼盤：味道濃郁；半隻雞蛋、一隻雞翼、兩片豆腐、其他都是豬耳切條爆濃芝士蛋餅：大量芝士，熱食一流，上碟已經分好四件統一布丁奶茶（微糖，凍飲走冰）：聽說統一布丁台灣獨有，味道一流，有統一布丁奶茶當然要試試，微糖更容易飲到布丁的味道，而且做到凍飲走冰，利害～！ 好友聚餐 ，不知不覺轉眼已過了一個小時，被店小二請離開，離開時才發現店外人龍長又長，所以記得要早點到哦