阿元來了 (鴻圖道)

營業中

休息中

其實真係唔明點解仲會有人排隊🤦🏼‍♂️首先食物味道真係一般，唔係好覺佢係一間台灣人開既鋪，份量更加不在話下地細，雖然話可以試多幾款，但實係唔係幾想試。杯野似真係可以用差黎形容，200%甜，完全唔好飲。想職員協助沖淡啲，佢拎走哂啲冰，加水，變左室溫🤦🏼‍♂️真心覺得人氣大過實力，只可一，不可再😓點左：雞肉飯 - 會揀吉野家多過佢（雖然實係無得比😂）鹽酥雞 - 有機他會叫其他蝦卷 - 個醬個味係苦既，唔知係咩玩法😂珍珠奶茶，茉香珍珠奶茶 - 糖水

食咗好多間台灣菜，呢間都算最地道，無論環境、店員、食物都同台灣差不多，不過就難揾咗DD，要由後街入店，店員好像台灣D工讀生咁，食物由落單至上桌不用1o分鐘到齊，我叫咗8樣野，我晚上7点到不用排，可能地点難揾關係卦，但值得推介，讚

朋友話阿元一定要試今曰過開觀塘特登揾阿元開餐地點橫街有點難找一發現阿元巳急不及待點鹵肉飯、皮旦、痾仔煎、檬多多鹵肉飯好味、好味、好好味、可惜太細碗店內裝修簡直將台中店模擬來香港連服務人員都是講普通話（不知是否大陸定台灣）值得一食

話說今年生日無得去台灣但又好想食台灣嘢，咁啱去開觀塘等爸爸收工，所以就同寶貝嚟食返個brunch~可能3點幾附近工廠區d人都忙緊嘅關係，所以我哋去到嘅時候無乜人~不過呢度真係有d隱世，路痴嘅我同寶貝兜左好耐先搵到真心覺得佢哋嘅服務係幾好，入去見我同寶貝行到身水身汗即刻問我要唔要紙巾，而且佢哋嘅bb櫈唔係平時ikxx果d而係好四平八穩嘅木bb櫈，寶貝成餐都食得好開心，又多影相位下次等爸爸收工一定要再食ps：比錯左點菜紙我……所以無得食麵線，改左食雞肉飯

魯肉飯 $29.外形細細碗 好易食咁 食完一定要叫多碗 魯肉滿滿既鋪係飯面 粒粒分明 每粒大小差唔多 有少少肥肉先好食👍🏻 而汁唔算好多 勉強可以撈得曬個飯.炸花枝丸 $35.一碟四粒 唔多唔少 即叫即炸 好香好脆 面頭仲有少少椒鹽味 幾惹味.食落唔只脆 中間仲好彈牙 唯一唔好處 小瘦肉怕熱氣😂

身為九龍人嘅我一直都好想試下西環嘅阿元來了可惜自己好日都唔出一次城 一路都未有機會試不過我最期待嘅畫面終於出現啦 阿元來了係觀塘開咗啦終於唔洗山長水又遠去西環食啦 觀塘嘅阿元來了就係位於觀塘工廠區入面 的確係比較隔涉嘅 好彩係鴻圖道大街到有間阿元來了嘅飲品店 問下果度嘅staff就知點樣行去食嘢嘅位置啦 一去到就見到要排隊 都幾驚要等好耐下㗎 係門口排隊果陣已經有職員俾定個order紙我哋睇下有啲咩食落定order 咁陣間一入去就可以即刻落單 唔駛等咁耐 (乜都要快嘅香港人覺得呢個安排 very good!)嚟個陣咁啱撞正附近office嘅放lunch時間 本身都以為要等好耐但等咗大概10分鐘左右就有得入去坐啦入到去 嘩！見到勁多充滿台灣味嘅decorations 有天燈 有台灣夜市啲車仔超鍾意去台灣嘅我見到個裝修真係忍唔住勁影相因為係門口已經寫好咗張點單紙 嚟到就即刻俾職員 等咗大概10分鐘左右啲嘢食就開始到啦我就嗌咗焢肉飯 焢肉飯比起肉燥飯比較肥 而同滷肉飯嘅分別就係 滷肉飯係肉粒 而焢肉飯就係一片片五花腩雖然五花腩好似好肥 但食落去一啲都唔漏 好香肉味 而且仲有醃薑片減少啲油膩感

今個星期五Happy Friday同幾位朋友去了試呢間隱藏喺後巷的台灣食店「阿元來了」，店位於後巷內有點難找，但如果去到附近見到一條黑暗嘅後巷入面有人龍排緊隊嘅話咁恭喜你，因為你已經成功到達了阿元來了的門口啦🎉🚶🏻🚶🏻🚶🏻🚶🏻🚶🏻🚶🏻🚶🏻我地一行四人大概晚上七時半到達，到達時人龍未算長，大概二十多人。一路等直至入內的時候都未見人龍有特別增長，都係維持喺二十人左右。我們等了約二十分鐘便可入內。如果排隊有幾個朋友一齊吹吓水嘅話其實時間都過得好快。喺店外排隊嘅時候其實店員已經畀咗呢張落單紙我地寫住先，所以一入到去已經可以落單。不過一坐低見到呢個奶茶有大大件統一布丁咁吸引，於是四個都轉哂啲嘢飲做呢個布丁奶茶🤤啲嘢食好快嚟齊，好吸引👏🏻主食方面我地叫咗魯肉飯、蚵仔大腸麵線同香菇肉羹湯飯，但個湯飯佢落錯咗做湯麵。魯肉飯處理得唔錯，不過不失，正常水準。個蚵仔腸麵線就略嫌唔飽肚，朋友話好似食咗個空氣麵線咁😅不過呢種台式麵線係咁，所以如果你係大食啲或者好肚餓嘅話建議你嗌返飯。小食就有塩酥雞、酥炸魷魚、芝士蛋餅同台灣香腸。個人覺得呢到嘅小食比主食出色。不過塩酥雞同魷魚無想像中咁一試難忘，葵涌廣場幾間唔同的

觀塘呢間開張左無耐.之前其實食過一次..但對魯肉飯念念不忘..所以今日放假又落雨..最好既選擇又係黎食好西..上次黎明明係馬路邊既入口..點知轉左賣飲品..要兜後門入去..都幾隱秘..5點左右既時間..唔算多人...一入去就有位坐..必點魯肉飯..飯好淋..好入味..配埋魯汁同白飯..正👍🏽今次新試炸花枝丸..外皮都幾脆..入面夠彈牙..貢丸湯..貢丸得兩粒..$20都幾貴..但幾好食既..都好爽口..芝士蛋餅..芝士味幾濃..但唔算好特別..個汁偏咸..蚵仔大腸麵線..要5:30pm先供應..食落好有台灣阿土麵線既味道..令人好懷念.分別在於麵線比較粗..同埋蚵仔太大粒..但味道係好好..當然唔少得台灣特色既芋圓..作為芋圓頭號粉絲..每到一間台灣餐廳都必叫..而呢間暫時係香港食到最接近台灣既味道..同程班長差不多級數..夠Q夠彈..唯有不足就係芋圓雪太耐..但未煮透..所以幾粒痴埋一舊..如果熱食可能會好d..但夏天真係想凍食..另外仲叫左芋香奶茶同珍珠奶茶..茶味好濃..都同台灣既水準好接近..所以阿元會不停再來..❤️

適逢今日又開會開到天昏地暗，得閒開餐已經係下午茶時間。同事之前經過幾次見到人多到無咩意欲食，今日見無人等就叫我陪佢食吓啦。入到黎佢個環境都幾舒服，啲裝潢係特別嘅，好有台北啲主題餐廳嘅味道，侍應都多目測多過八人。同事叫左香菇肉羹，聞落有少少似碗仔翅，食落鹹鹹酸酸咁都唔錯。佢杯珍珠奶茶 8 分糖 8 分冰都幾好似，茶香唔錯但唔夠天仁香；我怕甜所以杯茉香珍珠 5 分糖 5 分冰，都真係幾唔甜，下次可以唔洗咁手緊。兩杯比較個味分別其實唔係好大咁。。。鹽酥雞值得讚，真心好食，連啲炸九層塔都好食。魚丸就見人見智，其實魚丸黎講味道唔錯，食完令我掛住淡水個阿伯魚丸。埋單 $136 兩個人下午茶。。。好貴。。。雖然我影到好大，但佢啲碗係。。。好細嘅飯碗 size...

本人太愛台灣菜，吃過西環，非常回味，可惜店舖太少位，而家知道觀塘開咗，過咗一排終於吃到了。午飯時候來等位，好彩等了5分鐘，搭枱即有位。兩個滷肉飯，髯鬚雞，後上芋圓。滷肉飯：肥瘦參半，多汁，非常嘢未， 價值＄29。鹽酥雞：職責，脆口。芋圓：不值得一叫，甜到唔想食。

記起之前報導過台灣嘅「阿元來了」來了香港開分店，雖然台灣店我都未食過😝，但係我好鐘意食正宗台式魯肉飯，香港食到嘅大都係魯水味肉碎舖飯面，冇咁好味，而阿元嘅正正就係我喜歡那種半肥瘦魯肉舖係珍珠米上係最佳配搭。蚵仔大腸麵線，我唔鐘意食麵線，不過都試左一啖，好正宗台灣麵線，蠔仔同大腸都好肥美。炸魷魚就比較令人失望，份量細，炸到好乾。我好鐘意食貢丸湯，但係呢個普通啲，唔彈牙同冇乜香味。炸花枝丸都係我至愛，不過呢間都係炸得麻麻地，椒鹽唔夠又唔夠彈牙。

鴻圖道新開了阿元，其實都幫趁了好多次，今次第一次為佢寫食評！肉燥飯味濃，鹵肉飯的肉有點肥一層層肥膏但很香很有口感，飯不算太大碗但也夠飽！麵線要17:00後才有，略嫌有少許稀，同蚵仔太大粒不似台灣，大腸也不一樣！蚵仔煎還可以，台灣腸若有更多款味道更好，雞塊味道不錯，併盤亦夠入味！炸魷魚有點過火，太乾硬！食物款式不算好多選擇，中午及既上很多人排隊！所以我每次都係4點左右黎食，無咩人！會坐得較鬆動！太多人就會太迫！而且而家門口改了去後巷，排隊就要小心貨車出入

比西環的坐得較舒服入口有 d 難搵，記去要行去後街。我地星期日下午黎，唔洗等位✌🏻服務員都係講普通話，好似去左台灣咁 lol皮蛋豆腐 （凍食黎既，賣相雖然唔係幾吸引，但食落ok)唔記得咩米線，有 d 似碗仔翅，略嫌咸炸雞扒，即炸，正😍去台灣必食既花枝丸! 忍唔住食左粒先記得影相😁好味會再幫襯👍🏻👍🏻

未開張時已經在網上睇到相關消息。因為離住處近，某一晚就過來試試。門口有條好誇張的人龍，等左好耐好攰先坐到入去。一張圓台坐3夥人，好逼，袋都無位放，凳仔無靠背，唔舒服。算了，等到好餓，都係啦啦聲叫野食，但係菜單選擇不多。要一個滷肉飯，雞絲飯，炸雞排，黑糖珍珠奶。服務員都講普通話，態度都算好。但後面上菜時錯幾次，一張台3組人，上比邊個都唔知，客人自己互相遞比對方⋯⋯上菜都算快，但飯份量很少，女仔食就ok，男仔實唔飽。我個滷肉飯開始都覺得ok好味，後面覺得有點膩。感覺無小王台式牛肉麵的好食。雞絲飯有酸菜無咁膩，但乾身。不過不失。雞排都大份既，但厚粉，上面的味粉食多幾個就覺得過甜。對比之下，又無豪大大好食喎。個黑糖珍珠奶同台灣的味道一樣，唯一覺得好的部分。總而言之，食物質素同份量都唔值個價錢，唔知點解咁多人排隊，明明其他舖出品都好過哩間。可能d人貪新鮮掛。失望。食完都唔覺得開心。

阿元來了 (觀塘)觀塘鴻圖道28號地下聞說阿元落戶喺觀塘，當然要去試下。沿住觀塘道 行到麥當勞個位落鴻圖道，轉入工廠內街就到今次黎之前，其實已經摸左兩次門釘首先，原來逢星期日唔會營業，面向鴻圖道嘅商鋪全部都關了第二次，平日夜晚 則見到門牌上寫住阿元來了嘅鋪頭 落左大閘，亦失望而回至於今次，出發前先打個電話去確認有開，但係去到同樣見到果個鋪位係落左閘，但門上「阿元來了」嘅招牌就唔見左。最後，終於發覺一路搵錯門口，原來要轉入工廠內街。呢度既魯肉飯同焢肉飯做得非常出色魯肉飯 望落的的骰骰，魯肉不是免治肉碎那款，真材實料地用上五花腩肉切粒滷製而成。起初以為魯肉分量較少，好難撈哂成碗飯。但發覺細心位，碗底都有魯肉汁。撈哂成碗飯不成問題。至於焢肉飯，有兩舊分量剛好的滷製五花腩，肥瘦比例接近50:50。兩碗飯都係咸咸甜甜，惹味；習慣食得健康既香港人，相信對呢兩碗飯都應該有投訴---非常油膩，兩碗隻底都會有明顯的一層油（特別是焢肉飯），但我卻非常享受，美味既豬油撈飯，買少見少。建議怕油的食客，可淺嚐魯肉飯或者食米粉應該比較容易接受，亦唔會浪費食物。另外叫左鹽酥雞、台灣腸同埋芝士蛋。鹽酥雞香脆，放入口微