阿元來了 (鴻圖道)

營業中

休息中

阿元來了開左觀塘分店仍人氣不減。即使平日下午一點去到，我都需要等十五分鐘先可以入座。一入到去未叫野食，單憑裝修，已經有濃濃嘅#台灣味。入到去當然要試下佢既招牌 #阿元魯肉飯。 佢比普通魯肉飯貴十蚊，除左份量多啲之外，仲多左半粒蛋同兩條菜。佢既魯肉汁多而濃，我覺得只係比#程味珍 淡口少少，啲汁亦夠撈曬成碗飯。可能魯肉比較肥，加上各執都幾濃，食到後期會有少少滯。 #台南擔仔麵 好重蒜味反而冇乜醋味， 湯底帶有蒜味得嚟又清清地，我幾中意。 不過擔仔麵比較細碗，對於男仔嚟講可能會唔夠食。#肉鬆起司蛋餅 同台灣食到嘅蛋餅都幾似，只係略嫌佢嘅肉鬆分佈唔平均， 有啲地方舊肉鬆大大嚿，有啲地方就冇肉鬆。 至於個#酥炸魷魚 就冇乜特別，大家可以留肚叫其他台式小食。阿元來了阿元魯肉飯 $39台南擔仔麵 $35肉鬆起司蛋餅 $30酥炸魷魚 $39味道:★★★★吸引度:★★★★性價比:★★★★(五分滿分)#阿元來了 #台式 #台灣 #魯肉飯 #蛋餅 #擔仔麵 #觀塘 #堅尼地城 #食評 #食記 #miu食 #miueat#miu食_台式#miueat_觀塘 #miueat_堅尼地城

阿元來了其實由總店西環嘅時候已經去過，一試難忘記得去西環嘅時候排隊要排好耐，現今觀塘都有，亦都嚟過幾次，排隊嘅時間相對地比西環短，而且如果早少少六點左右去仲更加快可以入座入到去其實充滿咗台灣嘅懷舊風味，餐廳嘅裝修有心思，令到你好似置身於台灣嘅舊式小店一樣。而且食物選擇都好多，價錢一啲都唔貴，喺香港黎講真係算平。當然不能以台灣嘅價錢相比啦! 今次叫咗阿元滷肉飯魯肉，肥瘦分明，唔會太肥亦唔會太瘦，而且滷肉汁好多，撈飯真係一流 滷肉飯仲配有滷蛋、黃瓜、青菜等，充滿台式味道。再叫咗個擔仔米粉，米粉都係台灣食開嗰隻，肉碎都夠多，細細碗但係份量都唔少，味道充滿小小蝦米香當然亦唔少得叫我鍾意食嘅鹽酥雞粒，鹽酥雞粒炸得好新鮮，而且真係一口雞粒咁，上面灑滿 淮鹽，香脆可口見到有新推出嘅炸薯波波， 有黃薯及紫薯蕃薯兩種味道，炸到好似鹹水角個皮咁，脆卜卜，入面仲有蕃薯香，呢個有驚喜主食仲可以10蚊加配指定飲品，我哋就加咗菠蘿綠茶。兩個人如果唔大食都係食咗$200內，抵食!

阿元來了記得好耐之前去過西環個間食個陣好似岩岩開 勁多人 排隊都排成個鐘 見觀塘有 就走去試下呢間個地方比較隔涉 有啲難搵去到都等左半個中先入到去不過呢度比較闊 唔駛搭枱唔駛同人背貼背酥炸魷魚 $39鹽酥雞 $35呢個價錢有呢個份量 算唔錯不過不失 魯肉飯 $29一層瘦一層肥 粒粒都肥瘦相間 加埋滷汁 冇得頂 啲餸都幾多芋頭蛋黃卷 $30 (不過而家好似已經冇左)呢個真心好食 芋頭好棉好滑 😍😍茉香珍珠奶茶珍珠煙韌 唔太甜 有陣清香茉莉花味

今日遠征觀塘，下晝5點想搵野食，唔想食太貴但又唔想hea食，就搵到出名既阿元來了入到去第一下已經被鋪頭既裝修吸引，復古而且濃濃台灣風，有一d夜市檔成日見到既牌，好多台灣海報等等，非常有心思，未食野已經覺得好正嗌左阿元魯肉飯、爆蛋雞肉飯、九份芋圓、蚵仔煎。先講魯肉飯：真係招牌菜！好正，魯肉形狀大小都同台灣魯肉一樣，肥瘦適中，至於爆蛋雞肉飯就無乜特別，爆蛋只係一隻煎蛋，雞肉飯就無咩特別，但都好食蚵仔煎粉漿同蛋分得好開，我唔知正宗係咪咁，不過我就麻麻地咁樣，少少失望～芋圓：必叫！超級正另外叫左杯野飲，百香果紅茶，喱樣就真係唔得，苦得濟黎開喱頭要黎試下呀！

價錢合理，份量都叫足夠令人飽肚，湯嘅味道尚可，唔算太濃或太淡，但餸菜嘅口感就麻麻地。杯飲品質素相對好好多，地方環境闊落，坐落都舒服，裝橫精緻，睇得出花過唔少心機設計。總括黎講，搵個地方醫肚都算唔錯架。

阿元來了係西環開咗好耐一直都未試，因為知道經常排隊。今晩決定去觀塘店，因為坐位多d，同應該唔會太多人啩。7點左右去到，前面排🔟個人左右，等咗10分鐘已經可以入座，要搭枱，4個人一張枱都幾迫吓！又冇位放袋，要攬住個袋食野😪🥢魯肉飯$29一人份量，細細碗，男仔一定唔夠飽！味道同一般台灣魯肉飯一樣，冇咩驚喜🤷🏻‍♀️🥢台灣擔仔米粉$35入面有一隻似塑膠嘅蝦🦐，半隻蛋，半粒貢丸及肉碎，味道依然無特別，普通米粉一碗🤦🏻‍♀️🥢地瓜球$30蕃薯迷嘅我一定會試。細細粒，有紫薯及橙薯味道，炸得唔會過火及油膩，煙煙韌韌，整體👌🏻🥢鹽酥雞$35味道同一般外出嘅鹽酥雞一樣味道，可以👍佢唔會炸得太油，都炸得乾身嘅。而且酥脆。🥤竹炭鮮奶珍珠$30飲唔出竹炭味道，好少珍珠，珍珠偏腍，鮮奶又唔太濃滑😔🍧凍九份芋圓$30賣相麻麻，似將d材料放入凍水入面，後來友人話係冬瓜茶底，但味道超淡。材料有芋圓、紅豆、薏米之類，煙韌控嘅我都食吾哂，因為成碗野d材料似獨立個體，唔似一個完美嘅甜品😔我一定唔會推介朋友去排隊食，因為真係無特別囉！🤷🏻‍♀️🤷🏻‍♀️而且最重要講佢連台式蛋餅都無供應呀！

久唔久要行過黎整APPLE D 野,.., 過開黎就順便食埋野先走,見早早地又冇乜人,所以又黎左呢度..今次試新野,魯肉飯, 好似黎呢度唔食呢樣野有D患得患失咁~係大大粒魯肉. 都唔算好肥.頂得住!朋友叫左麵線.. 佢都覺得唔錯.. 突然掛住台灣野, 真係可以頂一頂引既~蛋餅都係我必叫既ITEM. 不過就嫌少左D餡~ 唔平均, 係哂中間.. 邊邊個兩舊好可憐~朋友重話要食甜不辣..我就一般喇.. 平時我都唔太LIKE 天婦羅既, 覺得好油.而呢兜重有好多係麻薯既野, 真係唔岩我口味.我食左一舊就PASS.. 覺得油同好重調味, 已食唔到本身件野既味.2個人食連飲都唔係平... 換做台幣就開心哂.XD. 

今日難得去到觀塘，就去試下呢間出名既餐廳！行過去唔算好旺既街，有少少暗，好彩最後搵到佢！入到去既裝修好靚，有夜市既車仔，大招牌，連收銀個位都好舊式既設計！野食用紙仔來落，同朋友叫左幾樣野試下！---鹵肉飯個人覺得無咩特色，不過勝在足料！---粿條(::即河粉)蒜味一來到就好香，食落唔油，值得一試---台灣腸點可以唔食！肉質好彈牙！蒜片超多，推介！---魷魚羹諗住叫個湯，呢個係碗仔翅咁既口感，有少少咸，口味一般---炸甜不辣拼盤炸粉唔多，咬落唔油仲啖啖肉，係有少少細份，可以一試，幾特別---飲品:::熱芝士奶蓋紅茶個奶一飲就有咸咸既芝士味，奶蓋唔算厚身，不過茶味幾香，值得一試！總括覺得頂下癮食到台灣地道野都夠開心！

這天剛巧到觀塘辦事，想起阿元來了在這邊開了分店，之前試過西環的分店覺得不俗，於是就打開地圖來到了鴻圖道的分店。環境裝修頗有特式而且店面比港島分店更為闊落。因與友人不太餓，就叫了幾個小食分享。炸地瓜球（8/10）用上甘甜的紫薯和蕃薯，外層再鋪上台灣常見的話梅粉，口味甜甜酸酸，十分配合，我與友人都很喜愛這個小食。台灣小香腸 （8/10）台灣夜市必食小食，來到香港雖然貴了一點，但店方給了很多蒜片配搭著食，味道十分地道！ 甜不辣拼盤 （7/10）送上桌面時是熱騰騰的！炸漿不會太厚，整體不俗！胚芽珍珠奶茶 （5/10）味道是可以的，有茶味，可惜店方給了過多珍珠和胚芽，導致奶茶的份量偏小，起不了解渴的作用反而填飽了我的肚子據說蛋餅只在下午五點前提供，下次有機會再來嘗！

小編知道好多人都會成日飛台灣去品嚐佢地既平價美食，但其實好多台灣食店都已經慢慢打進香港市場，雖然價錢未必好似台灣咁平，但水準就一定好似台灣咁好！今次為大家介紹既就係阿元來了。佢地既招牌滷肉飯不嬲都好出色，豬肉粒加上濃郁既醬汁，就算一個人食曬成碗都唔會覺得好油膩。除此之外佢地既鹽酥雞，香脆可口，就好似一隻活生生既雞係你舌尖奔走，好有活力。之後就係佢地既蛋餅，黏稠既芝士加埋蛋餅既組合令你每一口都覺得好飽滿好滿足。飲品方面，小編叫左紅棗桂圓奶茶同埋朱古力奶茶，兩個都好好飲，第一個偏甜，但朱古力奶茶真係唔錯，值得一試。

最近睇好多報道知道啊元來了開到黎觀塘，之前去過西環食過一次，但排隊排到我操底🤯今次經過觀塘嘅一間，門口都幾隱蔽下但係入到去呢就唔需要排隊！🤪裝修就係一貫台式嘅風格，其實果晚入到去枱枱都坐滿人㗎😊 不過有一個小插曲，就係我哋隔離嗰台嘅內地人，佢哋自己帶咗酒入嚟飲，我估計店子應該未拎酒牌，所以就拒絕內地人嘅要求！❌如果朋友們想帶酒去飲，事前就要問清楚啦！好喇，落單了，我哋叫咗一碗滷肉飯、一碗香菇肉羹米粉。小食就叫咗高麗菜卷同埋蚵仔煎🤩不過老實說整體嘅味道就係差強人意，滷肉飯只係返上面蓋上一層滷肉，爺爺香菇肉羹米粉則淡而無味！蚵仔煎拎到出嚟只係暖暖，完全唔係新鮮出爐，高麗菜卷就普普通通啦🌚所以今次嘅晚餐，純粹係因為特色嘅裝修所以評分上高返少少，我未必會再去翻食🥴You think you la 🤫——————————食物質素：6/10環境衛生：8/10舒適度：6/10服務：6/10 性價比：6/10總評分：6/10——————————#foodblogger #foodlover #foodie #hkfoodie #相機食先 #觀塘

new item- 芋泥蛋餅🤣一條$39 有四舊，入面有滿滿的芋泥、蛋、肉鬆同芝士！每樣野份量十足，絕不吝嗇，芝士味都幾濃🙊不過芋泥感覺添加太多糖，比較似甜品😂食兩舊都好飽濟，記得要搵芋頭控一齊開心share！

事先聲明，食物方面係正常，但呢間野既店員服務態度真係好差，如果你唔care服務既可以去食，但我完全唔會再去第二次。感覺呢間野真係唔多想做生意，員工態度真係好冷淡，野食亦都一般般。一入到去有店員問幾多位，我地報左人數之後就冇帶過位，我地自己搵位坐低左。我地坐低左等左好耐先有店員黎俾點餐紙，當時仲有兩三分鐘左右到3點鐘下午茶時間，店員冇同我地講有下午茶，後來係我自己上網睇先知3點有，於是就問左店員先拎到下午茶餐牌。各位要去食既真係要留意，佢地唔會主動同你講有下午茶到我地落order既時候仲令人激氣呀。我地兩個人係到舉手示意要落單，前面企住兩個店員，一男一女都好後生既，佢地兩個都見到我地舉手，但都唔過黎。佢地兩個你眼望我眼咁一個指意一個去落order。。我當時睇到真係o晒嘴。。注意，當時係工作曰下午3點鐘，店入面完全唔忙，亦都有吉位，d店員其實真係好得閒咁企左係到，咁樣既情況底下都冇人想黎落單，令我覺得呢間店既服務態度真係好差，仲差過食茶記後來個男店員就黎左落單，個女店員就企係到兩手fing fing。佢地店員做野真係好唔積極，令人唔想再黎第二次。如果以一間由台灣黎既過江龍，我覺得員工既培訓

身為一個生活在香港的台灣人，有時會突然想念家鄉味，尤其是各式各樣的夜市小吃，傳統的滋味念念不忘。在香港有許多台灣料理店，但要找到味道正宗的很不容易，阿元來了就是其中一間我覺得吃了會懷念的🇹🇼味❤️❤️❤️❤️而且價格合理！滷肉飯-淋上滿滿的滷肉，油亮亮的肥瘦均勻，米份飯粒粒分明，每一口都很夠味，味道真的跟台灣一樣！一碗份量一個人吃很足夠，阿元來了必點鹽酥拼盤-有炸雞、甜不辣和魷魚酥，撒上胡椒鹽，炸的不油，下午茶份量好像少了一點蚵仔煎-軟軟嫩嫩又很滑，煎蛋裡蚵仔蠻多的，吃起來有鮮味，那個醬甜甜的搭起來很好吃，還有脆脆的白菜🥬一份可以吃到不同的口感三色水餃🥟-三種顏色分別都是不同口味，有椰菜、韭菜和玉米，不太記得了，味道就普通一點，水餃皮偏厚

聽同事講呢間台灣野幾抵食，離公司唔算遠，就趁lunch時間去食，已經聽聞要排隊，我地四個人食，排左都係10分鐘左右就入到一入去就覺得裝修好得，充滿大排檔感覺，menu選擇唔多，岩晒我選擇困難症，價錢幾平，野食質素還可以，算係性價比唔錯首先叫左細魯肉飯，因為要留肚食其他野，都好足料，味道亦唔錯皮蛋豆腐，未係台灣餐廳叫過皮蛋豆腐，以為係一片豆腐加一片皮蛋，點知係一樽皮蛋同豆腐打爛晒嘅凍食，入口質地相信唔係人人接受到，味道亦一般，我唔推薦塩酥雞，細細碟，幾個人share只可以係嚐下鮮，算係粉唔多,肉都大舊同仲脆台灣香腸，切左片連埋蒜粒一齊上，唔熱唔凍，普普通通，唔會再試香芋肉鬆蛋餅，睇相都知滿滿嘅芋泥，細食嘅人齋食呢個都飽，解議一定要share食，食落非常滿足，唔會過甜，ok肉鬆芝士蛋餅,對比香芋肉鬆，呢個份量一人食絕對冇問題，味道正正常常唔驚艷