阿元來了 (鴻圖道)

營業中

休息中

今日放工9秒9走，就係想食佢，平時排到癲，今日6點半到左，即刻有得入! 好野!入到去，好多野都好想食... 但兩個人，真係食唔到D乜，結果叫左:阿元魯肉飯魯肉飯台灣香腸塩酥雞𩵚魠魚焿冬瓜茶 (少冰，甜度FIXED)首先講下阿元魯肉飯 同 魯肉飯 嘅分別，就係阿元魯肉飯多半隻旦同幾條菜，貴$10黎講，真係好睇你鍾唔鍾意食旦 (好廢話TIM HAHA)，但隻旦係好食嘅，魯得好入味嘅! 魯肉飯都係好味嘅!!值得ENCORE!!香腸正，佢仲比埋D GARLIC (唔識打中文)片你!塩酥雞，份量多，味道好𩵚魠魚焿，味道好，正宗的味道，但係唔係咪我自己理解錯...魚焿度有幾塊肉，我起初以為會係魷魚，但原來係雞肉冬瓜茶，有少少偏甜可惜...我想食佢個芝士肉鬆旦餅，但原來5點半前先供應架，大家留意番喇!

#阿元來了 係西環同觀塘都有舖頭不過觀塘大好多 環境都好有台灣feel 等左唔洗5分鐘就有位啦✌🏻魯肉飯 ($29)😍😍😍必食魯肉真係好好味🤤每啖充滿油脂香 但又唔會太油膩😚 撈白飯食一流同台灣既魯肉飯質素一樣💯蚵仔煎($35)冇乜蚵仔 但蛋漿好濃 都煎得幾香最好味係上面啲汁😋甜不辣($30)初初唔知自己食緊乜😂但又炸得幾好食 完全唔厚粉😍加埋黑胡椒粉 好好味其實係魚肉嚟 不過口感似炸麻薯肉燥青菜($25)呢個一般 因為太少肉燥😂.#阿元來了 觀塘鴻圖道28號地下後座

新年前已經好想去試，終於等到新年後開市可以去食喇。餐廳裝潢好懷舊，好有味道，好鐘意呢d裝修呀。叫左阿元魯肉飯，台南擔仔麵，鹽酥雞，香芋珍珠奶茶。魯肉飯好味啊，d魯肉肥瘦適中，唔會太油太肥，d汁夠食哂成碗飯。個麵湯底有d香蒜味，但比較細碗，只有半隻蛋，半粒丸，一隻蝦同肉碎。鹽酥雞熱辣辣，炸得香口。香芋珍珠奶茶好好飲，珍珠都唔少，而且有咬口。最後當然唔少得要叫個芋圓做甜品，睇好多食評話好好味，我滿心期待，但結果有d失望芋圓係有咬口既，但個底同水無分別，只係帶小小甜既水做底，呢樣野真係扣分。失望

已經想試呢間好耐, 但實在太多人, 得一個鐘lunch時間係唔夠, 所以一直未有機會試, 但難得今日食友嚟搵我食晏, 佢可以早d去排隊, 終於响呢個豬年開年食到, 實在太滿足了...................雖然話係將台灣夜市搬嚟, 但店內全部都係懷舊裝修, 一d都唔似夜市, 周圍都係打卡位, 由於高朋滿座, 影邊度都影到人頭............. 由於時間關係, 响排隊時, 已經派定點餐紙, 方便一路等位一路選擇, 一入座時就可以落單, 雖然係台灣人主理, 但嚟到香港, 當然要跟返香港人的步伐啦~我地樣樣都想試, 所以叫咗1個主食, 2個小食, 1個湯, 2個飲品, 比起台灣夜市, 上菜速度果然夠快, 而且仲係熱辣辣的, 拿拿聲筷喇~ 魯肉飯有兩款魯肉飯, 其實唔知有咩分別, 叫咗平d果個魯肉飯, 分量都唔算細, 珍珠飯夠軟熟, 魯肉質地鬆化, 又夠多汁, 而且唔算好肥, 兩個人share食就剛好, 如果一個食哂, 好似有heavy咗少少~ 四神湯雖然唔知係咩, 但唔知點解唔問就叫嚟試, 可能覺得唔會中伏..............原來四神湯係藥膳+豬腸煲出嚟, 好彩我倆都

觀塘開左間阿元來了，口碑都唔錯。甫入去，舖頭的裝修很吸睛，很有6，70年代台灣風格。忍唔住都影幾張相。侍應都用台灣國語，好有Feel。我嗌左台南擔仔粿條+香菇肉羹麵，少不了珍珠奶茶，味道不俗，好地道。

想食台灣菜，我第一下就會諗起阿元來了.之前係西環店食過，覺得好好食.而家觀塘都開咗分店，終於唔洗山長水遠去西環食了. 我和朋友大約8:00pm到餐廳.排了10分鐘左右就可以入去坐了.入去坐之前可以揀定想食咩.店內裝修好有台灣懷舊嘅感覺.上菜速度都算快，等咗10分鐘左右就有嘢食.魯肉飯 HK$29個碗雖然細，但魯肉份量超多.魯肉肥瘦均勻，食落唔會油.依個飯嘅份量，女仔食應該覺得啱啱好.阿元魯肉飯 HK$39阿元魯肉飯比魯肉飯多咗菜同埋半隻蛋.而魯肉嘅份量相比之下都係少DD嘅.不過味道同魯肉飯係一樣的.一樣咁好食.新竹貢丸湯 HK$20貢丸係彈牙嘅.不過我覺得個湯鹹咗少少.塩酥雞 HK$35依個塩酥雞炸得超脆，而且肉唔乾.味道又唔會太鹹.超好食.九份芋圓 (冷) HK$30芋圓口感煙韌，糖水唔會太甜.值得一試.總括嚟講，食物質素唔錯.雖然每碟份量唔係太多，但價錢都唔算貴.店員都好有禮貌.不過地點就唔係好近牛頭角地鐵站，由地鐵站行去都要5-10分鐘.但嘢食好味，我覺得行遠少少都值得嘅.

呢間位於觀塘既台灣特色食店，其實都開左一段時間了，但一直都未食過佢，有日同行友人話想食芋圓於是就黎左食喇！兩條友仔竟然是叫左唔少野架先俾個全圖大家睇😂本身叫既時間都唔覺得咁多架，當時嘛係覺得好肚餓咋，一黎到就知道出事吃，完全表現到眼闊肚窄既後果。佢地最經典既阿元滷肉飯滷肉結構分明肥瘦相間，滷肉汁配合埋珍珠米，呢個配搭其實係好滿足，每一啖飯都有汁充斥着，但又做到唔油膩！香菇肉羹麵呢個反而有點小失望，因為個汁唔算太夠味道，但肉羹就好彈牙。呢個皮蛋豆腐有點唔係我預期既感覺但食落都幾清新既😂九份芋圓食落甜而不膩，而且芋圓好彈牙，好正呀！再叫埋杯胚芽珍珠奶茶成餐飯就覺得自己好似去左台灣避世咁而且店員望落同聽落都似台灣人架我地兩個人又食到肚子脹卜卜再食唔晒，都只係百幾蚊，係今時今日嘅香港黎講，真係好抵食架喇😎

以前係觀塘翻工，就成日都食阿元，今次去觀塘行街，特登過來。一直覺得阿元係係一間好有趣既餐廳，裝修好有心思，又可以食多款小食，分量小小，可以食多D款。之前一直覺得味道都幾好，今次過來唔知點解，整體比較偏咸，重口味左。阿元魯肉飯哩個係大婉既size，細碗既就係普通屋企食飯碗既size。覺得食阿元點都要叫翻一碗。不過食到後尾唔夠飯配D肉碎 XD炸花枝丸幾好味，亦都幾大粒。表皮乾身，內裡甜甜的又熱熱的，推薦！鹽酥雞都幾大舊，其實係抵食，不過哩個真係咸，食完一舊會忍唔住為個腎擔憂一下。貢丸湯貢丸正常水平，都幾彈牙，D湯都有D味，清清地。台灣腸無咩特別，不過我就無夾埋D蒜頭一齊食，怕生既蒜頭太辣食唔到。雖然每樣都平平地，但埋單都普通晚餐價錢，兩人 160，食既種類都多，所以CP值都OK。但真係整體咸左，唔知廚房果日咩事 @@但因為阿元既裝修實在太可愛，好有特色，有機會都會再去既^^

位處鴻圖道一有機會可以早食就去食，唔洗排隊等位野食上得好快多人就可以叫多幾樣大腸麵線有驚喜, 味道夠台灣!魯肉飯、雞肉飯好好味新MENU有地瓜球太開心，但味道不夠台灣夜市，不夠現炸及脆有一半人都第一次食甜不辣 (天婦羅), 贊!熱奶蓋冬瓜茶好飲次次都會叫當甜品食嘅芋圓舊MENU果時去侍應都好有禮貌又幫忙

經常出差去台灣，基本上台北好多地方都食過，朋友約左食呢間係觀塘台灣既食店，只可以講外型似，但口味附合香港人，比台灣果邊更咸，本來台灣北邊偏咸、南邊偏甜，港式就更重口味，對我黎講太重口味

阿元來了開左觀塘分店仍人氣不減。即使平日下午一點去到，我都需要等十五分鐘先可以入座。一入到去未叫野食，單憑裝修，已經有濃濃嘅#台灣味。入到去當然要試下佢既招牌 #阿元魯肉飯。 佢比普通魯肉飯貴十蚊，除左份量多啲之外，仲多左半粒蛋同兩條菜。佢既魯肉汁多而濃，我覺得只係比#程味珍 淡口少少，啲汁亦夠撈曬成碗飯。可能魯肉比較肥，加上各執都幾濃，食到後期會有少少滯。 #台南擔仔麵 好重蒜味反而冇乜醋味， 湯底帶有蒜味得嚟又清清地，我幾中意。 不過擔仔麵比較細碗，對於男仔嚟講可能會唔夠食。#肉鬆起司蛋餅 同台灣食到嘅蛋餅都幾似，只係略嫌佢嘅肉鬆分佈唔平均， 有啲地方舊肉鬆大大嚿，有啲地方就冇肉鬆。 至於個#酥炸魷魚 就冇乜特別，大家可以留肚叫其他台式小食。阿元來了阿元魯肉飯 $39台南擔仔麵 $35肉鬆起司蛋餅 $30酥炸魷魚 $39味道:★★★★吸引度:★★★★性價比:★★★★(五分滿分)#阿元來了 #台式 #台灣 #魯肉飯 #蛋餅 #擔仔麵 #觀塘 #堅尼地城 #食評 #食記 #miu食 #miueat#miu食_台式#miueat_觀塘 #miueat_堅尼地城

阿元來了其實由總店西環嘅時候已經去過，一試難忘記得去西環嘅時候排隊要排好耐，現今觀塘都有，亦都嚟過幾次，排隊嘅時間相對地比西環短，而且如果早少少六點左右去仲更加快可以入座入到去其實充滿咗台灣嘅懷舊風味，餐廳嘅裝修有心思，令到你好似置身於台灣嘅舊式小店一樣。而且食物選擇都好多，價錢一啲都唔貴，喺香港黎講真係算平。當然不能以台灣嘅價錢相比啦! 今次叫咗阿元滷肉飯魯肉，肥瘦分明，唔會太肥亦唔會太瘦，而且滷肉汁好多，撈飯真係一流 滷肉飯仲配有滷蛋、黃瓜、青菜等，充滿台式味道。再叫咗個擔仔米粉，米粉都係台灣食開嗰隻，肉碎都夠多，細細碗但係份量都唔少，味道充滿小小蝦米香當然亦唔少得叫我鍾意食嘅鹽酥雞粒，鹽酥雞粒炸得好新鮮，而且真係一口雞粒咁，上面灑滿 淮鹽，香脆可口見到有新推出嘅炸薯波波， 有黃薯及紫薯蕃薯兩種味道，炸到好似鹹水角個皮咁，脆卜卜，入面仲有蕃薯香，呢個有驚喜主食仲可以10蚊加配指定飲品，我哋就加咗菠蘿綠茶。兩個人如果唔大食都係食咗$200內，抵食!

阿元來了記得好耐之前去過西環個間食個陣好似岩岩開 勁多人 排隊都排成個鐘 見觀塘有 就走去試下呢間個地方比較隔涉 有啲難搵去到都等左半個中先入到去不過呢度比較闊 唔駛搭枱唔駛同人背貼背酥炸魷魚 $39鹽酥雞 $35呢個價錢有呢個份量 算唔錯不過不失 魯肉飯 $29一層瘦一層肥 粒粒都肥瘦相間 加埋滷汁 冇得頂 啲餸都幾多芋頭蛋黃卷 $30 (不過而家好似已經冇左)呢個真心好食 芋頭好棉好滑 😍😍茉香珍珠奶茶珍珠煙韌 唔太甜 有陣清香茉莉花味

今日遠征觀塘，下晝5點想搵野食，唔想食太貴但又唔想hea食，就搵到出名既阿元來了入到去第一下已經被鋪頭既裝修吸引，復古而且濃濃台灣風，有一d夜市檔成日見到既牌，好多台灣海報等等，非常有心思，未食野已經覺得好正嗌左阿元魯肉飯、爆蛋雞肉飯、九份芋圓、蚵仔煎。先講魯肉飯：真係招牌菜！好正，魯肉形狀大小都同台灣魯肉一樣，肥瘦適中，至於爆蛋雞肉飯就無乜特別，爆蛋只係一隻煎蛋，雞肉飯就無咩特別，但都好食蚵仔煎粉漿同蛋分得好開，我唔知正宗係咪咁，不過我就麻麻地咁樣，少少失望～芋圓：必叫！超級正另外叫左杯野飲，百香果紅茶，喱樣就真係唔得，苦得濟黎開喱頭要黎試下呀！

價錢合理，份量都叫足夠令人飽肚，湯嘅味道尚可，唔算太濃或太淡，但餸菜嘅口感就麻麻地。杯飲品質素相對好好多，地方環境闊落，坐落都舒服，裝橫精緻，睇得出花過唔少心機設計。總括黎講，搵個地方醫肚都算唔錯架。