阿來泰式地道風味

營業中

休息中

好耐已經無食泰國菜。同埋好耐無食呢間，好掛住旺角呢間平靚正既餐廳。入到去都係無變，都係咁涼咁舒服。今次想食新嘢。叫左碟金不換香辣肉碎炒河。呢碟嘢真係有驚喜。好夠鍋氣。食到真香味。河粉寬厚，好滑。帶有少少既辣味，會不知不覺想食好多。呢碟嘢真係surprise到我！好好味。之後叫左個黃咖哩牛腩煲。咖哩煮得好泰國濃郁既味道。薯仔有炒香左先再落係咖哩度。食到薯仔口感好好又香。牛腩夠軟。好豐富口感既牛腩煲。叫埋蒜蓉包點咖哩。濃郁上邊再加濃郁。呢個配搭係近乎完美。蒜蓉包係食泰國菜必點既最佳配角。再叫埋個燒豬頸肉。一食左一啖其實就可以知道佢整呢碟野整得好有心思。睇落普通既豬頸肉。平時出邊食，已經凍晒。呢個豬頸肉啱啱燒完。仲好熱好熱。而且邊邊既味燒到好乾脆，中間既肉又好肥美。有埋呢個少有泰式既醬汁點黎食。成個口腔真係好大享受。推薦推薦！叫埋杯凍既龍眼冰。fresh下個口，呢餐真係又飽又滿足！

難得有個空閒既星期三🤣黎行陣街同朋友食下最愛既泰國野啦☺️金不換香辣肉碎炒河賣相平庸既炒河卻有濃厚泰國味道☺️採用泰國進口既闊身河粉口感更為Q彈爽滑😆😋拌以招牌肉碎辣椒金不換等配料炒香🤤風味十足😋阿來海南雞飯 (轉髀)海南雞轉脾是常識吧😈🤪🍗無骨既海南雞髀食得更為方便之餘🤩🐔髀位肉質更為嫩滑😆而黃油飯煮得均勻入味🤤🍚粒粒企身且啖啖黃油香☺️燒豬頸肉豬頸肉經醃製燒得夠香夠入味之餘🤤肉質嫩滑脂肪比例均勻食落唔會太油膩🤤🐷黎到必食🤤🐷👍🏻馬拉盞炒椰菜苗炒到爽脆富有馬拉盞風味既椰菜苗🤤配上帶鹹香微辣既馬拉盞配料增添更多鮮味🤤🥦

想食泰菜既時候好自然諗起阿來，因為真係抵食夾大件！！今次約左朋友黎食，大家都好肚餓，所以叫左好多飯！！海南雞飯係每次必叫，Ｄ雞無骨又夠滑，飯粒又香雞油味，仲要一粒粒，淨係飯都想食２碗另外試左個炒河，好鐘意呢Ｄ一塊塊既河粉，好有口感，又無咁油，牛肉都有好多，岩晒大食既朋友！豬頸肉炒芥蘭又係勁大碟，岩３—４個人share，芥蘭爽脆，好食！最後唔少得叫甜品，呢到既芒果燸米飯係熱辣辣，飯粒唔會凍到硬既一粒粒，所以好綿，椰汁夠香但唔會太甜，芒果岩岩好，好人食！就算飽都要叫芒果燸米飯！呢到真係無限ｅｎｃｏｒｅ好地方，抵食夾大件！！

無得回鄉，唯有食住家鄉菜回味下先😭 一於就去阿來泰式地道風味食餐泰菜晚餐，順便獎勵下自己先😋泰式生蝦刺身（$98）必食菜式，爽身的生蝦，配埋酸辣醬汁，絕對係非常開胃嘅前菜，那青綠色嘅醬汁係重點所在呀🥳金柚子鮮蝦沙律（$68）又係另一開胃前菜，雖然叫做前菜，但通常會慢慢食，叫做伴菜貼切啲。望落顏色好紅，但一啲都唔辣，柚子本身的甜味好清新，有時食到辣得滯再食柚子中和，啱晒😋紅咖喱豬肉（$68）椰香味夠，微辣，份量亦相當慷慨，咖喱配蒜蓉包後，足夠配多兩碗飯哦，抵食👍蒜蓉包（$25）一客4件，每人兩件剛剛好🤪 蒜蓉同牛油都好足料哦。泰式明爐冬蔭公烏頭魚（$168）一上枱，好大條呀😮 啖啖肉，食極都仲有架。連火爐上真係可以食成餐飯條魚都係熱辣辣架，傾計傾得耐都唔怕😝 又要講下個醬汁，雖然好紅，但酸味辣味都剛剛好👍

生蝦刺身($98)••••••要讚店用冰座住生蝦，可以保持新鮮😍每隻爽口生蝦都鋪上辣椒片+蒜片，點啲酸酸地嘅醬汁食好清新😛。金柚子鮮蝦沙律($68)••••••海量柚子🤪柚子甘香味甜，醬汁呢就有啲似稀身啲嘅泰式辣醬，甜甜酸酸好開胃，辣度好微好溫和。最重要係咩？係大蝦好細心咁去左殼啊😂！明爐冬蔭公烏頭($168)••••••每次食泰菜都要點原條明爐烏頭，啲骨大條肉易食又多肉😬旁邊仲有好多秀珍菇添🤤明火煮熱嘅冬蔭公湯底帶點香料香茅味，想再重口味啲再泰啲嘅，建議點埋搭配嘅秘製辣汁🤭惹味up🤣。芒果糯米飯($58)••••••完滿嘅甜品真係唔少得😌表現相對一般。糯米飯極熱上枱，可惜糯米粘度較弱👉🏻👈🏻，飯唔夠椰漿味，無乜味比較似白飯，淋面鹹椰漿都一樣略兼唔夠椰香。

小店没有豪華裝修， 光猛企理， 店員友善招呼，價錢親， 十分欣賞。泰式豬髀飯(午餐)$50豬髀外貌油光亮麗 ， 豬皮充 滿彈性 ， 豬肉入口嫩滑， 十入味， 充滿骨膠原 ， 女士恩物 ，沾上泰式醬汁， 更加惹味，平時愛健康的我，都忍不住連豬皮都食埋了， 伴碟的鹹酸菜 ， 十分醒胃， 送飯一流。泰式炒金邊粉(午餐)$48泰式炒金邊粉，火候控制剛剛 好，好有鑊氣， 配菜相當豐富 有蝦、蟹柳，鮮魷及花生碎粒， 多層次口感， 風味迷人。泰式炸蝦餅$78泰式炸蝦餅我的至愛， 即叫即炸， 外皮炸到金黃色， 熱呼呼， 脹卜卜， 十分吸引 ，蝦肉爽彈，口感飽滿，十分惹味 ，沾上泰式酸辣醬，洋溢泰式風味， 越食越過癮。芒果糯米飯$58雪白的糯米飯， 被倒上濃稠 椰汁 ， 香甜誘人， 椰汁糯米飯入口黏糯煙韌 ，與熟透多汁、金黃色芒果肉， 一起享用， 滋味無窮的飯後甜品，不愧是泰式人氣甜品。椰汁三色冰，龍眼冰(跟餐+$5)椰汁三色冰， 冰爽蜜甜， 還有顏色艷麗的粉條， 口感煙煙靭靭 ，與迷人椰汁 ，十分搭配。龍眼冰，冰爽解渴，仲有粒粒龍眼肉添， 用料認真。

好耐無去旅行啦，好彩香港係一個美食天堂，一出街不論任何國際美食都可以食到。位置旺角的泰式餐廳吾少，今日精挑細選之下來到通菜街。傳統的泰菜應有盡有。圖片則邊印上手指公，充滿信心咁款。一於入去試下。大熱天時，先來個椰青解渴，椰汁清甜涼爽，消暑再好不過了。有時間的話還可以吃埋內面的椰肉，好新鮮，嫩滑而充滿椰香味。馬拉蓋通菜幾乎係泰餐必點之一，一來吃菜健康，二來夠鍋氣，味道夠香夠搶。生蝦，又另一番風味，比較清淡，與濃味的馬拉盞通菜形成強烈對比。炸蝦餅，一口咬落去啖啖肉，外脆內軟，又香口又有蝦味，好過直接叫蝦要自己剝殼吧。最後係明爐冬陰公鳥頭。成條鳥頭經煮熟，浸入冬蔭公湯內，配上各式香料，芫茜等，上枱再煮熱，令烏頭吸收冬蔭公湯的精華。仲可以飲埋冬蔭公湯添，好開胃，真係會上隱。餐枱有提供消毒濕紙巾。

 今日小編嚟到旺角行街先發現自己好耐無嚟呢到😲，因為依家比平時少人左好多，變相好似行得比較舒服又唔太逼😛。咁係行街之前都要依飽自己個肚先啦，咁小編就揀左一條以前搵野食平時都會行開既一條街道👍，而其中一間餐廳個名就叫「阿來泰式地道風味」。因為今日小編想食辣少少刺激一下個味蕾呀👅。✦✦✦✦✦✦✦✦✦✦✦✦✦✦🎈J. 泰式冬蔭功炒飯 $48平時去泰國餐廳食野，都會見到特色招牌菜式冬蔭功🥘。而今次小編見到有個炒飯係用冬蔭功炒出嚟，小編就比較少食呢種炒飯🤔，於是就不如試下啦。而冬蔭功炒飯入面有大量海鮮係入面🦐，應該係冬蔭功海鮮炒飯先啱呀，入面仲有一啲辣椒仔🌶，食落就會有啲辣，如果食得辣就好啱食，而且炒飯都用左冬蔭功湯汁炒出嚟就更加辣味十足🔥。餐廳炒出嚟既飯啱啱好，唔濕唔乾，粒粒炒飯好味😋，係炒飯入面仲有平時飲冬蔭功有既大大粒菇食🍄，絕對係高質，初嘗呢種炒飯已經好上癮，辣度適中👏。✦✦✦✦✦✦✦✦✦✦✦✦✦✦🎈椰汁三色冰 加$5特色野飲只需要加$5就可以飲到，好抵飲🙌。椰汁唔漿口，三色冰好有咬口，好似食緊啫喱咁，一條條係杯底🥓，顏色亦好靚，賣相吸引🤩。泰國餐廳好多特色野飲都好好飲，而且各有獨特之處

香港是多元化的文化城市，可以食到不同的國家菜式，真的很幸福及滿足。 上年年尾，去完泰國曼谷一趟，也有一段時間沒有食泰國菜，也懷念也很想食多次。今晚同好朋友上完畫畫班，就約好，好好地食晚餐了。位於旺角西洋菜街，一看招牌，就已經到埗了。一坐下，就看menu點菜了，菜式多，想咩都食椰青 ： 消暑解渴，食埋椰肉。椰青：見到白雪雪的椰肉，唔用匙羹起左椰肉食，真的會對唔住椰青🤩明爐冬蔭功烏頭 ：每次與朋友食泰國菜，必揀烏頭魚，今次就揀個冬蔭功。冬蔭功湯底超好味，配上嫩滑烏頭魚，有香菇，蕃茄仔，好好味。馬拉盞炒通菜：好惹味的馬拉盞， 每次食都會唔停口係甘食，食多點菜，身體健康。泰式炸蝦餅 ：外脆內軟，咬一口，就好滿足。生蝦刺身 ：生蝦其實可以自家整，但不及去餐廳食方面，又好味。生蝦刺身 ：配上生蒜及辣椒仔，超級好味

約咗朋友一齊食lunch ，路過見到間泰國菜嘅餐廳，決定試吓。今次點左泰式炒金邊粉同椰汁三色冰，賣相都可以嘅，店員有用熱水洗過餐具，都幾衛生。泰式金邊粉裏面的配料有蝦丶魷魚丶碎蛋，蟹柳，配搭花生碎同青檸，個人覺得配料一般，冇咩味，mix埋花生碎同青檸之後味道好怪，冇預期中好，有少少失望😞😕椰汁三色冰反而唔錯，😋啫喱條同椰汁搭配好正，味道方面可以，消暑解渴一流。可能其實會好食啲，個人不太推薦泰式炒金邊粉，椰汁三色冰只係在套餐加配五蚊，CP值幾高

我好鍾意食泰國菜，特別係而家呢啲咁熱嘅天氣就最想去泰國旅行，但可惜而家疫情關係唔可以去旅行，就唯有係香港食泰國菜，回味一下之前去泰國有幾咁開心，大玩大食啦~海南雞海南雞最重要就係做到皮夠爽又唔油膩，而呢個海南雞去哂骨，食落啖啖肉，皮爽肉嫩，好鮮味，好好味，配埋個秘製醬汁，更加好味。而且份量係好足料，兩個人食都好夠，加埋個飯就最prefect。豬頸肉炒芥蘭豬頸肉一直都係我嘅最愛，次次出去食飯都係必點，呢到嘅豬頸肉炒芥蘭好夠鑊氣，豬頸肉好彈牙又好新鮮，芥蘭好爽嫩，同時又無苦澀味。原隻椰青海鮮焗飯黎到果時個外賣相真係無得輸，上面舖左蝦肉同魷魚，而飯粒粒分明，食落仲有陣陣椰香，幾清甜，邪惡又好味！呢到啲菜式同我係泰國食嘅味道差唔多，都幾正宗，回頭率超高～

第一次系旺角食泰菜，朋友帶小妹黎到呢間「阿來泰式地道風味」，位於通菜街，招牌十分當眼！朋友仔好周到訂左枱，馬上有位坐，晚上7點入座，已經坐滿客咁濟再回頭望玻璃門出面，嘩！已經有人排緊隊等入座啦泰式小食拼盤$138呢盤小食拼盤，有炸蝦餅、泰式魚餅、炸春卷、雞翼，連泰式辣醬，炸到金黃色，配埋泰式辣醬真係無得輸呀泰式鐵板蠔仔蛋$78呢碟鐵板蠔真係好大碟，珍珠蠔🦪目測有成廿幾隻，蛋煎得好香，啖啖鮮味，點埋個微辣醬好惹味喔火山軟殼蟹法包 $148呢個招牌菜果然名不虛傳，起沙既黃咖哩味道夠濃郁，建議先食麵包先（軟殼蟹即炸起仲好熱），軟林林既麵包索哂咖哩汁，好滋味呀最後試埋炸到脆卜卜既軟殼蟹，絕對係口感多層次享受青咖哩雞$68呢款青咖哩一啲都唔辣，而且偏甜味，椰香味十足，岩哂唔食得辣既朋友椰汁西米糕$48食泰菜唔少得食小妹至愛既椰汁西米糕，一碟有6件，貌相精美椰汁部分唔會太甜，西米層食到有芋頭，好驚喜呀椰汁三色冰呢杯三色冰係餐廳招牌飲品，三色彈牙絲配冰鎮椰汁，滿足哂我想飲凍+甜+咬野三個願望，讚兩個人食左咁多高質既泰菜，最後埋單都只係$524 ，認真抵食到笑呵呵😄，黎旺角絕對唔好錯過呀

之前同朋友食過一次之後 覺得好抵食 梗係要encore幾個人嗌左半打沙嗲串燒 泰式木瓜絲沙律 肉碎生菜包同埋泰皇咖喱軟殼蟹法包沙爹串燒👆🏻有兩種肉 分別係雞肉同豬肉兩個嘅肉質都好嫩 唔會燒到乾柴柴同埋佢嘅沙嗲汁比較甜 辣味比較少 啱晒唔食得辣既朋友泰式木瓜沙律👆🏻因為係夏天 成日熱到冇胃口 但一食呢個沙律 啲胃口就會番哂黎呢間既木瓜沙律比起其他泰菜店既更加辣 再加上少少酸甜 超開胃 食其他油膩野之後食一啖沙律即刻refresh哂泰皇咖喱軟殼蟹法包☝🏻一黎到有少少比佢個份量嚇親 好采冇叫其他主食個包入面兜住左啲汁 上面仲放滿大大隻嘅軟殼蟹軟殼蟹嘅粉都唔算厚 一切開啲汁就瘋狂流出黎 多到變湯😂而個咖喱汁既甜味比較重 仲有少少椰香肉碎生菜包👆🏻佢啲肉碎真係炒得好香 而且再加咗少少辣椒包住生菜食 可以減少佢嘅油膩感 真係惹味到食到停唔到青檸梳打👆🏻

旺角阿來泰式地道風味，門口大大隻字，又近地鐵站、好易搵。呢到menu都好多choice，不錯。泰式食物緊係唔小得小食拼盤，新鮮製作熱辣辣。先講春卷，入面係蝦肉，春卷皮炸得脆卜卜，好食！魚餅好出香茅味，足料又入味；炸蝦餅好實肉，食完一兩夠都好飽，抵食；雞翼唯一美中不足，有啲乾身。呢到出名既軟殼蟹咖哩農夫包，一睇就知足料，咖哩浸晒下面啲包，勁入味，咖哩夠杰身唔會好水，亦都好香椰汁味；軟殼蟹勁脆，又好多隻，好抵食！不錯！青咖哩雞，同樣好香椰汁味，不過就比較水啲，入面啲青豆同雞份量好多，雞好軟身唔會過熟，good。蠔仔煎蛋，蛋味十足，相信係用靚蛋炒，而且落蠔廚師亦都唔會孤寒，勁多蠔，大份夾抵食。食泰國野緊係唔小得椰汁三色冰，夠甜夠椰汁，入面用碎冰，飲埋啲碎冰有啲咬口，夏日炎炎飲一啖，爽！椰汁糕唔會落得太多魚膠粉搞到好實，最底放左西米露，做甜品非常好！埋單524，抵食！

今日介紹既阿來泰式係一間每次尼到旺角第一間諗起既餐廳。價錢夠街坊，食物夠惹味。 選擇都十分多， 有素食既，有唔辣既，老少咸宜。 70 幾蚊大大份既主菜， 其實一碟兩份分都夠食！ 每次尼到必嗌既泰式滷豬髀飯：個豬髀好入味，啲肉好淋， 淋得尼啖啖滷水味，配埋個蛋同酸菜，味道超夾。 我會一啖飯加小小酸辣醬， 再送豬髀食， 超好食。 海鮮炒飯炒飯都唔錯， 好多料， 真係啖啖都食到海鮮架，而且味道夠哂柚子蝦沙津柚子蝦太甜啦，味道怪怪椰子雞湯係另一推介！ 餡多唔洗講， 睇圖都見， 有菇，雞肉多件，車厘茄，香茅， 椰子味濃郁， 真材實料兩個人叫左3 碟菜加一碗湯最後都食唔哂唔知幾時開既呢二樓？ 今日第一次上尼！ 其實佢地都好多位架啦，但係餐廳太受歡迎，成日都要排隊等好奈，但抵食好味既餐廳，等多陣都要等啦