阿來泰式地道風味

營業中

休息中

今日嚟到旺角，想食泰國菜，決定又嚟幫襯呢間餐廳☺️抵食又好食！🔖燒豬頸肉💰68​豬頸肉爽口，邊邊嘅位置燒到有少少香脆，食之前點少少泰式醬汁，好正啊🥰💫推薦指數: 8.5/10​🔖泰式肉碎生菜包🌟💰78​肉碎炒得乾身，微辣帶有少少酸味同香料味😌配埋清新嘅生菜一齊食就啱啱好，平衡翻成個味道🤓💫推薦指數: 7.5/10​🔖辣椒膏蝦頭油海鮮炒飯💰68​炒飯夠鑊氣，而且粒粉分明😋食落去唔會覺得油膩🙌🏼配咗蝦肉、蟹柳、青口同章魚呢幾款海鮮，夠足料~由於落咗蝦頭油落去炒，都幾惹味🤩不過要留意翻味道偏辣🌶💫推薦指數: 8/10​🔖泰皇咖喱炒大蜆🌟💰108​咖喱汁帶有椰香味，甜甜地，唔會話好辣😆夠哂易入口😋蜆肉份量都算多，而且幾大隻㗎😇入面仲有好多洋蔥片，索哂啲咖喱汁，好食😚💫推薦指數: 8/10​🔖蒜蓉包 (4件)💰25​食咖喱又點少得蒜蓉包🤓蒜蓉味夠香濃，口感香脆☺️配咖喱食好正😆💫推薦指數: 9/10​-​🌟餐廳推薦食品

相信唔洗我多講，介紹咗唔同朋友食完都話正🤤不過平日7點幾都要等位，所以早少少🤏不過員工上菜已經十分有效率，落單到上曬所有菜只需5分鐘😲防疫措施中，會分隔食客，食得安全☺️兩個人通常都唔多諗了，直接二人餐特飲類都唔洗加錢前: 泰式龍眼冰，大約有7粒龍眼肉，少甜後味道岩岩好🤤後: 咸檸7，半隻咸檸，加埋7up夠曬味飯類可選擇普通飯/油飯，十分大碗，分咗半碗都仲有一大碗，雞油味令飯十分香，淨飯也食得滋味加$10可將其中一碗飯轉蒜蓉包，包類屬於法式包，比較偏硬，不過外邊脆，而且用來點咖哩不錯咖哩炒蜆蜆屬於中型size，挺鮮甜，咖哩可以利用蜆殼盛載咖哩，一起食十分好食，咖哩偏向港人口味🥰配菜有紅青椒、洋蔥🧅少量蔥和菜最緊要通嚟加落蒜蓉包十分惹味👅海南雞 例牌，雞肉十分嫩滑、少脂肪和雞皮薄配搭泰式偏向酸甜口味的醬飛天通菜🥬十分岀色，味道偏重口味少少，加入大量蒜蓉、豆板醬，偏少少辣🌶

好耐冇食泰國嘢啦，今次去旺角食！今次呢間泰國餐廳，喺通菜街附近，非常就腳！本身以為佢好細間，點知原來佢有兩層，而且非常多人食添！我去個晚兩層都爆曬，非常熱鬧。餐牌有好多選擇，而且價錢都好平添，就算係海鮮都一啲都唔貴。可以話係平民之選啦！我哋total叫咗四樣嘢。 第一樣係馬拉盞炒通菜，唔好見佢細細碟，其實佢超多通菜，而且炒得啱啱好。啲菜林得來之餘亦都帶啲爽口，而且唔會好鹹，我個人就好鍾意啦！另外叫咗個鮮蝦冬陰功，佢有得揀大同細，我哋兩個人就梗係要細碗啦！佢入邊都好足料，有好多蝦、菇。口味上面我覺得比較適合香港人，唔會太辣同埋太酸，非常適合大家嘅口味。第三個我哋叫咗燒魷魚，估唔到$88就有咁大條魷魚喎！而且燒得啱啱好，唔會燒到好硬咬唔郁，亦都燒到好香口，夾埋個泰式辣醬岩岩好！最後叫咗個軟殼蟹咖喱包，呢個真係有驚喜呀！個包比想像中好軟熟，而且入邊超多咖喱，啲包用嚟點咖喱汁好好味。而且軟殼蟹份量都好多，食極都仲有。反而嗰包面就偏硬少少，唔同口味嘅朋友都照顧到。兩個人食買單先三百幾蚊，真係好抵食。下次再嚟食先！

今日天氣真係好，秋高氣爽，行咗20000幾步，喺『微信運動』排第2名。呢日由朝到傍晚同幾個玩得嘅朋友玩到好開心，到夜晚剩低2人，諗吓可以食啲咩，朋友提議不如就食泰國菜，於是認真諗吓，不如就之前食過位於通菜街 嘅『阿來泰式地送風味』，貪佢交通方便，又近地鐵，萬一落雨都冇有怕，同埋價錢經濟實惠，性價比高。嗌咗幾樣嘢食，有1. 小份『泰式鮮蝦冬蔭功湯』，每份78蚊;2. 『泰式蠔仔蛋飯』，每份58蚊;3. 『串燒沙嗲』，豬、雞各一半，半打亦都係78蚊；4. 我非常非常喜歡的『新鮮椰青』，每個35蚊。冬蔭功一如既往地好飲，味道適中，不會過辣，有秀珍菇，仲有4隻大蝦，正。而蠔仔蛋飯的蠔仔大大隻，食落有口感，煎到香噴噴的蛋連同蠔仔送飯，仲有一小碟辣椒，又平又好吃。串燒沙嗲整的時間耐少少，證明即整即燒，椰青好新鮮，啲肉好厚，又易『刈』，飲椰汁食椰肉好满意吖。

係旺角D2出口行5分鐘就到，位置非常方便，有好多人排隊，就梗係要試一下啦，門口隔離間鋪仲貼住請勿在此排隊，認真誇張。一坐落，已經坐滿人，冷氣夠曬大，出面本身好熱，入黎已經坐得舒服，兩個人黎，梗係試下叫個兩人餐，都幾多野食，有好香濃既油飯，海南雞好有雞味，又多汁，肉質鮮嫩，又有飛天通菜，夠熱又夠辣，味道一流，仲有咖喱炒蜆，辣一辣佢，用嚟撈飯認真一絕，仲有兩杯野飲，叫左杯椰汁三色冰，吾太甜，料夠足，夠曬正，total$288，都吾算太貴，飲野包埋，非常豐富。中意泰國野既朋友要去一試，呢度仲有好多吾同既特飲，不愧係泰式餐廳同咁多人黎。整體來說，味道比起一般泰式有水準，價錢同食物吾差，而且係旺角值得一試嘅泰式餐廳。下次經開旺角會食。

串燒拼盤 半打豬肉同埋雞肉串燒各三件，即叫即整，所以食落去好香口好熱辣辣，佢同有啲餐廳嘅做法唔同，佢個沙嗲醬都係直接林落去啲串燒度上碟，雖然咁樣食落去嘅醬汁比較多，但本人都鍾意沙嗲醬另上，自己沾醬，因為咁樣串燒可以保持住焦脆嘅外表，食之前嘅一刻先沾醬，口感會更加豐富。青咖喱雞味道不過不失，雞肉嘅部位都幾靚，係雞髀嘅部份。但睇得出有啲豆角嘅生d有d係好熟，唔知點解😂豬頸肉炒通菜味道清淡，唔會好咸好濃味，適合年。

朋友介紹黎食lee間泰菜。 剛開始都幾好奇, 因為雖然都係旺角, 但真係幾少何去個邊搵野食。 原來有間泰國菜館，真係要多d話比人知先得。入到去, 都有4, 5張大枱，不過因有限座, 見好多人都係坐2張大枱一齊食飯。我同朋友就坐一旁, 見原來都有好多客輪住出入, 果然幾受歡迎。我地點左泰式蠔餅, 青咖哩海鮮煲，泰式炸魚配青木瓜沙律，仲有龍眼冰。佢既蠔餅好特別, 同台式好唔同, 唔會好多油死炸佢, 好好味。 最緊要佢每粒蠔仔都肥嘟嘟好肥好味。 個底用芽菜配底, 真係好新奇, 好正。青咖啡雖然睇落好似麻麻, 餸唔係好多, 但都足料既, 最重要真係幾好味，如果有飯, 應該可以撈2, 3碗飯。最驚喜係條炸魚, 好大條, 炸度適中, 魚肉嫩滑, 辣辣地, 可以配木瓜沙律係面, 真係好野味。 我地食到魚骨都要食埋, 因為連條骨都入味，好脆。而龍眼冰都好好味，有少少菊蜜既感覺, 好清新, 唔會好死甜。

嗰晚去食飯超級大雨，好似係紅色暴雨。所以冇特登搵邊間餐廳食飯，就揀返之前食過嘅呢間泰式餐廳。今次叫左泰式明爐冬陰功煮烏頭。平時食泰式餐廳都好少叫魚，但由於嗰晚淋完雨好凍，所以諗住叫個明爐魚食暖下個胃分量幾多，條魚都幾大條，兩個人淨係食條魚都已經半肚飽。冬陰功幾香，但係個人嫌佢唔夠酸唔夠辣。魚嘅肉質都幾厚實，但就唔夠入味。反而啲秀珍菇好入味，每一舊都有好濃厚嘅冬陰功味。另外叫咗個海南雞飯，好好彩，師傅切咗幾舊上脾，所以肉質好嫩滑。

見呢間泰式野都幾多好評，拉埋個朋友一齊黎食個晏，叫左個午市套餐炒金邊粉，餐飲加錢叫左椰汁三色冰，再散叫個泰式肉碎生菜包，覺得唔夠食，加柚子沙律。炒金邊粉同佢主餐牌唔同，前者係無蝦，只有啲配料，個金邊粉唔太岩我既口味，平日食慣左帶有酸甜味既，但呢個既味道就淡左少少。泰式肉碎生菜包就岩口味，肉碎份量唔少，味道出色，相當惹味又香，帶有辣味，加埋生菜可以平衡到辣度。柚子沙律除左有爽口既蝦，仲有花生，蝦乾同埋柚子🤣睇個樣似辣野咁，但唔係，實際上味道都可以叫做爽，柚子既甜同埋花生既香脆，夾埋原來係幾好食，唔錯。椰汁三色冰，好香椰汁味，但唔夠大杯，兩三下飲曬。整體而言，性價比都高既，除左金邊粉之外，其他都相當滿意。

去完金魚街睇魚🐠就順便喺附近幫襯下小店先💛見阿來好評如潮 我地就決定去試下!我地閒日7點去到 已經見到門口有幾多人等位 到我地食完再出去都係見到有人等緊位可見阿來幾高人氣👏🏼😆原本擔心可能等得耐但原來有兩層 我地就被安排坐上面~~上層既牆身貼滿食物相menu上面冇既食物照 都可以喺牆度睇到😃我地兩個人叫左一個小食、一個菜、一個炒粉絲、一個海南雞套餐💁🏽‍♀️酸辣鳳爪沙律 ($68)鳳爪份量多 洋蔥同芹菜更加係海量!主角同配角食極都仲有咁! 🤭馬拉盞炒椰菜苗 ($68)馬拉盞落得好重手 仲有落左幾多薑絲所以絕對惹味! 同埋通常喺泰式餐廳食炒椰菜苗都係比炒其他菜貴少少 但阿來既炒芥蘭/ 通菜/ 椰菜苖都係同價!泰式Suki炒粉絲 *海鮮 $64 因為個名咁特別同「👍🏽」而叫💁🏽‍♀️呢度既粉絲比港式粉絲幼身 炒得幾好 唔會太油 都唔會炒到一舊舊!最緊要係配料份量同種類都好多🤩第一次食炒粉麵入面有份量咁多既炒蛋!雜錦海鮮有蝦仁仔🍤 又有蝦🦐、魷魚粒🦑、章魚粒🐙 仲有蟹柳粒 同埋紹菜絲!阿來海南雞飯 ($54) 用筷子點左少少醬試 覺得幾酸下😛但點落海南雞度 就覺得幾夾! 雖然我地冇加$10轉雞脾

阿來泰式地道風味，裝修普普通通，有掛下啲泰國既相。另外餐廳有泰文翻譯，幾有心思。-午市不用等位，可即時入座，送餐時間亦快，大概十分鍾左右就到。-叫左個泰式冬陰公炒飯，配菜有菇，蜆，蕃茄，青瓜，辣椒，味道以酸辣為主，辣味佔多，份量適中。整體來說不算惹味，較為單調，冇平時食開冬陰公嗰種香味，略為失望。-午餐凍飲加2元，叫左杯凍檸茶，正常發揮，冇乜特別。-呢間餐廳午餐的選擇好少，冇乜款式，下次唔會再考慮呢間。

難得呢幾日疫情好轉，所以放工都要出黎鬆一鬆，食下野，開心下！今日就揀咗一間平靚正嘅泰國菜，呢間餐廳除左旺角，長沙灣都有分店！一去到餐廳，嘩！大排長龍最少排10幾人，好在都唔係等左好耐，都好快有位！餐牌有好多選擇，呢個全日套餐超抵食👍🏻👍🏻亦有廚師推介：海南雞、多款新鮮海鮮🦞有選擇困難症嘅朋友，亦有不少套餐提供🤗🤗首先叫咗個椰子雞湯（細），一嚟到已經聞到好香椰子味，好足料，有唔少雞肉，蕃茄，菇，可以分到四至五碗！招牌海南雞飯，雞肉嫩滑，飯好香雞油味，正呀！泰式香辣肉片炒河，好大碟，配料甚多，有豬肉，青椒，粟米，菇，辣得好惹味！蒜蓉炒椰菜苗，炒得好好，好有鑊氣！叫咗一杯三色冰，濃郁椰子味，夏天消暑佳品！總結：今晚兩個人食咗咁多嘢都係200幾蚊，每樣野仲要大大碟，份量十足，真係好抵食，唔怪得之閒日都咁多人排隊啦！

雖然佢嘅價錢唔算好貴，但係我覺得佢嘅餸真係麻麻地。木瓜沙律有啲辣，燒豬頸肉偏韌，有啲過老。炒通菜就正正常常。別喱軟殼蟹都係好普通。啲嘢飲有啲細杯。芒果糯米飯嘅飯完全無咬口。得個蠔仔蛋係唔錯嘅。

朋友介紹黎食下lee間泰菜。 開始都好好奇。 因為雖然都係旺角, 但真係幾少會去個頭搵野食。 好在都唔難搵, 係正小巴站旁。 入到去, 都有4,5張大枱。 由於有座位限制, 見有d人都要坐2張大枱先可以一班朋友約食飯。 我就同朋友坐係一邊, 見到都有好多人輪流咁出出入入, 睇黎幾受歡迎, 朋友冇介紹錯。我去點左泰式蠔餅, 青咖啡海鮮煲，泰式香辣魚伴青芒沙律, 仲有龍眼冰。佢既泰國蠔餅好特別, 唔似台式咁好多油死炸。 用左芽菜伴底, 而佢既蠔仔都隻隻大粒，肥嘟嘟，好好味。青咖啡海鮮煲雖然睇落好普通, 但都ok足料，特別係個湯, 如果鍾意配飯食, 應該可以餸到2, 3碗飯。最驚喜就係個泰式香辣魚伴青芒沙律。 條魚好大, 炸得透又唔會太油, 又香又滑。 配埋青芒沙律, 辣辣地好野味。 食到最後, 我地連魚骨都食埋, 因為真係幾入味，好脆。而龍眼冰亦好清新, 飲落有d似菊蜜, 甜味都唔會好假, 好滿足。

好耐已經無食泰國菜。同埋好耐無食呢間，好掛住旺角呢間平靚正既餐廳。入到去都係無變，都係咁涼咁舒服。今次想食新嘢。叫左碟金不換香辣肉碎炒河。呢碟嘢真係有驚喜。好夠鍋氣。食到真香味。河粉寬厚，好滑。帶有少少既辣味，會不知不覺想食好多。呢碟嘢真係surprise到我！好好味。之後叫左個黃咖哩牛腩煲。咖哩煮得好泰國濃郁既味道。薯仔有炒香左先再落係咖哩度。食到薯仔口感好好又香。牛腩夠軟。好豐富口感既牛腩煲。叫埋蒜蓉包點咖哩。濃郁上邊再加濃郁。呢個配搭係近乎完美。蒜蓉包係食泰國菜必點既最佳配角。再叫埋個燒豬頸肉。一食左一啖其實就可以知道佢整呢碟野整得好有心思。睇落普通既豬頸肉。平時出邊食，已經凍晒。呢個豬頸肉啱啱燒完。仲好熱好熱。而且邊邊既味燒到好乾脆，中間既肉又好肥美。有埋呢個少有泰式既醬汁點黎食。成個口腔真係好大享受。推薦推薦！叫埋杯凍既龍眼冰。fresh下個口，呢餐真係又飽又滿足！