阿來泰式地道風味

營業中

休息中

位於旺角嘅阿來泰式地道風味，係一間性價比非常高嘅餐廳🍴我成日都會回訪😍阿來海南雞飯係必食之選，雞肉鮮嫩多汁，搭配上香滑嘅雞油飯，味道絕對一流，配上特製嘅醬汁，令人回味無窮🤤🤤酸辣鳳爪跟餐加配小食，鳳爪味道酸酸辣辣，非常開胃，口感爽彈有咬口😋泰式燒豬頸肉飯豬頸肉燒得恰到好處，外脆內嫩，搭配上香米飯，味道濃郁蒜茸炒通菜通菜炒得鮮嫩，蒜香四溢，味道非常好👍朋友大讚泰式鮮蝦冬蔭功湯湯底酸辣適中，蝦肉鮮甜，仲有好多其他配菜，仲點左蒜茸包，搭配冬蔭功湯食超正😋芒果糯米飯香甜嘅芒果配上糯米，都係我食泰國菜嘅必點推介☺️椰青同朋友一樣叫左椰青，椰汁清甜，大大個勁滿足👍

估唔到依家喺旺角仲搵到價錢咁親民嘅泰國菜餐廳位置好方便地鐵站行過嚟兩三分鐘就到餐廳用咗木枱木櫈 座位闊落店員個個都好友善辣椒膏蝦頭油海鮮炒飯 $70頭先炒飯好大份 仲有超豐富海鮮有大蝦 蜆肉 魷魚同蟹柳炒飯炒得好香 飯粒炒到粒粒分明 辣辣地好惹味 蝦頭油好香青咖喱 (雞) $88青咖哩味道唔算太辣 食落口感好順滑 椰奶味香雞肉都夠嫩滑 另外仲有青椒 紅蔥頭 洋蔥 香茅等等嘅配料 口感層次好豐富薄餅 (4件) $39蒜蓉包(4件) $39又想食薄餅又想食蒜蓉包所以兩款都試晒！薄餅夠酥脆 蒜蓉包外脆內軟 有滿滿嘅蒜蓉牛油 點咖喱一流芒果糯米飯 $68糯米飯面頭淋上滿滿嘅椰漿 而且仲熱熱哋 好有咬口芒果夠香甜多汁一啲都唔酸椰汁三色冰 $25龍眼冰 $25

真係好耐冇去泰國啦！今日無論如何都要同朋友去食吓泰國嘢先！今日約咗朋友去旺角，啱啱喺先達落小巴，懶得行嘅我，就喺附近搵咗間泰國嘢食。舖頭今日人流都算多，我哋唔夠位坐，要坐樓上。大家都唔係好肚餓，所以叫咗唔係好多嘢食！先嚟串燒沙嗲半打 (雞肉/豬肉)沙嗲醬夠晒濃郁，而且唔辣啱晒我呢啲唔食辣嘅人！好夠風味！沙嗲粉絲蝦煲熱辣辣！粉絲超多，蝦都大大隻，仲好多隻添！真係好抵食！馬拉盞炒芥蘭嚟到聞到好香嘅馬拉盞味，熱辣辣夠晒惹味！龍眼冰清甜又滋陰，飲落都好舒暢！熱柑桔蜜好滋潤！

要到旺角食地道泰國菜🍴，就要到阿來泰式地道風味。呢度沒有華麗裝潢，沒有花俏的菜式，有的是不停忙碌的員工，超滿座的客人，同地道風味的泰國菜。因為真系超級受歡迎，所以滿座真是超爆場。點左既泰國菜都係必食同好好食的：1. 阿來海南雞飯 $59 旺角平民價既海南雞餐系必食架，包飲品真心超抵，我飲熱咖啡☕️吾該🤭2. 香葉肉碎煎蛋🍳拌白飯 $69 肉碎真系我最愛，撈飯真系好好味啊🤤3. 泰式鮮蝦冬陰功湯 呢個冬陰功湯第一次試，吾算太辣，熱辣辣滾住飲，而且好多隻蝦🦐，好飲又抵飲4. 泰式鐵板蠔仔🦪餅 $90 酥脆的蛋皮，新鮮的蠔仔🦪，超愛的蠔仔餅也是必食的原因😋呢度服務態度也好好，多謝waiter 的辛勞，見到佢地真系超級忙又好好耐性，抵讚👍

晚市長期爆滿嘅阿來，喺旺角數一數二CP值高嘅泰國餐廳😆！啲staff都好nice! 今次嗌咗呢啲：【飛天通菜】 🔥🔥🔥話明飛天通菜，真係辣到飛天啊！好啱鍾意食辣嘅朋友，我就一邊食一邊嗌女辣😂【辣椒膏蝦頭油海鮮炒飯】🔥嗌咗小辣真係冇咁辣！海鮮方面都估唔到幾足料，有兩隻大蝦、魷魚鬚，仲有啲蟹柳~ 份量都幾多，兩個人或以上食就啱啦！【辣椒膏炒蜆】🔥🔥粒粒都有蜆，唔係淨係炒殼😆啲蜆仲要無沙！有埋青椒同埋菇放落去炒，不過都係越食越辣！送飯一流啊！【青檸梳打】【椰汁三色冰】基本泰式飲品冇得輸👍🏻今次作用就係用嚟辣😹 【芒果糯米飯】估唔到都有一隻芒果肉，甜！唔酸👍🏻配合埋糯米飯飯非常好，可惜個飯煮得太腍😿

阿來泰式地道風味旺角食肆林立，今晚雙腳帶動我哋行入通菜街一間標榜地道泰國🇹🇭菜的小店。舖面不算寬躺，但供應的菜式令我哋目不暇𥄫！最後點咗：407 🥭香芒蟹肉炒飯分量頗大碟，用芒果肉炒飯是泰式食品的拿手，配香茜青瓜是極佳的配搭。509 🐷豬頸肉炒椰菜苗椰菜苗翠綠短小爽脆，豬頸肉鹹香有咬口。801 🐔阿來海南雞飯海雞鮮味無比；而且雞皮超薄，所以我哋連皮食埋！點雞嘅醬料讓我有驚喜！308 🦪鐵板蠔仔煎蛋話係蠔仔，其實每隻蠔都出奇咁大隻，waiter仲叫我哋小心熱！因為碟餸用鐵板盛住，保持住熱騰騰的，確實暖人心窩！611 🍯 柚子蜜 🍯甜甜蜜蜜，好襯泰式餐飲。613 🥥椰汁三色冰🥥清甜椰清水透心涼！剛才說阿來舖面不算大，但嚟到見客如雲湧時、千祈咪走住喎，因為樓上仲有大把位，別有洞天㗎！😀😆地址：香港九龍旺角通菜街79號地下舖。

朋友戒緊澱粉質，除咗打邊爐仲有咩選擇？我就即刻諗起旺角呢一家泰國菜餐廳！地點十分方便，價錢亦相當實惠。2人點了4個菜式泰國菜除了通菜外，椰菜苗就係另一款必點蔬菜！朋友只可食微辣，所以選擇了馬拉盞炒椰菜苗，椰菜苗的脆嫩口感搭配馬拉盞的香辣，讓整道菜充滿了泰國料理的獨特風味。冬蔭功湯，這道湯的配料非常豐富，份量充足，包括鮮蝦、秀珍菇和車喱茄。蝦肉食落爽甜，湯底濃郁，酸辣的口感讓人驚喜，酸、辣、鹹味道平衡得剛剛好，天氣凍凍地飲啖熱湯很舒服。我特別喜歡的還有泰式鐵板蠔仔蛋，配上辣醬更是惹味。煎蛋中有多量的蠔仔，每隻都大大粒，食落鮮味十足，而且保留了蛋香蛋汁，讓每一口都充滿驚喜。最後是蒜蓉牛油雞翼，雞翼肉質鮮嫩，蒜蓉牛油味道濃郁香口，正常發揮。埋單價格也非常實惠，4道菜都只是300多，下次再嚟試其他菜式！

勁近旺角站D出口就有間親民好食泰國菜，平日晚上已經人頭湧湧，但勝在上菜夠快又有鑊氣！泰式小食拼盤 $158有炸蝦餅、炸魚餅、雞翼、春卷，這個組合無敵！炸蝦餅啖啖蝦肉夠彈牙，春卷勁足料，酥脆好味！泰式鐵板蠔仔蛋$90沒想過這麼大份，超多蠔仔，蛋餅邊煎得脆卜卜，又有芽菜墊底，不會被鐵板烤得太乾身。辣椒膏蝦頭油海鮮炒飯$70叫了小辣，告下頭又勁有泰式風味，海鮮也算足料，炒飯炒得粒粒乾身，推薦試吓～阿華田脆脆$28夠晒濃郁好味，又不會太甜。

作為MK仔咁多年，基本上旺角嘅餐廳都試過晒。尤其是今次介紹嘢「阿來」真係由細食到大，今次重回舊地嘅時候，就覺得應該要推介下俾其他未食過嘅人。二人餐 $388海南雞鮮艷黃色嘅海南雞，雞皮有光澤又夠晒滑，而且火候恰到好處。金柚子鮮蝦沙律當然唔少得開胃嘅沙，柚子可以帶返少少水份同埋酸味出嚟，配搭鮮蝦其實都好開胃。燒豬頸肉外層燒到焦香嘅豬頸肉，好鍾意邊緣嘅香脆感。而且食落口感都彈牙，又充滿肉香。泰式肉碎生菜包粒粒分明嘅肉碎配搭泰式香料炒香，最適合配搭生菜中和油膩感。阿來泰式地道風味 (旺角)旺角通菜街97號地舖

最近我去咗旺角一間長期排長龍的泰國餐廳，無食物的味道還是環境，都讓人印象深刻。泰式火山排骨這道菜食落似煲湯骨搭配特製的泰式酸醬汁，排骨嘅肥同埋肉比例好好。泰式炒金邊粉唔會太油，每一口都帶有獨特的泰式風味，值得一讚係佢嘅蛋好香，蝦亦都好彈牙。薄餅薄脆的外皮脆，好香牛油味建議嗌個咖喱嚟配搭。椒鹽軟殼蟹軟殼蟹炸得鬆脆，椒鹽的香氣恰到好處。阿來海南雞飯雞肉滑嫩，搭配香氣四溢的雞油飯，整體味道非常好。泰式奶茶係食泰菜，一定要有嘅😝

旺角呢個不夜城，除咗霓虹燈同購物人潮，仲有一條隱世美食戰線——通菜街！而今晚，我嘅目標就係嗰間門口永遠排長龍嘅💁🏻‍♀️「阿來泰式地道風味」！位置超方便，地鐵站出嚟行兩步就到，🧏🏻‍♀️但未入門口，已經俾條人龍嚇親🫣睇嚟今晚嘅「戰鬥」要由排隊開始，果然係旺角嘅日常啊！🤓.終於擠入店，先嚟杯泰式咖啡🥤醒醒神～😝跟住，重頭戲登場：🐟鹽燒側魚外皮脆過薯片，魚肉嫩滑到懷疑人生，點埋酸辣醬汁，簡直係味蕾嘅過山車🚂～🍗泰式火山排骨堆成座山，淋上酸辣醬汁，每一啖都係食肉獸嘅狂歡😍通天炒通菜🥬條條翠綠鮮嫩，冇一條係「老過龍」，爽脆得嚟又帶住淡淡嘅蒜香同辣椒香，辣辣地幾惹味🤓加埋杯青檸梳打🧃清爽解渴.最驚喜嘅係，九點後入座仲有折扣😍！難怪呢度成為夜貓子嘅聚腳點。雖然排隊排到腳軟，但為咗呢抵食嘅地道泰菜，值啦！

自費食咗三百幾蚊呢間位於旺角嘅，我真係好鍾意食呢間因為好方便返工仲要喺呢間唔使等位即叫即整熱辣辣仲要係佢哋啲服務質素超級好唔需要訂位就已經有得食平民化嘅泰國菜真係喺邊度搵所以我好鍾意㗎，呢間我哋嗌咗三個主菜又有飯又有咖喱佢嘅咖喱唔會好甜，亦都唔會好辣我覺得好適合我嘅口味有得揀青咖喱黃咖喱好啱鍾意食泰國嘢嘅朋友，佢哋亦都有好多嘢飲，如果係炎炎夏日嘅話就會嗌椰青如果係凍嘅話我哋就冇嗌嘢飲啦，我覺得好唔錯嘅選擇啊

未到飯市時間已一位難求, 不過侍應竟帶我們上二樓, 原來另有洞天, 也是頗寬敞的地方, 牆身掛滿各款菜式, 看了更令人垂涎欲滴, 先試了他的紅咖哩雞, 足料勁香, 雖然只是一隻椒的辣度, 但剛剛好, 雖然全都是雞胸肉, 但也算滑溜入味, 然後那個泰式炒雜菜, 很惹味, 最正就是那個青檸酸辣蒸烏頭, 真係極致和味, 而且火喉剛剛好, 之後的香芒蟹肉炒飯, 已令我倆捧腹, 但係也不忘他的泰式甜品和泰式飲品, 為這度泰國地道晚餐劃上一個完美句號。

半打的串燒沙嗲，豬肉和雞肉各半。每一串都烤得外焦內嫩，香氣撲鼻。沙嗲醬汁濃郁，搭配著微甜的花生醬，真的是一口接著一口停不下來。接著登場的是泰式火山排骨。這道菜一端上來就吸引了所有人的目光。排骨外皮金黃酥脆，內裏軟嫩多汁，再搭配上泰式香料和醬汁，味道層次分明。每一口都能感受到香料的獨特魅力，真的是讓人難以忘懷。海南雞也是我們必點的菜品之一。七份海南雞例牌，每一份都切得整整齊齊，雞肉鮮嫩，皮質滑溜，配上香噴噴的白飯，簡直就是絕配。特別推薦他們的海南雞醬汁，酸甜適中，讓人食指大動。最後，我們還點了香辣肉碎煎蛋伴白飯。這道菜的香辣程度恰到好處，肉碎煎蛋入口即化，配上白飯，簡直是一絕。每一口都能感受到濃郁的香辣味，但又不至於過於刺激，讓人欲罷不能。

旺角有間泰菜係先達隔離，日日都爆場，之前食過一次已經覺得性價比好高，1年之後人氣依然。泰式鮮蝦冬蔭公湯（$78）2個人食飯叫碗細嘅就岩岩好，呢度嘅冬陰功椰子味較濃，細碗都俾3隻爆膏大蝦。泰式火山排骨（$118）呢幾年食泰菜都好興食火山排骨，而食火山排骨對我黎講最重要係個汁，講真，舊骨就間間都差唔多，但係調汁就好睇廚師手勢，我鐘意呢度個汁夠香，辣度又岩岩好。泰式鐵板蠔仔蛋（$90）一切開見到勁多大粒又飽滿嘅蠔仔，我已經心心眼 😍 第一次食蠔餅蠔仔多過蛋，勁正！下面仲放有我鐘意食嘅芽菜。泰式suki粉炒絲（$69）呢個炒粉絲有得揀雞/豬/牛/海鮮，加埋唔少蔬菜一齊食，食粉絲有樣好，唔會太漏嘛