阿來泰式地道風味

營業中

休息中

行過旺角實在好大雨所以入咗呢間泰式餐廳食午餐 由於做完身體檢查太耐冇食嘢所以就食得豐富啲啦叫咗個冬陰功湯 泰式suki炒粉絲 同一個飛天炒通菜下雨天實在係太凍喇飲返個冬陰功湯立即暖返個身 平時嘅冬陰公湯好難飲 難飲唔係講緊味道 而係因為佢啲渣太多 令到口感好差 但係呢個冬陰公啲渣隔得都算清 我都幾肯定佢唔係唔足料 因為佢味道好濃郁 配料都好足 蝦好新鮮 啲菇吸哂啲冬陰功嘅味 個湯酸辣濃度剛好 試過飲一間啲湯濃到好似汁咁 漏到入唔到口 飛天炒通菜好大碟啲菜好新鮮翠綠蒜蓉味100分另外仲有個泰式suki炒粉絲 見佢有👍🏼喺隔離 所以就嗌黎試下啦 佢有幾款配料俾人揀 我地就揀左海鮮 佢嘅炒粉絲好誇張 我係第一次食炒粉麵係會配料多過粉絲 真係一啲都唔菇寒 海鮮蛋花通菜芹菜芽菜 材料超好豐富

已經第n次食阿來，久唔久就會想食一次。今日又約fd嚟呢到食lunch~首先嗌咗冬蔭功湯暖下胃先~平時都少機會飲，嚟到泰國餐廳當然要嗌~冬蔭功入口辣辣哋、甜甜哋，超級刺激味蕾，一個字：正！裏面放咗蘑菇同蝦，兩者皆鮮嫩無比，味道濃郁，令人非常滿足！跟住就係肉碎生菜包，呢道都係泰國菜必食嘅！肉碎落足調味，辣辣哋，夠哂味道；生菜一睇都見，非常新鮮爽脆，包埋一齊食，兩者互相中和，配搭得岩岩好！青咖哩雞係我去泰國餐廳必食嘅菜，超鍾意青咖啡，佢冇一般咖哩嘅辛辣，而係清甜溫和，creamy嘅感覺~而啲雞就又滑又鮮味~加埋外脆內軟的蒜蓉包，點青咖哩嚟食，就超級正~而且唔會浪費咗咁大煲青咖喱~

舖頭位於旺角通菜街地点非常方便就腳，店舖不大沒有華麗装修走茶記風，晚市7点地下已坐滿人好彩仲有樓上雅坐，地方乾凈冷氣十足，上菜落單都非常快手，最貼心是職員遞上一杯熱水清潔食具。泰式柚子沙律柚子新鮮清甜冇渣配上少辣酸甜醬汁，加上花生粒鲜蝦十分醒胃。鮮蝦十分彈牙，作為前菜好fresh. 泰式炒金邊粉材料都十分豐富有幾隻大蝦鲜美，炒得干身正正常常配菜味道也不錯。馬拉盞炒耶菜苗泰式馬拉盞鹽香配上耶菜苗獲氣十足恰到好處，唯一不足之處菜比較多油。建議大家配碗白飯，好惹味嘅下飯小菜！沙爹豬肉串一碟有6大串份量十夠最咁我D食肉獸，沙爹惹味肉質好冧，美中不足燒得不夠干身香口。總括而言食物抵食夾大件最咁大班朋友聚腳吹水

好多年前食過先達廣場附近既阿來泰式地道風味，夜晚要排隊等位，今次黎食lunch 都好多人下，樓上都坐滿，座位有D擠迫但order完無耐已上晒菜，速度非常之快所以都可以接受～兩個人食lunch，order jor 4樣野同一杯青檸梳打，加加埋埋都係2百幾蚊，分量多、味道ok 係幾抵食嘅.青咖喱雞，好香椰子味但只有微辣但雞柳滑入面有仲有好多四季豆同茄子，雞肉分量超多.香辣肉碎煎蛋飯，食泰菜好多時都走唔甩會叫依個飯，肉碎調味足又炒得夠香，香辣惹味，撈飯一流.泰式炸魚餅，魚肉中混合著檸檬葉、增加口感既豆角，​送飯一流.馬拉盞炒椰菜苗，份量都算多但唔夠苗XD，馬拉盞應該有D蝦米，味道香而唔會太重口味

之前成日經過呢間 阿來泰式地度風味 都見到有人排隊 上網睇過都係話佢又平又好食🤑 一直都好想試下係咪真係平靚正啦🤤 今日終於有機會試下啦～ 睇完餐牌有好多都好想試🤤 但因為同朋友得2個人都食唔到禁多野 今次就試住最想食果啲先啦😍 🍡串燒沙嗲 $78/半打 （豬肉雞肉各半）一上枱超香🤤 熱辣辣真係岩岩燒好就上 同埋佢既沙嗲醬已經係滿滿咁沾哂起串燒既每個角落 唔使驚食到最後唔夠沙嗲醬🤣 豬肉雞肉都燒得岩岩好 唔會好韌咬唔到 加埋沙嗲醬好出色 推👍🏻 💚青咖喱配海鮮 $78🥖蒜蓉包 $25 青咖喱煮得出色 辣度岩岩好 啲海鮮都好足料 有蝦有蜆等等仲有大量魷魚🦑 蒜蓉包本身已經焗得好香 沾埋青咖哩咁食好正😋 泰式鮮蝦炒金邊粉 $58 食泰國菜必食既金邊粉 見到佢$58以為細細碟 點知😱😱😱 大碟到驚食唔哂添呀！啲蝦既分量都多 係爽口果隻蝦 金邊粉都炒得好香 推👍🏻 整體來講 呢間阿來泰式既性價比真係幾高😌 味道不錯 菜式既選擇都好多 用黎暫時醫下泰國菜既癮都不錯呀😬 下次再黎要試下其他先得🤤

疫情下很久沒有外出用膳。今天，相約朋友去了這間阿來泰式地道風味食左個Happy lunch😍只是睇相都已經流口水😍吃什麼好呢？！我們首先點了兩杯飲品，一杯三色冰，一杯龍眼冰。現在天氣十分炎熱，冰涼飲品不能缺少！好多冰，正呀！我們點了冬陰功湯，很足料，酸味辣味剛剛好，湯底濃郁，蝦都算大隻又多秀珍菇，吃東西之前飲很開胃泰式鹹魚炒通菜，炒得好惹味，份量又足再嚟又點了這一碟，青檸酸辣蒸烏頭😍嘩！好好味！味道少少酸帶少少辣，青檸帶出魚嘅鮮味，青檸烏頭這個配搭真的不錯，連不太喜歡吃魚的我自己一個人都吃了大半😂吃泰國菜不能不點豬頸肉吧！餐前小食，佢呢個豬頸肉汁少少甜，唔辣。真心喜歡呢度上枱快，因為我地好肚餓😄整體來說這裹食物味道不錯，員工整體都好有禮貌👍🏻因為今次疫情無得去泰國，嚟呢度食下Thai food暫時填補一下心裡的空虛啦😍

呢間喺旺角小巴站隔離嘅泰國菜館，晚市時間經常有人排隊。就算有兩層都一樣坐滿人，皆因呢度既泰菜性價比高，唔貴之餘仲好大份。✨📍火山軟殼蟹法包 $148首先個賣相已經好震撼，滿滿既咖喱上面放住一隻大軟殼蟹。黃咖喱充滿椰香而不辣，軟殼蟹亦都炸得鬆脆可口。各有所好，我就略嫌法包沒有焗到硬身。不過同埋咖喱一齊食，真係好惹味😋😋✨📍阿來海南雞飯 $54雞嘅份量不少，油飯亦都好香。雞皮亦都能夠做到爽口，食落口唔會油膩感重。✨📍沙嗲串燒(雞&豬) $78$78有半打串燒，而且仲唔係細細枝。沙嗲汁好香，滿滿嘅花生碎亦都好有口感😋✨📍芒果糯米飯 $58雖然話甜品有另外一個胃，但係呢一個甜品嘅份量真係不得了🙊有大半碗份量熱辣辣既糯米飯，而芒果係整整一大個，仲配埋濃濃既椰漿，食完真係12分飽🤣🤣✨唔應該浪費食物，好味既食物就更加唔應該浪費。於是我將食剩既食物拎走，作為我聽日既午餐。見到店員俾我既外賣餐盒有別於其他餐廳唔同，反轉一睇發覺原來係𝗠𝗮𝗱𝗲 𝗶𝗻 𝗛𝗼𝗻𝗴 𝗞𝗼𝗻𝗴而且仲攞咗專利又可以入得微波爐，非常方便外賣👍🏻✨我都冇為意叫既野食都係黃色🙈雖然構圖冇咁靚，食物亦都冇多餘嘅裝飾，不過餐廳平實地以味道和

最近雖然天氣轉涼但無阻我食泰國菜的決心因為剛好工作的關係要來到旺角所以決定在旺角找尋泰國菜的蹤影雖然只是五點但係實在太餓所以不小心點多了但兩個人也是吃得完的❤️青咖喱雞 $68愛吃咖喱的我對青咖喱情有獨鍾雖然青咖喱比較不辣這樣兩突顯咖喱的香味咖喱和雞是絕配咖喱味濃夠香雞肉嫩滑而且裡面配菜也不少有豆角、雞肉、泰國茄子🍆等🧡原隻椰青海鮮焗飯$78整個焗飯超大😱😱😱滿滿的一盅！而且每粒飯都有濃濃的椰香味師傅將椰肉切粒一起炒使椰香味更濃郁配粒亦很多蝦子新鮮大隻沒有雪味魷魚🦑亦好爽口💛泰式金邊粉$58炒得十分出色金邊粉炒得很有油香油分充足但不會太油膩超多大蝦！加上魚片做配菜十分豐富～💚椰汁三色冰$22椰汁🥥香濃加上三色冰的椰果爽口整杯十分解渴💙咸檸七$22我很少在外面飲咸檸七第一怕太咸第二怕太苦這杯咸檸七味道剛好檸檬🍋微咸而且很有檸檬香加上七喜十分解渴加上用了碎冰飲品更冰凍📍 阿來泰式地道風味 (旺角)旺角通菜街97號地舖

今日出旺角工作，收得工黎都煮唔到飯，就諗住喺旺角食埋飯先返屋企。同老公最後決定食泰國嘢，價錢平得來都幾有水準。泰式鮮蝦春卷炸得夠晒脆身，啱晒鍾意食香口嘢嘅老公入邊嘅餡料都非常之豐富飽滿青咖喱肉碎釀魷魚筒，呢個菜式比較少見，所以我哋好奇心之下叫咗黎試吓。魷魚筒入邊釀嘅肉碎味道略嫌清淡，如果可以多啲酸酸辣辣嘅味道會更好。不過魷魚筒都幾鮮甜，配上青咖喱味道都幾夾，而且份量十足，抵食！呢個柚子沙律反而估佢唔到味道偏濃佢嘅柚子肉混入左泰式嘅辣醬，所以味道變得甜甜辣辣咁，我個人覺得唔係太夾。鹹檸七

旺角有一間泰國菜開咗好多年，都真係幾有名氣，兩層高，醒起好耐冇食過，今次就約朋友嚟食個飯！好近旺角地鐵站，一出行2分鐘左右就到， 十分方便。餐牌嘅選擇都好多，泰式海鮮咖喱嗰啲都好多得揀，不過最近對海鮮有啲敏感，所以都係食返Basic啲嘅泰國菜。 椰汁雞湯 $58 小見到色澤都好濃厚，完全唔吝嗇，裏面有好多雞肉，而且椰汁味道香濃，兩位分享一個細嘅湯已經非常足夠。裏面亦有多款不同的香料，提升整體層次！香葉辣椒肉碎煎蛋炒飯$58食到少少辣嘅朋友仔不妨試吓呢個炒飯，裏面混和了大量香葉及辣椒肉碎，味道相當惹味，而且表面有一隻煎蛋裏面流心，可以考慮攪拌一同吃又或者其中一位直接食用！海南雞例牌$78食得泰國菜當然唔少得海南雞，例牌海南雞第一時間食個皮，非常彈滑，雞肉口感亦夠嫩滑，最重要係有個泰式嘅酸辣醬，令到整體味道食極都唔厭。青檸梳打$22 ×2青檸梳打亦可以選擇走甜，小清新充滿泰式風味。參考餐牌：

剛剛喺旺角先達買完野，早少少食晏先。沿著先達出嚟，望過對面，就見到呢間泰國小店。以泰國嘢來講，呢間餐廳真係抵食，尤其係午餐。食晏時間，見附近好多學生哥或在職人士黎食，或者外賣。金柚子鮮蝦沙律真係好啱夏天食, 凍冰冰、食落透心涼。柚子當造，清甜多汁，配埋爽口大蝦、花生碎、炸蒜片、原粒花生，配埋酸辣汁，好開胃。主食點左海鮮炒泰式SUKI 粉絲蔬菜有通菜、芹菜、黃芽白、蔥，附上大量海鮮，大蝦、魷魚等，餸菜比例好多，粉絲幼身爽口，粉量大超多料，讚👍🏼飲品點左椰青，清甜解渴。餐廳食物出品快，好味又多料，價錢亦抵，下次經過開都會再番黎食。

我同老友都最鍾意食泰菜，今日嚟旺角嗰邊，又冇book位，就求其搵間泰菜食，估唔到呢間阿來泰式都幾平靚正好彩一嚟到就有一張枱，坐低咗出邊就開始有人龍。大蝦柚子沙律～佢嘅柚子撈左泰式辣醬，比平時食到嘅柚子沙律更加濃味。辣椒膏蝦頭油海鮮炒飯～聽個名都知係濃味之選，不過其實食落口又冇想像中咁重口味，但整體而言個炒飯都係十分乾身香口。泰式鐵板蠔仔蛋～分量十分之多，兩個人都係好勉強先食得晒。蠔仔大小適中，材料新鮮，食落口有鮮蠔香味。鹹檸七及椰汁三色冰。

今日搭車去旺角，一落小巴就覺得肚餓所以喺附近搵嘢食，見到阿來泰依間餐廳，諗起都好耐冇食過泰國菜，同埋見佢都好多人排隊就入去試吓啦。入到去覺得佢嘅舖頭偏細，但原來佢係有2樓嘅，所以其實都可以容納到唔少人。咁首先睇佢嘅餐牌已經好吸引，因為好多都係喺出邊冇見過嘅。第一道餸叫咗鳳爪沙律，鳳爪酸酸甜甜都好開胃，用來做頭盤真係好適合，之後就叫咗一條明爐烏頭魚，佢係下面會用蠟燭點火來維持魚嘅溫度，魚食落好嫩，而且有少少辣味，仲要魚嘅size都唔細，以我平時唔太食魚嘅人來講，都覺得幾好食，之後仲有一個飛天通菜，通菜就偏辣少少，但炒得都好香用嚟送飯都好適合，最後就叫咗一個辣椒膏蝦頭油海鮮炒飯，見佢係推薦嘅食物所以就試吓啦，出乎意料地好食，成個飯都好香口而且份量都多，真係好好食

近排深深陷入左係泰國菜嘅魅力入面😂見返屋企㗎小巴側邊咁啱就有一間泰國菜就入去試試🤤基本上嘅泰國菜佢全部都有，睇啲圖同埋啲菜式名都已經好吸引。因為平時成日叫黎叫去都係果幾樣，所以今次打算試吓平時少啲叫嘅嘢。間餐廳上菜速度真係超快，啱晒我哋呢啲一入去就勁肚餓嘅人。飛天炒通菜。鍾意食辣嘅人一定要叫呢個！佢個辣好惹味，通菜炒得好入味索晒啲辣汁勁香，分量仲要唔少，出去食健康啲一定要嗌返碟菜🤤泰式明爐燒烏頭。個底都係用蠟燭起火，成條魚勁大隻仲要有好多菇喺上面點綴。條魚食落去好厚肉，平時食魚唔鍾意食皮，但佢呢一個連皮食都OK唔會好腥，如果可以再多啲肉碎同再酸辣多少少就更加正。個魚骨好容易起所以底嗰啲肉都可以好容易咁樣食埋。食到一半侍應仲好好咁樣問我地使唔使加熱同埋加湯👍辣椒膏蝦頭油海鮮炒飯。見佢Menu上面寫住推介就試一試，因為平時都係食開菠蘿炒飯同金邊粉今次諗住試吓新野。泰國嘢份量一如既往地主菜係好大碟，自己好鍾意佢嘅炒飯粒粒分明偏硬身，食落去香香地又唔會太辣，海鮮主要係蟹柳同魷魚仲有兩隻蝦，60幾蚊有咁大兜真係抵到痴線，下次有機會都會再encore。泰式鳳爪沙律。呢個幾有驚喜，因爲熱熱地所以想叫

在先達廣場傍邊的阿來泰式地道風味，到晚飯時間長期要等位，今晚與朋友來湊湊熱鬧，試試這裏的地道風味吧！酸辣鳳爪沙律$68, 份量算多，醬汁味道酸甜小辣，一般人都能接受的酸辣度，吃得太開胃了，我們連沙律配料都完全吃光。馬拉盞炒通菜$68，不算大碟，但炒得很有鑊氣！馬拉盞超香，有蝦米炒過，味道除了香濃，又可增加口感，通菜新鮮葉嫩無渣，怪不得幾乎每枱客人都點這個菜。泰式乾炒河粉(海鮮) $64,這個份量很澎湃，裝滿整隻碟，和朋友分著吃，大家都覺得很滿足！海鮮有魷魚、青口、蟹柳、大蝦、蝦 仁等，加上芥蘭和椰菜，除了有鮮味，還有甜味。而乾炒河粉很大片，與其他泰式餐廳不同呢！炒得夠鑊氣，吃得夠滋味！吃過濃味的食物，來兩杯飲品清新口腔。 這裏的龍眼冰$22,是夏日消暑良品，龍眼味夠香，粒粒龍眼肉又可以吃光光了，飲完喉嚨覺得清甜舒適，很舒服！椰汁三色冰$22,是我最愛的泰式飲品之一，椰汁味超香濃，很不錯哦！又有三色冰可以增加咬口，價錢也比一般泰式餐廳便宜，值得飲哦！食物味道是絕對滿意的，就是座位有點擠逼，因為真的太多人要來吃這個泰式風味，價錢也便宜的，全日免加一，不吸引才怪。