阿來泰式地道風味

營業中

休息中

有句說話 唔怕生壞命 最怕改壞名 呢間泰國菜就完全冇呢個問題喇😂 阿來喺泰文嚟講代表好食 真係食物質素都唔錯 而且價錢親民 唔怪得知客似雲來😗 夜晚八點 全店都坐滿 仲諗住要等吓位 點知原來仲有上層😮 覺得自己好好彩 可以唔駛等位泰式炸蝦餅 呢碟小食真係每次食泰國野都會想嗌☺️ 呢間整得非常好食 蝦餅夠晒彈牙 又大件 而且唔會炸得過咗火 keep住金黃色🍤泰式炒金邊粉 女朋友太鍾意食辣 呢碟金邊粉都要特登嗌加辣 不過加咗辣的確惹味咗好多 配埋旁邊嘅花生碎 蝦仁好大隻🦐椒鹽軟殼蟹 軟殼蟹有四件 炸粉唔算太厚 再配埋惹味嘅配料 椒鹽再配一啲彩椒 令配料唔會太鹹 真係好想嗌碗白飯食吓 不過食咗金邊粉已經夠晒飽😺 椰汁三色冰 椰汁好香 同埋夠晒凍 啱晒炎炎夏日😗呢間泰國餐廳真係好抵食 下次糧尾又想食泰國嘢會考慮再嚟食

琴晚同一個好耐冇見嘅朋友去咗旺角依間泰國嘢度食晚飯，一入到餐廳已經聞到一陣陣香氣，坐低之後，我地就開始叫野食，我哋叫左個二人餐c，因為見到有我鍾意嘅冬陰公湯同埋又有我朋友鍾意嘅青咖哩，仲包埋海南雞、泰式炸蝦餅同埋飛天炒通菜，再一人一杯泰式野飲，首先講下個冬陰公湯，佢嘅海鮮非常新鮮，而且辣得黎又唔會完全得辣味，飲完佢個湯之後，令我有少少返左泰國嘅感覺，之後炸蝦餅炸粉同蝦肉嘅比例啱啱好，絕對唔會出現炸粉過多既問題，再講埋佢個海南雞，係無骨海南雞，啖啖肉，雞皮，中間透明脂肪同肉比例分明，食得出佢整呢個海南雞花咗不少心機，然後到我朋友最鍾意嘅青咖哩豬，佢話呢個咖哩唔太辣，有椰香味，拎黎撈飯同點蒜蓉包簡直係一流既美食，一路食一路飲椰青，彷如置身泰國一樣，總括而言，如果你太耐無去泰國旅行，又好掛住泰國嘅野食，不妨去呢間試一試佢哋啲泰國菜

平時成日見到呢間泰國野大排長龍，睇完餐牌覺得價錢又ok就同朋友try try佢，環境細細地但唔會有好逼既感覺，卡位之間落左透明膠廉所以有少少隔音，店員反應快，落單都好快上菜，我地揀左個二人餐，飽到上心口！通菜炒得香辣，有蒜頭辣椒等調味，主菜一定要叫海南雞！份量多之餘佢個醬汁集酸甜辣於一身，好開胃，最中意用埋黎撈飯，唔食飯可以加10蚊轉蒜蓉包，我好中意佢地個蒜蓉包因為非常香脆，係多士口感，而且夠多蒜蓉好香，飲品推介係椰青，好新鮮，清甜椰子水果然比起普通椰汁差好遠，飲落去即時解渴，朋友揀個龍眼冰都好飲，夏天最啱飲消暑野👍

朋角介紹旺角出名既泰國菜餐廳，係先達附近都幾易搵，餐廳坐位唔算多餐牌選擇好多、不過我地都係揀左餐因為餐入面都有我地想食的同朋友一行三人Order左二人餐另外再加左黃咖哩炒軟殼蟹同甜品跟餐既飯我地轉左蒜蓉包（+10轉有四件）我地兩個飯都轉晒所以一共八件呢一碟黃咖哩炒軟殼蟹、認真推介！！個黃咖喱好味到不得了、椰香味較重唔算好辣、我覺得配蒜蓉包比配飯更搭軟殼蟹完全可以「索」晒啲咖喱汁掂呀！而且份量都OK二人餐本身份量原來都唔細、其中炸蝦餅一份有6大件、好大份重有冬陰功湯青咖哩可以配豬牛雞或者雜菜我揀左牛肉、青咖哩都是椰香味比較重、好岩我胃口、佢係比較稀身的我忍唔住當湯咁一羹一羹咁飲太惹味了😂😂但佢味道同黃咖喱相比是較辣的餐飲有兩杯、飲杯青檸梳打有夠爽甜品點左椰汁芒果糯米飯份量十足芒果夠甜（呢樣重點）2人餐加多左兩樣野已經食到我地三人覺得好滿足

今日忙完一輪，成日無乜胃口，想食啲濃味甜酸辣既野食，於是去左間旺角一間泰式餐廳食晚飯！入到去餐廳都幾大，有兩層既，座位都算闊，企理乾淨。肚仔餓啦，事不宜遲，睇一睇個餐牌先！黎得泰式餐廳，當然一定要叫我最鍾意食嘅海南雞飯啦！雞肉份量多，一啲都唔孤寒，大大份，雞肉有鮮味，唔會淡茂茂，雞皮都好嫩滑，點埋老闆秘製既醬汁，唔錯！而油飯都幾香椰油咪，軟硬適重，唔會太硬亦都唔會太淋！第二當然唔少得就係泰式酸辣鳳爪！勁足料，又係巨型份量，目測裡面都有廿隻鳳爪，蔥頭芹菜份量一樣多，酸辣醬汁多到索晒係啲鳳爪到，勁惹味！第三就係柚子蝦肉酸辣沙律！同樣足料到爆，裡面有花生，椰脆粒，香茅，洋蔥，當然唔少得就係柚子，柚子勁juicy ，一啲都唔苦，唔會太酸，爽甜多汁，蝦肉仲要大大舊，爽口彈牙，唔錯！最後帶叫咗嘢飲酒係青檸梳打啦，食完重口味既野就當然飲翻青檸梳打清一清口腔，飲完成個人都refresh 晒！總括黎講，價錢公道，份量足夠，抵食既！

老公生日而佢又好鍾意食泰野野而家又去唔到旅行即刻四圍搜尋邊度有好食嘅泰國餐廳呢一間都係有人同我推介過嘅果然冇令到我同老公失望位置係喺旺角鐵路站附近都幾方便之前都有經過見到餐廳座位數量唔多嗰日去到以為冇位⋯原來原來重有上層架😁好快就有位，太幸運了見到佢嘅二人餐都幾啱我哋口味於是我哋點左一個二人餐鮮蝦冬陰功湯對我來講都幾辣而好似我老公食得辣既人黎講佢話覺得岩岩好😋😋😋入面重要有4..5隻蝦我地係海南雞同豬髀2選1揀左泰式滷豬髀豬髀滷得好入味D 酸菜勁好味😂😂😂蝦餅份量好多有六大件⋯2人食每人食3舊、勁飽通菜都係炒得好有鑊氣好香+微辣青咖哩一上枱大家掛住食就已經唔記得影相餐飲重包埋可以點特飲（除左椰青需要另外加錢）我點左椰汁三色冰食完辣野呢杯飲品真係幫你解解辣好爽總括黎講2人餐真係飽到抱住個肚走老公都話好滿意～下次叫多幾個朋友一齊黎咁可以試多幾款

原來觀塘紅色小巴對面有間🇹🇭泰國菜館，位置非常方便，今日經過見到剛好有一張枱，就衝🏃🏻‍♀️🏃🏻‍♂️咗入去試下。就咁望入去以為得好少位可以坐，但是原來他們是有二樓的。🥥椰汁三色冰 $22：我哋叫咗少甜，所以飲到香濃🥥椰香味，不會像街外有濃濃的糖水混雜在其中。辣椒膏🦐蝦頭油海鮮炒飯 $68：炒飯炒得好香亦炒到粒粒分明（最怕濕嘅炒飯）。不過，可能我們有點了小辣，所以，這個飯個名有辣椒膏三個字但亦沒有太辣。由於太肚餓，並沒有太留意炒飯有什麼海鮮，印像中是有墨魚。咖喱炒軟殼蟹🦀 $108：原本係menu嘅時候見到，咖哩炒蜆係有，但係炒軟殼蟹🦀就沒有。猶疑咗一陣，最後都係點咗軟殼蟹🦀，因為覺得坊間很少有泰式咖哩炒軟殼蟹🦀。真係好有意外驚喜，2大隻軟殼蟹炸至非常香脆，而咖喱汁非常香滑且帶有濃濃咖喱味，調味得非常好，我直頭一匙一匙🥄放落咀吃，食咖哩汁食到好似飲湯咁，這個菜非常值得推介。由於我哋叫咗太多餸很飽，如果唔係叫個白飯嚟撈咖喱汁，簡直係完美配合。串燒沙嗲 $78：串燒上枱時非常熱辣辣，吃第一串時，混有濃濃沙爹醬的串燒，非常可口惹味。串燒切記要襯熱就好食，唔好掛住傾計影相啊冬陰功 $78：冬陰功用

阿來泰式地道風味👻旺角行街搵野食行到先達附近見到有間泰國菜即刻比佢吸引咗入去原來佢仲有上層坐位夠大間唔使點等位不過都坐得好滿🤣🤣.🔅泰式粉絲蝦煲 HKD 158佢個粉絲份量相當多個店員好貼心問我地使唔使少鹽咁樣出到黎就唔會太咸味道啱啱好入面包咗好多隻大蝦稍為開咗邊食落都方便啲😆🔅泰式肉碎生菜包 HKD 78最愛既生菜包每次食泰菜都必點既依到有得走辣佢加咗啲檸檬汁肉碎夠大碟調得好好味☺️🔅泰式金邊粉 HKD 58咁平既價錢以為係細碟既但係估佢唔到同樣係好大大碟性價比真係好高又炒得好食😛.整體黎講：抵食泰菜 正宗好食😚.🎈 阿來泰式地道風味 (旺角)旺角通菜街97號地舖

超高性價比！ 認真 咁樣隔住好安心！！ - 香葉辣椒肉碎炒飯 $58 大大隻流心煎蛋撈炒飯真係好正！！ 唔係度度都有呢個香葉辣椒肉碎炒飯！ 好多都係on side! 推薦大家要食😍 真係好好味咖🤤- 飛天炒椰菜苗 $68飛天炒係偏辣🤤 最愛重口味！ $68 一碟菜都好大碟！！ 椰菜苗都好嫩！ 仲要唔使額外加錢！ 出邊食不嬲椰菜苗都會貴啲- 火山軟殼蟹法包 $148重頭戲！！！！ 痴線 跟本就係巨型農夫包！ 滿寫嘅咖喱汁🤤 仲要應該有兩隻嘅軟殼蟹！ 軟殼蟹炸得好好 好香口 ！ 唔會好油！ 而且個咖喱汁真係好正！ 佢仲要加咗蛋！！ 超香濃🤤個包每一舊都有咖喱汁！ 真係super match !! 喺旺角邊度仲可以搵到咁既價錢！ 咁既質素！ 2個人埋單$300 食到個肚大一大咁走！ ！ 同場加映 去到隔離既良心小店💛 泰然揼骨！ $200 泰式推油60分鐘！！ 揼完泰骨食泰菜 當左自己去泰國🤣

呢間阿來泰國菜，平時經過旺角間唔中都會幫襯下，皆因佢價錢親民食物又好食👍🏻今次星期日晚市來到，又係坐滿曬人，要稍等一下位，不過好快都入到😌🦀火山軟殼蟹法包 $148落單時已經被菜單上的圖片吸引，上到嚟都不負所望。法包同咖喱都超大份，面頭有兩大件炸軟殼蟹，份量十足，對得住呢個價👍🏻炸軟殼蟹脆卜卜，咖喱唔辣，有少少蛋香味👍🏻法包比想像中鬆軟，點少少咖喱汁Perfect，我同朋友兩個成個法包食曬😋🐷泰式肉碎生菜包 $78呢個我哋次次嚟呀來都會叫，食過九龍區泰國菜來講呢間肉碎生菜包都係above average👍🏻 肉碎份量大，酸味同香料調得啱啱好。🌱豬頸肉炒通菜 正常水準，豬頸肉同通菜一齊炒得有啲濕咗少少，豬頸肉應該係烤過嚟，但因為太濕已經霖左，可惜。整體來講雖然呢間環境迫咗少少，但以呢個價錢同食物質素來講，已經係超值，會繼續幫襯😌👍🏻

第一個禮拜番工好大壓力呀 所以想出去食下野放鬆下 去左好多人食嘅阿來泰式地道風味 食泰國菜 舖頭有分1-2樓 果日去食都幾滿下 睇黎都幾受歡迎 叫左一個椰青 椰青水清甜 椰青肉幾滑嫩 肉厚番d就更滿足 亦叫左細嘅冬蔭功湯 一碗都有2-3蝦 蝦真係新鮮彈牙 仲有其他秀珍菇 夠香料同辣 加埋d香菜 香茅 辣椒 好味！ 主食叫左 泰式炒金邊粉 有3隻大蝦 彈牙爽口 有足夠花生碎青檸 好落甜甜地 又夠鑊氣 加埋花生碎口感豐富此外仲有d 雞蛋絲 芽菜 好味又夠飽肚 無論返工放lunch 定係 假日同朋友一齊叫都十分合適 最後叫左食泰國菜必叫嘅芒果糯米飯 糯米十分軟糯 淋上椰汁 好香滑 芒果清甜帶少少酸 食起上黎冇禁膩 冇渣整體十分好味 份量好大 食唔哂所以仲打包左一半番屋企哈哈 整體食物大份夾好味 味道唔馬虎 

今天出了旺角買東西，順便解決一下午餐，經過這間發現有很多東南亞人在吃，我想味道肯定不錯的，如不是不會有那麼多東南亞人來吃的，那就馬上來試試他們家鄉的味道！泰式蒜茸燒大蝦（１０８元）這個燒得非常香，蒜香味較重，應該也有下了炸蒜下去，因為吃起來帶點脆的！蝦肉鮮甜彈牙，燒到帶點焦香，配上蒜茸吃起來特別惹味！阿來海南雞飯（５４元）這個份量不錯，剛好幸運的是拿到雞腿的部位，吃起來挺嫩滑的，而且有雞味！油飯也挺香的，質素不錯！而配的醬汁的酸辣口味的，辣度挺高的，但配合起來吃會挺過癮！芒果糯米飯（５８元）想不到這個給了一整隻的芒果，芒果酸甜可口，芒果味濃，配上軟糯的糯米，再撒上濃香的椰漿，吃起來特別過癮，冷熱的口感不錯！椰汁三色冰（＋５元）這舍椰汁也是非常濃的，配上嫩滑的三色條來增加口感，喝起來特別好喝！而且跟餐加配也不貴，非常推薦！

約老友晚飯去了旺角通菜街97號地舖，亞來泰式地道風味吃泰國菜。室內環境尚可，枱數不多，環境也不大，還好這食店是有樓上雅座，晚上6時已滿座，泰式食譜選擇很多，應有盡有。黃咖哩牛腩煲$88上枱時已聞到陣陣咖哩椰香味，果然牛腩炆得很淋且很入味，還有薯仔車厘茄洋蔥青椒配搭，好味無比。蒜蓉包$25蒜蓉包本身已是香脆可口的食材，配上黃咖哩椰香汁，更覺可口，兩樣皆是絕配，好味。辣椒膏蝦頭油海鮮炒飯$68飯粒爽口彈牙， 兩隻大蝦魷魚粒和蟹柳，食材豐富，小小辣椒蔥粒蝦子碎提升炒飯味道，惹味程度再加分。金柚子鮮蝦沙律$68份量十足，美味可口，非常醒胃，酸辣恰當，滿滿的鮮甜柚子加上香濃泰式的配菜，還有爽口鮮甜的大蝦，美味無窮。

夏天總是成日令我憶起去東南亞旅行🥲咁啱揾到呢間喺通菜街近旺角站多啲嘅泰菜餐廳，入面牆上貼滿附有泰文翻譯嘅menu🇹🇭雖然我哋去食嘅時候已經兩點幾，但係入面依然滿座✌🏻泰式粉絲大蝦煲 ($158)超級推薦！！！粉絲完美吸收晒蝦嘅鮮甜同精髓，再加上豬肉粒、蒜粒、芹菜等吊味，口感超豐富！😋😋而大蝦份量比想像中多，質感彈牙，食起嚟好方便，不過略嫌唔算係超級入味🙈海南雞 例牌 ($78)兩個人食啱啱好，雞都算滑嫩，仲有啲青瓜同埋番茄作配菜，而嗰汁就酸酸甜甜好開胃，配埋雞一齊食好夾！🤗椰汁三色冰 ($22)每次食泰菜必叫！味道好正宗，奶味十足，再加埋超有口感嘅啫喱條，飲落好解渴，抵消咗泰菜嘅膩👍🏻龍眼冰 ($22)冰涼清甜啱晒用嚟消暑🥶不過愛食甜食嘅朋友就略嫌唔太夠甜👻

呢間餐廳食過幾次，性價比好高，有分樓下樓上，今日係平日都幾full了！泰式炒金邊粉（$58）每次我都會點既泰式菜！呢個價錢既份量都相當令人滿意，有好多芽菜、蛋絲同花生碎，配埋青檸中和左炒金邊粉既油膩。另外仲有3隻大蝦，大蝦都夠爽口，泰式滷豬髀（$78）豬髀焾得勁淋同入味，上面仲有酸菜，配埋泰式酸辣醬味道好豐富泰式肉碎生菜包（$78）肉碎分量超多，落左乾蔥、青蔥、肥豬肉粒、辣椒等去炒，令到味碎味道好有層次，最皇要唔會太乾，還保持juicy！椰青夠甜夠新鮮，食泰國野必點～