阿來泰式地道風味

營業中

休息中

泰國菜🇹🇭，大部份人香港人都鍾意食。原來係旺角先達廣場隔離就有間被遺忘嘅泰菜……作為土生土長嘅香港人，一路都唔知道呢個位置有間咁「高汁」嘅餐廳！本身覺得佢個名字有點怪怪，阿來泰式……係咪店主叫阿來，還是佢地嘅招牌菜同阿來有關呢？ 經過Google大神嘅指教，阿來(Aroy) 係泰文黎講係有好味嘅意思！本身比佢d 2人餐吸引住，400蚊唔洗就超多菜式，仲有ABC 3款添～不過揭後多幾頁，後邊仲多野食可以揀，所以今次都係散叫啦🤪細心一睇，由小食、湯類、海鮮、咖哩、炒飯、炒菜到甜品……全部都可以揀，望住個menu都諗左我5分鐘，最後決定叫半打串燒，炒軟殼蟹同埋椰汁三色冰😎串燒沙嗲 🐖🐤半打78，1打128，數量各半，可以按人數叫多叫小👍 沙嗲即叫即整，入口熱辣辣，嫩滑鮮肉配以自家秘製醬汁，本身已經好吸引，再加埋醬汁裡面嘅花生粒，咬落去每啖都Juicy不已💦泰皇咖哩炒軟殼蟹 🦀由於menu到呢個菜式冇辣椒圖案，所以我地就黎試下。如果你係好辣嘅朋友仔，你可以試下個椒鹽軟殼蟹，再話我知味道如何👀個蟹超大碟，就咁望已經見到4大舊軟殼蟹 🦀🦀🦀🦀🙈，正啊！每一舊都非常大件，用料十足，蟹肉係外脆內軟，食

好耐冇食泰菜 今日行開旺角 就食呢間好評如潮既阿來 平日下午黎唔洗點等位 好快就入咗 雖然午市套餐都幾抵食 但因為我同朋友太耐冇食泰菜 所以就叫啲小菜試吓😛1.泰式冬蔭公湯 湯嘅辣味都幾突出 奶味重而味道濃厚 啱晒啲鐘意食辣既朋友 而且都幾足料 有幾隻大大隻既蝦 🦐2.蝦醬炒飯呢個炒飯既份量好多 夠3-4人share黎食 好夠穫氣 飯炒得香口 幾唔錯 配埋蠟腸既味道好夾3.豬頸肉炒通菜呢款用蒜片調味 味道鹹香 下次再黎既話會試吓辣既飛天通菜4.炸蝦餅壓軸出場既係呢款炸蝦餅 亦係呢餐飯就好食既一道菜 新鮮炸起外皮熱辣辣好香脆 內面既蝦餅彈牙 必食😋兩個人都唔洗$300 而且服務都幾好而家冇得去旅行 有時都幾掛住泰國嘢既味好食大家可以嚟試下！！

去旺角行完街都已經2點幾呢個時候都唔知食lunch 定tea好🤔見到呢間餐廳嘅午餐只係40幾蚊 仲要去到5點半都有供應就即刻揀左呢間入去食🤩果然又抵食又高質 唔怪得食客都絡繹不絕😛.🌟阿來海南雞飯 ($54)做得全日套餐就知佢係餐廳嘅招牌菜食過就知果然唔會失望😋海南雞嘅雞肉好滑 最厲害係連雞皮都好滑再加埋香噴噴嘅黃油飯真係好好味🍚.🌟泰式滷豬髀清湯金邊粉 ($44)至於呢個午市湯粉套餐嘅金邊粉份量都好大🍜蘿蔔煮得好腍好入味又無渣豬髀亦都滷得好好 好似食左好多骨膠原咁😌.🌟牛肉紅咖喱 ($68)紅咖喱用料十足 所以食落感受到豐富嘅味覺體驗🍛咖喱入面有蔬菜 例如豆角、菠蘿同蕃茄 全部都切到細細粒仲有好多牛肉真係好超值.🌟蒜茸包(4件) ($25)食紅咖喱最好就係加個包一齊食蒜蓉包新鮮熱辣脆卜卜🥖而且佢夠挺身所以用黎點咖喱食真係好夾.🌟芒果糯米飯 ($58)食完咁多主菜當然要加埋個甜品先完滿我地就點左泰國最出名嘅芒果糯米飯🥭糯米上枱嘅時候仲係熱辣辣而且芒果超甜 加埋香滑嘅椰汁糯米飯真係絕配份量亦都幾多可以同朋友share食🤓.餐廳仲要全日都免加一 服務都唔錯而且食物亦都煮得好地道

#旺角美食 #小蓮星呑食旺角🔻 阿來泰式地道風味旺角通菜街97號地舖///🧃泰式鮮蝦冬蔭公湯(小) $78之前食過幾間泰式餐廳，冬陰公質素都麻麻地，呢間餐廳嘅冬陰公終於都有板有眼，酸酸辣辣，有啲creamy嘅感覺, 他都有幾隻，而且一啲都唔霉，幾爽幾彈牙。/🧃泰式生蝦刺身 $98天氣好熱，所以忍唔住嗌左生蝦刺身，生蝦好鮮甜爽口，上面嗰舊辣椒係真係一舊辣椒，而唔係一片辣椒，都幾辣😂😂最欣賞個汁，酸酸甜甜好開胃。/🧃蒜蓉包 $25$25有四片，好抵食！上面yum滿牛油同埋蒜蓉，脆卜卜，夠晒香口！/////#food #foodie #hkfood #hkfoodie #foodporn #foodstagram #hkfoodblogger #foodblogger #foodlover #foodphotography #hkig

食完已經兩點都仲有人排隊，星期日都有lunch set，仲要只售$48包埋嘢飲，超抵食！椰汁青咖喱雞飯 $48好多飯，大概有2碗多啲，雞肉全部都係無骨，啖啖肉，青咖喱有少少酸辣，有啲似冬陰功味。泰皇咖喱炒軟殼蟹 $108好好食，十分推薦尼個！大概有4舊軟殼蟹，炸到好香脆而又唔油膩，咖喱汁唔辣甜甜地，椰汁味濃郁，啲汁攞黎拌飯或者沾包一流。芒果糯米飯 $58第一次食尼個甜品啲飯係熱嘅，芒果好甜，椰汁多到蓋過成個糯米飯，椰香飯煙韌。

🍴辣椒膏炒大蝦 $158大蝦先炸過再落辣椒膏炒，紅噹噹咁其實都驚幾辣，結果食落去又唔係真係好辣，反而甜味較重，炸過嘅蝦好惹味香口，食得出啲蝦肉都係爽口彈牙。🍴飛天通菜 $68好夠鑊氣，有啲炸蒜又有啲辣椒，惹味香口！通菜一啲都唔老，又唔會好水好油，唔錯！！！！🍴椰青 $35例牌一定要叫椰青，一樣係非常鮮甜，再正啲嘅地方就係啲果肉唔知點解好易刮出嚟，foodie friendly!!! I love it!!

平時夜晚經間旺角見到呢間泰式餐廳，長期擺滿人龍，今晚終於有機會試下dinner! 入面有兩層，不過都全院滿座，價錢十分經濟實惠，難怪吸引了很多年輕學生幫襯！我地點了二人餐C $378 免加一。套餐包一份鮮蝦冬陰公湯，可見足料，充滿香茅椰汁香味，都好夠辣，酸酸甜甜好開胃！小食炸蝦餅，外皮香脆，熱辣辣！套餐選了泰式豬手，滷得好入味，豬手好淋，充滿骨膠原，送飯真係一流！仲有飛天通菜，解下油膩感。主菜叫了青咖喱雞配蒜蓉包，蒜蓉包沾滿咖喱汁好惹味，雞件啖啖肉又嫩滑，配上泰式茄子，好正宗泰國菜。隨餐附送兩杯飲品，可點泰式特飲，要了三色冰同龍眼水，一解濃味感！

好耐之前已經諗住試吓阿來，今日咁啱要喺旺角食晚餐，於是同朋友就一試阿來。餐牌價錢非常之化算。我哋揀咗四款價錢介乎喺$68至$78之間嘅餸，包括：海南雞例牌：份量絕對唔少，雞肉好滑嫩，個醬嘅味道都好好。沙爹串燒半打：沙嗲份量非常之豪邁，雞肉同豬肉串各3串，雞肉幾彈牙，豬肉串略嫌少少乾，但都接受到既。。肉碎生菜包：肉碎味道合適，份量又多！生菜幾新鮮。金柚子鮮蝦沙律：有好多柚子😀鮮蝦3-4隻，蝦籽都有不少，又香又清新😋總括：性價比高，泰味地道。👍🏻

位於旺角西洋菜街，紅Van站旁邊的「阿來泰式地道風味」經常都座無虛席，皆因這裏的食物質素高，價錢合理，又免加一。今天和家人去旺角Shopping，之後來到「阿來泰式」食晚飯，order完不夠10分鐘已上晒菜，速度非常之快。《海南雞》半隻$128海南雞果然是招牌菜，雞皮薄得透徹，皮下脂肪略有少許，雞肉肉質鮮嫩幼滑，絕對美味。《火山軟殼蟹法包》$148這個法包很震撼，超多的軟殼蟹加上大大個法包，淋上咖哩汁，簡直令人食指大動。咖哩汁一點都不辣，取而代之是香濃的味道，和法包非常匹配。《菠蘿炒飯》$58雖然不是原個菠蘿上，但不減它的美味，大大碟，比原個菠蘿的份量還多。飯內有很多菠蘿，還有蟹柳，提子乾……混合埋肉鬆，正《泰式海鮮濕炒河》$64濕炒河配料很多，有蝦、蟹柳、椰菜、草菇、栗米芯……感覺餸比河粉還要多《蒜蓉炒椰菜苗》$68街市買椰菜苗比一般的蔬菜貴，這碟椰菜苗炒得青翠可口，非常清甜。「阿來泰式」簡直是平、靚、正，怪不得經常人頭湧湧啦！

美食天堂-「旺角」真係好多選擇，今次揀咗呢間泰式小店，係因為近站，天氣開始熱，唔想行到身水身汗，睇返menu都有好多item, 當中見到我最愛嘅泰式傳統美食！泰式鮮蝦冬陰公湯～酸辣比例剛剛好，而且好多湯料，當中既鮮蝦數量都唔少，而且夠哂彈牙大隻！yummy! 泰式咖哩軟殼蟹包～軟殼蟹炸到非常酥脆，口感一流！包包索哂咖哩汁，夠哂味，而且份量好大，一定覺得夠哂飽肚！本身MENU只有三色冰，問吓店員可唔可以走「三色」(即只要椰汁)，店員都好NICE，即時答應咗，GOOD！

約咗朋友在旺角食晚飯，但因為不是太肚餓，所以想輕食...突然想起旺角先達附近的「亞來泰式地道風味」，之前已經很想試，因為朋友話好抵食，那麼今晚就係決定這間吧！店舖不太大，但坐位之間的距離也可以，不會覺得擠迫🤗例牌海南雞$78，份量不少，還有我至愛的雞鎚，雞不會太肥，可以連皮一起，肉質鮮嫩又夠滑！配埋個酸辣醬更惹味！下次要連油飯一齊食🤪泰式小食併盤$138，有大大隻的炸雞翼👍🏻有外脆內軟又彈牙嘅炸蝦餅👍🏻又有惹味的炸魚餅和香脆的炸春卷...🤗再來一杯椰汁三色冰走三色🤣🤣滿足的輕食晚餐😝😝

上網見呢間泰國菜評價幾好，今次專程同fd約食lunch🇹🇭首先叫左個海南雞🐓🐓啲雞肉好滑，而且全部去骨，配有泰式辣汁，好味又方便食👍🏻冬陰功湯🥣每次去泰國餐廳必叫嘅湯～今次呢碗湯都冇令我失望，湯底都幾濃郁，帶少少酸甜，好開胃～都配有啲菇類🍄同埋蝦🦐串燒叫左雞&牛串燒，即叫即燒，熱辣辣上枱～肉偏硬身～咖喱炒軟殼蟹🦀咖喱味幾濃烈，係甜咖喱嗰種～軟殼蟹亦都夠香脆💓汁燒魷魚正正常常，不過等待需時👀

因為疫情不能出外旅遊，能解思鄉之愁的，就只有去吃當地菜式。讓我們今晚去旺角來一趟泰國之旅吧！這家店超級旺場，週末晚餐時段來遲兩步就要等位了。食物選擇多，價錢不算貴。當然先來支泰國象啤，飲勝！希望在不久的將來能真的去泰國玩啦！清新、微甘的味道，讓精神為之一振。然後就是我和男友當年在泰國旅行時，逢午晚餐都必吃的馬拉盞通菜。無他，我倆就很喜愛馬拉盞的鹹香跟微辣，這種誘人的味道加上爽脆的通菜是一絕配。既然有數款咖喱，就試試紅咖喱雞吧！它的顏色偏淺啡，濃稠的咖喱汁充滿椰子香，味道清甜，只有微微的辣度。配料的份量十足，除了柔軟的雞柳，還有薯仔、車厘茄、四季豆等蔬菜，增加咖喱汁的甜味。主食方面，我們選了辣椒膏蝦頭油海鮮炒飯，飯粒分明，感覺清爽。飯粒面可見小辣椒塊，吃下去香口帶微辣，但是會愈吃愈辣。這時候，剛才的椰香咖喱汁就非常適合用格撈飯了，味道好夾！海鮮除了大大隻蝦，還有魷魚、八爪魚和蟹柳等，爽口彈牙。兩個人吃不到很多，三碟已經很滿足。每碟都份量十足又充滿泰國風味，值回票價，能理解為何有那麼多客人了！

疫情之下真係好多朋友成年都冇見過面今次就同第2個朋友去食泰國菜因為呢個都朋想食泰國菜式好耐但疫情問題又唔可以飛去泰國,所以盲約我去食泰國菜所以今次搵到呢間餐廳, 睇人講好似都唔錯餐廳環境都唔錯, 都算坐得舒服整體味道其實都OK, 而食物種類都正確而且都有齊泰國菜嘅食物味道方面岩香港人口味, 舍人鍾意佢個黃咖哩幾香送飯一流

今日出咗旺角買嘢，朋友話想食泰國菜，但我又處於糧尾狀態唔想食咁貴，上網就搵到原來喺旺角都有呢間阿來泰式地道風味，因為我喺長沙灣食過，覺得呢間阿來性價比高，於是就帶朋友嚟呢度搵食。呢度嘅午市時段好多人幫襯，原因好簡單就係因為夠晒平，午餐只需要$48已經包飲品，就算轉特飲都只係加$5，以今時今日嘅物價而言，真係物超所值，所以大受歡迎。我呢個窮等人家就選擇咗食午餐啦，呢個泰式炒金邊粉帶少少酸酸甜甜，金邊粉彈牙，而且都有好多配菜，算係相當豐富。加$5就可以轉特飲，我就揀咗咁椰汁三色冰，冰凍好味又唔太甜。炸蝦餅非常彈牙，雖然已經切開咗一半，但每件都仲係大大件。朋友揀咗黃咖喱牛腩煲，黃咖喱香而不辣，最鍾意配薯仔，真係好夾好好食。牛腩都煮得夠林，另外仲有洋蔥、青椒、番茄仔緊配菜，非常豐富。食咖喱一定要配蒜蓉包，咁先係完美配搭，蒜蓉包有四件，焗得非常香脆，而且都係大大件，正！最後因為仲有好多咖喱汁，所以仲加多咗碗白飯嚟撈汁，真係完美嘅一餐！