阿久根和牛拉麵屋

營業中

休息中

今日放工嚟咗旺角呢間和牛見稱嘅阿久根和牛拉麵屋。總共試咗兩款湯底，分別係黑蒜油同海蝦湯，食落各有特色。☄️黑蒜濃湯慢煮A4和牛叉燒拉麵($158)黑蒜味道啱啱好，唔會太濃搶晒其他食材嘅味，亦唔會太淡。A4和牛嘅油脂分布得好好，咬落去越嚼越有味。麵質算係掛湯，不過有一點美中不足，就係麵冇硬度選擇，對於喜歡口感偏硬嘅食客可能會有啲失望。☄️香濃海老湯慢煮A4和牛叉燒拉麵（158）湯底蝦味濃郁，口味偏重，非常適合喜歡重口味嘅朋友。流心蛋加上鮮甜嘅湯底非常邪惡，食落滿足感十足。☄️雞軟骨餃子($48/4件)餃子偏長似鍋貼，皮比較薄身，裡面包住粒粒雞軟骨，口感非常好。不過建議盡快食用，否則焦香嘅表皮會變腍，影響口感。總體而言，呢兩款湯底各有千秋，無論係黑蒜油定係濃郁嘅海蝦湯，都值得一試！舖頭位置唔算多，平日夜晚6點半去到都坐得七七八八。要食嘅朋友要早少少嚟啦。

位於煙廠街長期排隊嘅日式拉麵店，店內座位大概十至二十個，係傅統嘅拉麵高腳櫈，平日夜晚去到都要排半個鐘先有得入去。點咗其中一款招牌嘅慢煮A4和牛叉燒拉麵🍜 Slow Cooked A4 Wagyu Ramen，揀左黑蒜油湯底，蒜味香濃🧄都幾厚身，所以掛湯嘅麵條啖啖都有濃郁嘅蒜香，細麵嘅拉麵麵質🍜，入口爽身小小彈牙，唔會煮過龍，配埋生洋蔥嘅配料，辛口風味令成碗拉麵唔會太單調。重點嘅和牛牛肉厚義適中，唔會太厚難嘴嚼，牛肉仲食到和牛本身嘅鮮甜味，雖然只有兩塊，但亦令人非常回味🥢下次嚟應該會加多啲肉嘅配料😋

牛小排 味噌蝦湯沾麵牛小排上枱時偏生，一開始仲擔心緊🥶🥶🥶。最後經熱湯（沾麵）滲兩滲已經食得啦🤣牛小排整體嚟講肉味鮮甜，冇羶味，肉質軟嫩，易入口。肉量雖然睇落唔算多，不過食食下覺得其實份量都夠，因為太多塊肉會幾膩下。湯底方面，味噌味唔會話好强，伴隨著恰當既蝦味，味道啱啱好👍🏻👍🏻 食完碗麵其實建議加糖，不過因為太飽冇做到三色拉麵（黑蒜湯底）豚肉、雞肉、A4和牛搵有粗身麵揀😍係最鍾意既拉麵粗度，和牛好食，油脂比例豐富；雞肉相對下無咩特別；豚肉厚身，似厚叉燒，略為偏肥，食落唔會太乾同硬。如果三塊肉可以大塊少少。。。。。。會開心d😀😂黑蒜湯底相對無太大驚艷嘅感覺🥲值得讚係，作為蔥控既我，呢到拉麵碗碗都超多蔥！ 大愛！

在旺角廣華醫院附近的街市，雪廠街隱藏了一間唔起眼細細的拉麵店。估唔到未到7:30pm, 已經有人喺出邊排隊。入到去超似置身日本的居酒屋嘅感覺，同朋友把酒談心非常適合。招牌三色拉麵(豚肉，雞肉及A4和牛）濃厚味噌蝦湯，在麵上面已泄滿了蝦米。飲落超有蝦味，非常香嘅海鮮湯。味噌令蝦湯提升了鮮味，仲送上一塊脆身的紫菜。拉麵碗內擺放了豚肉，雞肉，仲有A4和牛。滿足晒完全唔想諗嘢，又想試晒所有嘢嘅人必叫拉麵款式。裏面仲有一隻糖心蛋附送，陪上濃厚蝦湯非常match。A4和牛入口即溶無得嘆。味自慢炙燒豚肉拉麵超豐富，有三件厚身燒到金黃色嘅豚肉，仲有好多蔥絲喺放在拉麵上面。豚肉非常肥美，食落去好飽肚，非常香濃的豬味。 再陪上濃厚雞白湯，飲落去非常補身及提神。枝豆份量都算多，食落非常之新鮮健康，好香豆味。

為左滿足日本胃，而且好耐無食沾麵，所以搵左間有沾麵既拉麵店，同先生去撐下枱腳。入到鋪頭有濃厚嘅日式風格，仿佛自己去左日本當地小鋪，入面唔大，但係感覺幾溫馨我地1點左右入座個陣唔洗排隊，一路食一路開始多人黎光顧啦。我同先生分別叫左一個拉麵，一個沾麵。拉麵揀左招牌三色拉麵，沾麵揀左慢煮安格斯牛小排沾麵。先講招牌三色拉麵，揀左香蔥醬油湯。拉麵一上枱已經聞到好香既香蔥味，望到拉麵上面鋪咗雞肉、燒豚肉、A4和牛同埋糖心蛋，好豐富急不及待要拎起筷子開動了。湯底超濃厚同埋好勁蔥味，鐘意香蔥嘅人一定唔可以錯過哩個湯。肉方面，雞肉，燒豚肉同和牛嘅肉質都好嫩同好有入口即溶嘅感覺，特別係個燒豚肉，都做到入口即溶，油香在口，即刻滿足左。麵屬於幼身麵，麵質彈牙，流心蛋都做到流心效果仲要拉麵份量比起係出面食既多，先生表示都好飽。之後到慢煮安格斯牛小排沾麵，我揀左香濃海老湯。超級有驚喜。一上到枱你已經聞到好濃既海老湯味，而且你見到碗沾麵湯係一路起泡， 卜卜卜卜好有視覺同埋味覺既享受。慢煮牛小排既肉又係好嫩，對於又鐘意食沾麵，又鐘意食牛肉既我表示好滿足麵屬粗麵，咬口彈牙，而且非常掛湯食沾麵其中一樣最重要嘅野就係個麵掛

阿久根和牛拉麵屋，位於旺角廣華街，拉麵小店，感覺幾和風🎌吧枱位置都舒服，可以望住入面既師傅整拉麵，我咁啱望就燒緊牛同剝緊糖心蛋🤤好正，主打幾款配料豚肉、雞肉、和牛，湯底好吸引🤞🏻黑蒜濃湯燒和牛肩胛拉麵，忍唔住揀左黑蒜油湯，實在太香太吸引😆啲黑蒜油好多，個湯就好濃👍🏻飲⼀啖就返唔到轉頭🥹必試，即刻要試麵，幼身有蛋味，幾彈牙，非常掛湯，勁好味❤️‍🔥淨係湯同麵已經超班，配埋糖心蛋，真 · 爆汁💦加落蒜湯食無得輸燒和牛肩胛，外面超濃牛油香，少少半熟口感好好，同蒜湯同大葱都係好朋友😘雞軟骨餃子，推介，長條形，外皮超級香脆👍🏻唔會太厚，餡料雞軟骨口感好特別，好味，配餃子汁都好正😋好高質既拉麵店🍜亦非常啱香港人既重口味，又濃又香又正，拉麵控召集喇喂😎

是咁的，呢間店我會去探一探嘅原因，主要因為，一，乜Q出名嘅店我已經食過，二，呢間係星二代開架喎，至於邊個星二代，自己去概要望吓啦。《燒牛肩胛拉麵🍜》香味 (3/5) - 都幾香。因為蔥同牛肉有鋪响面，蔥香同燒烤嘅香味係最明顯。湯 (1/5) - 其實呢，我係衝住食牛肉而來，湯方面，我從自已個人喜好同認知，揀左蒽香醬油湯。呢道近乎每一款拉麵，都可以任配湯底，即係話，呢款燒牛肩胛可以任揀蝦湯，雞湯，黑蒜湯，醬油湯同辣湯。咁自由配搭好少見，你可以話好或唔好。。。好，夠自由；唔好，理應廚師會幫食客揀左最適合嘅湯底去配，比人任揀有d唔專業feel。點都好，呢個蒽香醬油湯，係前所未有飲過最鹹嘅，鹹到係，食左幾啖就想放棄。湯本身味道係唔差，但鹹度冇控制好就直接 soyonara，比一分都嫌多。不過，我同店員講，太鹹想加湯，佢好好態度地幫我加，過程中我冇覺得佢覺得我煩，所以服務方面我係有加分。加左湯之後係好食好多，但要客人主動開口，鹹度先剛好已經係 nonono。麵條 (3/5) - 中細麵與中太麵之間，直身，算爽口，麥味正常。配料 (2/5) - 叫得燒牛肩胛拉麵，主角當然係牛肩胛啦。可惜，又韌又柴

阿久根和牛拉麵屋位於廣華街，小店位於轉角位置。裝修好有日本傳統風格啱啱喺日本返嚟唔夠一星期，已經好掛住日本拉麵🍜見今日打風唔使返工，梗係出嚟食🤣每個拉麵都包括咗紫菜、大蔥、糖心蛋。味自慢灸燒豚肉拉麵：豚肉肥厚適中，表皮微微燒過，炆得好腍～拉麵彈牙，湯底濃郁，表面鋪左好多櫻花蝦同埋大蔥，熱辣辣拎上枱好吸引沾麵：店家好細心有一張memo card提示客人品嚐沾麵嘅方法。沾麵湯底放在一個石頭鍋內，上枱嘅時候仲keep住滾～先讓一小撮嘅拉麵浸入去秘製醬汁，我哋order咗偏鹹嘅濃厚味噌蝦湯，湯頭裏面嘅蝦味非常濃郁，每條拉麵都掛上濃香醬汁，入口好吸引！配菜係豚肉、雞肉、A4和牛，和牛嘅脂肪分布均勻，肉質超級柔軟～食完拉麵之後同師傅示意再加清湯落去醬汁度，變成鹹淡適中嘅蝦湯，不過因為份量太多，真係飲唔晒🤣另外再加咗兩個限量小食：唐揚雞件及限定日式餃子，炸雞表皮金黃酥脆，入邊嘅肉質Juicy，加埋沙律醬可以減輕油膩感覺日式餃子熱辣辣非常開胃，表皮好薄，點上酸酸地嘅餃子汁，好開胃，難怪隔籬枱都有order呢個小食~

去到旺角有一間秘密啲嘅拉麵店～行到去廣華街嗰邊，靜靜地有間餐廳，見到有和牛拉麵就入咗去餐廳環境細細間幾清靜，入到去用QR code落單，I人唔使擔心落單問題。睇餐牌，原來仲有拉麵同沾麵揀，每款都有唔同味，好多選擇。今次去到就揀咗牛小排沾麵，牛小排好香牛味，就咁食比起沾湯更好食。沾麵麵質好彈牙，加埋濃厚嘅味噌蝦湯真係唔錯。雖然落單嗰陣有寫味噌蝦湯會偏鹹，不過其實又唔會鹹到食唔到，個人覺得鹹淡到適中。蝦湯加埋牛小排真係絕配。都可以一試

在這邊逛逛街，突然想起這邊有間濃郁蝦湯味嘅拉麵館，就嚟encore一下！依稀記得上次食嘅和牛超正，不過今次試新嘢，食豚肉。先來日式餃子熱熱身，煎得夠脆同爆汁，而且特價勁抵食！味自慢灸燒豚肉(拉麵) 👉🏻這款拉麵我們加配料黑蒜湯，這個湯底也10分值得推介，黑蒜味香濃，而且味道是真蒜蓉不是味精。豚肉也是一等的，香綿軟滑的口感，油花四濺的芬芳，立即吃出幸福感來。燒牛肩胛(拉麵) 👉🏻濃蝦湯真的10分香濃，而且加入了大量京蔥和櫻花蝦，曼妙的構圖立即氛圍感拉滿。牛肩胛肉也很不錯吃，滿滿的牛肉香，配上拉麵滿好吃的。然後每款拉麵基本上都會有一顆流心蛋，流心做得剛剛好，還每一口都醬油味拉滿，超好吃！

「阿久根和牛拉麵屋」好濃厚日式風格。店內環境仿如日本橫街小巷的地道小店，提供約 15 個座位，座位安排為單邊形式。在繁忙時段需要等候座位，幸運的是我們約在下午3點到，避開了午市高峰，人數不多，無需等候。燒牛肩胛拉麵 $99這碗拉麵的牛肩胛燒至七成熟，黑椒燒香，肉質爽口，比起和牛叉燒更有嚼勁。搭配濃厚味噌蝦湯，香氣濃郁，鮮味十足，就像是放了數百隻蝦去煲一樣有趣。招牌三色拉麵 $128這款招牌三色拉麵果然名不虛傳，份量豐盛，包含慢煮 A4 和牛、雞肉、燒豚肉。經過炙燒的豚肉帶有微焦香，雞肉滑嫩，和牛則口感豐富。配上幼身麵條和香濃湯頭，味道相得益彰。日式餃子$ 29日式餃子有四隻，餃子皮薄餡料豐富，內餡是以韭菜和豬肉為主。每顆餃子都充滿豬肉餡料，沾上帶有柚子風味的餃子醋，令人感到滿足。阿久根和牛拉麵屋地址: 旺角廣華街13號廣輝大廈地下1號舖

留港消費 旺角隱世沾麵店🍜可能餐廳比較細 所以即使閒日6:30pm黎都要排隊😳💁‍♀️湯底: 雞白湯 黑蒜濃湯 味噌蝦湯 香蔥醬油湯 激辛湯💁‍♀️餸: 灸燒豚肉 燒牛肩胛 慢煮雞 慢煮a4和牛 煎虎蝦💫 慢煮A4和牛味噌蝦湯 沾麵 $168 + 灸燒豚肉 $15塊鹿兒島和牛係低溫慢煮7hr 至2/3成熟 先再灸燒🤪難怪食落咁腍 有入口即融嘅感覺 燒得好香 肉味濃👍個蝦湯舖滿櫻花蝦 佢有備注話好鹹 所以有心理準備🤓但重口味嘅我表示很ok 超濃厚 吸引哂蝦湯嘅精華😍麵質煙韌 掛汁一流 / 燒豚肉重油脂香 加錢試下幾好🤪💫燒牛肩胛 雞白湯 拉麵 $99 + 慢煮雞肉 $15因為上面個碗太出色 所以相對上呢碗會比較失色🫣湯底都鮮甜 真係飲得出雞味 不過我中意泡系雞白湯😂牛肩胛都燒得好香 原來慢煮雞肉係有醃過 但小鞋🤏🏻😍呢個價錢食到慢煮+灸燒嘅a4和牛+勁濃蝦湯=抵!!!

阿久根和牛拉麵店係我幾鐘意嘅拉麵店👍識食一定係食佢嘅招牌三色拉麵😋係一道令人經常回味嘅美食，完美結合了豚肉、雞肉和A4和牛，每一啖都充滿驚喜😋湯底採用濃郁的雞白湯，經過長時間熬煮，湯汁醇厚，帶有淡淡的雞香，讓人感受到溫暖和滿足☺️拉麵的麵條彈牙，與湯底相得益彰，吸附了湯汁的精華豚肉經過精心醃製，燒到少少焦，肉質鮮嫩，口感滑順；雞肉則保持了原汁原味，肉質鮮美而A4和牛則是這道拉麵的亮點，肉質細膩，入口即化，帶來奢華的享受🤤搭配店舖特製嘅糖心蛋及紫菜，令成碗拉麵色香味俱全，令人一試難忘😋可樂唔少得呢款睇落都唔錯，下次要試吓先☺️📍阿久根和牛拉麵屋 (旺角)旺角廣華街13號廣輝大廈地下1號舖#旺角美食 #旺角餐廳 #旺角拉麵 #阿久根和牛拉麵屋 #香港拉麵 #拉麵關注組 #雞白湯 #海老湯 #濃蝦湯 #和牛拉麵 #美食推介 #人氣美食 # 人氣推介#yummy #foodie #hkfoodie #diaryrubbish

今日放工喺旺角附近搵嘢食估唔到廣華街呢邊開咗咁多新嘢食呢間拉麵店雖然唔係好大但係裝修好有日本特色仲有沾麵食我哋六點幾去到已經差唔多full晒 仲一路keep住有人等位係用手機QR code落單 都幾多種類可以選擇我哋揀咗一個雞白湯炙燒豚肉拉麵同埋一個慢煮A4和牛沾麵 大家share一齊食雞白湯拉麵湯底好惹味 啲麵好彈牙有三大塊炙燒豬肉 仲有流心蛋好出色拉麵份量都好多菜單好細心寫咗海老湯有啲鹹所以我哋就揀咗黑蒜湯 今日唔想食咁重味而沾麵用石頭鍋裝住黑蒜濃湯 粗拉麵好掛汁和牛肉質好鮮嫩 油脂分布平均 份量岩岩好野飲叫左白桃烏龍同埋荔枝烏龍解解渴本身仲諗住叫雞皮餃子，可惜今日售罄唯有下次再過黎試下佢滿足

：未可以出發去日本🇯🇵既我決定要食碗拉麵醫一醫個旅行心病先今日去左旺角覓食. 走左入左一間小店以居酒屋裝修既拉麵小店🍜食左⋯⋯⋯#招牌三色拉麵 係一次過食哂三款 有雞肉 和牛同埋豚肉 當中既和牛有火炙過 🐮味道都唔錯 而且湯底都非常香濃 麵條軟硬適中 #香煎虎蝦沾麵 係人氣的蝦拉麵 🦐超濃郁蝦香醬汁KEEP住煮住上枱 超滾動 拉麵口感煙靭 掛湯能力不錯 最後我地仲加埋高湯飲左幾啖 可以再食重點係兩款麵食都有流心蛋 流心得嚟仲有啲醬油味 食完會回味唯一係小店以高櫈為主, 帶住小朋友就好難坐低食啦可以兩公婆去獨食🤭🤭