阿久根和牛拉麵屋

營業中

休息中

喺呢條街附近都有好多人氣嘅食店，呢間拉麵店相對等位比較快，所以就吸引左我呢類好快肚餓嘅人。一行到去門口店員已經好熱情咁打招呼同埋量體溫，店舖採用嘅自動售賣機係俾大家先付款點選嘢食，再坐低慢慢等，而係過程之中店員亦都好熱情咁樣去解釋你有興趣嘅食物，服務真係好好。清新自選雞白湯拉麵，雞白湯拉麵我都食過好幾間，呢間未算係最濃郁，但係容易入口而且感覺唔油膩，雞肉己有誠意因為上面有啲黑椒同埋香料，並唔係純粹白烚，雖然只有四件，但係配上筍、糖心蛋等等嘅配料其實都夠女仔飽，最愛入邊嗰隻半凝固也有少少留心質地嘅糖心蛋。面質來講係比較幼身爽滑爽口嗰種，上一次食嗰間呢就比較咬口好啲，真係鹹魚青菜各有所愛。沾面反而更加出色，尤其是係舊叉燒一定係首選，睇住師傅慢慢烤出嚟，香味油脂同埋肉質配合得非常之好，比起雞肉更加搶，麵質相對粗身硬d,但我更喜歡！沾麵黎講湯唔算鹹，係恰到好處嘅鹹香，不過份量來講我估對男仔來講就比較少，可以再加多個小食或者另外再加一啲面，喺自助售賣機嗰陣時可以唔使叫住，因為坐低食食吓可以另外掃qr code 加，好方便。我哋仲叫咗個沖繩苦瓜餃子，不過食得太開心未影相苦瓜味亦都係啱啱好，外皮係淺

拉麵真系香港人好中意食既野，可以用一個$100以內既價錢就食到一碗美味既日式拉麵，真系夫復何求？入面仲要有年輕人好中意食既叉燒同埋溏心蛋，吾知其他人系咪真系咁中意，至起碼我會覺得好正🤤香港既拉麵店雖然都幾多，不過有雞白湯同埋龍蝦湯既拉麵店又有幾多間呢？仲記得之前食過x鶴拉麵同埋中環x銀兩間雞白湯拉麵，印象好深刻，不過知道香港冇乜邊度可以食到雞白湯拉麵，竟然今次比我系旺角廣華街搵到一間雞白湯拉麵既日式小店，一定要試試。值得一提嘅係，門口隔離有好多個許願牌，見到牌上面多數都係寫住支持小店嘅字句，大家去幫襯嗰陣都不妨寫寫鼓勵嘅字句。一入到去座位唔算多，好似普通拉麵店嘅裝修咁，不過俾人感覺都算舒服嘅，牆上面嘅龍蝦圖案好可愛小食方面先叫左雞皮餃子，餃子就食得多喇，雞皮餃子真系第一次食😂就咁睇個樣其實一d都吾似餃子，反而似炸雞翼多d。第一口咬落口質感好脆，但炸粉吾算好多。入面既雞皮都幾滑，話油膩就一定會有少少，始終系雞皮嘛，不過感覺都吾會話好漏。首先黎左一份慢煮薩摩雞雞白湯拉麵，好耐冇食慢煮既食物，爭d吾記得左慢煮既味道系點樣的。雖然只有3片雞肉，食完都夠我回味無窮。雞肉好白，系慢煮既雞肉冇錯，食

今日得閒，再去食下阿久根拉麵～（小編好鍾意食拉麵，已經食均全港多間拉麵店！叫我拉麵達人～）呢間旺角分店位於油麻地同旺角之間，上次食咗黑蒜濃湯系列，今次食返清淡啲，哈哈！小編今次食既係灸燒豚肉～豚肉肥瘦相間，肉質不鞋口，味道亦充足，不錯，大大塊一野咬落口，一個字：爽～而湯就係清湯，有好淡既雞味，老實講，不錯～麵就普普通通啦！哈哈～另外亦食咗個小食：炸薯配芝士醬，食落外脆內軟，好香既薯味，係好食既～不過點一份夠啦（食得多好易滯）

以前會覺得香港嘅拉麵都普普通通，不過近呢兩三年開始發掘到啲正嘅拉麵店😚今次就介紹一間係旺角嘅濃湯拉麵店🍜🍜慢煮薩摩雞雞白湯$78啲雞肉好嫩😋 雞白湯味好正已經唔洗叫濃厚版本，飲完亦唔會覺得口渴，麵條亦都軟硬適中！🍜炙燒豚肉濃蝦湯$80蝦湯底味道十分足夠，濃郁亦唔會過鹹！👍麵條同肉質都唔洗多講總之就好食

我最初以為「阿久根和牛拉麵屋」裡面的「慢煮 · 和牛 · 龍蝦湯拉麵」，按道理應該不會像上次光顧的「阿久根和牛立燒店」燒烤套餐裡面日本「和牛」牛肉，「和牛」實際份量少極有限吧。結果我再來到旺角，光顧享用過「阿久根和牛拉麵屋」裡面的「慢煮 · 和牛 · 龍蝦湯拉麵」之後，發現「慢煮 · 和牛 · 龍蝦湯拉麵」裡面的「和牛」牛肉，比「阿久根和牛立燒店」套餐裡面的「和牛」更少。我計算過「阿久根和牛拉麵店」「慢煮 · 和牛 · 龍蝦湯拉麵」實際製成品裡面的「和牛」牛肉，大概只有不過五塊，而且拉麵裡面每一塊的「和牛」牛肉，都被切得非常之薄。所以即使「慢煮 · 和牛 · 龍蝦湯拉麵」裡面還有五塊和牛，但是每塊和牛實際上都是薄得，入口後感覺有如「水過鴨背」，完全沒有一般應該有的牛肉豐盛口感感覺。加上「阿久根和牛拉麵屋」裡面的「慢煮 · 和牛 ·龍蝦湯拉麵」顧名思義，拉麵裡面的湯底都不是傳統豚骨湯，而是以龍蝦肉煲成的「龍蝦湯」湯底，整碗「慢煮 · 和牛 · 龍蝦湯拉麵」的「牛肉」味道變得更淡薄。「阿久根和牛拉麵屋」「慢煮 · 和牛 · 龍蝦湯拉麵」這個拉麵名稱，就立刻變得有點不夠實在，「和牛」牛肉原本

收工出左去旺角買野, 順手食埋dinner先返屋企廣華街附近都幾多餐廳揀, 不過今日個胃口想食拉麵類見到阿久根就係正對面, 就入左去食啦佢地既拉麵幾多款式揀湯底有幾種, 包括有雞白湯、濃蝦湯同埋魚湯魚湯我麻麻地...雞白湯又驚佢太清淡....最後我揀左香煎虎蝦濃蝦湯拉麵侍應一送碗麵埋黎已經聞到勁香既蝦味碗入面有一隻大虎蝦, 隻蝦係燒過既, 唔怪得咁香啦拉麵湯底仲加入左大量櫻花蝦, 果真係蝦味濃郁麵條都幾掛湯, 同埋做到我要求煮硬少少, 幾唔錯個濃蝦湯底真係越飲越正, 真心超濃蝦味又唔會過咸, 忍唔住成碗湯飲到見底

經過登打士街附近都見到呢間拉麵店好幾次🍜今次終於嘗試到佢既真味❤️呢間鋪仔雖然細細間 但食拉麵黎講就真係岩岩好今次我係同男朋友黎食 因為我果排皮膚敏感 唔可以叫原隻蝦 所以好想嘗試既我就無緣啦😢一入店鋪 雖然座位唔多 但兩個人就唔會太迫店舖係採取先買飛後送拉麵既形式我地要先係門口部機到點菜我就叫左炙燒豚肉濃蝦湯拉麵 佢一上枱 豚肉既氣味撲鼻而來 有陣類似炭烤既味跟住我再試個湯底 果然名不虛傳 2個字 「濃厚」佢個湯底非常適合我咁重口味嘅人 蝦味十足再配上炙燒既豚肉 非常滿足味蕾另外 男朋友就叫左慢煮薩摩雞濃厚雞白湯拉麵 呢款拉麵既湯底雖然無我果碗咁重口味 但佢個湯底比較清爽 但依然有濃厚既雞味佢個雞係慢煮既原因 肉質比較嫩滑 但唔知因為咩原因呢 我地食完拉麵都瘋狂飲水😂

好開心！😆我個人就好鍾意食拉麵，聽朋友講有間係明星拉麵店，味道唔錯，介紹我去食😎 食完，又真係ok！雖然呢間係食和牛，但我唔食牛，所以我叫左雞肉食，都好好食！為大家介一介紹～🤩呢款係慢煮雞肉湯拉麵，湯無咁濃既就$78一碗，濃D就$90一碗。我叫左濃既版本。首先要講下個湯底，聽聞係煮左一段時間既濃郁雞湯，白色底，睇得出好濃味！之後拉麵叫左煮軟身D，口感對我黎講係岩岩好。最後係款雞肉，又估唔到！雞肉係慢煮，煮到好靚，肉質好軟身，好食呀，再加少少胡椒，吊到味出黎，有雞肉最原始肉香，好食！食食下會有D膩，可能因為濃湯關係，呢個時候就要加D辣椒粉，正，即刻醒神，哈！

我一向都好鍾意去mk 不論係行街定係掃街都係 廣華街附近好多野食 識搵食嘅一定係去果度😋 發現果道新開左間和牛拉麵店 於是就入左去試吓 #和牛上嘅時候係生生地嘅 特登比客人根據自己喜好 整得和牛熟啲或者生啲 只需要浸落沾麵嘅湯到就可以 好方便😋 湯底因為係for沾麵 所以會濃啲同杰啲 #最值得讚嘅係個龍蝦湯底 好香嘅龍蝦味 比起豬骨醫油等湯底創新好多 亦意外地同豚肉好夾😍豚肉好厚身 唔係我地一般食好薄身果種 亦係燒過再放上拉麵的 我比較鍾意佢舊豚肉每舊都係瘦肉同肥糕好易分開 一係就成舊都係瘦豚肉 啱哂又鐘意食又怕肥嘅sis🤪❤ 芝士薯餅配搭沙律醬完全係perfect match店舖比足芝士 舊舊都足料架 啱晒我呢啲芝士控😍而且佢唔會好膩口 當前菜再叫個沾麵或者拉麵就fit哂啦😚

之前和同事到此午餐，這店環保感覺身在日本那樣。入到裡面見到D佈置就令我諗返在博多的拉麵店果種感覺~~~裡面有電子點餐機，而最吸睛係呢塊佈景板~~~同事點了灸燒豚肉·濃蝦湯拉麵，望落感覺好豐富~~~我點了慢煮薩摩雞·濃厚雞白湯拉麵，食落拉麵夠彈口，最重要係個湯夠曬濃味又唔太咸，可以感受到個湯底的鮮味，雞肉唔會韌，整體感覺係好食的我們還點了北海道流心芝士薯餅，薯餅外脆內軟，芝士食落軟熟又唔太重味。配埋玻璃樽裝可樂，感覺真係好爽~~~同事仔話雖然拉麵價錢可能偏高，但睇返材料和味道係值得呢個價錢👍

最近迷上左食拉麵記得朋友早排介紹過一間喺廣華街嘅拉麵小店 餐廳主打A4級和牛拉麵！今日喺附近做嘢決定lunch time過嚟試試～雖然廣華街餐廳眾多 但係拉麵屋嘅裝修好容易望到位置唔多 裝飾充滿日本風本身一心諗住係叫和牛拉麵 但係睇完Menu之後又比佢其他嘅選擇吸引左最後決定叫一個拉麵加一片和牛再加和牛小食！炙燒豚肉濃蝦湯拉麵、慢煮A4和牛叉燒果然無揀錯！呢一個炙燒豚肉真係好好食！厚度適中嘅豚肉 兩邊都輕輕炙燒過 十分香口～而且一啲都唔肥膩食完成碗都唔覺得好滯點都係想試下和牛嘅我 決定追加一片肥美嘅慢煮和牛 油脂分明 色澤新鮮！半入口即溶嘅感覺 香甜嘅油脂香 正和牛餃子超級皮薄 餡多嘅和牛餃子咬落去肉汁滿瀉～ 餃子皮煎得夠香口 三隻一啪即刻食晒Overall價錢同食物質素相宜 我覺得可以encore下一次！

最近天氣凍咗咁多好掛住喺日本嘅時候食一碗熱辣辣嘅拉麵今次上網見到話鼎爺個仔開咗間拉麵店嘩~鼎爺嘅廚藝了得就大家都知啦唔知阿鼎爺個仔開嘅舖頭又點呢？話說呢間拉麵店個名阿久根其實係鹿兒島嘅一個城市我諗應該冇咩人聽過而我當然唔例外啦呢間拉麵店主打係和牛沾麵咁就當然唔可以錯過第一時間就叫咗牛和濃蝦湯沾麵慢煮A4和牛濃蝦湯沾都 $138濃蝦湯既味同龍蝦湯味道非常相似沾麵係用特別粗嘅麵等啲湯汁可以容易掛喺面度而配料有，紫菜，半隻溏心蛋，木耳仲有兩塊 微微炙燒過嘅和牛叉燒兩塊和牛牛味濃郁而且油脂甘香濃蝦湯底入面有少少牛肉同牛脂粒味道係平時西餐廳飲嘅龍蝦湯嘅味道 配埋沾麵食估唔到都幾夾食完麵個濃蝦湯 仲可以飲埋一次過滿足曬我幾個願望我朋友就對沾麵唔係咁大興趣佢就叫咗雞白湯豚肉叉燒拉麵灸燒豚肉雞白湯拉麵 $68個雞白湯拉麵湯底都算濃郁食得出係真材實料煲出嚟唔係味精湯麵質唔錯配料有半隻溏心蛋，木耳絲，筍，紫菜同蔥主菜有三大塊炙燒過嘅豚肉叉燒聞落香噴噴，塊叉燒係油分充足嘅腩位怕肥嘅朋友記住去咗啲肥膏先食呀枱面有三支用試管裝住既辣椒粉分別係洋蔥辣，海鮮辣同埋蒜味辣就咁睇個名都唔知有咩分別於是我哋就三隻都倒咗啲

呢度拉麵嘅湯底好濃厚，有surprise。試咗兩款拉麵，分別係雞白湯底，同埋蝦湯底。先講雞白湯湯底拉麵，揀左炙燒豚肉，湯底非常濃厚，有膠質，值得一試。而豚肉亦經過24小時入味，好入味，上碟前再炙燒，充滿陣陣香味，每一碗拉麵都有木耳，溫泉蛋，同筍，已拉麵易煮得啱啱好。再試咗和牛蝦湯拉麵，A4和牛經過慢煮再煎香，入口即溶，美中不足只係得太少得薄薄兩片，唔係好夠喉。以蝦湯亦非常濃厚，不過相比之下，雞白湯更加出色。

🌟慢煮A4和牛叉燒濃蝦湯沾麵 $138🌟A4薄切和牛好香好食 但得2塊略厭唔夠喉沾麵煙韌彈牙👍🏻沾汁調味剛好唔會過咸 用石鍋保溫唔洗食到趕頭趕命 驚佢凍👍🏻😌重有必加既糖心蛋😋醃得好入味 正*🌟和牛餃子 $68🌟牛油香味都有既但3粒一口餃子 呢個定價真係偏貴🤨

已經係第三次來阿久根！雖然地方小小，不過唔會感覺逼！而且服務非常好！。慢煮薩摩雞•雞白湯拉麵薩摩雞胸以慢煮方式處理肉質嫩滑👍🏻😋雞白湯味道鮮甜唔會食完口渴！。炙燒豚肉•濃骨湯拉麵火炙豚肉有陣陣焦香肉質偏瘦亦夠香唔會太肥膩💓😌。小食：慢煮A4和牛薄薄一片😯食落口牛味十足超級正！！😋真心推介要食！！。我好欣賞阿久根除左食物好味呢度員工嘅工作態度非常認真細心而且真係好好禮貌🥰。#香港太需要正面工作嘅人