阿久根和牛拉麵屋

營業中

休息中

一直猶豫咗好耐，好奇心既驅使下，今次揀咗呢間拉麵店來試。店內既位置全部都係吧檯型式，裝修風格比較古風，吧檯檯面係木材制既，檯面乾淨，調味料擺設特別，有紙巾及消毒搓手液提供，檯面每格兩位有膠板格住，另外吧檯下面有掛勾提供比客人勾袋。店內拉麵主打係濃蝦湯及雞白湯，配菜有A4和牛以及香煎虎蝦做該店既賣點。我點左普通既濃蝦湯炙燒豚肉拉麵，拉麵既配菜有京蔥，竹筍，木茸，糖心蛋半只，叉燒三塊。炙燒叉燒係使用五花腩制成，肥瘦大約8：2左右，食落唔會好肥膩而且唔會乾爭爭，而且有濃濃醬油味，炙燒後有淡淡焦香👍拉麵湯係濃厚鮮甜既蝦湯， 濃而不膩，唔會好濃稠唔係太鹹，適合大多數人既口味。麵使用中細直麵，因為冇得揀軟硬度，食落比較林，而且有少少鹼水味。😐糖心蛋流心程度有大約7成，食落有淡淡醬油味，好好食😋價錢方面大約80-150左右，同其他拉麵店價錢及份量都係差唔多。本來拉麵店係好似日本買食券既型式，不過好似因為食卷既機壞左轉左人手落單，店員既服務態度很好親切有善，😄👍另外食麵既湯羹係用木材制，用耐左會吸味，變得食麵飲到既湯低有奇怪雜味，有啲可惜。😐

已經第3次幫襯la，第一次係食佢嘅湯拉麵,第二次食佢嘅龍蝦沾麵😊。真係超好食湯底好濃郁，完全係好似將成隻龍蝦熬入湯底，❤因爲我很喜歡吃沾麵配濃濃嘅湯底，加上佢嘅面質感好厚實，還有她的臀肉😋，肥瘦分明，整體一啲都唔油膩，食完非常滿足。💃會繼續幫襯，希望可以keep住水準。好難得尋找到，👍好味嘅沾面。仲有佢嘅雞湯沾面，真係冇得頂💪，食得出完全花咗很多心思去做，雞味很鮮甜，食到最後加咗少少湯，將成個湯底都飲完。我覺得雖然店鋪細細，但係店員服務態度好好，有禮貌地解說餐牌，埋單之後仲送咗一張免費小食卡。

慢煮A4和牛叉燒沾麵 ($148)上次食左蝦湯沾麵覺得好好食，今次試試和牛沾麵，蝦湯好惹味，好多櫻花蝦，和牛燒得好香，好淋，不過偏肥，價錢就有啲貴燒牛肩胛拉麵($98)醬油湯底，牛肩胛厚身，大概7成熟，黑椒喺面，非常香口，幼麵，呢個我覺得好好味沖繩苦瓜餃子 ($48)苦瓜切到好細粒，撈落豬肉，食一啖，會有回甘，鍾意食苦瓜嘅朋友可以試試小亮點：餃子汁 - 好香柚子味 (配餃子好食，加少少落拉麵都好好食)鹿兒島流心芝士薯餅($28)非常邪惡嘅小食😈😈，芝士好creamy，芝士同薯仔係無敵match，不過真係幾飽食拉麵，最重要就係湯底同麵條質感，呢間啱我口味嘅原因就係湯底濃郁，但係唔會好鹹，食完又唔會好頸渴，而且麵條煙韌，不論粗幼都好食另外，雖然店舖細細，但係好多嘢都好有心思，例如調味料（辣粉都有3種選擇：原味，洋蔥，蒜，而且真係幾辣；上面提到嘅餃子醋汁....)

沖繩苦瓜餃子$48餃子一來已經傳來陣陣香氣，苦瓜應該榨汁釀入餃子皮，可能份量太少，沒有苦澀味。咬開餃子，內裏juicy有肉汁，味道中規中矩。炙燒燒豚肉沾麵 配濃蝦湯$102豚肉做得幾好，一層肥肉、一層脂肪。入口軟淋入味，豚肉經火炙燒過後，散發陣陣脂香，入口溶化。這裏的湯底較一般沾麵店的大碗，蝦味濃烈，啖啖都是精華，飲完不會渴喉，味道比拉麵的濃郁兩倍，略嫌有點過鹹。吃完沾麵後師傅會替湯底添加一些清湯，加完後湯底多了一份甘甜。

晚市可以堂食，當然要外出消費支持本地企業，在旺角逛完街就走去搵食。行行吓看到一排食店，選了間日式拉麵店。點了招牌三色拉麵 配濃蝦湯。拉麵湯底濃郁，由大量蝦殼熬製而成。鮮蝦鹹香惹味，而且出奇地湯底濃而不膩，一點肥膩感也沒有！平常吃拉麵點如此濃的湯底，吃到一半就很飽滯，但這個完全沒有。雞肉跟燒豚肉做得不錯，但每款肉類只有一片。溏心蛋不夠入味。拉麵麵條粗幼適中，掛湯能力不錯，吃完拉麵我還把大半碗湯汁喝掉！

唐揚雞件 $38粉漿過多🤢雞肉唔算乾但係唔算特別重雞味，可以唔叫。慢煮薩摩雞.雞白湯拉麵 $78 雞湯唔算係重膠質嘅類型，飲落算係清雞湯。拉麵係普通嘅等級，亦唔似係自家製， 麵粉味亦欠奉。雞肉係平均水平以內。糖心蛋稍微過熟。灸燒豚肉.濃蝦湯拉麵 $80呢款嘅味道就比雞白湯濃，蝦味比我想象中嘅重，相信用嘅蝦殼唔會少🦐🦐拉麵就同雞白湯嘅一樣。豚肉冇乜記憶點。

齊齊抗疫期間，夜晚冇得出去食飯，屋企冇人煮飯，行過阿久根，好耐冇食過，決定買個麵返屋企食，之前食過湯拉麵，所以想試吓沾麵香煎虎蝦沾麵 ($118) + 流心蛋($15) 蝦湯裡面有一隻隻櫻花蝦，濃郁但唔鹹，麵條煙韌，建議麵可以浸耐啲，會更惹味，有一隻虎蝦，大大隻，鮮味，肉質爽口，煎得好香口，加埋流心蛋，好完美🥰🥰🥰🥰，滿分連本來屋企人唔係太鍾意食拉麵都話好好食另外，外賣全單八折，服務態度超級有善，絕對會回頭

聽日係紅日，夜晚旺角周圍都好多人。知道附近有一間拉麵鋪好多好評，於是帶女朋友去吃晚餐。一去到已經有幾個人排緊隊，好彩唔算多人，不過都等咗15分鐘。首先要自己係電子自動售賣機落單，然後就入座啦。座位只得對着牆嘅位，座位與座位之間都幾迫夾。如果隔離嗰個大份D都真係會幾尷尬。等咗一陣拉麵就到啦。我哋叫咗兩碗炙燒豚肉拉麵，我要左濃蝦湯底，你朋友要咗雞白湯底。濃蝦湯底味道濃郁，飲完成口充滿蝦嘅香味。雞白湯比濃蝦湯底較淡，女朋友鍾意飲。拉麵份量都幾多，豚肉表面燒得啱啱好，好香，肥瘦適中，好入味，而且係厚切。拉麵有彈性，而且非常掛湯，好美味。另外仲叫咗一個芝士薯餅，芝士餡非常多，外脆內軟，口感豐富。最好放一陣先食，因為新鮮炸起會好熱。餐枱上放了消毒酒精啫喱，注重衛生。另外仲有各種調味料，可以按照自己口味加落麵。除咗係坐得有啲唔舒服之外，其他都幾好。吃得好滋味，好滿足嘅一餐。

拉麵@阿久根和牛拉麵屋地址：旺角廣華街13號廣輝大廈地下1號舖Openrice 網址：https://呢間其實唔係只食牛架, 雖然個店名有牛字, 供應架係日式架拉麵, 有雞有豬, 不過佢多樣牛比食客選擇。濃蝦湯湯86 再加隻溏心蛋$15 因跟麵只有半隻，我一定唔夠筍乾, 溏心蛋，木耳絲 紫菜同蔥蛋黃做到半jelly 狀,用上日本蛋蛋味濃肉片都大塊架，但有些邊位就唔夠腍身，可能是炙燒過，但炙燒了又多股肉香。湯頭好飲有淺淺的蝦味滲出，唯麵質一般有大大改進空間，太爛太腍又不掛湯，我仲食到皂水味，有足150 g 但我只食了幾條。3 個口味辣粉, 比七味粉強勁很多, 小心用量比較特別是有牛，不過我本身唔食牛，倒是可以告訴愛食牛同拉麵的友人試這組合。

其實已經是第二次光顧，不過第一次因為沒有為拉麵拍個照，所以沒有寫食評。今天終於記得為它們留倩影，就上來分享一下。不是同事介紹，這一間座落在角落，毫不起眼的拉麵店我應該留意不到它的存在。可能是這個原因，午餐時間（一點左右）也只得兩個客人。（亦可能是疫症問題罷）這個牛肩胛肉濃蝦湯拉麵，當然第一時間嚐一嚐它的濃蝦（不是龍蝦）湯底。湯，果然夠濃，又嚐到蝦的鮮味。拉麵，相比湯底就較遜色了。可能我比較喜歡吃軟硬適中的拉麵，這次煮得比較硬一點。牛肩胛肉，又有個驚喜。肉軟而不爛之餘，還有4-5塊肉，相當有分量。還有紫菜和半隻溫泉蛋，相對平凡的配菜。同事的大蝦濃蝦湯拉麵，雖然我沒有嚐過，但賣相還不錯。

今日開完會去左呢度食晏，獎下自己，唔錯喎！食完急急腳返公司再做！📍炙燒豚肉龍蝦湯拉麵 （$80）📍A4和牛叉燒（$45）📍雞皮餃子（$48）📍可樂（$15）✨香港實在太多拉麵店🍜，而今次去呢間算係高質👍🏻😋！龍蝦湯，湯底濃郁厚身，湯汁入口滑溜，麵條掛汁力極高🍜！豚肉又厚又腍， 配菜惹味，吸晒高湯🍜！✨另外，雞皮餃子🥟都係高分之作！大推🙌🏻🙌🏻🙌🏻！！係將麵粉皮轉做雞皮包住餡料，好減岩減糖人仕！

今晚收工去左旺角睇game🎮🕹, 順便食埋野先番屋企, 睇完都有d餓所以就係附近揀左間日式拉麵店🍜試下😆! 鋪頭入面唔算好大, 一眼👀望得哂😯, 有d似日本果d細細間嘅隱世拉麵小店! 餐廳有多款拉麵, 沾麵同小食提供, 而家天氣咁熱🥵就緊係食沾麵啦😂鹿兒島流心芝士薯餅🧀🥔芝士薯餅幾香脆, 而且芝士味濃郁得嚟又唔會好膩, 味道同份量都岩岩好!😊慢煮A4和牛叉燒沾麵🐂🍜沾麵嘅濃蝦湯底好夠熱, 湯汁味濃而不膩, 亦唔會過咸, 而且質地濃稠, 掛麵能力唔錯, 沾麵嘅麵質爽口彈牙, 和牛叉燒係用左A4黑毛和牛西冷, 慢煮封煎再浸係秘制醬汁入面18個鐘以上, 入口鮮嫩多汁, 質感軟腍滑口, 味道唔錯! 食完沾麵之後仲可以示意師傅👨🏻‍🍳加清湯係個沾湯到慢慢品嚐!😋👍🏻

拉麵一直都係我comfort food最近發掘到呢間新嘅拉麵店🤤 呢間係旺角嘅小店位置唔多但係款式嘅選擇就好多😛👍🏻 有拉麵有沾麵 有雞湯蝦湯又有唔同肉 佢哋主打和牛今次冇叫到真係要試多幾次先至試得晒😋 落單係掃QR code就得 幾方便 走先俾錢😛🌟炙燒豚肉•雞白湯拉麵 $75OMGGGG‼️ 真係意想不到咁抵食😍 呢個價錢俾三塊咁大嘅豚肉 crazyyyyy🤪 以前食過平價拉麵簡直慘不忍睹😂😂賣相已經好得 有齊紫菜木耳大蔥絲同荀 每樣都有誠意🥰🥰第一啖飲個湯底幾balanced! 唔係叫濃厚所以清爽少少 除咗雞仲好似有蔬菜味 唔會口乾😛鍾意食濃味可以叫濃厚( •̀ .̫ •́ )✧拉麵配埋其他料食一流🤤 我特別鍾意糖心蛋 比其他鋪嘅蛋黃明顯深色 入晒味😍😍要特別點評佢嘅叉燒 位置選得勁靚 肥肉瘦肉3:7左右 我唔太鍾意食肥肉都食晒😋 有明顯炙燒味 好抵食👍🏻食到尾見到枱面有啲辣粉 仲要分咗唔同味 有洋蔥 蒜 落咗少少真係堅辣！🌶🌶 悶悶地想轉下味可以落嚟試吓 正過七味粉好多٩(˃̶͈̀௰˂̶͈́)و🌟和牛餃子$68雖然貴少少但係真係有和牛味(๑˃̵ᴗ˂̵)و 油脂香味豐富 唔使點汁都好好食🤤🤤 臨走見到佢

喺呢條街附近都有好多人氣嘅食店，呢間拉麵店相對等位比較快，所以就吸引左我呢類好快肚餓嘅人。一行到去門口店員已經好熱情咁打招呼同埋量體溫，店舖採用嘅自動售賣機係俾大家先付款點選嘢食，再坐低慢慢等，而係過程之中店員亦都好熱情咁樣去解釋你有興趣嘅食物，服務真係好好。清新自選雞白湯拉麵，雞白湯拉麵我都食過好幾間，呢間未算係最濃郁，但係容易入口而且感覺唔油膩，雞肉己有誠意因為上面有啲黑椒同埋香料，並唔係純粹白烚，雖然只有四件，但係配上筍、糖心蛋等等嘅配料其實都夠女仔飽，最愛入邊嗰隻半凝固也有少少留心質地嘅糖心蛋。面質來講係比較幼身爽滑爽口嗰種，上一次食嗰間呢就比較咬口好啲，真係鹹魚青菜各有所愛。沾面反而更加出色，尤其是係舊叉燒一定係首選，睇住師傅慢慢烤出嚟，香味油脂同埋肉質配合得非常之好，比起雞肉更加搶，麵質相對粗身硬d,但我更喜歡！沾麵黎講湯唔算鹹，係恰到好處嘅鹹香，不過份量來講我估對男仔來講就比較少，可以再加多個小食或者另外再加一啲面，喺自助售賣機嗰陣時可以唔使叫住，因為坐低食食吓可以另外掃qr code 加，好方便。我哋仲叫咗個沖繩苦瓜餃子，不過食得太開心未影相苦瓜味亦都係啱啱好，外皮係淺

拉麵真系香港人好中意食既野，可以用一個$100以內既價錢就食到一碗美味既日式拉麵，真系夫復何求？入面仲要有年輕人好中意食既叉燒同埋溏心蛋，吾知其他人系咪真系咁中意，至起碼我會覺得好正🤤香港既拉麵店雖然都幾多，不過有雞白湯同埋龍蝦湯既拉麵店又有幾多間呢？仲記得之前食過x鶴拉麵同埋中環x銀兩間雞白湯拉麵，印象好深刻，不過知道香港冇乜邊度可以食到雞白湯拉麵，竟然今次比我系旺角廣華街搵到一間雞白湯拉麵既日式小店，一定要試試。值得一提嘅係，門口隔離有好多個許願牌，見到牌上面多數都係寫住支持小店嘅字句，大家去幫襯嗰陣都不妨寫寫鼓勵嘅字句。一入到去座位唔算多，好似普通拉麵店嘅裝修咁，不過俾人感覺都算舒服嘅，牆上面嘅龍蝦圖案好可愛小食方面先叫左雞皮餃子，餃子就食得多喇，雞皮餃子真系第一次食😂就咁睇個樣其實一d都吾似餃子，反而似炸雞翼多d。第一口咬落口質感好脆，但炸粉吾算好多。入面既雞皮都幾滑，話油膩就一定會有少少，始終系雞皮嘛，不過感覺都吾會話好漏。首先黎左一份慢煮薩摩雞雞白湯拉麵，好耐冇食慢煮既食物，爭d吾記得左慢煮既味道系點樣的。雖然只有3片雞肉，食完都夠我回味無窮。雞肉好白，系慢煮既雞肉冇錯，食