阿久根和牛拉麵屋

營業中

休息中

很久前睇雜誌得知廣華街開設了一間拉麵小店, 老闆就係鼎爺個仔李泳豪。直覺覺得以藝人名氣開店, 價錢都係非一般便宜, 所以開業一段時間都未有幫襯過。直至今日同友人真正經過呢間拉麵店, 門外看看menu, 價錢跟坊間拉麵店差不多, 於是就入去試試。店內面質不大, 所有均為吧檯, 有如日本地道拉麵店嘅格局。呢度除了提供拉麵, 還有沾麵、小食等等...我地揀咗一款沾麵、一款拉麵、一個小食。【慢煮安格斯牛小排濃蝦湯沾麵】HK$138湯汁熱辣辣滾下滾下上檯, 味道鹹香濃郁, 質地偏杰, 容易掛汁。常溫麵條彈牙, 份量多, 配上京蔥絲、雲耳絲、筍片, 夾集一齊食, 既香口又有層次。糖心蛋好軟滑, 兼有流心蛋黃;牛小排只有邊邊位被火灸過, 中心位依然keep至嫩紅新鮮刺身口感, 脂肪唔多, 刺身口感入口鮮嫩, 食到原本肉質彈性同鮮肉味。附餐有一小卡提示食完沾麵, 可通知店員協助加入清湯至餘下沾麵汁中再當湯咁飲, 但食完整個沾麵已經飽到吃不下了。【香煎虎蝦拉麵】HK$98 另 +$15 追加糖心蛋鮮蝦湯底味道同樣濃郁, 夾集了少少櫻花蝦, 鮮中帶鹹香。拉麵軟硬適中, 口感有彈性, 份量岩岩好。本身已有半

行過旺角廣華街見到一間和牛日本拉麵. 細細間唔係咁易見到.入到去得十幾個位、多數咁嘅格局排隊都排到傻、好彩早到唔使等. 乜乜豬骨乜乜豚肉拉麵就食得多、日本和牛拉麵真係未食過、梗係要試吓啦.入去睇到個餐牌有日本湯麵同沾麵、叫咗個招牌三食拉麵（有齊慢煮A4和牛、灸燒豚肉、燒雞）加多個慢煮A4和牛叉燒、和牛入口即溶,仲要係濃蝦湯底、個湯超濃超濃超重蝦味😍炙燒豚肉魚介湯底拉麵、湯底好香魚介味、呢個湯底真係唔係度度食到😍、配菜齊晒仲有隻流心蛋 Perfect. 加多個小食鹿兒島留心芝士薯餅、切開啲芝士真係流晒出嚟㗎.

好友話想食拉麵，餐廳在每張枱放有消毒啫喱、各款調味料、水杯、水壺，紙巾，夠細心值得一讚。我們點左慢煮安格斯牛小排濃蝦湯沾麵 $138，用石鍋裝住龍蝦湯，仲滾住起泡，牛小排肥瘦均勻、色澤明亮，肉質嫩滑又香濃，粗身沾麵索左濃湯汁真有掛麵的口感，湯底有少許櫻花蝦，味道香濃。👍👍👍燒牛肩胛肉拉麵配雞白湯$98，雞湯味香濃，牛肉腍滑，溏心蛋味香。鹿兒島流心芝士薯餅$28，薯仔和芝士好夾又creamy，外脆內軟滑可口。唐揚雞件 $38，雞肉嫩滑，脆漿很脆口，味道不錯。 旺角廣華街13號廣輝大廈地下1號舖

拉麵食得多，但主打食牛既又真係未試過。 估唔到呢間小店拉麵選擇都幾多，最吸引一定係A4慢煮和牛同牛肩胛，仲有佢個蝦湯底，一入黎就聞到好香。✨沖繩苦瓜餃子：個餃子皮薄熱辣辣，咬開仲勁多汁。苦瓜味唔會太苦，呢個配搭都係第一次食，都幾特別。✨燒牛肩胛拉麵：先試個蝦湯底，真係勁濃蝦味同埋好鮮甜，拉麵夠彈牙同埋好掛湯，淨係個湯底都已經加分。牛肩胛軟腍牛味濃，仲有啲黑椒增加香味。鍾意佢個麵京蔥夠多夠晒香，糖心蛋又係勁滑溜。✨招牌三色拉麵：一碗有齊豬牛雞，貪心d 試晒幾款口味。個慢煮雞都幾好食夠晒腍滑，不過最吸引嘅當然係A4和牛，見到佢個油花已經好吸引，食落去真係入口即溶，不過兩個人share得半塊真係好唔夠喉，下次一定要獨食一個和牛拉麵!

上次同夏總踢完早波（其實叫黃昏波），因為講咗返屋企食，未有一齊食晚飯，講話下次先再出約。趁住佢無奈地放大假，約出嚟食餐晚飯。疫情前，佢每年都會去一次日本，年幾無出門，所以，就揀咗食拉麵。地點，都喺油尖旺方便大家啦，最後選上「阿久根」，因為湯底唔喺得個豬骨湯，有其他特色湯底。 門面唔喺好大，細細間咁，有啲隱世拉麵小店咁款，而未入去，先吸引到眼球喺鋪門旁嘅後巷閘門，因為掛滿晌日本啲神社一定見到嘅許願牌，頗有「地道」風情。老友講笑咁講，尋回少少旅日回憶。當踏入餐廳，都如預期般小店環境，地方細細，雖然如此，但就好自然有一種「拉麵」鋪嘅格局，大抵因為有好多單向嘅面壁位，而牆上又貼上唔少跟日本相關嘅懷舊海報或布幡。全場都喺高腳枱櫈，枱下有啲掛勾勾吓袋，我哋仲坐晌對住廚房位，可以睇到師傅整麵。 枱上放有水杯、筷子、紙巾、各種調味料、消毒啫喱，自由取用，俗啲講就喺自己顧自己，其實咁仲好。 講到拉麵，一般日式拉麵店都做得好專，選擇唔會太多，不過，「阿久根」就有少少唔同，湯底都有幾款：濃蝦湯（唔喺龍蝦湯）、雞白湯、香蔥醬油湯，而主食材可揀招牌嘅A4和牛，仲有牛肩胛、安格斯牛小排、香煎虎蝦、炙燒豚肉、宮崎煙

今日去開旺角行街😎，見openrice都好多人推薦呢間拉麵店就即刻去試下啦🥳.叉燒、雞肉、豚肉(三色)龍蝦湯(拉麵) $128我都係第一次試龍蝦湯嘅拉麵😗，湯底超級濃郁，就咁飲都好正😝。而且呢度嘅肉仲係用左慢煮嘅方式😚，口感同味道都更佳🔥。我自己特別鍾意片A4和牛，牛味特別香濃，而且口感一d都唔會覺得韌❤️.阿波美雞皮餃子 $48作為呢度嘅特色小食之一🤩，雞皮餃子聽落都覺得非常邪惡😈，之前從來都未試過，落去雞皮嘅油香真係超級正😋.唐揚雞件 $38日式嘅唐揚炸雞我一直都好鍾意🔥，而且炸的夠曬香脆，再配上日式嘅蛋黃醬就完美🤤

拉麵食得多，但通常都係配叉燒，呢間係配牛，確實少見！等左十分鐘先有位，店內只有十零個位，都幾好生意。慢煮安格斯牛小排濃蝦湯沾麵湯底灑左d櫻花蝦，味道濃郁！沾麵既麵條比較粗，彈牙有嚼勁！望落雖然好似好raw咁，其實擺入湯底淥兩淥就勁快食得。燒牛肩胛拉麵配雞白湯牛肉味濃，雞香湯湯底淡左少少鹿兒島流心芝士薯餅炸到D芝士溶溶地，流哂出黎，每人半份則則好，唔太「漏」唐揚雞件望住佢即炸上枱，有5件，好飽，如果配塊檸檬中和下油膩感會更好！飽到上心口！

呢間餐廳由鼎爺細仔李泳豪主理，親自到日本考察拉麵製法👨🏻‍🍳提供九洲風味嘅濃湯拉麵同沾麵🇯🇵💗招牌三色拉麵($128)濃蝦湯以自家製蝦油同2款新鮮蝦熬足6小時，味道甘甜鹹鮮，蝦味特別濃郁🦐；配合直身拉麵掛湯力更強🍜；慢煮A4和牛嚴選鹿兒島阿久根西冷，慢煮後用日式汁浸一日，最後以火槍輕炙，肉質粉嫩油潤，牛脂香十足🐃；慢煮薩摩雞胸肉質嫩滑鬆軟🐓；炙燒豚肉肥瘦相間，肉質軟腍鬆化🐖；配料包括糖心蛋、竹荀、黑木耳絲、蔥花同紫菜💗北海道流心芝士薯餅 ($28)薯餅炸至金黃香脆，內裡薯蓉綿密🥔芝士流心拉絲，鹹香惹味🧀💗霜燒美國安格斯牛小排魚介湯沾麵 ($138)魚介湯用上魚類同貝類，再結合豬骨、雞骨等熬成，既有鮮甜魚味，同時帶有濃厚肉香🐟；配合粗身沾麵，口感煙韌彈牙🍜；霜降安格斯牛小排慢煮後燒製，脂肪分布平均，肉質軟嫩有嚼勁，牛味香濃🥩；配料包括糖心蛋、竹荀、黑木耳絲、蔥花同紫菜

旺角❣️拉麵夜想試牛牛搵麵好耐，今次見放工後要去開旺角就一於去試下🥳🔸慢煮A4和牛叉燒•濃蝦湯沾麵一黎就試左個湯底先🤤好濃好濃既蝦湯，仲要有啲櫻花蝦係入面！沾麵係用上粗麵，可能係會想掛湯啲👍🏻A4和牛肉質好淋同有濃濃既牛肉味！岩哂牛魔王去試下😎🔸慢煮薩摩雞•濃厚雞白湯拉麵個雞白湯係….超級….濃😱我諗師傅係用左好多好多雞同時間去準備！薩摩雞肉好滑，岩哂啲健身人士既雞胸肉！麵底係用上幼身既拉麵，一路食一路有shu shu聲，咁先代表尊重個師傅😋🔸阿波美雞皮餃子好少地方有得食😱雖然好邪惡但好好好味！脆脆既雞皮黎包餃子，外脆內軟👍🏻👍🏻👍🏻🔸章魚小丸子好耐無食過喇🤤食落口唔會太粉，正常發揮！好食指數：8.5/10阿久根和牛拉麵屋旺角廣華街13號廣輝大廈地下1號舖———————#旺角美食 #拉麵 #和牛 #雞白湯 #ramen

你知道嗎？旺角有家不錯的日式面館喲!好想吃日本料理哦！！非要去日本 ？疫情一波未平一波又起~少年盼開關愁滿面。想去吃日本料理的小夥伴們有口福啦！！位於旺角廣華街13號廣輝大廈地下1號有一家不錯的日式料理~阿久根和牛拉面屋~小店雖小五臟俱全~店里全部都是高台單邊組座位~裝修極具日本特色~調味器具擺放整齊~有三種不同口味的辣椒粉夠你選擇~各種面食搭配各式小吃~多種搭配~自由掌控~主打推薦：慢煮安格斯牛小排濃蝦湯沾面~鮮嫩小排嫩滑多汁~濃蝦湯好好味！！或者：燒牛肩胛拉面~拉面Q彈有勁，牛肉香氣撲鼻~再配上可口章魚小丸子~~沖繩苦瓜餃子~真的口感棒！量多！物有所值！真的可以來嘗試一下~

近排係廣華街發現左間好好食既拉麵, 個人覺得真係有係日本食既水準❤環境就同日本拉麵小店不相伯仲, 麻雀雖少, 五臟俱全, 乾淨企理。鹿兒島流心芝士薯餅即叫即炸, 外皮炸得薄又酥脆, 入面係滿滿既半溶cheese, 好邪惡😈三色濃蝦湯拉麵黎到即飲啖湯試下先! 湯底帶濃郁蝦鮮味, 餸方面樣樣都想食最好就嗌三色, 一碗有齊Chasiu, 雞肉同埋豚肉, 重點係三款肉都處理得好好, Chasiu同雞肉都好嫩, 豚肉炙燒過非常香口入味, 加埋隻溏心蛋, 整體除左好食之外, 份量亦好足!香煎虎蝦濃蝦湯沾麵雖然同樣揀左蝦湯, 但沾麵汁比拉麵湯底更加濃稠, 以石鍋上枱時仲係滾到起泡, 個人覺得味道更香更有蝦既咸鮮味, 做到濃而不咸, 而且每啖拉麵都掛滿沾麵汁, 真係好好味, 同日本既沾麵有得揮! 虎蝦亦真材實料, 大隻厚肉而且新鮮彈牙, 燒得岩岩好, 夠香又唔會over乾, 用心之作

今日嚟到旺角一間拉麵店食晏。座位唔多，好彩我早咗步嚟，因為星期六嘅下午都幾好生意。一睇佢哋個店名都知餐廳主打和牛拉麵，不過唔食牛肉嘅都仲有其他選擇。食得辣嘅可以試下落啲辣味粉，我落咗啲蒜香辣味粉，成個湯惹味咗勁多。招牌三式拉麵（$128）- 真係好豐富嘅拉麵，有晒慢煮a4和牛、雞肉、燒豚肉。A4和牛好牛脂味濃郁，另外個燒豚肉都好腍而入口。個溏心蛋都無失準。燒牛肩胛拉麵（$98）- 龍蝦湯底真係一流，忍唔住飲咗大半。而個麵條都好彈牙煙韌，除了有兩件牛肩胛太韌外，其他也很滿意。鹿兒島流心芝士薯餅（$28）- 勁多熱辣辣嘅芝士咇晒岀嚟，大滿足。沖繩苦瓜餃子（$48）- 見佢咁特別，我仲滿心期待試下，可惜食唔岀苦瓜味，同普通餃子無異，不過味道唔錯，皮都幾脆口。

炙燒豚肉拉麵因為唔食海鮮，我今次叫咗雞湯，一上檯就已經忍唔住飲咗啖湯，個湯好濃雞味，唔會係味精味。我見到佢有3款辣椒粉，又貪新鮮加咗個洋蔥辣粉落去，令可以一個麵，兩種享受。另外，個麵本身麵好爽口，有口感，個豚肉炙燒完都好淋，入口即化。慢煮蕯摩雞沾麵同行朋友就叫咗沾麵，個湯相對再濃郁啲，沾麵硬度岩岩好，亦掛湯。慢煮雞有驚喜，雞胸位都唔會嚡口。沖繩青芥末餃子未食已經聞到好香嘅芥末味，一咬落去就好似食緊成個wasabis，但又唔會係好刺激鼻個種，啱晒我呢啲芥末愛好者，同埋佢個外層都炸得好香脆。章魚小丸子呢個小丸子有一大舊嘅章魚，皮薄亦都夠脆。呢度好似有自己釀製嘅梅酒，不過今日揸咗車唔方便飲酒，就下次再試！

之前食沾麵都會諗起三田製麵所🍜聽講一生懸面啲湯底又太鹹，今次同豆腐弟經過油麻地發現有間餐牌幾吸引同一般拉麵店有少少唔同既🍜拉麵店💖裝飾日本地道有風味，主要有慢煮和牛、薩摩雞同炙燒豚肉，連湯底都有濃蝦湯，雞白湯同魚介湯揀‼️結論係💥可以Encore💥拉麵沾麵多一個選擇💡❐ 霜燒美國安格斯牛小排濃蝦湯沾麵🍲🦐$138評分 ▮ ▮ ▮ ▮ ▮ ▮ ▮ ▮ ▯ ▯ 💁🏻‍♀️推介❗⟰主要係見到張圖好吸引所以叫黎試下，一黎到好驚喜🌟因為石鍋沾麵湯仲係滾緊🔥🔥🔥⟰ 牛小排份量極夠仲係厚薄剛好，浸落去熱到滾既濃湯再食，一入口係濃郁蝦湯🦐一咬嫩滑之餘少少彈牙，油脂再慢慢在口中分解✨⟰沾麵湯底比一般拉麵湯底大概濃郁兩倍，湯底鮮味又充滿櫻花蝦香🦐食完不口渴💦真材實料，啖啖精華⭐️⟰小妹更鐘意粗麵因為更彈牙而且掛湯力更強💦加上配以沾麵湯底，濃郁度提升🙆🏻‍♀️❐ 濃蝦湯招牌三色拉麵🍜 $128可以一次過試晒⭐️慢煮A4和牛⭐️薩摩雞同⭐️燒豚肉‼️3款配料都超出色⭐️⭐️⭐️評分 ▮ ▮ ▮ ▮ ▮ ▮ ▮ ▯ ▯ ▯ ⟰濃蝦湯超濃郁重蝦味但吾會太感，用大量蝦殼熬製而成🦐🦐🦐鹹香惹味，麵底屬幼身煙靭掛湯力正常，份量超多🍜⟰ A

香港人除咗鍾意食海鮮，相信牛魔王都唔少，呢間舖就主打和牛拉麵。餐牌雖然只分拉麵、沾麵、小食，但每樣選擇都唔少，一場來到就試下佢啲牛。平日夜晚都算多人，要預留少少時間排隊。慢煮安格斯牛小排濃蝦湯沾麵 $138湯底一上就已經聞到香濃蝦湯味，拉麵沾一沾好掛湯，仲keep到彈牙口感。安格斯牛小排食落都好滑，可以按自己喜好而放落湯底令佢熟少少，流心蛋都有蛋香。燒牛肩胛拉麵 $98醬油湯底，入口又唔會好油膩，牛肩胛肉比起牛小排肉味重啲，而且厚身少少，加埋木耳、大蔥、筍，整體豐富。阿波美雞皮餃子 $48以雞皮代替餃子皮，夠哂邪惡，外脆內嫩。