阿一豬扒酸辣米綫

營業中

休息中

放工到西環探望親友, 臨上去前搵個地方衣肚, 眼見呢間店, 自稱做左好多年, 故此一試。抵步, 人不多, 裝修簡單, 光猛。即然招牌是酸辣 豬排, 就當然點呢個啦, 不過今天不想吃米線, 因此換左做上海 麵, 不用加錢。不消兩分鐘, 熱騰騰的酸辣 豬排麵就送到了, 賣相不錯, 陣陣的辣味攻鼻, 頗刺激的。上海麵粗粗圓圓的, 再細看, 發現原來是烏冬…..估計烏冬是預先煮到8成熟, 亦放了一段時間, 需上枱是熱騰騰的, 但麵的質感卻沒有了, 有點失望, 扣分豬排可以, 肉質新鮮, 味道調配得不錯, 入口香味四溢。如可以分開上碟將會更佳湯上浮著紅紅的辣油, 辣油中有幾舊酸菜, 湯底是頗辣的, 但不酸, 入口沒有酸的剌激烈!!! 枉為酸辣麵, 扣分30蚊一碗, 不貴也不平宜, 湯不酸而麵也不彈, 不過也不失, 不驚也不喜。

上次經過見到好多人等位, 今次特登搵D冇咁繁忙既時間再去過,店舖地方不太大, 所以大家食野個時會親密少少我當然要試下個招牌豬扒啦, 果然幾惹味呀, 肉質軟熟唔痴牙,但係酸辣既味道同麻辣味道有點相似, 感覺係酸味+麻辣醬 排骨既肉質同豬扒一樣, 只係少左一份香口既感覺姐

平時真係好小食豬扒, 係家/外出整既豬扒都會覺得好鞋口又唔鬆.但此店以豬扒為主打都係合理, 因為佢地既豬扒又做得特別美味鬆化.今次叫左個豬扒炸醬麵, 豬扒另上咁樣食時仍然保持個炸豬扒皮脆卜卜,肉質鬆化又有肉汁至於炸醬味道偏咸一般, 都係酸辣比較出色.可惜整個麵既份量已經隨著通脹減少

聽到好評所以有機會就黎試一試叫左個鮮菇什菌撈米線, 少少辣!賣相幾nice呀, 但一食, 實在太辣, 加上係麻辣, 辣到食唔落呀!!!於是只好要求店員比碗清湯我過一過先食啦!個米線好多料, 味道除左太辣之外其實都好好食, 尤其係d菇同埋d酸菜呀!!!中意食麻辣ge人應該會好中意menu上面果句溫馨提示好有趣

西環最中意就系呢間！每次都要酸辣豬排米線！！豬排新鮮炸出黎，酥脆可口！！酸菜個味更加正~！！覺得酸菜好多地方都唔好食，但系啊一酸菜夠爽口，入味~食完辣到成頭汗但系感覺好舒服！！！有時無食晚飯9點10點幾就會行黎呢道食米線~

正月中旬‧晴其實這裡的其他兩家分店也吃過，是日路經此地，又來試埋這裡。選的是掛頭牌的金牌豬扒米線，豬扒幾鬆化而醃得夠味，走過油的吃起來也香口。湯底真的酸辣俱備，以我而言是極限，不能再辣了。不知何時開始，我也不太吃得很辣。吃得過。

lunch 時間來到...得返一張枱, 遲來一步就要等LA><第一次來食, 店鋪細細的. 其實我真係幾中意呢D非連鎖餐廳: ] 呢到叫得做'阿一豬扒酸辣米綫 ' 我諗最好食都應該係豬扒酸辣米綫 LA 瓜. 但係睇睇下餐牌, 發現有皇牌套餐, 比單叫抵D WO = = 重可以飲紅豆冰, 所以就叫左個和味排骨米線配紅豆冰 ($30) 朋友叫左手撕雞水晶粉配紅豆冰 ($33) , 可以簡辣同唔辣, 我係唔食得辣, 所以簡左唔辣. 首先來左紅豆冰先LA 唔係好大杯, 都算係咁LA. 都幾多紅豆, 我一直都以為呢到GE排骨係上海排骨= = 但係原來係真係平時係屋企食果D排骨, 感覺都幾求其, 排骨唔算肥, 都有6舊到LA, D排骨煲到都幾'林', 味道都ok , 但係如果係上海排骨我會開心好多, 米線, 一D都唔好食, 好水的感覺, 一D都唔滑, 重有3舊白蘿蔔,我唔中意食蘿蔔, 所以無咩點食, 如果單叫GE話, 轉水晶粉係要+3蚊, 水晶粉係類似薯粉的質感, 麻麻. 如果重有機會來食GE話, 我會想試下呢到GE豬扒酸辣米綫 , 話晒都係招牌菜, 應該會好食GE

聽聞已久港島東的總店個個都讚好....看見西環開分店,都滿心歡喜，佢開業到而家親友們都有評價此店...有好有壞啦~不過都係自己嘗試過先知好唔好食ga~今日下午放左工...返到西環約左人又未夠時間...又未食lunch...記起未試過這家店舖...一於去試la...由於係自己一個人去食....見佢招牌係阿一豬扒酸辣米綫當然試下佢la....冇叫其他野怕食唔晒...前幾日去左灣仔一間叫巴蜀xx 米綫試過之後...今次決定將豬扒同米綫分開上....照舊飲一口湯....酸辣米綫..唔係應該有酸味的ma?又係一個麻辣蓋過左(不過己比巴蜀好d la....湯底咩味都冇....)米線上的配料花生可以一讚...好食..而且香口....到食豬扒... 佢分開左幾片比我...只食到咸味(味道像南腐乳咸味) 一口麻辣一口咸豬扒都可以食到味道都可以ga~不過仍可比機會佢ga....麻辣佢係ok 的....酸辣仍要再加努力la....親友話需然豬扒唔係好ok...不過排骨好食....等我下次試下先.....<<以上是本人口味..未必個個一樣 ^^>>

昨晚因為家事令到大家都餓了一整晚,要十點半先有得吃東西,見這間店仍開著燈,就問問老闆娘幾點關門..她說實際是十一點關門的,但不要緊叫我們慢慢吃…這位老闆娘真係好人…結果就立即看餐牌有什麼好吃了^^ 家姐叫豬潤酸辣米綫,姐夫叫爽肚酸辣米綫,以我就叫鮑魚片酸辣米綫,他們的酸辣味道好特別..有少少麻麻的感覺,又有點酸又有點辣,味道很適中.碗內還有少少配菜當中的花生是最好味的,不過豬潤較薄建議日後可以厚一點比較有咬口, 爽肚較幼建議日後也可切粗一點,至於我那碗的鮑魚片雖然是仿鮑但口感和質感也不錯. 整體上3碗的味道真的不錯.就餐的晚餐連宵夜真是沒揀錯地方日後可以再去吃啦 yeah

西環的吃越來越多姿采了，刁鑽有邊爐（魚王世家、鼎煌等新丁，加上火井、煲皇等地膽），平實有各式街坊美食。有一天，步經石塘咀附近，發現了阿一 … 不是富貴鮑魚，而是平民化的米線。筲箕灣東大街的人龍店，竟向西擴充至此？這天特地造訪，留意到那大幅的排隊照，下面標榜著「30餘年」云云。我不禁搔頭：豬扒米線真的流行了這麼久了嗎？為甚麼兒時樓下奇靈里的大牌檔，只有「細蓉」，沒有米線呢？ … 都係咪理咁多，我和同伴分別點了腩仔肉米線和豬扒粗麵。餐牌沒有油菜（！），惟有點蘿蔔時菜；白蘿蔔破氣，我倆都少吃，所以特別叮囑少蘿蔔多菜。豬扒粗，不論湯底、麵、配料或豬扒，水準都平穩，整體感覺比在巴蜀軒吃的好些。反而腩仔肉米線有驚喜，我說的是腩肉：肉未入口，我還以為顏色白白的，想必淡而無味吧！誰知腩肉稍經處理（該是用鹽醃過），帶有一點而不多的鹹味，留空間給惹味的配料好好發揮。不錯！令我氣結的，是那原本該很簡單的蘿蔔時菜，因結果和期望剛好相反！又不是多客到應接不暇，為何小小要求都辦不到？豬扒米線，大家都說好吃的，我都未有試過（傷心酸辣粉倒吃過，記得的就只有痲痺神經的麻辣，那不能稱作一種味道），卻未找到一吃傾心的。這就

第二次o黎食~~~ 一樣咁好味~~~我繼續係order麻辣豬扒米線$28 (唔揀酸辣 ), 招牌ma, 好就無理由轉架啦~~~ 今次仲order埋好耐冇飲o既紅豆冰$7添~~~ yes!!!麻辣o既程度繼續係恰到好處~~~ 一路食一路會有少少咀麻麻O既感覺, 但唔會太勁, 因為好怕食到咀都腫埋O個D麻辣, 咁就太誇啦~ ;p 3舊豬扒, 加滑溜溜O既米線, 唔知我係唔係太耐冇食米線, 我覺得佢地o既米線比較圓身同粗, 所以食落去好有口感啊~~~ cool最後O既紅豆冰當然係冇野好評啦~wakaka 但原來紅豆冰解辣o既效果係幾好嫁!!! 讚~

依間阿一豬扒酸辣米線開咗大概一年，每次回家經過都無衝動食，但最近同事拍拖都專登坐車去食，話啲豬扒同酸辣好正，我都心郁郁想試吓，決定約埋個friend一齊試，豬扒米線就必食啦，我點了小辣走麻辣，個friend要了正常辣加韮菜餃，另外點了淨豬手。小辣真係唔辣，只有酸菜的小小酸味，豬扒還好但就薄咗小小，反而韮菜餃唔錯，幾好味。個豬手就麻麻哋啦，係白焯的，仲有啲羶味，唔好食。仲有啲份量比較小，我見到好多客都係兩個人食３碗的。豬扒係唔錯，但隔多兩條街有間越南食店啲豬扒都好得，其他食物都好好食，下次食酸辣米線有好多選擇，唔駛專登食依間，而且間舖仲有好大油煙味。

我很喜歡食豬扒, 要"葉"得入味, 都不是易事呀. 見這店以豬扒為名目, 很期待.而我點了得, 當然少不了辣, 以及豬扒啦.湯底則為麻辣.這裏的豬扒很一般, 湯底也過油, 辣得來個油字, 很沒意思.是一間很普通的米線店, 稱不上好味, 不會期待再光顧

11月7日, 分店又再喺西環尾開一間, 今次呢間就係喺筲箕灣同北角都有嘅阿一豬扒酸辣米綫, 又係試新野嘅時間~::: 真味豬扒上湯米線 ::: $28唔理佢真味唔真味, 但個豬扒的而且確夠討好! 大大塊, 炸得幾香脆~ 肉味都新鮮! 不過咬落都有少少韌, 同埋連住太大舊骨, 有d難咬! 米線都實在不錯, 夠煙韌彈牙~ 加上佢呢個奶白色嘅湯底, 就算有塊炸豬扒浸面都唔會面泛油光, 唔知用豬骨定魚湯煲, 飲落有啖啖清甜味… 其實配料同生菜都新鮮嫩綠, 唔會比d霉霉黃黃嘅你~ 阿一豬扒米線總算無被拆招牌!::: 韮菜餃酸辣米線 + 紅豆冰 ::: $27叫餐嘅就平d之餘仲有送飲品, 3個餐裏面叫咗個韮菜餃酸辣米線~ 韮菜餃幾大隻wor, 仲睇到好嫩綠嘅色澤, 咬開之後, 用料味道都好豐富, 滿滿嘅韮菜好香, 皮亦夠薄, 雖則唔知係咪自家製不過算是十分好, 比招牌嘅豬扒仲好味d添~ 而佢地嘅酸辣唔知有冇俾錯, 竟然係麻辣嘅? 對不太好麻的我就差d, 根本係食唔到酸… 紅豆冰係異常地甜! 如果係一間普通茶餐廳就完全唔合格, 不過食辣野就可以中和番d辣味咁, 所以如果叫清湯米線, 千祈唔好跟紅豆冰

意外的發現！今曰同個friend唸住去宜嘉食野，經過嗰間鋪，friend中意辣，見招牌酸辣，話不如試吓。我點咗手撕雞小辣米線跟紅豆冰，friend係雜菌中辣米線跟熱柚茶。我份米線落料好足，幾鮮，紅豆甜度適中，讚！不過米線有少少唔夠，唔知係未因為今日特別肚餓？@@friend話佢份都好好味，下次試埋佢份先！ps:行返西寶城途中有間買牛雜嘅鋪，兼買雞蛋仔，嘩！正到無得彈！