阿一豬扒酸辣米綫

營業中

休息中

一定要試下啊一嘅豬扒米線！米線本身軟硬適中，好有口感好滑，個湯都冇味精味本身唔係好中意食豬扒，因為豬扒好乾身，但阿一嘅豬扒好冧，好有味，完全唔乾身，好驚喜不過係細碗左少少

每次經過都好多人排隊同叫外賣，間鋪比較細，冷氣充足，辣到出汗都唔怕。侍應很好招呼，有禮貌，態度好，落單送餐都快。叫左排骨雜菇酸辣米線，加底同加多款餸，總共$50，兩個人食超飽，有得揀大小中辣，小辣唔算辣，排骨好好味，好鬆化同鬆軟，菇好入味，米線軟硬度岩岩好，酸辣味係阿一獨有的味道，很好味👍🏻👍🏻👍🏻👍🏻 一碗米線仲有啲配菜係入面，有花生同酸菜，花生脆脆地，好好味。 👍🏻👍🏻 呢間分店唔多野食，只有粉面同幾款小食

應該算係一間幾出名既米線，個人覺得有過之而冇不及，真係非常之好味。但食辣既朋友要小心，呢度既米線係非常之咁辣既，我建議要叫定杯野飲或者好似我咁叫辣另上，咁你就會得到一碗唔辣既米線加一碟勁辣既酸菜，呢碟酸菜就係呢度辣既來源，你可以係呢度落少少落去碗米線度自行加辣，咁就可以好好控制辣度喇!我個人覺得呢個米線係超高質既，首先個酸辣湯已經先贏一半，濃郁既湯底配上高質既米線，根本超正，加上香脆既花生同埋炸豬扒，仲要係勁大塊果種!根本超好味!!!

又係我們兩小口啦。我地今次去左西環既堅尼地城，搵到間好似幾出名既阿一豬扒酸辣米線。入到去老闆好親切咁安排坐位比我地，我地兩個不約而同咁點左韭菜餃酸辣米線，不過佢個碗要走青😂。等左一陣就有得食啦！好彩佢有走青，因為佢地比青既分量都幾多。韭菜餃味道唔錯，湯底亦都夠味。辣度岩岩好，雖然我地都係叫左小辣。米線夠彈牙，加埋個紅豆冰整體黎講都唔錯。幾欣賞老闆對客人既親切感，香港需要呢一隻人情味，就算大家係陌生人，但係都可以為對方諗下。

最近食得太多好豐富嘅嘢，食到飽飽濟濟，想揾啲開胃嘅嘢食下。朋友介紹呢間食酸辣米線，必食豬扒米線！-揀左小辣，好鐘意個湯底，辣得黎唔會太油，仲有好多蔥芹菜芫荽，唔食既人記住落單前講呀！-豬扒好淋，好入味，而且唔會太多炸粉。米線煮得啱啱好，煙煙韌韌夠彈牙！-鋪頭細細間，但係下午茶時間都坐滿人，仲有好多住附近嘅人去幫襯， keep住都有人嚟買外賣。下次一定要再嚟試吓韭菜餃，見到佢介紹係自家製嘅，一於下次再嚟食！

之前都間唔中有過嚟食啊一豬扒米線嘅，突然之間有一日見到佢拉咗閘冇開門，以為佢唔做啦，就去咗另一間分店嗰度食，先知道原來佢唔係唔做只不過係裝修，咁我就唯有期待佢裝修完之後再嚟食呀咁早排經過見到佢已經裝修完啦，咁就今日特登過嚟試吓，因為其實一直都覺得係西環呢間鋪頭係整得好食啲嘅，其他分店係冇咁好食嘅咁我就照舊都係叫阿一豬扒米線唔知點解係唔係心理作用嘅關係，雖然外表係一樣，鋪頭係一樣，但係感覺上呢碗米線已經冇以前咁好食啦

由以前住西環開始已經經常光顧阿一豬扒米線 之前原店裝修 試過其他分店 味道同原店始終不一樣 而且越來越多分店已經變得唔好食 終於等到原店開返 即刻去食 結果好失望👇🏻阿一豬扒米線 湯底唔及以前咁濃 米線熟唔透👇🏻雜菌手撕雞 雞既分量比以前少好多😭而且無味

阿一裝修完開返，游完水嚟食米線，跑完步又嚟食，我哋喜歡食餸多少米線，豬扒另上特別香口好好味，我唔食辣但阿一啲酸菜好好食，酸辣鹹甜又爽脆我怕食辣都要食，粉腸自己唔會整，落嚟阿一就有得食好正，豬扒豬手粉腸米線份量足，炸韭菜餃好香脆味道啱啱好，菜類選擇再多啲更好，蘿蔔切得薄大舊啲更好，而且依到都有英文版menu，可以帶埋外國朋友嚟食，依一區嚟講阿一屬於好味抵食，老闆同嬸嬸服務態度好好有笑容，好鍾意嚟食阿一米線。

記得多年前在筲箕灣吃過阿一酸辣豬排米線後，一直念念不忘，因為實在太好吃!今天經過西環，見到有一店大排長龍，當然要去看看，原來是阿一豬排米線，實在是太好了，而且是中午時分，也不用等位，能夠立即入座。雖然座位有點擠迫，但香港租金昂貴，也是正常不過。我們點了套餐，就是米線加上小菜(有木耳/海蜇等等)，也只是大約$50，好抵食 ! 不消一會，豬排米線($48/加小菜乙份)來到了，豬排及配菜份量十足，而且大大碗，同行友人吃得十分滿足呢 ! 而且，我們也點了酸辣雞絲米線，份量不及豬排多，所以最抵最抵吃的，一定是豬排米線。而小菜方面，木耳及海蜇也十分不錯，只是海蜇有點碎碎少少的，見店家也有用酸菜花生等配菜來充一下場面，也算過得去吧 ! 總括來說，下次還會再來，同X仔有得揮，性價比甚高。

第一次去叫了招牌豬扒米缐和炸韭菜餃。食到一半時阿姐上前用隻匙撩我碗麵...然後話我碗麵有鮑片⋯我聽唔明⋯我亦唔知我碗麵應該有乜（除豬扒和麵）個阿姐來來回回再重複佢既說話⋯然後我叫佢加番錢落張單佢又依依哦哦。 之後個炸餃上來，我地發現裡面是粉紅色的肉！我好聲好氣同佢講話唔熟，同叫佢拿走，我地照比錢，佢堅持話熟⋯拿入去個廚都醒目收番⋯然後番炸（雖然我地話唔要）⋯我地費事佢再整因為已唔想再食所以叫多佢一次唔洗再上。之後個阿姐罵我地，又話唔一早講又重複講已經唔同我地計較個幾片所謂的鮑片， 仲話我唔睇清楚就食（我只是見到豬扒同面）！我地重頭到尾都冇話投訢或唔比個生肉餃子錢，仲比個不知所謂既阿姐係咁罵， 歪理連篇！！我老婆食完返家仲嘔吐！早知直接報食環😡

聽哥哥說有來過阿一食酸辣米線，分店也有好幾間，在西環有間阿一的分店，便去試試好食不。下午一點多，不大的店裡沒有滿座但人也不少。店的名字裡有豬扒二字，點豬扒食應該沒有錯了吧？麵食可選米線或上海麵。這店竟然供應上海麵但環顧四周，佔九成的客人都是食米線的，第一次光顧的我還是點米線比較安全。小辣的豬扒米線很快送上。豬扒有三塊，分量不少，味道可以，好像比有些餐廳的不知在雪櫃雪了多久的急凍豬扒味道好點，雖然應該都是一樣的。米線比較粗，跟我食過外面的有點不同。不過重點要說的是個湯底。麵送上來的時候湯底沒有明顯的顏色，只見麵上面有一堆含有辣油的醬汁。自問都可以食點辣，下單時店員問我要甚麼辣度，初來嘗試叫小辣好了。食了一口，辣味迅速在舌頭蔓延，比起一般瞭解的小辣很不同。雖然此店說是酸辣米線，店的辣其實是麻辣米線，食得舌頭都有點麻了，辣度太強，搶去整碗米線和豬扒的味道，我不怎麼食到其他味道。這碗米線我慢慢食還受得了，但有些食不到辣的客人就要點凍飲解辣。店的地方其實很小，衛生情況也不見得好，只是向我前面的那牆看一眼，就發現到三隻昆蟲在休息 ；店的門口也比較細，其中一名店員卻站在門口食煙，風吹進店了跟客人在食

終於食到阿一豬扒酸辣米線！見大家話好味就去試下😃個酸汁好香好開胃 喜歡多酸既偽文青加多酸 要加$2 另有一小碟酸菜汁😍 個湯好飲 淡淡蘿蔔清香 豬扒都幾大塊 醃製入味 超多花生🤤 .另外，同行的點了韮菜餃酸辣米線 餡多足料 食得辣可以挑戰大辣 夠惹味！.吃貨食慣觀塘臻味豬扒 食開濃味 重口味，呢個清清地反而食唔慣😂 但整體黎講，呢間都唔差，只係唔係成日去港島果邊 要再食有難道😃*都係近近地去食臻味算 又想食🤭今晚去飯堂先😂========================三個90後吃貨會不斷開心share美食💓*喜歡睇我地美食分享的，不妨按👍及share，讓更多人睇到我地既post🙆🏼‍♀️*📍OpenRice: 3bad_foodies 歡迎在不同的平台 繼續留意我們的推介🙆🏼🙇🏼‍♀️大家亦可以向三個吃貨介紹美食👻我們一定會去試👅#愛吃也愛分享 #三個90後吃貨 #3bad_foodies#三個90後吃貨_西環美食推介.=======================阿一豬扒酸辣米綫 (西環)西環卑路乍街7-11號海都樓地下C1號舖

其實西環有好多食肆 ，我就選擇 左阿一豬扒 酸辣米綫， 剛好食飯時間 好多人， 我都要等位等咗一陣 ，我就叫咗個酸辣豬扒米綫 配 酸 辣木耳， 豬扒醃得好入味 米線煙韌彈牙， 木耳就唔太辣，辣味適中， 價錢又抵 ，值得 一試。

讀大學嘅時候已經見到有呢間係都，但係每一次都好多人係出面等位，所以無入到去，出左黎做野又係係番呢頭，今日經過又見到有位，一於去試下啦！香港人總有一個習慣，見到間舖頭有雜誌報導過就會行入去，當然我都唔例外啦！出面已經見到有好多剪報啦，舖面唔係話好大，但係午餐時候總會得一兩個空位。之前睇Openrice嘅時候見到佢有分店，睇餐牌先知道原來係上海同澳門都有！！！我同同事兩個嗌左真味豬扒酸辣上海麵（＄38），酸辣好過隱，本身唔係好食得辣嘅我，都好鍾意呢種辣，小小麻得黎唔會令到你食唔到或者唔想食落去，豬扒亦都好諗身，唔會有好多根嘅！真味豬扒+和味排骨酸辣水晶粉（＄46），每個餸加＄6，改水晶粉加＄2，排骨亦出色入味，一咬就離骨，分量都好多，應該有10粒以上！水晶粉都好"咽un"，啱晒我呢個咽un怪！除此以外好想讚下（應該係）老闆，樓面得佢一個，又要執台又要落單，但係態度都仲好好，又會行過黎問下啲食物o唔ok！：）

又是一个家附近的食物。第一次吃就忘不掉了，米线乌冬都很好吃。服务态度也很好。酸辣，麻辣，味道都刚刚好，很舒服，吃了也不会胃痛。汤也很浓，很香。推荐！！！！！！！