阿一豬扒酸辣米綫

營業中

休息中

今期熱推米線專門店 我都跟下潮流介紹下唔同既米線鋪,希望大家支持下!呢間幾人氣既酸辣米線店 佢最出名係豬扒同酸辣湯底腩肉蘿蔔酸辣湯麵  豬扒蘿蔔酸辣米線都係招牌黎既,一定要試啦 豬酥好大件 炸到好香口,咬入厚身有肉汁 啖啖肉好嫩滑蘿蔔好清甜無渣超好食 湯底係又酸又辣小辣岩岩好食,仲有香菜同花生撈埋食腩肉厚切夠肥嫩個皮夠彈牙 阿一豬扒酸辣米綫平均消費$50評分8/10

五十蚊。本身外賣要加一蚊，但我自己想環保一啲，於是帶左兩個盒去，一個放粉，一個放湯，唔怕整淋啲粉，所以唔使比嗰一蚊。姐姐態度良好，佢叫我入去放低啲盒晌哥哥附近出餐個位度。原本諗住唔使用膠袋，因為我帶左個環保袋。不過有啲辣汁整污糟左放粉嗰個盒……最後哥哥都係要用一個膠袋包好我嗰兩個盒，以防辣汁或者湯水漏出，整濕我個環保袋。個膠袋亦唔使額外比錢。落左單之後，我仲諗緊我係咪要帶埋個吉嘅水樽來裝豆漿？點知原來唔使！佢地嘅豆漿係一支支獨立包裝。份量抵食，食晒成個粉好飽。粉上有啲一粒粒嘅潮式酸菜﹑花生，口感不錯。豆漿也適合用來解辣。

阿一豬扒米線CP值好高幾年前幫襯到依家 一直都有叫開招牌豬排米線依家41蚊 塊豬扒仲要大大塊 仲要有成3塊 真係好抵加上豬扒 好juicy 好多肉汁 好好食 D肉腌得好夠味  又夠軟熟 超推介佢既酸辣都好正 加D辣椒醬正好多! 比左好多花生同酸菜小食既話好推介韭菜餃好好味！大家可以配埋紅豆冰!! 因為呢到既辣比其他地方辣好多！食到出曬汗都有得飲！

今日天氣清涼，老公帶我去西環這米線店食，他知我喜歡食酸菜😊，他話平時返工午餐時食過幾次這個豬扒酸菜米線都好好味😉!我們今日叫左2碗招牌酸菜豬扒米線，配酸菜海哲，他就配一口炸雲吞!每碗有3大塊肥瘦適中的酥炸豬扒，好淋夠味，湯底清甜帶點酸，整體好像泰國風味!我會叫老公再同我去食，好好味!😘😘👍之後我們又去左附近買古早味芝士蛋糕、買左些海味又去買左新年食品，例如角仔及雞仔餅等等，這樣就完成左西環一日遊了!😊😊😊

阿一豬扒酸辣米線有4間分店，我全部去齊食過，我個人覺得最好食😋是西環店，西環分店舖雖然小店內只有五張小圓桌，雖然環境較狹窄坐得逼夾，但地方明亮乾淨，十分舒適。秘製麻辣醬好多人來到阿一必定要食豬扒！因為店家招牌主菜豬扒醃得入味又軟腍，夠肥夠香，好好好食！但除了豬扒外，不能錯過....鹹爽豬手酸缐一樣好味又有一番風味嘅。豬皮口感Q彈爽身，軟腍腍的肉質爽口又彈口，不肥不膩。米線粗身彈牙，帶點香濃米香。湯底酸辣不太濃烈比較清淡，值得一提的是這裏的酸辣菜十分惹味，酸菜酸中帶甜，味美爽口，令整碗米線生色不少！上湯韭菜餃大大粒，店家日日新鮮即製，皮薄餡多，而且好香韭菜味。價錢經濟實惠

同事推介西環一家酸辣豬排米線價格相宜，質素極高，便駕車外賣回公司吃。小店面積雖小，但整潔衛生。這次筆者一共外賣六碗豬排米線，店主見筆者一個女子外賣六碗米線，便詢問是否一個人來買，擔心筆者根本拿不動。筆者說已有同事駕私家車泊在小店的對面街。店主得悉後，吩咐店員幫我拿米線到車上，非常貼心。📍酸辣豬排米線 $42 （中辣）非常驚喜的是米線中有酥脆的炸花生，豬排份量不少，醃得入味，而且肉質嫩滑。由於分湯外賣，米線沒有發漲，保持彈牙滑身。米線酸辣度充足，味道佳，是誠意小店，值得支持。

這家起名於筲箕灣的米線店其實在北角和西環都有兩家分店 ，今次就試下位於西環寶翠園附近的分店 。我和男友分別要了一碗「阿一豬扒酸辣米線」（招牌菜怎可以錯過呢）ᴴᴷ$41 和「豬手上湯上海麵」ᴴᴷ$38 。⚌⚌⚌⚌⚌⚌⚌⚌⚌⚌⚌⚌⚌⚌⚌⚌⚌⚌⚌⚌⚌吃不了太辣的我只點了少辣 ，試一口湯底是微酸加一點麻辣 ，有大量芫茜蔥同埋適量的酸菜 ，味道不錯 ，很開胃 ；再吃一口兩大塊的稍稍炸過的豬扒 ，口感鬆化 ，看看店裡的一張告示 ，原來這裡賣的豬扒都是由店員人手啪打至鬆軟 ，而不是由鬆肉粉造成的效果 ；粗米線煮得剛剛好 ，彈牙帶點煙韌 ，可以encore的米線。⚌⚌⚌⚌⚌⚌⚌⚌⚌⚌⚌⚌⚌⚌⚌⚌⚌⚌⚌⚌⚌因為男友有點不舒服想吃清淡一點 ，所以就點了豬手上海麵 。雖然望落白色一整片😂 ，但湯底味道都有點雞味和白蘿蔔的甜味 ，豬手食落口感夠爽 ，沒有肥膩感 ，豬皮夠Q彈 ，不錯食喔 ！有四塊 ，不會吃不夠啦 。⚌⚌⚌⚌⚌⚌⚌⚌⚌⚌⚌⚌⚌⚌⚌⚌⚌⚌⚌⚌⚌另外我們每人點了一杯熱飲 ，分別➕ᴴᴷ$12。我點的柑桔蜜都幾足料 ，味道不會太鹹 ，男友的柚子蜜就沒有試啦。⚌⚌⚌⚌⚌⚌⚌⚌⚌⚌⚌⚌⚌⚌⚌⚌⚌⚌⚌⚌⚌外出

🐷🐷豬扒酸辣米線🐷🐷 阿一既豬扒大塊夠淋厚度適中不會過於鬆散米線質地好滑身而我最喜歡阿一的酸菜同香脆的花生🥜酸菜不是度度地方都好食的但這裡的酸菜👍🏻👍🏻爽口就算配菜也不會馬虎🤩🤩🤩

一定要試下啊一嘅豬扒米線！米線本身軟硬適中，好有口感好滑，個湯都冇味精味本身唔係好中意食豬扒，因為豬扒好乾身，但阿一嘅豬扒好冧，好有味，完全唔乾身，好驚喜不過係細碗左少少

每次經過都好多人排隊同叫外賣，間鋪比較細，冷氣充足，辣到出汗都唔怕。侍應很好招呼，有禮貌，態度好，落單送餐都快。叫左排骨雜菇酸辣米線，加底同加多款餸，總共$50，兩個人食超飽，有得揀大小中辣，小辣唔算辣，排骨好好味，好鬆化同鬆軟，菇好入味，米線軟硬度岩岩好，酸辣味係阿一獨有的味道，很好味👍🏻👍🏻👍🏻👍🏻 一碗米線仲有啲配菜係入面，有花生同酸菜，花生脆脆地，好好味。 👍🏻👍🏻 呢間分店唔多野食，只有粉面同幾款小食

應該算係一間幾出名既米線，個人覺得有過之而冇不及，真係非常之好味。但食辣既朋友要小心，呢度既米線係非常之咁辣既，我建議要叫定杯野飲或者好似我咁叫辣另上，咁你就會得到一碗唔辣既米線加一碟勁辣既酸菜，呢碟酸菜就係呢度辣既來源，你可以係呢度落少少落去碗米線度自行加辣，咁就可以好好控制辣度喇!我個人覺得呢個米線係超高質既，首先個酸辣湯已經先贏一半，濃郁既湯底配上高質既米線，根本超正，加上香脆既花生同埋炸豬扒，仲要係勁大塊果種!根本超好味!!!

又係我們兩小口啦。我地今次去左西環既堅尼地城，搵到間好似幾出名既阿一豬扒酸辣米線。入到去老闆好親切咁安排坐位比我地，我地兩個不約而同咁點左韭菜餃酸辣米線，不過佢個碗要走青😂。等左一陣就有得食啦！好彩佢有走青，因為佢地比青既分量都幾多。韭菜餃味道唔錯，湯底亦都夠味。辣度岩岩好，雖然我地都係叫左小辣。米線夠彈牙，加埋個紅豆冰整體黎講都唔錯。幾欣賞老闆對客人既親切感，香港需要呢一隻人情味，就算大家係陌生人，但係都可以為對方諗下。

最近食得太多好豐富嘅嘢，食到飽飽濟濟，想揾啲開胃嘅嘢食下。朋友介紹呢間食酸辣米線，必食豬扒米線！-揀左小辣，好鐘意個湯底，辣得黎唔會太油，仲有好多蔥芹菜芫荽，唔食既人記住落單前講呀！-豬扒好淋，好入味，而且唔會太多炸粉。米線煮得啱啱好，煙煙韌韌夠彈牙！-鋪頭細細間，但係下午茶時間都坐滿人，仲有好多住附近嘅人去幫襯， keep住都有人嚟買外賣。下次一定要再嚟試吓韭菜餃，見到佢介紹係自家製嘅，一於下次再嚟食！

之前都間唔中有過嚟食啊一豬扒米線嘅，突然之間有一日見到佢拉咗閘冇開門，以為佢唔做啦，就去咗另一間分店嗰度食，先知道原來佢唔係唔做只不過係裝修，咁我就唯有期待佢裝修完之後再嚟食呀咁早排經過見到佢已經裝修完啦，咁就今日特登過嚟試吓，因為其實一直都覺得係西環呢間鋪頭係整得好食啲嘅，其他分店係冇咁好食嘅咁我就照舊都係叫阿一豬扒米線唔知點解係唔係心理作用嘅關係，雖然外表係一樣，鋪頭係一樣，但係感覺上呢碗米線已經冇以前咁好食啦

由以前住西環開始已經經常光顧阿一豬扒米線 之前原店裝修 試過其他分店 味道同原店始終不一樣 而且越來越多分店已經變得唔好食 終於等到原店開返 即刻去食 結果好失望👇🏻阿一豬扒米線 湯底唔及以前咁濃 米線熟唔透👇🏻雜菌手撕雞 雞既分量比以前少好多😭而且無味