長發大酒樓 (已結業)

飲茶的選擇不多的小區，賣點心的阿姐的面孔來過幾次已不陌生，尤其九時前茶客不多，騰得出時間跟熟客打牙交。聽到隔離檯的人說蘿蔔絲煎魚餅不錯，是煎不是炸，於是叫來一客試試，廿分鐘換來兩面金黃煎餅，下口雖然油膩卻是兩面焦香，鯪魚肉和蘿蔔絲的組合還是首次吃到，效果不錯，若非胃納差，餘下兩件不用打包留下茶點吃。

看著身邊朋友結婚甚至當父母，雖然我無湊過仔，但自細百厭坐唔定的我，也明白父母湊大子女背後的艱辛，人過三十也會更珍惜和家人相聚吃飯的日子，如是日夜家母說打邊爐，一行人連同老表就落到樓下「飲食邊爐」。作為百元左右可任吃的圍爐，吃甚麼不重要，因為也是預期的味道，但面對著火熱的邊爐，任飲的馬蹄水和汽水很重要！這裡有可樂、馬蹄水還有忌廉供應，反正吃肉返不了本，馬蹄水我是飲了十杯有多，還有兩三支忌廉，除笨有精，唔洗自己洗碗，而亦唔太漏單，叫做算係咁，當然好唔好吃是其次，和家人吃飯的體驗比吃更重要。

除夕夜, 到處人山人海, 晚一點打邊爐希望唔好太多人, 9:00 去到剛有位不用等。今次叫了一個鴛鴦湯底, 點了肥牛、生海蝦、龍蝦丸、鮮蝦雲吞、鯪魚球、鮮墨魚丸、炸魚皮、鮮金菰、鮮冬菰:、烏冬、腐竹, 加以汽水, 真的 good !先講講肥牛, 半肥瘦, 一碟不太多, 每次都要叫多幾碟, 抵食 !生海蝦: 新鮮, 還有少少動, 唔錯, size:適中龍蝦丸: 大大粒, 小朋友至愛, 無雪味鮮蝦雲吞: 夠新鮮, 蝦肉能見到, 彈牙鯪魚球: 細細粒, 新鮮鮮墨魚丸: size 大大粒, 都係無雪味炸魚皮: 皮脆可口, 太吸引也太熱氣, 好難取捨, 最終叫了三碟鮮金菰: 新鮮烏冬: 彈牙, 滑鮮冬菰: 比平時份量少,彈牙 腐竹:大大件, 有豆味除夕加了少少, 但真的可以接受 。

同幾位大小朋友聚會, 打邊爐真係無錯 。 兩個半小時真係轉眼過去, 還吃到飽飽絶無欺場 。 任食任飲實價每位$110, 汽水啤酒真的要飲兩支三支, 鮮橙汁是任酙, 生蠔隻隻飽滿加新鮮, 非常鮮甜; 游水蝦也是不會令人失望 ; 雞肉烚還是非常嫩滑,肥肉得幾片要走多幾轉, 牛輾新鮮抵過街市購買, 雞子是某些朋友的至愛, 冬菇、菜、豆腐份量足夠, 雖則大家是 "為食"一族, 但係個個吃完都係滿足及 "飽", 值得推介 ! 8:30後優惠時段, 最好訂枱及早一點等位 。

今晚一定大細又再出動, 試試C9 朋友介紹的酒樓食火煱, 簡直讚不絻口話 "抵", 今個星期到來試試。9:00 P.M. 到目達地, 依然人山人海, 剛剛有人走了有位不用等,坐低立即拿東西吃。看看餐單, 原來成人 $88 已包括火煱湯底、加一服務、飲品及醬料, 不會額外收費, 而小朋友身高110-140CM 則收 $56 , 真的超抵 ! 坐下已經有部長到來招呼, 非常快手, 一會兒所點的餸也不消7分鐘全部送上。蝦果然新鮮, 串起來還是在動, 肥牛大塊及軟, 只是一碟片數太少, 真係要叫你幾碟。至於雲吞, 非常大粒, 彈牙爽口, 口感如4寶丸, 好滋味; 水餃也不錯, 至於魚皮餸,略嫌裡面油多及實, 比想像中差; 豆腐就唔夠軟滑; 炸魚皮是小朋友至愛; 其他都可以; 最可惜係尾場, 所有粟米已不再提供, 出面自助的只餘夏枯草半杯、咸金咭檸檬又係得半杯, 蔗汁就餘下可斟幾杯, 還有汽水、橙汁、罐裝飲品任取, 抵 !湯底方面, 鴛鴦煱略嫌淡, 飲品都係淡, 接受程度可以。這裡員工大醒目, 不用叫已自動加水, 屋村酒漊高質素服務, 好到不得了 !

第一次來~叫左:咕嚕豆腐個皮炸得好脆, 入面d豆腐又好滑, 細細粒一啖一粒, 再加埋d酸酸甜甜ge咕嚕醬好醒胃, 仲有d紅椒青椒炒埋一堆, 顏色好青靚呢~涼瓜炒鯪魚肉涼瓜出過水所以唔苦, 鯪魚肉好彈口唔梅, d汁就係d豉油+豆豉, 成個dish唔係好油, 好清新~燒腩仔拼海折嘩, 個燒腩仔層皮好脆, 食唔停口, 肥肉同瘦肉相間好正, 食落唔肥膩, d海折就差d, 雖然好爽口, 但冇咩味...食完有西瓜送, 部長小紅好好傾, 我食既全部都係佢推介ge~

又係我~~ 繼上次打邊爐後，今次食晚飯。晚上 8:30後有特價，同隔離潮篇撼，都係 $18, $28, $38。瑤柱雞茸羹 - 味道唔錯，都見到小小瑤柱 ($28)南乳粗齋煲 – 南乳味唔夠 ($18)椒鹽九肚魚 – 大大件，新鮮炸，幾香口 ($28)蜆蚧鯪魚球 – 都 ok，但相對地無咁新鮮 ($28)時菜魚滑 – 魚滑都幾彈，清清哋都 ok ($28)三個白飯，四個人，$220，都幾抵~

呢個場一個月總會黎兩三次,介紹過朋友, 同事都讚好.. 好在抵食,又可以飲埋酒~ 雖然話任食兩個半鐘, 但次次都坐兩三個鐘粒都無比人趕走算好彩, 可能仲有位淨啦.(有時兩個人都坐三個幾鐘)調味BAR 有成十幾醬&配料,出面真係好少見~無取巧無話有D食物雞蛋要加錢,連麻辣湯底都有.. 不過唔太正宗亦都唔夠辣,且食落偏咸.. 試過就算..所以我通常都會叫濃沙爹湯底.. 千祈唔好叫鴛鴦湯底..一滾會溝啖晒D沙爹湯底, 又會污染到d清湯.. 落單大概 5-10分鐘就有成盆材料拎上黎.. 所以一次過唔好叫太多.. 其他食物都新鮮..唔會出面任食果D又厚皮又少肉,又唔會係貴價野比少D,飽肚既比多D, 份量咁多就係咁多, 我次次都食返兩三板肥牛先走~加埋任食好少有既雞子, 味道唔錯既魚皮餃~ 飲飲食食~開開心心又一1DAY 唯一彈既係魚皮間唔中會諗唔脆, 記得要叫佢換..出面門口寫住 68蚊位 + 茶芥醬料加一 實收 99蚊/位咁既價錢飲飽食醉去邊度搵? HAHAHAA

約咗兩個朋友仔去打邊爐，聽人讚過呢間 ok，於是就嚟試下。任飲任食火煱晚上8:30 開始，比好多要9:00先開始嘅酒樓半個鐘唔錯呀！限時兩個半鐘，食到11點都夠啦！好少見到任飲會有支裝汽水，呢度竟然有支裝可樂同忌廉，可惜唔夠凍，但叫侍應比幾隻冰杯，雖然叫咗兩次先有，但都無黑口黑面……調味料任取，可以揀自己鍾意食嘅，而且款式都多，連腐乳醬都有。食物幾新鮮，蝦、鱔片、魚類、鮮肉丸類都唔錯，連金菇、生菜、通菜同鮮枝竹都幾好~~連生蠔都有，因為呢個季節，好多都無，尤其係任食嘅酒樓。餃類就麻麻吔，無乜特別，但皮偏厚。最欣當係佢嘅菜幾靚，又係唔會似一般酒樓切定晒，好似擺咗好耐，切口生晒銹咁。埋單三個人共 $297，任飲任食火煱嚟講中間價錢啦！希望可以保持水準，咁我就會棄新星去長發喇 ^__^

是次又是邊爐怪出動的日子,一行3人到長發呢間野打邊爐~講明~~食兩個半鐘~!!我地7:18到~咁是唔是食到9:48呢??????好~坐門口~~都算~咁我睇下幾錢拉~冇~邊到都冇寫~出面冇寫~坐左之後連餐紙都冇寫~~你收$1000位都得拉~咁我地全部女仔~傾到7:33先落單拉~要到成8:00先有有野上,咁我都算~邊有間野落10樣野得返5樣先得架~!!!真係差到爆~D野又唔係好食~~!~!!食左乜我都唔記得拉~!都係叫左3輪咋~但係3輪都係得15樣野食先上到黎~ 仲要相隔成半個鐘先上~~!!!唔追單都唔會上,同個四眼仔講話漏單直頭唔理~!!!~!!去打逐碟計仲平過係呢度打~!!食到大約9:00到~又係果位四眼仔走埋黎話埋左單先~仲可以再叫既~咁我地咪信佢咯~比左錢之後,我就倒埋烏冬落去~跟住為左等佢熟~咁我就擰轉頭整少少野先再食~一個屈尾十~成煲野消失左~我D朋友仔話叫都叫唔住~唔係卦~~~問都唔問下~!!咩態度~!!!!咩服務~!!!!!!我地成班呆左~煲都冇打咩邊爐啫~~~叫人走拉~咁做法~我地都未走咋~就叫另外既客黎~原來係因為趕住交場~!!!!~真係未試過係一間打邊爐打成咁!!!又

今日雖是閒日但不用上班,11時多才起身,跟家人去飲午茶,雖然今日是閒日,但是很多人在這裡喝午茶因為Reception安排錯檯的關係我們最後要跟人share檯(明明reception說是自己一張檯的Anyway,不要影響喝午茶的雅興 雜菌伊麵: 師傅下了很多韮黃,很好吃,又夠鑊氣 山竹牛肉: 好大舊,抵食,不過等了很久才端上來 鵪鶉蛋燒賣: 好驚喜,因為上一次來喝午茶時還未有鵪鶉蛋燒賣選擇的~~可能對鵪鶉蛋燒賣有情意結,所以覺得超好味 蒸凈腸粉: 油份不是太多,但是夠滑有米香,好吃~~~之後再來一個芒果布甸,本以為錦上添花原來是多此一舉,,,,敗筆anyway,所有點心也很好吃

酒樓裝修後 , 飲茶, 食飯 , 火煱 , 外賣燒味俅都食過好多次 , 水準好過以前 , 又抵食...我每星期大約 2-3 次外賣燒味飯 , 多數都是 11: xx 或者 晚上 6:00 前 , 可能沒有美x 快餐的關係 , 所以多了人去買燒味飯 ...最近幾次買燒肉叉燒飯 , 回家打開飯盒 , 見到燒肉無燒肉皮不特止 , 還是碎濕濕 , 看似餸頭餸尾 , 叉燒仲衰 , 個幾舊橙色叉燒 , 顏色似是浸到上色 , 不像平時燒的 ......我不明白 , 堂食就無問題 , 係咪外賣先係咁樣 , 定係覺得我應該食咁樣既 "餿飯" 呢 !

買了4籠點心，分別是蟹籽燒賣皇、蜜汁叉燒包，上海小籠包和四寶滑雞扎，共$58。1.蟹籽燒賣皇---每顆燒賣也有一隻蝦仁，蝦仁爽脆，豬肉肥瘦比例剛好，調味不錯，鹹味適中。2.蜜汁叉燒包---包身十分鬆軟，叉燒份量算多，可惜醬汁較少，味道不夠濃郁。3.上海小籠包---小籠包的皮略厚，餡料份量足。豬肉肥瘦比例適中，湯汁豐富，剪開它來影相時湯汁"噗唧"一聲爆出來!美中不足就是豬肉餡有少許軟骨碎。4.四寶滑雞扎---腐皮卷著雞件、火腿、冬菇和魚肚。雞肉比較乾嚡，魚肚略帶爽口，火腿較乾，冬菇厚身，鹹味適中。雞扎質素不及隔鄰的"潮篇"。

零九年一月下旬五樓商場，從前是美心皇宮，又轉了幾次手，在領匯接手前長發酒樓霸了全層，番新後間開作潮館同長發酒樓。領匯鬧出的風雨真不少，街市風波、商場外流動小販事件．．．家住這裡近廿年，比起油庫清拆引起更大風波。風波後，餐廳經營方式是進步了，走到長發酒樓，用上圓環吊燈裝潢比從前雅致，從前兩邊的明檔拆走了，感覺光猛企理很多。年初一來這裡飲茶，人很多，唔想搭檯見有四人檯二話不說的霸下，看點心紙，選擇比從前花巧了一點。開了壺茶，點三全都是剔紙仔，要了山竹牛肉、鮮蝦腸粉、燒賣，一率十三．八元。山竹牛肉是大量蒸著的，等上十餘分鐘，是人多關係吧，牛肉鬆腍幸好粉不算很重，亦有芫茜的香味（如好似得龍般再加些肥豬肉粒就更美味），墊底的腐竹出其的不太腍，反而比牛肉更好吃。燒賣比從前進步了，是肉餡上了小隻化學蝦，面層舖了蝦皇，肉餡口感略韌，幸好屬於一口之作，細嚼後也不算難消化。鮮蝦腸明顯地是蒸定的，夾起又跌下來，不滑亦沒米香，感覺是幾化學的，豉油加了師傅，出奇的甜。服務方面沒多大改進，加水也要自己落手落腳，始終是平價街坊酒樓，也不好要求隨傳隨到的服務了。

慶祝阿媽生日, 就黎左樓下既酒樓食小菜食過幾次都覺得味道唔錯, 不過今次發覺份量略減, 價錢略加白灼海生蝦 + 燒味拼盤 $118 (蝦夠鮮, 拼盤有薰蹄, 切雞, 海蜇, 乳豬)一隻頭抽家鄉雞 $88 (好味, 不過蒜香雞更好)椒鹽九肚魚 $38 (一般, 或者我凍左先食, 太淋)美味沙拉骨 $48 (好味, 酸酸甜甜)海皇什菜煲 $55 (無以前咁多海鮮)4個人, 4 位茶錢, 一份花生, 兩個白飯 ($8 x 7)