長發大酒樓 (已結業)

哈，補回一年前的食評。因為見雜誌介紹，令我諗返起。食物不俗，最鍾意個混醬吧，好爽，有好多款醬料比你自己配搭。價錢平。要挑剔的，係座位迫左d。可以翻兜的一間。

前幾日相約幾位朋友到長發任點任飲打邊爐, 呢度已經係我第二次光臨! 水準依然keep得住!首先任飲竹蔗水, 酸梅湯, 橙汁, 支裝汽水(已回本!)酒樓確實不計成本! 任點食物方面, 普通貨式應有盡有, 另外特別而又貴價少少o既有生鮮肥蠔, 海蝦! 推介有水餃(?! 真係幾好味!)最重要係當晚雖然係平日, 但係全場滿座, 依然沒有漏單, 重要好快上菜! 呢點的確抵讚! 唔怪得咁多街坊長年捧場啦!

2007年2月21日，16:30在機緣巧合下，我和太座竟在這裡撐腳。燒鵝瀨粉：皮脆、肉厚，有鵝味雞包仔：薑汁濃，配上雞蓉和蝦仁，包皮細緻潮州粉粿：肉未、菜脯、蝦米、花生，沙葛…幾正宗，可惜皮太淋。山竹牛肉：不會粉一團，牛肉起根。豉汁鳳爪：一般行貨，香港特色小點。豉汁魚雲：豉汁特出，魚雲不算鮮和肥美。這店前身是美心酒樓，我家和這裡有點緣：入伙飯、大少魔怪滿月飯局都在這裡。當年的美心頗有水準。笑臉-部分是感情分^m^

以前係青衣返工，間唔中同同事食lunch 飲茶或者同朋友打邊爐~飲茶點心款式比較傳統(隔離新星有流沙奶皇包呢~)，裝修冇咁靚~ 但勝在地方夠大，出面又可以拎點心(唔係齋用order紙)，所以唔駛等咁耐就有得食~ 下午茶時段真係幾抵(正價就同"新星"差唔多)打邊爐八點半後入座平d，但通常星期五晚都勁多人，天氣冷既日子更多，所以都係比多十蚊，早d 入場食仲好!而且早入場既有額外點心送架~(炸越式春卷之類)火鍋料選擇多，但唔好抱太大期望~ 肥牛多數係超肥牛一餅咁分唔開等等~ 平平地係咁架勒~我最鍾意佢任飲，汽水啤酒竹蔗水乜都有，仲有好多醬料任你拎~特別一讚呢度d 阿哥阿姐個個都幾好禮貌呀~ 仲有個廁所都算乾淨

住附近咁多年，這間酒樓是被封殺之首，反對無效，走前約定的大計，最終仍要在這裡（預期）進行．．．死線前趕得及出現，手信上繳後終於爭得到位置。損友們早已吃得半飽，聽聞是漏單追單後方有肉、魚、菜滿檯，街坊式的任食打邊爐，要用爭、追的方式也是預期。青衣打邊爐，相信這裡都算平盡，但同貴少少又好少少的新星比，其實每人唔差三十大洋，只因假日收$68位，另加$8茶錢、再加$8混醬價、再收加一小費，即是位位$100左右。雖然未解好凍、雖然湯底同豉油都好味精、雖然款式是「有限公司」，但鮮牛肉、肥牛、羊肉、蠔、手打丸．．．甚至極為高危的牛骨髓都被清碟，屬於填鴨式的打邊爐，填飽就算別無要求。擾攘一番後，不知何時多了個生日蛋糕，又不知在那裡端出了幸福摩天輪，只知道大家都希望阿妹轉了摩天輪後將度過幸福快樂的新一年，生日快樂～(笑面送給當日的氣氛）

凍冰冰最好就係打邊爐，而so far覺得打邊爐至抵都係長發大酒樓，任食任飲成人星期一至五每位58，假日加多十蚊，另每位收醬油8蚊(有過醬油bar可以任攞生熟蒜呀xo醬雞蛋等等)及湯底8蚊，八點半之後又每位平10蚊。任飲任食火煱當然唔好要求有好多海鮮貴嘢食，不過選擇其實都唔算太少，美國肥牛好多時都會幾靚吓架，有時見老豆叫啲鱔同魚雲都好好(有時都會唔靚)，我覺得其實火煱料新鮮就得啦，長發火煱成日都好多人食，啲料turnover快，所以絕大多數時候啲料都新鮮。又雖然係任飲，不過啲飲品一啲都唔馬虎，啤酒就唔會有名牌喇，不過老豆話都飲得過，汽水就有樽裝可樂雪碧芬達忌廉，又有罐裝橙汁同百事，仲有嗰啲馬蹄水嗰啲選擇。因為抵食，我次次都要六點幾就去到，因為我次次坐低冇耐到七點就full哂，所以想食就要早啲到。