長江海鮮酒家 (已結業)

其實我琴日食過冇其他食評寫到咁差 雖然佢係外面睇係有啲騎呢 又茶記又酒樓咁 講真如果唔係男朋友話想試下 我真係唔敢入去😂 而酒樓啲待應都記好幾nice 可能係茶記個邊啲服務差啲 我男朋友最後仲俾左$20tips 😂 講真唔多人都算幾好坐 我會再去😊

食物: 一般點心, 冇特別環境: OK衛生:差抵食:差服務極差:12人包括4個小朋友，1個BB飲茶。埋單見收15人茶錢，叫樓面看清楚，她沒有禮貌地叫我們的小朋友出去收銀處度高，若高過那條線就要收茶錢！就算高過佢話的高度要收茶錢，佢都是收多了3位，我們大小加埋只是12人，那裡有15人。分明亂寫「博客唔䏲」可收多D.出到收銀度，同個經理講，佢死話不是佢叫的，明明見佢之前在收銀處和那樓面訓話。而且佢又知我們只是12位？我都冇話過比佢知。有心做唔敢認！平時幫佢地買月餅，年糕，稯⋯⋯從沒有免過茶，常常收多茶錢，今次禁多過小朋友又亂來，實在忍不了！見到疑似老闆就問佢是否亂收茶錢，叫客出去度高，佢話佢只是茶客，我問佢做咩，佢重惡過d狼狗，個樣勁串勁匈。冇責任感，禁都唔幫手安慰客人！其實我們的小朋友都冇飲個茶，為什麼要收茶錢？收佔位費嗎？如果佢在單上可寫佔位費，我比20個位錢呀！奬嘗他們這麼好的服務！夾埋唔認，夾埋串客！屋邨洒樓，冇競爭，冇質素！

第一次來去食午餐， 撇開價錢不講。 碟頭飯的飯是冰冷的，生生硬硬。滑蛋牛肉飯，滑蛋不知滑去那裡，一隻蛋也没有，蛋汁温温暖暖地放在冷飯上，形成一種比茶餐廳更冷漠的感覺。服務好像有過，曾經何時有個一杯水， 這種若有還無的服務，就像初戀表白後學長無影無蹤的失落感。一個午餐多麼異樣的感受，值不值，你來試吧。

閒日Lunch 一點幾, 成間酒樓都唔係多人買個燒味飯外賣啫~去cashier到買個燒鴨燻蹄外賣cashier: 「燒鴨燻蹄要28蚊喎!!」我: 「@@? 哦~」28咪28囉, 比唔起咩? 隔離M記一個餐都3十幾啦去個燒味部: 「燒鴨燻蹄少飯, 燒鴨要鴨胸唔該~」明明有鴨胸切左係到個師傅A話: 「冇鴨胸呀~比鴨脾你丫」就直接放左上飯到另一個師傅B話: 「呢舊咪鴨胸囉」師傅A即時黑哂面我同佢地講話: 「多薑蔥唔該~」個師傅A講哂粗口指著酒樓門口位: 「咪乜野都係哂個到囉!!!」你話冇鴨胸直接比鴨脾我, 我都冇話過你出面有個自助薑蔥位我唔知啫, 都已經乜野都唔該前唔該後啦仲洗唔洗發脾氣講粗口鬧人呀?你做得辛苦係你ge事, 我食飯唔洗食埋你啖氣掛?又唔係特別好食, 又唔係平燻蹄得4小塊, 雪到冇乜味同埋冇汁怪怪地好乾燒鴨脾好穌〜穌到食左啖食唔落可能我食唔慣脾呢d好野啫最好味應該係個薑蔥喇唔會太咸，又夠味D油淋落飯到都不餐不過飯煮得太軟爛做得街坊生意仲要粗口招呼以後都係唔好搞

這酒樓內，竟有間小型餐廳，雖然感覺怪怪，但竟然食物質素比酒樓高。玉米肉粒飯，玉米汁夠多，意想不到是玉米汁內竟有南瓜碎，味道異想配合。 牛肉炒麵，火喉十足，又香又野味。 可惜是兩碟飯和麵的份量都很少，有點不夠的感覺。

食物：下午茶時間，叫6款點心就有2款無，連最普通的牛肉腸都無？蒜蓉鮮魷又無？...好，咁叫兩個價值$13.8的特價燒味粉麵啦！點知侍應說要等10分鐘，都唔緊要，最重要係啲粉硬到咬唔斷，原因係未熟!!!環境：雖然有點陳舊，尚算清潔乾淨。服務：侍應尚算有禮貌，但需再訓練，8個人飲茶只放6套餐具，還要其中兩套餐具係無快子，其中一套餐具係無碗同湯匙，擺位少了餐具亦完全無意識去補返，要問先補，真奇怪!!

星期一行經錦泰苑,有點肚餓,無可奈何下只好入去吃點東西(大家都知錦泰冇嘢好食啦,得間舊酒樓同麥記),但今次上到去居然看見酒樓裝修過,入面多了一間茶餐廳!!!好入到去試試啦,坐位幾好,卡位很闊,點了一個黑椒什扒飯,一杯凍奶茶奶茶--一般沒茶味,不滑什扒飯雞扒很好吃,牛扒都不錯,就是豬扒太難咬了食品有100分都有65分啦,但飲品就要改進了!!堆單價錢40元,算抵食

屋企起附近關係, 同家人去長江飲茶就周不時都會去.但最近裝修好後, 見酒樓近門口位分拆了位置做茶餐廳,今日為了試新嘢也好, 支持下也好, 同老公去試一試.....下晝四點幾先去, 未知係咪晏嘅關係, 少人.....坐到卡位, 座位算寬敞, 幾舒服.諗住食少少下午茶餐之類, 點知佢係冇下午茶餐的....唯有試常餐, 有 A 同 B 選擇.我同老公一個 A 餐一個 B餐,味道一般都OK可接受, 沙嗲牛肉出前一丁 -- 足料, 堅係出前一丁, 而且出前一丁味又唔會蓋過沙嗲味, 兩者味道配合得唔錯~吉列豬扒什菜米線 -- 吉列豬扒炸得唔太油膩亦唔太乾身, 幾易入口(可以叫侍應比沙律醬, 但沙律醬係酒樓用開隻鮮果味沙律醬, 所以同豬扒唔太夾了)飲品麻麻,熱奶茶 -- 奶味多咗啲, 同埋唔夠滑熱華田 -- 奶太多, 同埋唔夠熱 份量同餐牌所寫有出入牛油厚多士 -- 事實係普通薄果隻方包多士吉列豬扒什菜米線 -- 什菜只得一株西蘭花 ↓見相 結論, 唔太抵食, 以三十幾蚊的價錢來說, 食物份量同品質就未達標了....

星期日, 例行公事是送番父母同BB出去美孚. 另一個例行公事是同父母飲茶. 有時間的時候, 喜歡寫作的我當然要找家未去過的酒樓. 點評一下. 這次為了方便泊車, 為了找一家酒樓, 由停車場至酒樓都是室內的, 又想試新野. 膽粗粗的來到了錦泰苑, 試呢一間長江.泊好車, 升降機是直達酒樓後門的, 行返出正門, 我們嘩了一聲. 成個商場二樓, 都是等飲茶的人. 拿了籌, 要得成40幾張檯. 看見人出出入入, 就算啦, 等吧. 一等, 就等了大概一個鍾. 期間我們有打算過放棄. 進知, 呢一個商場仔, 只有長江呢一間酒樓, 同旁邊的一間麥當勞. 周圍18里都沒有任何食肆. 獨市生意, 再加上落雨. 而且又未過正月十五, 人多, 感覺是一定的. 等到腳都痛哂, BB喊了兩次, 才有位俾我地飲茶.急不及待了, 盡快剔幾個點心, 炒個粉麵, 快快的食完回家. 首先, 叫了些齋點, 好讓遲起床, 未食早餐的太太先有點心食. 竟然地, 一來, 先來一個甜包. 流沙包第一個到. 味道算是夠甜, 可是咸蛋味不太夠. 好的是, 食落, 餡料真係起沙. 而且凍左之後, 一樣流沙. 果然係'流"野.

我媽媽11:00am已到酒樓取票輪侯,等一張7人枱. 因門外人數不多,隨即有位入座..因近洗手間位置而我們還有時間可以再等..便回覆知客再等多一張. 誰知一等就等左45mins...其間知客不停講假日有特別安排會輪侯長些時間..眼見人流真得不多...對面McDonald條隊仲長過等茶位既人....我地都冇所謂....再企住等...因酒樓係冇輪候椅給茶客...誰知眼見大部份中枱都安排給剛剛到步的食客為"搭枱"..再追問知客時...她佢竟然破口大罵"你地有枱唔要之麻".."你見到邊度有新撘枱呀?" 我們就直指給知客.....跟本這位知客就沒有準備另一張枱給我們...只是要我們一直等.......當我們開始同佢對質時..她就安排了一張係路中心既加大枱...每次行車都要讓座.... 我們已同知客講我們有2位小朋友..所以唔想太接近洗手間....最終她都是"求其"安排一張給我們.............這個經驗實在令我們太不愉快.....原本開心既Family Day...竟然因為某些沒有禮貌..工作服務態度差..對客人破口大罵..十分惡劣的人破壞了..

今日趁星期六同老公試下呢間酒樓，一去到見到唔洗等位，都知道唔會係開飯首選!我地去到果時係1:30pm，下午茶係兩點先開始，仲有半個鐘，唔等了。一睇 menu，差唔多係無小點的! 我地order 左: 皮蛋廋肉粥 (中點)嘩! 好快就送來! 一睇見都嚇左一跳，因為實在係好細碗! 馬上試試...味道就普普通通，無驚喜! 粥係有味，不過就得好少皮蛋同廋肉! 雞扎 (大點)賣相幾好，雞都好滑，不過不失。 麻蓉包 (中點)一籠得兩個，睇落都ok，一試之下，包做得太硬，麻蓉太少! 牛肉腸粉 (中點)一碟有3條，份量正常，味道都係普普通通，無驚喜。飲茶除左食物之外，最重要係飲到杯靚茶! 茶要沖得好一定要水夠熱，呢度都做到呢一點，可惜茶葉品質唔高，茶味唔夠香。每位茶錢$6，都算合理。今日第一次試呢間酒樓，品質同份量都令人失望! 難怪到左兩點下午茶時段仍然唔洗等位。今日就當試下新野，不過真係一次就夠!