鐵牛台灣牛肉麵 (希爾頓大廈)

營業中

休息中

隱匿於美食豐富的尖沙咀中，用餐環境舒適清幽，小吃和主菜出品都很不錯，推薦紅燒牛肉面：肥美分量十足的牛肉、營養豐富的牛腩、彈牙爽滑的牛筋共冶一爐，湯底也熬得濃香四溢，還原了正宗台灣牛肉面的味道，搭配店內冰涼爽口的港式奶茶，是人生的一大享受。

鐵牛係尖沙咀有兩間分店，一間係尖東個邊平時假日行過雖然未到要排隊，但都幾多人今晚去左美麗華個邊既分店，要落一層我地星期日八點鬆啲黎到，唔多人地方唔算大，但幾寛敞，卡位坐得舒服👍🏻餐牌好得意，整到好似本圖書咁📚食物種類方面，主食唔算多選擇但小食種類較多，不過今晚唔餓無叫到揀好野食係張紙到畫好就拎出counter俾錢之後可以坐定定等食 😋叫左一個 烤雞腿滷肉便當便當會跟三個小食最上係炆花生麵筋，炆汁無咩特別味道麵筋口感唔錯，吸晒啲汁雖然油左啲，但都唔錯既中間係生菜，醬油咸咸地，落左幾多蒜蓉，所以食落去都幾咸香，生菜偏腍但都新鮮滷蛋配菜脯，滷蛋睇樣都知入味，食落幾香，但略嫌乾。菜脯正常無特別滷肉飯既滷肉幾滿意，滷肉唔會太濕，調味剛好唔會太淡太咸，食落口仲有好香乾蔥味，滷汁係好食，略一小瑕疵係滷肉偏瘦烤雞腿個醬汁好好食，好惹味而且好香蒜蓉味食落口會充滿住蒜蓉香，但又唔會嗆到食完成日蒜蓉味，調味都唔錯，咸香加蔥令雞腿🍗加分雞腿外皮燒得唔錯，尾端仲有少少脆份量同厚度都滿意，係雞腿肉質鞋左啲因為已經係雞腿，期望會係滑嫩既肉質另一個係 豬軟骨乾拌麵跟麵有一個類似貢丸湯既湯，飲落胡椒味幾重，偏重口味乾拌

「每一粒米都充滿油」（Stephanie, 2019）難得lunchtime 有時間，我同同學就浩浩蕩蕩去尖東食鐵牛。大家都不約而同叫咗滷肉飯。之前食過幾好味，今次就少少係伏。滷肉飯配三款配菜，包括滷蛋半隻、少油嘅茄子、同埋雜菜（竟然有罐頭蜜桃...）。如果叫滷肉飯餐，滷肉分量會比一般便堂多。肉嘅分量多咗，大舊d，汁都多d。根據第三者報告，甚至係太多。佢地成碗飯嘅飯粒都被染上啡色。聽得最多嘅生字係「好膩」，所以兩位女友人都食得半碗。 咁如果滷肉分量少d，會唔會好轉。的確，碗飯係好多。不過，我覺得本身飯煮得太淋。我叫嘅係排骨便當。賣相好吸引，除咗有本身滷肉飯嘅套餐，仲有大大片炸豬扒。滿心期待一口咬落去，伏！ 好多肥膏，件件都係咁。 個炸皮同肉又分離。後尾肥到我唔食皮，但都唔好味。豬扒本身咸。我都想像唔到豬扒加滷肉嘅鈉同卡路里有幾多。唯一好彩係午餐配熱飲，有奶茶。可惜都補償唔到膩同解咸。

經過尖東，一帶都係D貴夾唔飽既餐廳，一係就係D充滿旅行團既餐廳，唯有每次經過依頭，都係落地庫食鐵牛啦。鐵牛食物質素算係穩定，價錢正常，份量多既餐廳，所以晚黑經過依頭諗唔到食咩，都係去佢!店鋪有卡位，梳化位同大枱，位置大，冷氣都足，舒服!入到去之後，店員比左Menu同點餐紙我地，諗好食咩就出去比錢，然後番位等野食!餐牌非常台式，文藝風~食物有麵類也有飯餐/便當類麻醬拌麵蕃茄系列麻辣系列另外有唔同種類既經典台式小食同唔同種類既野飲我地睇完Menu之後，就叫左一個鹽酥雞湯面，一個台式牛肉面，一杯檸茶Share。埋單都係$138先黎左一杯凍檸茶，用膠Jar裝住，好有文青味道。我食既係鹽酥雞湯面，麵入面有肉燥同蔥，配以台式既湯頭。撈混晒食，所有麵都好有肉味，好正。我自己鍾意食完麵先食炸野，廢事喉嚨痛。鹽酥雞表面乾和脆，咬入去D雞肉出奇地嫩，係一貫水準。炸皮薄，肉質多另外特別既係佢用台灣形狀既碟裝野食，好有心思。總結，係尖東以人均7X$既價錢食得到有質數既野食，份量多，好坐，都算係一間穩陣既食店! 路經尖東都不妨試下!

如果要數最喜愛的台式食店，除了那本港的連鎖餐廳外，我最喜愛的便是鐵牛了。之前經常吃牛肉麵及雞扒麵，這次看到menu上推介的雞肉便當，看到賣相不錯，決定試試。食物來到，發現有不少配菜，雖然配菜的份量比較少，不過十分醒胃。肉燥飯香而不膩，肉燥又會太肥，感覺剛剛好。不過雞肉煮過頭了，有點老，及肉太實了，豉油也放得太多，有點咸，不過還是可以接受。整個餐，我覺得肉燥飯比主菜雞肉還要出色，下次可以就這樣order一個肉燥飯便當。不過這裡的店員真的是有夠好客，因為下雨關係弄濕了半邊身驅，剛坐低就向我遞上紙巾，真是有夠體貼。

口味人人不同，而呢間鐵牛嘅麻辣牛肉麵就正正係我鐘意嘅口味（中環嗰間剛開張時食過一次，但印象中冇特別驚為天人）！一嚟到就聞到好香麻辣味，食落去個湯好清甜，忍唔住飲咗幾啖。仲飲咗洛神花茶，唔太甜，都好啱我口味。

之前都有食過鐵牛下午茶，感覺還不錯，所以今次再食鐵牛。紅燒牛腩麺三碗麵既賣相唔錯，份量都幾大碗。湯底濃郁，牛腩好淋好入味，麵質同味道都可以。逢甲鹽酥雞食台灣野一定要食鹽酥雞既 雞炸得金黃香脆 而且面層既鹽令到個雞粒唔油膩 入面既雞肉仲係鮮嫩魚酥皮蛋豆腐都幾好既，感覺好過紅燒牛肉面，個醬汁味道幾好，豆腐加皮蛋口感滑滑的。这里的菜式多样款式多，口感纯正喇。服務：服務態度好，店員臉上常有笑容。 環境ok，消費有比較親民

上次第一次食呢間，午餐時間超多人，等成10個號碼。今次晚餐時間，放左工一兩個鐘，唔使等就有位了。總共點了五樣食物，有炸雞麻辣麵，豬軟骨內燥麵，肉燥茄子，酥炸大排，同百香果qq茶。炸雞麻辣麵叫左小辣，適合想過下口癮，又唔食得辣嘅朋友。豬軟骨內燥麵，肉燥唔知係咪浸左湯入面，感覺較少，豬軟骨真係每一舊都有軟骨，好有咬口。兩個麵都係適合女士既份量，男士想食得飽，就要叫個酥炸大排啦。肉燥茄子正常，無乜驚喜。百香果qq茶，就係果汁加d珍珠同埋椰果，如果想飲到百香果肉，都係要去番專賣店啦。

今次喺【鐵牛】試咗【紅燒牛筋腩麵】、【麻辣牛筋腩麵】、【鹽酥小拼盤】同埋【荔枝冰紅茶】【紅燒牛筋腩麵】無論牛肉定係麵底都份量十足，牛肉牛筋夠淋夠晒入味，麵條有咬口，湯底入口有陣陣藥材香，食完都唔會口渴【麻辣牛筋腩麵】除咗多咗少少雪菜之外，兩碗麵食落無乜分別，都唔係好覺有辣味【鹽酥小拼盤】有花枝丸、蕃薯同埋鹽酥雞；個人覺得花枝丸最有驚喜，爽口彈牙，有少量花枝粒粒蕃薯表面有話梅粉，加埋一齊食都幾特別鹽酥雞炸得比較乾，普普通通，好在唔會過咸。【荔枝冰紅茶】唔會太甜，清清哋好解渴整體嚟講，以呢個價錢都算抵食，起碼食物質素唔差又坐得舒服，而且食完唔會唔夠飽

如果係poly 附近想食好西 一係就去都會一係就黎尖沙咀 鐵牛呢間行10分鐘就到 都不失為好選擇😆 我成日叫呢個係 逢甲鹽酥雞滷肉飯便當 $56 呢個價錢係星期一到五午餐先有 冇分學生餐 都幾抵食 所以lunch 時間好多人都黎排隊！ 旁邊有5大件鹽酥雞，炸得好香脆，中間有滷水拼盤，仲有個滷肉飯 撈埋成碗飯食好味！飲品要自己另外加，加$3可以飲熱奶茶，加$6就可以飲熱珍珠奶茶，加$9就有凍珍珠奶茶～ 我叫嘅係熱珍珠奶茶，鍾意飲呢度嘅奶茶夠香滑唔會話好甜😛

最近愛上食台式菜, 朋友介紹說鐵牛味道較為正宗, 而且價錢也抵物有所值。在尖沙咀大型商場行街行到累又肚餓，想起附近金巴利道就有一間鐵牛分店, 地點也非常方便唔錯選擇。餐廳在地庫裝修設計如台灣風味, 空間感較大, 餐枱以簡單木系為主，有大長枱，亦有舒適的卡位。餐牌食品繁多，有台式便當、拌麵、台灣便當、鮮蕃茄及麻辣湯麵、新竹米粉，特色台灣小吃，小菜，仲有台式特飲。想點什麼以劃紙方式落單，然後去櫃台付錢, 返回座位等待服務店員送上枱。簡單木系枱面卡位望落去就已經感覺好舒服😌食麵只要加多HK$18只可以叫台式特飲，我們也要要2柸胚芽珍珠奶茶，我好喜歡它不甜, 奶味和茶味濃，珍珠較為煙韌，加入胚芽增添麥味。好飲柸子寫著「鐵一般的熱血」蕃茄湯底清甜滋味，麵非常彈牙，碗內蔥花作配菜增加香氣麻辣湯底鹹淡適帶點微辣, 油份稍為稍稍偏多。牛腩和牛筋半肉半筋, 肉質腍軟嫩口同時筋位有嚼勁, 十分入味又夠林牛味十分濃郁。滷水豬耳爽脆鹵水蛋完全吸收了鹵水味好入味滷水豬大腸好入味但肥了點朋友沒有介紹錯鐵牛真的唔錯值得一試,好有台式味道

今日一支公收咗工 因為好熱 所以都唔想食湯麵 就叫咗呢個鹽酥雞肉燥撈麵麵嘅質地唔軟唔硬 配上青瓜絲撈埋肉燥幾好食不過肉燥略嫌乾咗啲 鹽酥雞炸到卜卜脆入面啲雞肉好滑好香 六十幾蚊算係咁交到功課

平時食開午餐 次次都好大份今次專登黎試下下午茶嗌左麻醬乾拌麵 鹽酥雞 豬耳同牛肚絲份量好細 食落唔多飽麻醬乾拌麵略嫌太油膩 鹽酥雞唔夠脆 有少少太鹹 最好食係牛肚絲 辣得黎好過癮下次都係食番午餐算...

呢度近尖東橋可以話係理工大學學生下午茶落腳地價錢平 $40左右有三款小食+ 飯/麵+ 飲品簡直係窮人恩物我經常性5點半趕到黎尾班車落單食晚飯鹽酥雞 梅粉番薯 🍠 辣牛肚絲 / 炸豆漿都係我既喜愛

我同性價比高既食店總係會結下不解之緣。經常性地食番同一間餐廳，叫同一個菜🤣 而我逢親去開尖沙咀，又諗唔到食咩，就會去呢間鐵牛。貪佢坐得舒服，水準又穩定。我成日都叫招牌紅燒牛肉麵 $63佢既湯底算係香濃，不過我鐘意食台灣牛肉麵有啲辣味，所以每次食都會叫個麻辣豬耳，加少少辣汁落個湯底，會更吊得出牛肉香味！鐘意食辣既可以試試我呢個配搭。 男友叫左個廚師推介牛肉麵，牛筋會相對多d。我見佢轉新竹米粉，我就即刻同佢交換一半麵食立即自製左個紅燒牛肉台式”慘慘” (即模仿喇沙既油麵拼米粉)。好吸引！