鐵牛台灣牛肉麵 (希爾頓大廈)

營業中

休息中

我真係好鐘意食台灣野之前行過鐵牛幾次都見到好多人食~今日lunch時間就決定係poly行過嚟食~雖然佢嘅招牌係牛肉麵但係好鐘意食鹽酥雞嘅我就揀咗逢甲鹽酥雞滷肉便當~逢甲鹽酥雞滷肉便當~ ($58)佢啲雞都有5 6粒熱辣辣岩岩炸好夠喊夠味夠脆飯上面滷肉嘅 份量唔算好多如果可以多啲送晒成碗飯就好啦佢個三個前菜有驚艷到我!!不嬲對餐廳嘅前菜無乜期望但係依到嘅整得幾好食加9蚊轉左飲珍珠奶茶如果少啲冰就更好叫左少甜岩岩好珍珠唔係幾彈牙都係平時奶茶舖嘅好飲啲

近來肺炎疫情越嚟越嚴重，睇完醫生都成 6 點，求其食埋晚餐先返歸。行向東鐵線方向就比碗蕃茄湯麵嘅海報吸引咗我嘅視線，睇落唔算人多就走入鋪頭。餐廳半自助形成，侍應安排好坐位，比餐紙你點，點好去比錢就可以等人送餐上檯。蕃茄湯麵湯底濃厚，有點偏喊，鹽酥雞香脆，比豬軟骨出色。肉燥小茄子份量比想像中大，油咗小小。胚芽珍珠奶茶夠香口，自己加糖控制甜度。餐廳坐位都算濶落，侍應都有禮貌，越夜越多人幫襯，而我倆快快食飽就不敢久留啦！

上年聖誕係鐵牛食咗個逢甲鹽酥雞肉燥麵，食到一半發現咗舊咁嘅野(見圖)，覺得好嘔心。問店員哥舊野係咩黎，佢話只可以換過碗比我，冇道歉又冇解釋。換咗之後啲麵熱勁多，肉燥香口好多，但我完全冇胃口食。 再之前同frd食過一次鐵牛，叫咗杯焦糖珍珠奶茶，甜到cls，問佢可唔可以換過杯，佢就話飲過唔可以換，但我唔飲又點知尼杯野甜到漏？最後佢加咗幾粒冰比我就算。 食物質素差，店員態度欠佳，衛生環境唔敢想像。第一次先打食評，我到而家都唔夠膽食有鹽酥雞或者肉燥嘅野。尼間野唔值得幫襯。

話說因為疫情關係，我去左其他地旁standby，咁lunch hour緊係要去果邊搵好西食。咁就去左呢間台式餐廳食野。同事就食個炸雞飯，個炸皮都幾脆，入面有肉汁，雞肉算滑滑，唔錯。啲台式鹹菜，無乜特別。滷肉飯，就真係麻麻地。首先真係超鹹，同埋太過多油，但又唔夠多肉醬。台灣果邊肥得黎就有多啲肉食，呢到就唔夠多肉醬。一般般，同埋太大碗，同台灣細細碗容易食係唔同。台灣牛肉麵其實先係主角。首先個湯底好好飲，唔太鹹，好有牛味，而且啲花椒八角味香得黎又唔太重。至於啲牛肋條就煲得好軟淋，而且夠入味，唔錯。至於啲啲麵都幾彈口，有啲似日本幼身拉麵，唔錯。

唔知點解有種〝二月過得好快〞 既感覺💭.星期五舊同事約食lunch 順便聚下舊 唔經唔覺佢已經走左差唔多兩年😣 而今次約既地方正正係我第一日入職既welcome lunch 既地方😝.鐵牛招牌紅燒牛肉湯麵 $60牛肉炆得都算幾淋 個湯都幾濃 但有種愈食愈鹹既感覺🙈🙈 應該係味精湯🤭 跟餐加左$6 飲熱珍珠奶茶😍 但有少少唔明點解台式餐廳 但個奶茶偏向港式😂 成餐食落黎雖然真係一般般 但依餐lunch 既重點唔係d 食物 而係要好好同舊同事catch up💕

其實個人覺得只係濃味.未叫得上好味招牌牛肉麵：-麵質算唔錯.旦收咁既價錢.四圍都有咗既質素湯底.第一啖已經咸到一個點.食到中段仲有咸到酸咁樣👉🏻👈🏻牛肉.佢選用牛肋條肉.係一個好選擇是關有咬口有根彈牙👍🏻特色小茄子：-來到有點搵笨.一段段就吖小茄子.唉.失望.茄段本身質素唔錯.可惜個汁好一般☹️檸檬冬瓜茶.尼個好飲.唔過甜👍🏻服務態度來講.好一般.但在尖咀來講叫差.個個樣都冇表情.叫埋單冇咩禮貌.唔該.多謝都冇攞到食物埋枱真係咩都冇講擺底就算唯獨收野咪問下你仲要唔要咁真係咁既價咁既質素咁既態度😖😣

諗住星期日好好天出去走走，試試新嘢。點知伏咗服務：啲後生仔都好有禮貌拿餐來好有禮貌提醒小心湯熱。自己點餐，櫃枱付錢，等送餐環境：算ok。整齊，乾淨，寬躺。食物：二人叫了兩麵兩飲品一小食鹽酥拼盤4粒雞，2粒花枝丸，3條地瓜炸物永遠都安安全全價錢$48一碟，份量可以接受牛筋腩麵伏了牛筋同牛腩都非常硬。湯無牛肉味，唔夠濃，亦無少少辣味。麵係幼麵，食到一半都已經索水變冧。無咬口。芋香奶茶伏中之伏完全無奶茶味道。一啲茶香都無。一杯芋香奶水

星期五晚約咗朋友過嚟食飯個門口都幾隱蔽，招牌有啲細爭啲行過咗入到去位都多，都舒服，係個幾好既吹水地方嚟到當然叫佢嘅招牌牛肉麵，我哋叫咗一碗紅燒牛肉麵同埋紅燒牛筋面再share嚟食，另外再叫多碟小食拼盤，有三款唔同嘅炸物，分別係蕃薯，花枝丸，鹽酥雞，番薯有啲意外驚喜，佢上面洒左啲話梅粉，幾好味，鹽酥雞都幾好食，花枝丸就嚟普通咗啲另外跟餐可以加$18飲台式特飲，唔執輸嘅我哋就揀咗最貴嘅柸芽珍珠奶茶，可以揀甜度茶底都唔錯，不過珍珠質地就普通，整體都ok最後就講埋佢哋個招牌牛肉麵講真有少少失望因為見到佢係招牌都對佢有少少期望，但我就覺得普普通通，唔會特別想推薦anyway, overall 質素都ok, 又坐得舒服

呢個排骨麵，夠哂熱氣，排骨炸得ok，炸粉剛剛好，唔會過厚。個麵就普通啲啦。個湯底最大獲。。。好似公仔麵啲味精湯咁。。。食到口好乾。。。好彩有跟杯奶茶飲。幾香的。

已經好多次講咗話要食鐵牛，但每次都見到好多人，難得今次6:00幾就食晚餐，去碰下運氣先。餐廳係地下一層，6:00幾已經有好幾組人等緊位，拎完飛都等左差唔多20分鐘。鐵牛係半自助形式，職員安排好座位會俾埋點心紙，亦會寫埋台號。畫完你想叫嘅野，拎住張紙直接去門口收銀落單就得㗎啦。好快飲品到咗，嚟到台灣餐廳梗係要飲返枝台灣啤酒啦，不過倒入茶杯好搞笑。另外叫咗胚芽珍珠奶茶，奶茶係奶比較重，冇咩茶味。麻辣大塊牛肉麵：因為驚太辣，我叫咗小辣，湯底應該係牛肉湯，好香濃，加左辣配面食好正。而牛肉燉到好淋。紅燒牛肉乾拌麵：牛肉似係同牛肉麵一樣，都係燉得好淋。面煮得剛好，唔會太淋，拌麵嘅汁都好充足總結：個人都係中意食湯麵，牛肉值得一試！不過呢到飲品比較貴

紅燒牛肉乾拌麵呢度既拌麵係熱辣辣ge，加埋青瓜絲同酸菜，撈埋一齊好好味。麵條軟硬度煮得岩岩好。牛腩炆得夠哂林。配合起成個麵幾好食😋係成個麵既份量唔算大，要加埋小食就會岩岩好。主廚私房牛肉麵呢碗係鐵牛既招牌湯麵，除左有煮得好軟既牛肉，仲有煮到唸哂既牛筋，咬落去好軟，麵除左軟硬度適中，份量亦都足夠。果然係招牌既鐵牛湯麵。黃金梅子脆薯睇佢個名有個薯字以為係薯仔，其實係用左蕃薯炸成既一個小食，上面加埋梅子粉，酸酸甜甜開胃又好食。

前排去過台灣食過牛肉麵之後就一直念念不忘,趁今日早收工,加上夜晚無飯開,搵埋同事一齊去食! 這裡聽講係由台灣人開,店內以木色為主,燈光柔和,除了有大長檯,亦有舒適的卡位!餐牌圖文並茂有好多選擇,湯麵,便當,乾拌麵,蕃茄麵,麻辣湯麵,小食和特飲!選擇好想食咩之後,在點餐紙上剔好後,便可以去櫃檯比錢落單!<鮮蕃茄大塊牛肉麵> 牛肉和牛腩都煮得軟腍好入味,牛筋韌韌地好好食,配上有大大個蕃茄的蕃茄湯底,香濃而不鹹膩,真的不錯!<麻辣大塊牛肉麵> 這個麻辣湯底既麻又辣,但唔算太濃烈,我唔係食得好辣都食到!!一樣都有牛肉,牛腩和牛筋,全部食起來都有牛味又唔膻!個麵好彈牙,唔會因為索滿湯汁而變軟,真係幾好味!整體來講,可以食到環境舒適兼價錢唔貴的地道的台灣麵,這裡絕對係不錯的選擇!

心思思想去食台式菜自己比較鍾意滷肉飯牛肉麵 啱啱經過一間食台式嘅牛肉麵店一於就入去試吓1.主廚私房牛肉麵有三種唔同嘅牛嘅部位啦 有牛腩 牛筋同埋牛展肉質Juicy好腍 牛筋好彈牙好多骨膠原麵質煮得好唔會過火 好香嘅蛋香味加埋配料香蔥增加牛肉湯嘅精粹2.奮起湖燒雞腿排便當鍾意食滷肉飯嘅我 依碗嘅滷肉飯唔會話太多肥肉啱啱好唔會太鹹另外仲有三種配菜好嘢未一次過食晒精粹就係個雞扒啦 個燒汁配答得好好唔會有甜嘅味道雞扒好嫩滑雞皮好薄燒得啱啱好唔會太多肥膏3.好芝味芝士鹽酥雞依個就有點失望啦因為佢上到枱嘅時候鹽酥雞唔係脆口 雞肉唔係熱 所以個口感一般總括台式麵同埋便當我會比好多個叻叻佢份量好多一碗麵我都食唔晒

呢間食店，我係由尖沙咀第一間店食到去中環分店都推介，牛肉選用美國特選級（U.S.Choice）的金錢腱，數年間仍然保持到水準，係個人認為性價比較高嘅尖沙咀食店。呢碟滑牛筋真係不得了！估唔到一試難忘！滷到入哂味之餘，仲要真爽！滑！招牌紅燒牛肉麵，牛肉又係滷到入哂味、軟腍，入口即溶，湯底有富醬油香及豆瓣醬味，亦有輕微藥材香料味，每次嚟都必叫的！！豬軟骨口感係比街外的更軟腍，其實個拌麵底本身已夠好味。麥味重、好多胚芽向底，珍珠細細粒，有兩種顏色，煮得Q彈，而且甜度適中。呢度珍珠奶茶一定唔係最好，但亦選唔錯的；單點$30，如跟食物加配只係$18，很合理。呢度好處就係無限用餐時間，店員亦好友善，入座至離場超過個半鐘，都仲不斷有客入來；如果唔係想去行街，我哋就會繼續坐到閂門架喇

星期日學完K-Pop ，趁下場未夠⏰好想食滷肉飯、但阿元冇開，就試下 鐵牛台灣牛肉麵 小公主梗係叫最愛 #小碗滷肉飯 🍚減緊肥既人真係走寶🙊肥肉腍滑入口即溶，配埋菜脯簡直Perfect 池❤️ 再叫 #鹽酥小拼盤 🍱 花枝丸、蕃薯🍠、鹽酥雞🍗 #炸蕃薯🍠灑了 #話梅粉 好特別，#鹽酥雞 勁脆，薄粉👍🏽👍🏽 #炸花枝丸 normal👌🏼 由於鹽酥雞太好味，所以追加🤪🤪Vienn 就叫咗 #鮮蕃茄牛筋腩麵 🍅🍜本來好期待，but out of expectation 😤蕃茄味唔夠濃郁，但加咗秘製辣椒🌶️油後，味道都夠‼️筋多腩少，啱哂😙牛筋好腍，𠽌一聲就落咗喉嚨😍😍（喜歡淡味既朋友仔會較適合）肥仔就叫咗 #招牌牛肉麵🥩🍜牛肉夠腍滑，平時食紅燒牛肉湯頭好濃， #鐵牛 比較重藥材味，味道偏淡🤭 反而覺得幾特別（如果中意濃味既朋友未必中意）食台灣野，梗係必叫 #蘋菓西打 連老外都話係 #最好飲既SoftDrink🤣🤣 仲叫咗杯 #凍檸茶🍋🍹紅茶底真係不錯，檸檬🍋亦夠多Overall來說除咗 #鮮蕃茄牛筋腩麵 ，其他都okay😙而且店員十分有禮貌👍🏽👍🏽📍鐵牛台灣牛肉麵 (尖沙咀)地址：尖沙咀加連威老