鐵牛台灣牛肉麵 (希爾頓大廈)

營業中

休息中

在這裏一帶食晚餐，如果不想選連鎖式食肆，稍為好的店都比較貴，逛下逛下見到這間台灣牛肉麵都是六十多元一碗麵，就不妨一試。招牌紅燒牛肉麵，麵碗大得誇張，但麵條份量適中不算多，只有三條紅燒牛肉配上青蔥和醃菜，沒有如同餐牌上的照片配有青菜。其中兩條紅燒牛肉含有非常堅韌的肉筋，咬不動，第三條正常，肉夠淋，整體味道不錯；麵湯超鹹，只有醬油味，失分。香酥排骨肉燥乾拌麵，拌麵的肉燥汁料份量適中，味道正常，香酥排骨的外皮炸得酥脆可口，可惜表面油份比較多。加$18可有台式特飲，我們點了焦糖咖啡和荔枝Q果梳打，兩款飲品的味道都不錯。總括來說，這裏的食物沒有什麼特別驚喜之處，可以說是：求其一餐、填飽個肚可以選擇的食肆。

孝順地今日同爸爸兩個人食晚餐! 佢欽點想食台式牛肉麵，唔想咁行同佢去食開果D，就揀左呢間。佢地點十分方便，但唔太好就係要行成層樓梯先落到去，走都要行樓梯，唔太適合老人家，不過我睇番周圍，都係見到年輕人居多。睇完個MENU，我爸爸二話不說就揀佢招牌食物，佢招牌係紅燒牛肉麵，不過我爸爸佢牙齒唔係太好，所以就揀左牛筋腩，應該會軟D，而我就揀左𡚒起湖燒雞腿排便當。另外再點左一杯杞桂圓紅棗茶。先講講紅燒牛筋腩麵。佢呢度麵底係好似粗身少少的拉麵款式，個人口味問題，我地都麻麻地，我地都係比較鍾意食番闊身果隻麵。之後就係湯底.....我地都覺得味道一般...因為佢個湯底太咸，而且個咸味唔係牛/鮮嘅味，簡單D咁講...有少少似豉油溝水的味道。不過牛筋腩份量都算幾多。都黎講...一般!!之後到個飯，佢有3碟小前菜，幾好味，雞排皮幾脆，唔會好多肥膏，因為真係用雞腿肉，所以都好滑!!再要加上佢係配魯肉飯，好味道!正!! 不過大家要睇/問清楚先，因為佢有D便當係配魯肉飯，但有D又唔係，所以都係睇清楚D好。杞桂圓紅棗茶都好飲嘅，好夠味，唔會係好似出面現成一樽樽溝水溝出黎果D咁，幾好!

喺公司開完會已經2:20pm, 正好可以食下午茶 (慳返唔少)! 鐵牛下午茶 $36 ~ 選一款主食, 3款小食 + 飲品! 份量於女仔好足夠, 老闆食完話好似無食過一樣 (返公司無半個鐘已經淥左個杯麵)! 我選滷肉飯 + 鹽酥雞 + 豬爽耳 + 小香腸 + 奶茶 = $36! 當然全部 mini-size 啦! 滷肉夠味不過有點肥, 鹽酥雞皮脆多肉汁, 小香腸煎得好香, 奶茶就唔夠茶味! 老闆選麻香乾麵 + 鹽酥雞 + 青瓜 + 小香腸 + 檸茶 = $36! 麵醬汁足, 份量比一個麵餅少, 檸檬茶有點太苦 (應該係檸檬唔靚), 青瓜乃最失敗的, 咸到苦! 

事發經過:~鐵牛連鎖店~影衰香港飲食界~不承認錯誤~尖沙咀金巴利道，鐵牛台灣牛肉麵，叫左杯凍飲，飲到尾見到2隻死蒼蠅，咁我究竟飲左幾多隻?片中較矮小個女侍應堅持話“岩岩“飛落去，3次想搶走杯野飲，我堅持洗胃，點知經理一開口就話佢呢度處理食物好乾淨，話叫我自己call 白車，我行得走得叫我call白車，叫我濫用急症室資源，擺到明玩野，推卸責任。由此可見鐵牛沒有妥善處理凍飲，冇遮冇蓋，先會有2隻野(至少)飛左入去浸死左，都照倒比人飲! 凍飲冇經加熱，比起在熱食見到昆蟲更加得人驚https://youtu.be/UNSDFHhlXwk

留意咗公司附近呢間台式餐廳好耐，但一直冇機會食，一黎公司有幾個同事唔食牛，二黎每日都見佢好多人排隊！呢日同個同事外出返黎行過，見仲早冇乜人，終於有機會去食下...確實係唔錯！終於明白佢點解每日都咁多人去食！真係有台灣嘅味道！湯底微辣，好香，唔會好咸牛肉好鬆軟！係鬆軟！唔係霉，一夾散晒果隻！好好食！麵底有彈性！同事食咗個炸排骨便當，整體唔錯，係塊肉有少少乾！都係個麵好食啲見佢有做緊下午茶優惠，細分滷肉飯/肉燥麵配台式小食，有滷水豬耳/ 麻辣牛肚/ 炸豆腐...仲有唔記得啲咩😂⋯ 搵日有機會再試下！

每次出親尖東，就會諗起鐵牛既鹵肉飯&奶茶，無論熱飲定凍飲都夠晒大杯最鍾意有埋肥豬肉既鹵肉飯！同係台灣食既有8成似，熱台灣奶茶😍朋友叫左紅燒牛肉麵，湯低夠濃，飲完唔口渴。鹽蘇雞都不錯，份量亦好足多人梗係要叫埋併盤，豬耳同大腸都非常十味一個鹵水一個炸，正呀！中間果件蕃薯嚟，加埋話梅粉，真係即刻想飛轉台灣午餐，下午茶，晚餐都有食過，最抵梗係下午茶啦，不過就相對多人要等頗耐位，點餐時收埋錢覺得幾好，食完可以快快趣走人，唔使等埋單

今日黎到位置地庫既鐵牛。地理位置係唔容易搵既,不過我都食過1次呢間主打食台灣野既鐵牛,所以都算方便。叫左個206奮起湖燒雞腿排便當$62 + $16蘋果西打食物份量對於老虎黎講係夠食既,重有3碟仔小菜。但味道就同鼓油雞無咩分別,只不過安左第2個名姐。味道唔算太差,啖啖肉係好岩我呢D肉食怪。幾滿意個飯上面有D肉躁,令成1口2飯唔洗咁DRY鐵牛台灣牛肉麵整體評分 6.5 /10推介:N/A(五分滿)老虎回頭率：🐯🐯🐯

係尖沙咀睇完戲，搵下有咩好食，就搵到呢間食台式牛肉麵試試。我同朋友三個人分別叫咗麻辣牛筋麵，紅燒牛筋腩麵同紅燒牛腩麵，然後加三杯珍珠奶茶。紅燒牛腩麺三碗麵既賣相唔錯，份量都幾大碗。湯底濃郁，牛腩好淋好入味，但麵質同味道就差少少。紅燒牛筋腩麺朋友既麻辣中辣程度都唔算好辣，而且牛筋數量都好多。另外珍珠奶茶就比較失色，珍珠好細粒，奶茶冇叫少甜但都好淡，而且冇咩茶味。

鐵牛的話常聽朋友提起下午茶比較划算但對比沒什麼肉類的下午茶我還是寧願付貴一點的價格暢快淋漓的吃肉尤其奮起湖燒雞腿排又嫩又入味份量又足用的醬油也很香很下飯我常點並非雞排配飯而是配蕃茄湯新竹米粉新竹米粉口感像粉絲又比粉絲有滿足感蕃茄湯也是濃郁香甜每次到鐵牛幾乎也是encore 再encoreP. s. 據朋友介紹別的台灣名物也做得很好吃譬如炸排骨干拌面之類

星期日午餐尖沙咀尋找好吃的，找著找著槓入鐵牛。唔知係咪太多地方都做紅燒牛肉面，一食落口會高下立見咁。呢度紅燒牛肉面係一般貨色，上次去過中環鐵牛食都係同樣感覺。牛肉夠腍，面都夠彈牙，可能係牛肉的味道同埋湯的味道唔係心目中的台式味吧，硬係略嫌差少少咁。魚酥皮蛋豆腐都幾好既，感覺好過紅燒牛肉面，個醬汁味道幾好，豆腐加皮蛋口感滑滑的。星期日鐵牛無 lunch set，全部獨立計埋單都要成舊水，貴左啲喎，加上牛肉面的 performance 我只能比 OK 呢。

招牌红烧牛肉不错，牛肉松软恰到好处，一点不散，加了酸菜，汤头还行。新竹米粉很正点，这个不容错过。但总体来说没有好到专门来吃的程度，建议可作为周边吃饭的选项之一。

每次行過呢間餐廳，都好多人排隊，於是我搵一日就去試下啦，噉我就點咗個招牌紅燒牛肉麵，噉我都諗住佢會唔錯幾期待嘅，但係啲牛肉比較韌啊，所以會癡牙，個湯底同埋啲麵就吾錯

下午時間都比較多人所以要喺門口等一陣先至有位坐 不過就搭枱囉我就叫咗佢主打嘅紅燒牛肉麵牛肉有3塊左右 味道都可以接受個湯底都有牛肉味所以都唔錯面方面就正正常常不過不失

每次行過搭過海巴都話搵日去試，好啦，終於試到啦！但其實係失望既...一般台灣野都比較重口味，但佢個紅燒牛筋腩麵就唔多夠味... 點講呢，唔係唔好食，亦唔係話淡而無味，只係同預想既有落差，佢比茶木既淡，但好就好在無咩味精! 個紅燒牛筋腩乾拌麵都係一樣! 我就睇下有冇萬能既辣椒醬，豆版醬之類. 咁就有位讚啦！ 呢個辣醬，一打開個蓋就聞到香辣，撈埋落個麵到就即刻加哂分! 我地仲叫左個炸豆腐，同樣唔夠香，不過舊豆腐就好滑身! 凍檸檬冬瓜都唔錯，唔會太甜

成日都係紅磡行去尖東食野，前排先發現原來地庫有餐廳，今晚係附近做野就試一試~坐低見到本餐牌，係用台灣最常見既棉羊仔做封面，係幾有心思既~睇睇餐牌，尖東黎講，一啲都唔貴，同朋友每一叫左一碗面，再加兩個小食。我點左一碗鹽酥雞肉燥乾拌面~$64，鹽酥雞同湯係分開上既，湯可以隨自己喜好加，鹽酥雞好脆，唔係淨係得粉，幾好食！肉燥面就普通，不過不失~麻辣豬耳~$38，辣辣地幾爽口鹽酥小拼盤~$48，想試唔同款既小食可以揀拼盤，份量都正常，炸番薯值得一讚，外脆內軟，外邊仲灑上梅粉，甜甜地幾match！其實野食正正常常，小食都好味既，點解我會話冇下次呢~因為服務同環境真係好差！服務員態度好差，冇問人就收走啲野，問佢點解收走，竟然係回左句食完咪收囉！當下呆左環境望落算乾淨，但一路食就一路聞到陣陣臭味，攪到食得好唔安落~