鐵板超 (已搬遷) 新店位置

🦞活龍蝦+ 南非鮑魚 套餐$2188呢排仲要做緊六點前66折，超級抵食😍😍套餐除咗龍蝦鮑魚之外，有前菜，沙律，鵝肝麵包，銀雪魚，頂級牛肉薄燒，蝦乾蟹籽炒飯，海鮮湯同甜品，最後仲可以俾張圖叫廚師畫畫近排刺身供應受到影響，來貨緊張，老闆見我哋一坐低就即刻同我哋講最後一碟今朝啱啱落機嘅伊佐木刺身，我哋就叫左一碟。食得出超級新鮮，推薦點酸汁，當前菜都唔錯❤️全程好似喺度睇表演，噴火龍蝦🦞最吸精，仲會熄埋燈俾你錄片🔥 鮑魚同龍蝦都好新鮮，見住佢哋係碟上面郁，到師傅用純熟嘅手法燒熟起肉切件，好精彩🌟 龍蝦好多膏，口感爽彈，龍蝦頭會拎咗去煲湯，一啲都唔浪費🤪鮑魚新鮮不在話下，用牛油喺鐵板燒上面煮，令到鮑魚更加香口，肉質彈牙，唔捨得食🥲法國鵝肝好肥美，仲厚過塊多士🤤 配埋多士一齊食，一軟一脆好正😎🥩牛肉可以揀厚燒或者薄燒，想啖啖肉嘅推薦厚燒，想要多重口感就推薦薄燒，今次就試咗薄燒。將牛肉包住燒好嘅蔥蒜黎食，好香口🤩值得一讚嘅係服務態度幾好，途中不斷加茶，66折後性價比變得好高，推薦大家嚟試吓🥳

第一次係香港食鐵板燒 喺OpenRice搵到呢一間鐵板超 見到食評有讚有彈 所以本身都冇大期望 但係 好驚喜！！所有野都好好食 所有Staff嘅服務態度都好好 師傅又好好笑 忍唔住開咗支清酒同師傅一齊飲😂 之後會再同屋企人再黎食過！Btw 呢次係第一次喺OpenRice寫食評 就係為左高度表揚呢間鐵板超 為左同香港人同共抗疫 只要喺晚市禁堂食期間 都全單六六折 超級抵！而且所有嘢都好好食 真係好驚喜 完全超出我嘅期望 推介大家快啲去食 不過記得book位😂

原本訂位時已經Mark低咗，妹妹生日炒隻叮噹公仔，幫妹妹慶祝生日，到去到嗰日，入門口落order時，都已經重新講多一次。最後都係冇做到了。十分失望。嘢食水平下降少許，廚師反應十分冷淡，可能我哋早去掛。結果唯一一張合照，就係對住個空殼鐵板影相。今次人均消費$1000，真係冇下次了😭😭。原本上次食都已經無抄公仔，今次連訂位前已經說明，在電話確認，去到又再講多次，落單時都再講。真係唔知點做。但係個廚師又唔會問你

今晚同男友食鐵板燒，因為聖誕時節所以食豪d，揀左個活龍蝦+南非鮑魚 套餐 $2188，有前菜、沙律、鐵板燒海鮮（活龍蝦及南非鮑魚），我地揀左2款，有鵝肝及帆立貝，仲有牛肉厚燒，最後有炒飯、海鮮湯同雪糕，壓軸係廚師畫畫（聖誕老人）。全程都好享受睇表演，大廚用鐵板燒烹煮美食，過程精彩，有火燒龍蝦，牛排……而且刀功很好，由原隻活龍蝦，彈彈下，燒熟落刀起肉切件，調味及火燒，一氣呵成。前菜係芥末魷魚及漬牛蒡。前者彈牙，味道唔會好辣；後者爽口多汁，健康有益。沙律用醋汁調味，微酸開胃又醒神，蔬菜乾淨又爽脆。帆立貝size係珍寶，超級大隻厚肉，輕輕燒至剛好熟，保持嫩滑微彈口感，味道調得剛好，微咸食出鮮味，個海苔酒汁令帆立貝更鮮。南非活鮑魚未煮已經郁郁下，好新鮮。鐵板燒令鮑魚更香口，肉質好柔軟彈牙，活鮑魚才有的獨特口感。活龍蝦龍蝦味道濃郁，口感超爽彈，鮮甜美味，而且好多膏，甘香味濃，個龍蝦頭仲煮成海鮮湯。法國鵝肝好肥美，入口油潤甘香，配埋12年黑醋，味道醇厚微甜，正好中和膩感，配香脆多士，一脆一軟口感很好，而且有埋燒菠蘿，果香多汁又消膩。頂級牛肉厚燒除左龍蝦點火燒，肉類都會，表演很精彩。牛肉揀左5成熟，

今日book左下晝兩點去慶祝生日去到餐廳被安排坐喺廚師正前方食材新鮮 廚師技術一流 簡直係視覺同味覺嘅享受👍🏽頭盤係鮑魚 好食到根本唔使點任何汁 已經好鮮味然後係帆立貝 用返個殼裝住炒香左嘅蒜同牛油 最後裝住隻帆立貝 好好食！然後食龍蝦 廚師三兩下手勢就將龍蝦拆件 好新鮮好好食 個龍蝦頭仲用咗嚟煲湯然後我地揀左和牛薄切 包住炒過嘅蒜嚟食 好香口 最後食埋炒飯甜品 好滿足除左嘢食好食 服務態度亦都好誠懇 生日更可以要求廚師畫一隻心愛嘅卡通人物點綴 廚師好犀利 喺反轉嘅視覺寫到字仲可以畫埋公仔！利害利害！埋單$1670 兩個人嚟講 性價比相當高

訂了座，並已確認，但未能準時安排座位。店員表示要比原定時間遲45分至1小時才有機會安排到座位。但其後負責人已作出補償安排，用餐食材新鮮食物美味，會再次幫襯。😤😤😤😤😤😤😤😤😤😤😤😤😤😤😤😤😤😤😤😤😤😤😤😤

🦄 Y餐 二人前 $2188🦄 評分: 10/10食物新鮮質素高，廚師調味火喉控制得非常好👍🏻服務態度好😁成餐飯食得好開心好滿足😚😚🦄 活龍蝦 ~ 肉質鮮甜彈牙👍🏻🦄 南非活鮑魚🦄 法國鵝肝 ~ 煎到外脆內軟既口感超級好食!!!!!! 多士好脆身size岩岩好!! 唔該一定要試!!!🦄 銀鱈魚🦄 A5和牛厚燒200g +$588 ~ 好肥滿口油脂既滿足感😛😛 每人約6小件 但女仔4件已經好夠😹 下次唔加錢轉 試下跟餐既牛肉😁🦄 蝦乾蟹子炒飯 ~ 炒飯唔會過份油膩過咸👍🏻🦄 炒雜菜🦄 海鮮湯 ~ 真材實料既龍蝦湯🦄 甜品 ~ 推介紅豆雪糕

套餐有二人三人四人餐食材好新鮮，全部都係仲move可以選擇龍蝦鮑魚，蟶子帶子唔係用冰鮮貨牛扒有厚燒有薄燒鵝肝勁厚切芽菜係用怡保既追加建議可以加牛舌添重點係師傅既功力，岩岩好熟，非常好味鐘意飲酒既 Sake 既款式都好多已經去左幾次因為試過香港幾間出名既鐵板燒一係食材唔新鮮一係就價錢貴得黎，個師傅手勢又唔pro鐵板超已經成為左大時大節既指定地點服務夠好，待應不斷都有加茶尖東站一上去就係，位置地點無得輸啦唯一覺得唔好既就係廁所行得遠

响附近staycation 唸住book個lunch慶祝下朋友生日入到去揀二人大蝦餐食物味道正常 不過不失，無驚喜無乜擺盤，燒完就拎上嚟俾你食食物新鮮，份量都足夠成個過程師傅好似趕住休息咁，滾水淥腳好快手我哋又chur住食…雖然佢整完，俾你繼續慢慢坐低食但係過程都好似好急⋯一啲都唔寫意好似入去半個鐘就炒哂所有野同埋book位留咗想要畫公仔，去到完全無人提我又無乜所謂，所以放棄咗如果有要求，最好去之打去double confirm吓

好滿足嘅一餐鐵板燒我同老公揀左<二人前升級A5宮崎和牛博燒另加厚燒HKD588>二人前 HKD 1,788活龍蝦活南非鮑魚法國鵝肝頂級牛肉厚燒蝦乾蟹籽炒飯我哋6個人 喺獨立房入邊進餐 私隱度同埋社交距離方面係絕對足夠食材方面我亦覺得非常之新鮮 師傅喺烹調方面亦都above average 我係一個適量唔太大嘅女仔 去到炒飯嗰個位已經食唔落只係覺得欠缺新鮮感 一般鐵板燒都應該afford嘅 鐵板超都做得到 但係點樣令到一個客人去回頭再幫襯 可能真係要度度一啲諗法

3月8號，星期一。我同女朋友book7點30分。我地去到環境氣氛好似屋酒屋個feel。感覺佢地氣氛係想行親民路線。我地食千幾蚊既set。（平均每人幾百蚊）咁夜晚係想慢慢享受。其實食物上係ok。師傅佢都彬彬有禮，佢話同你講準備上菜；但唯一唔好係未食完就即刻上下一款菜。（我覺得呢一點不足）我估係上快啲接多一輪生意。但唸下，我食完一款，我女朋友都未去食到一半就上第二度。咁啲食物咪好快凍哂，好似吹人食快啲咁。餐飯我大約食咗半個鐘。最好笑係，我一開頭一入門個枱客未食完，我地俾佢仲早走。（如果我以一個客人身份見到咁，就算野食幾好；我唔會再番來食。）

之前舖環境比較暗同細，黎到新舖環境比以前舒服同光猛，仲有房坐好日式疫情下為有改食午餐，環境同氣氛當去左旅行，食個set餐。一開頭食沙律先主菜當然係龍蝦同鮑魚，好生猛好大隻，炒完龍蝦再熄燈放火，燒龍蝦頭煲湯鵝肝同麵包薄燒牛真係好味炒飯龍蝦湯仲有個炒菜，已經好飽最後當然晤少得廚師畫公仔時間，想畫咩公仔比佢睇一睇畫得好好，之前用炒飯整公仔其實已經好靚依家更清晰雖然整完唔食得帶唔走但如果有紀念日子去特別開心

朋友榮升老闆，咁梗係要食餐好嘅賀一賀佢，上網搵咗呢間，貪尖沙咀地方方便，食完又可以行吓街！一入嚟就覺得呢度裝修好特別，佈置得好雅致但同時又有好多日本嘅figure 公仔，睇嚟老闆真係好鍾意日本文化！餐牌有唔少套餐選擇，但見呢個又有龍蝦又有鵝肝咁，超級吸引所以就揀咗呢個嘞！首先嚟到有個清新嘅沙律同埋前菜，沙律菜好新鮮唔會係嗰啲見到都唔開胃嗰隻！不嬲好鍾意食芥辣八爪魚，所以前菜見到有佢即刻心心眼！食物嚟到嗰一刻真係勁開心，即刻打卡，鮑魚同龍蝦都超級生猛，鮑魚手掌咁大隻，仲要係咁郁，啲食材果然非常新鮮！今次為我哋煮嘢食嘅係位女師傅，第一次食鐵板燒係女師傅處理，但都真係唔好睇小佢，功架十足，輕輕鬆鬆就將鮑魚煎好上枱，鮑魚果然夠新鮮，食落好鮮甜，本身嘅鮮味令到我都唔需要再點任何醬汁！ 而且煎得啱啱好唔會過熟過生！再加埋少少葱配搭真係食到停唔到口！跟住就嚟到我期待已久嘅龍蝦，見到佢好熟練就將龍蝦解體，突然師傅話要熄一熄燈，仲叫我哋準備相機，原來因為要放火，完全係一個表演嚟，好精彩！雖然有表演睇但個表演都冇影響到龍蝦嘅質素，同樣煎到岩岩好，鮮甜到一個點，又係唔駛點汁！矜貴食材越食越有，跟住嚟到鵝肝，

疫情下，難得工作上有新突破，梗係要慶祝一下，同好友來到了「鐵板超」。入到餐廳，見到好多動漫figure，本身係動漫迷嘅我已經好興奮。餐廳雖然座位唔多，但好處係每個位都直接面對鐵板，唔似得有餐廳只有部份座位面前有鐵板，咁就可以慢慢欣賞廚師嘅烹調過程啦。餐牌上有多款套餐可以揀，但我地想試多d唔同野，所以都係散叫，而餐廳亦好窩心咁有部份食物可以order半份，岩晒少人嘅我地，原來午市時間仲有七折優惠添。花多眼亂下，廚師都好細心咁建議我地先食海鮮，再食肉類，最後一定要食個炒飯。清酒煮紐西蘭鑽石蜆 : 呢款鑽石蜆係餐牌上無架，而係廚師特別推介。廚師先用火煮清酒及柚子，令酒精揮發後，再加入蜆慢慢煮，鑽石蜆肉質飽滿，湯汁無晒酒精苦味，吸收左蜆汁後非常鮮甜。海花蝦 : 原本想叫最傳統嘅虎蝦，但廚師更推介我地試呢隻海花蝦，size差唔多但肉質更鮮嫩。廚師先以熟練嘅鏟法拆蝦頭及蝦殼，再挑出蝦腸，然後用蒜蓉牛油混入蝦膏煮，蝦肉吸收晒蝦膏後好鮮味，而肉質亦爽口彈牙。咁珍貴嘅素材，梗係要食盡點點滴滴，廚師建議我地可以將蝦頭及蝦腳加以烹調再食，兩者入口脆身，感覺好似食蝦片，但蝦味更濃郁。燒廣島生蠔 : 生蠔經燒過

朋友升職，為左慶祝，邀請我嚟位於尖沙咀嘅「鐵板超」食飯。「鐵板超」喺香港屹立有20年，最初由太子搬去佐敦，再搬來尖沙咀，主打鐵板燒，店舖裏面有好多鹹蛋超人嘅公仔同玩具，相當澎湃。座位方面全部都係鐵板位，每個客人都可以見到廚師烹調嘅過程，人多嘅話，仲可以包房添！餐牌上面有得揀單點或者套餐，午市時間仲可以有七折優惠添！由於我哋唔想比套餐局限左選擇，我哋揀左單點。廚師喺開始烹調之前會問我哋有咩食材唔食，要唔要加蔥之類，係適當嘅時候亦都會叫我哋準備相機，例如佢準備喺酒上面點火烹調，等我哋可以放上網打卡，相當貼心。清酒煮紐西蘭鑽石蜆:錫紙兜內加入清酒及柚子，點火後場面相當澎湃，酒精蒸發後，廚師放入紐西蘭鑽石蜆煮。湯底入口清甜，蜆肉大隻飽滿，全部蜆亦都開晒殻，非常新鮮。海花蝦：海花蝦好大隻，平時真係好少見到咁大隻嘅蝦。廚師喺我哋面前表演拆蝦，喺鐵板上用工具將蝦身同埋個蝦頭分開，以及取出蝦腸，技術相當熟練精彩。海花蝦用蒜蓉牛油燒過後淋上蝦膏，食落非常惹味，肉質爽口，賣相簡直一流。廚師等我哋影完相之後，再將蝦頭加以烹調，咁大個女都係第一次食蝦頭㗎咋，從來都唔知係可以食嘅添。燒廣島生蠔：生蠔加入櫻花蝦，