109
8
2
電話號碼
27875135
開飯介紹
主打高級日式鐵板燒，提供海鮮、和牛等高級食材，設有二人或三人的套餐，當中包括前菜、沙律、甜品，及一整碟海鮮或肉類等。
繼續閱讀
附加資料
本店已不再提供商務午餐。
營業時間
今日營業
12:30 - 23:45
星期一至日
12:30 - 23:45
公眾假期
12:30 - 23:45
公眾假期前夕
12:30 - 23:45
*最後落單時間: 23:00
以上資料只供參考, 請與餐廳確認詳情
有關獎賞計劃
好中意食鐵板燒,但價位通常都有d貴,唔係特別既日子都唔會去食。呢排幫朋友慶生,見佢午市66折,加埋佢既海鮮都好豪華,價錢又冇其他鐵板燒咁貴,就帶左朋友黎慶生。我地叫左u餐,有龍蝦、銀雪魚、日本豚。首先食左前菜先,沙律都好正,有士多啤梨,賣相可觀。跟著師傳就係我地面前燒半隻澳洲龍蝦。拆肉,切成一口一口,仲有龍蝦膏,肥美可口,大滿足。師傳真係神乎奇技,處理龍蝦一板一眼,好似好簡單,但有好多年既功力。切完個龍蝦頭後,一d都唔浪費,拎左去bowl龍蝦湯比我地飲,食到濃濃既龍蝦味,個龍蝦頭仲有d肉可以食添呀!個銀雪魚師傳都煎得好靚,肉皮煎到好香脆用黎做裝飾,最後我都有食到。鵝肝多士煎到恰到好處,好香好惹味。日本豚包住香蔥、各款配料,蔬菜加蔥,一d都唔油膩。櫻花蝦飯炒到好香,師傅打蛋仲好勁添!粒粒分明既飯加埋配料,真好食!甜品係雪糕,有lychee同埋芝麻選,我食既係lychee,好清新,加埋薄荷葉,靚。最驚喜係師傅用麵粉整左個tinkerbell比我朋友,佢比我地選圖案同埋字,師傅倒轉都寫到happy birthday既英文字。勁!最後仲比我地入去同幅藝術品影相添。朋友係度過左個難忘既生日!
繼續閱讀
最近返工好辛苦，難得平日放假，緊係去食個高質鐵板燒，放鬆下心情☺️平時食鐵板燒都好貴🤑，但呢間鐵板燒中午時間做緊優惠，有66折，即時抵左好多‼️，而且餐廳位置好方便，就係尖東出口果邊咋🤣✨ SET U (二人前) $1,444- 前菜一坐底店員就提供香口合桃小魚乾，芥末八爪魚同清爽沙律，三款前菜都清新開胃😎- 龍蝦每人有半隻龍蝦🦞，廚師會席前烹調，烹煮過程已經聞到強烈香味，廚師仲會表演用大火🔥燒龍蝦，真係好有氣氛，龍蝦肉新鮮爽彈，表面以鹹香鮮甜龍蝦頭膏調味☺️，保留原汁原味風味🥰- 鵝肝多士麵包片🍞烤得香脆，中間鵝肝🦆燒得焦香，入口即化，以酸甜意大利黑醋調味，可以中和返油膩感，旁邊仲有燒菠蘿🍍，有種清新感覺😛- 日本豚薄燒薄切豚肉片肥瘦適中🐷，燒得焦脆，以少量黑椒、鹽、蔥調味，更突出豬肉油脂香😆- 炒雜菜食完海鮮同肉之後，食返份菜平衡返😈，即時舒服曬，炒完既雜菜仲KEEP爽脆多汁，幾正😽- 蝦乾蟹籽炒飯炒飯粒粒分明🍚，質地乾身，將蝦乾🦐切成粒粒平均分佈係炒飯到，咁就每一啖都可以食到鹹香蝦乾粒，加埋蛋花🍳同蔥花，真係香口得來又有鑊氣😋- 龍蝦湯用返龍蝦頭煲成既湯🥣，色澤清澈，味道清甜，啖啖滿足🤩- 雪糕紅豆雪糕🍦，質地軟滑，裹面仲有粒粒綿綿紅豆，芝麻雪糕🍨，堅果香味濃郁原來呢間鐵板燒已經有20年歷史，難怪食物質素咁高😍📍 鐵板超 - 尖沙咀尖沙咀麼地道61號冠華中心地下1號舖@teppan_chiu_teppanyaki
繼續閱讀
去咗一間超過20年歷史老牌餐廳食鐵板燒。平時都好少嚟食，見午市做緊66折優惠就豪一豪慶祝一下。呢度出名食材新鮮同埋一項特別服務。餐牌有單點有set。Set唔係由A B C開始，由N開始至到Z，最後叫咗一份U set二人餐。有活龍蝦、鵝肝、銀鱈魚，又有和牛或者日本豚肉，總之就豐富。一開始食完沙律就食龍蝦，仲有火焰表演。每人半隻龍蝦，煮到半生熟啱啱好。之後鳕魚煎到皮脆肉肉嫩，鵝肝直頭溶化一樣。平時鐵板燒都係食牛，今次試吓食豬，因為佢哋話係北海道和豚，蔥同蒜頭肉和豚薄片包著再煎到香脆，的確俾牛更加好食。食埋菜、炒飯、仲有頭先食剩嗰個龍蝦頭煲嘅湯，壓軸嘅服務就出場啦，就係可以叫師傅畫公仔啦，基本上乜嘢都可以畫，仲可以寫埋祝福句子添，仲可以埋廚師位影幅靚相。最後食埋雪糕做甜品就食完俾錢。鐵板燒除咗食物，其實有好大部份都係娛樂個食客。聽日間成功嘅鐵板燒缺一不可。
繼續閱讀
同朋友來食午餐係一大既享受。呢度有唔同既廂房,每間房都好多figure,好有童真,岩晒大人同細路呀!呢度既侍應成日幫我地斟茶、收碟,又有笑容,服務態度一流。食物方面上菜有程序,同配合到我地食野既速度。店員亦會簡單介紹食物咁。我地食左好多野,有前菜、沙律、野菜、龍蝦、法式鵝肝配黑醋、豚肉、銀鱈魚、豆芽、炒飯、甜品,真係好豐盛既一餐呀!龍蝦來自澳洲,所以肉質細嫩、滑脆,味道香甜,有風味。食左4份一隻澳龍,已經好滿足。鵝肝跟左黑醋,味道大大昇華。豚肉煎到好香,入口即溶呀!銀鱈魚肉係片狀,味道溫和,口感柔軟。 炒豆芽好解膩。櫻花蝦、紅蔥、煙肉、蛋炒飯有多種配料碎,味道有多個層次。甜品我食既係芝麻雪糕,好滑好濃既芝麻味。衷心多謝餐廳廚師同埋店員咁用心為我地服務。
繼續閱讀
朋友生日當然要食好 D,平時吾捨得食，留番有特別日子慶祝才會去，尖沙咀“鐵板超”Lunch - 6：30前食 N-V 套餐,都有66折優惠，任君選擇喜歡自己的套餐，呢度有幾間獨立包廂，私隱度高，抽氣都幾好，食完都唔會成身味今次食佢哋嘅 V 二人餐一開始已經比南非鮑魚同西澳龍蝦震撼咗，2隻鮑魚活生生咁跳舞🤣龍蝦大隻長度超過對筷子,2款都是刺身級勁新鮮,鮑魚燒好之後有厚切薄切，入口保持鮑魚汁鮮甜彈牙，🦞龍蝦頭燒完會煮湯，龍蝦肉質感鮮嫩彈牙，另外龍蝦汁是用龍蝦膏製成，原汁原味，鵝肝多士好厚身煎到外脆食完會念念不忘😍配搭新鮮菠蘿一流🥩另一樣好推介就是厚身 A4 日本黑毛和牛煎得4成熟啱啱好，每一口都感受到嗰種油香肉質嫩滑，旁邊的炸蒜片,是自家新鮮炸超級好味😋最後仲有龍蝦頭魚湯，炒菜，炒飯同雪糕，根本唔需要再介紹，睇相已知道材料新鮮，色香味俱全，呢個份量真係好足夠好滿足🥰🥰
繼續閱讀