影片
更多
2021-12-29
1234 瀏覽
今晚同男友食鐵板燒，因為聖誕時節所以食豪d，揀左個活龍蝦+南非鮑魚 套餐 $2188，有前菜、沙律、鐵板燒海鮮（活龍蝦及南非鮑魚），我地揀左2款，有鵝肝及帆立貝，仲有牛肉厚燒，最後有炒飯、海鮮湯同雪糕，壓軸係廚師畫畫（聖誕老人）。全程都好享受睇表演，大廚用鐵板燒烹煮美食，過程精彩，有火燒龍蝦，牛排……而且刀功很好，由原隻活龍蝦，彈彈下，燒熟落刀起肉切件，調味及火燒，一氣呵成。前菜係芥末魷魚及漬牛蒡。前者彈牙，味道唔會好辣；後者爽口多汁，健康有益。沙律用醋汁調味，微酸開胃又醒神，蔬菜乾淨又爽脆。帆立貝size係珍寶，超級大隻厚肉，輕輕燒至剛好熟，保持嫩滑微彈口感，味道調得剛好，微咸食出鮮味，個海苔酒汁令帆立貝更鮮。南非活鮑魚未煮已經郁郁下，好新鮮。鐵板燒令鮑魚更香口，肉質好柔軟彈牙，活鮑魚才有的獨特口感。活龍蝦龍蝦味道濃郁，口感超爽彈，鮮甜美味，而且好多膏，甘香味濃，個龍蝦頭仲煮成海鮮湯。法國鵝肝好肥美，入口油潤甘香，配埋12年黑醋，味道醇厚微甜，正好中和膩感，配香脆多士，一脆一軟口感很好，而且有埋燒菠蘿，果香多汁又消膩。頂級牛肉厚燒除左龍蝦點火燒，肉類都會，表演很精彩。牛肉揀左5成熟，
全程都好享受睇表演，大廚用鐵板燒烹煮美食，過程精彩，有火燒龍蝦，牛排……而且刀功很好，由原隻活龍蝦，彈彈下，燒熟落刀起肉切件，調味及火燒，一氣呵成。
前菜係芥末魷魚及漬牛蒡。前者彈牙，味道唔會好辣；後者爽口多汁，健康有益。沙律用醋汁調味，微酸開胃又醒神，蔬菜乾淨又爽脆。
帆立貝
size係珍寶，超級大隻厚肉，輕輕燒至剛好熟，保持嫩滑微彈口感，味道調得剛好，微咸食出鮮味，個海苔酒汁令帆立貝更鮮。
南非活鮑魚
未煮已經郁郁下，好新鮮。鐵板燒令鮑魚更香口，肉質好柔軟彈牙，活鮑魚才有的獨特口感。
活龍蝦
龍蝦味道濃郁，口感超爽彈，鮮甜美味，而且好多膏，甘香味濃，個龍蝦頭仲煮成海鮮湯。
法國鵝肝
好肥美，入口油潤甘香，配埋12年黑醋，味道醇厚微甜，正好中和膩感，配香脆多士，一脆一軟口感很好，而且有埋燒菠蘿，果香多汁又消膩。
頂級牛肉厚燒
除左龍蝦點火燒，肉類都會，表演很精彩。
牛肉揀左5成熟，好香好嫩腍，牛肉味重，入口多肉汁，配脆到好似薯片嘅大蒜食，味道更香。
炒雜菜食左咁多肉同海鮮，要食返d蔬菜，炒椰菜同芽菜，食料都特別靚，炒得好香好惹味，口感爽脆濕潤。
龍蝦湯加左龍蝦頭，特別鮮甜清香，仲有蜆肉，龍蝦頭嘅肉仲係好鮮甜肉嫩，個湯暖和順喉，好舒服。
蝦乾蟹籽炒飯好多料好多蟹籽同蔥花，炒得粒粒分明，乾爽香口，調味到位。
雪糕有抹茶 同 芝麻 ，兩者都香濃細滑，味道突出。
畫聖誕老人最後大廚仲畫左聖誕老人，可以影相打卡。Merry Christmas 2021。
張貼
