鐵板超 (已搬遷) 新店位置

無意的走入！#鐵板超手掌甘大超新鮮又生猛嘅鮑魚$1088…足夠3個人食～仲有新鮮大隻粒貝刺身$200左右加多個龍蝦仔🦞一款刺身厚切甜甜地一支720二割三分🍶二千蚊鬆啲落樓👍裝修又別緻，值得再去嘅鐵板燒！𝓢𝓮𝓮𝓢𝓮𝓮 𝓛𝓮𝓮 李思思【食得夠招積♡肥得有價值】#波士思思#講玩講食UBB#思思帶你周圍玩#思思帶你周圍食#思思帶你周圍飲#食得夠招積肥得有價值#hikingadventures #runningvibe#hkgirl #hkfoodie #traveler #hongkong #hksport

今晚同4位好友黎食鐵板餐😋叫左個5人餐，有鮑魚，大蝦，鹿兒島A5和牛，鵝肝，銀雪魚，蟹子炒飯，另外加左雜菜，雜菇鮑魚味道都OK， 10分新鮮，肉質軟滑爽，而且都算大隻，比較淡味，主要食新鮮大蝦相對有點失落感，因為大蝦吾系新鮮的，系冰鮮蝦，肉質相對無甘彈同爽口，廚師拆左蝦頭出黎，用蝦膏汁同牛油去煎個蝦肉，好香蝦汁味鹿兒島A5和牛系每個人頭加左600蚊升級的，雖然份量比較少，但係10分之香口，外脆內軟，牛既油香味好正鵝肝都幾厚下，一淡咬落去直頭系入口即化，完全吾洗咬，真系好正，不過我覺得塊麵包可以細啲，同埋大麵包唔夠脆，烘得吾夠耐銀雪魚對於我來講真係比較普通，加嘅牛油同埋黑椒唔夠發揮銀雪魚嘅香味，不過不失雜菜同埋雜菇我個人認為比較油膩，不太岩得個人口味，5人的話叫2人份量品嘗一下就夠了黎到最後一個餸 蟹子炒飯，食咗上面嘅嘢之後其實都已經好飽，用咗和牛嘅油去炒，個飯都幾香口，不過味道偏淡（我不是重口味人）最後送左個雪糕，不過竟然系維記的雪糕，有點小失望最後總結，我個人認為性價比不太高，我系坐包箱的，但隔音好差，想靜靜地同三五知己傾吓計都唔得

👍🏻店內環境舒適，整潔。👍🏻上下員工包括接電話的都很有禮貌。👍🏻食物新鮮，廚師技術高超，基本上不用再加調味料或醬汁都已經好好味。👍🏻另外令我感到店員非常之細心，廚師會先問你食唔食蔥、蟹籽等等。就連播放音樂都會問你會否太大聲，真的感受到以客為先。👍🏻甜品我哋揀咗荔枝味雪糕，好香好滑，雖然唔知係咩牌子，但一定不會是一般的低檔雪糕。👍🏻於OpenRice 訂位會有全單9折，即係免收加一服務費👍🏻鐘意食鐵板燒嘅朋友一定要去「鐵板超」食。

結婚一週年慶祝，提早左幾日滿心歡喜打算卜位去食餐好既，卜左21號晚8點！黎到呢到，入到餐廳，侍應同我講話要等一等，要等上枱客走左，因為估唔到今日既客人食耐左，咁我同老婆都唔介意等一陣，結果一等就等左45分中，中途佢地不停問我地飲咩，食啲小食，都係free比我地，但對於我當時既心情，其實都非常非常差，因為今日特登為左慶祝，放底個女比屋企人，滿心期待咁想黎食一餐好既，食完就趕返屋企湊女，企最後等左45分之後，我地決定離開，因為再等落去我地個女就一定扭計，無辦法之下唯有立即出去尖沙咀搵其他野食，但呢個鐘數好多好野食都已經無位，今日真係非常之唔開心

新店給人的感覺只是裝修比以前好很多及價錢也加了很多。今天叫了一個三人餐有龍蝦，鮑魚，鵝乾及牛柳. 份量足夠我地二大二少‘味道都算合格。這間店我食了二十多年由太子到現在，食材質素沒什麼大分別，但感覺味道沒有驚喜和公式化的煮食。沒有把食物的味道發揮出來,真的很失望。係我離開香港之前會再試一次，希望食道以前的味道！

夜晚和朋友慶祝生日，叫了兩人餐total 2000蚊港紙，有新鮮海鮮，鵝肝，日本牛肉，日本雪糕，食到要打包，服務態度滿分，非常推介呢間既鐵板燒呢個價錢係香港真係抵到爛

今日係朋友仔仔生日🤗 我有幸被邀請去黎食個正正生日飯！ 喺尖東站一上就係！好方便！聽佢哋講因為搬咗鋪位，有好多舊客都流失咗！但我有口褔😋 今日同大家share 吓因為真係好正！今次好開心，我哋可以入房自成一角咁食，傾，玩B🥰 平時真係好難搵到間房俾我同d 朋友玩！Party Room 又冇得食到咁正嘅野！另外不得不讚佢哋嘅師傅，好知道個客想要d 咩氣氛！因為有小朋友生日，佢仲用食物切咗個生日快樂祝福出黎俾大家影相！沙律新鮮係好重要！加上少少酸嘅自製沙律醬，好開胃！ 新鮮沙律後就來料！海鮮拼盤！ 唔係講笑！好大份！一睇就知係靚貨！我好耐有食龍蝦，師傅將佢剪到剛剛好！啱啱好熟！加埋D 龍蝦膏🤤師傅話加幾粒魚子就會提升晒帶子嘅未，又靚好多！佢又講得好啱喎！聖子帶子好大好新鮮！同埋個魚不得不提，煎到真係啱啱好！上面兩塊皮好脆！Foie Gras on toast! 個厚度啱啱好！哩個最係驚喜！識我嘅人都知我鍾意飲湯，哩個係侍應無聲無聲放咗喺我隔離！食完一轉煎嘅野，有碗鮮湯真係好舒服！到肉嘞！問心真係好靚！一入口就溶！加埋d乾蒜，諗起又想食多轉🤤看似普通炒飯，但其實

去鐵板超要預早d時間訂位，一去到門口，個侍應已經好好招呼，帶位之後就即係上茶同放低餐牌。由於心大心細，揀咗好耐都未落單，但侍應都唔會催你落單。終於揀好點邊個餐啦，好快就已經上前菜同攞咗d食材上枱比廚師煮，而龍蝦同鮑魚上枱既時候仲識旭㗎！廚師好有心機煮，因為食材新鮮，所以煮既時候唔使落好多調味料已經夠味。特別一提，煮龍蝦既時候，廚師會同你講會放火，叫你攞定手機拍片。服務方便，應侍主動加茶加得好密，好少飲曬都未有人加茶。雖然價錢係貴咗d, 但食物既質素同服務令人會覺物有所值。

今日同兩位朋友，一行三人去食 鐵板超 的午市套餐。 在尖東站p1出口一出就係，地點非常方便。 先講環境，擺枱空間非常足夠， 成間舖充滿住好多限量版日本figure，其實幾有趣味， 亦同時有高級的感覺， 沒有違和感 。我哋坐咗喺間房傾計，非常舒適， 最後點咗三個餐大家share食， 一開始有個冷盤沙律， 新鮮嘅，正常口味清新， 之後師傅攞住一大盤海鮮同埋燒肉入嚟 ，正式開始戲肉！蟶子皇這道菜的確有驚喜！ 蟶子 本身炒幾下，好多間茶樓都已經好好食 ，今次嘅聖子皇，鮮甜度正常，最特別的是，它真的好香！確實係食到有鐵板 同一般炒嘅分別。之後有 鐵板魚， 牛油香十足， 但我個人覺得調味不足， 我平時都食慣重口味啲 ，自行加少少岩鹽 就非常 好， 魚皮真係 煎 到薯片一樣咁 脆，正既。燒帶子正常高分 ，外面燒香，裏面 軟滑， 我個人喜歡食相當熟的帶子，覺得會有多些口感。之後來個非常重點， 就係煎蝦！呢個真係冇得頂，絕對十級推介！師傅將蝦膏 淋在煎得 非常香口嘅蝦肉上，呢種混合蝦膏蝦肉的做法，賣相 現場睇絕對一流 ！食落去真係香到爆！少少蝦膏都唔會嘥！之後的蔬菜 冬菇 ，這些間格菜式， 正常高分水平

今次係老闆請既慶功宴，我們3個都鍾意食日本野，見到呢間野一直想試，今次機會黎啦飛雲XD 原來佢地開業好耐，係尖沙咀搬來一入去見到周圍好多動漫模型，仲有好多係限量版，成個博物館咁XP我地叫左3個SET SHARE~今次係我第一次食日本鐵板燒，我真係覺得睇緊一個超正既表演，好享受有得食有得睇，仲食物、手勢及功架都超水準添^3^1）   沙律、海鮮湯及炒雜菜: 嘩左聲，冇諗過配菜都咁有誠意，真材實料，無得頂2）銀雪魚: 皮脆肉鮮味，必食!3）帆立貝: 大大粒，鮮!!! 4）大海蝦: 唔講以為自己食緊龍蝦，又多膏又爽口5）   法國鵝肝: 齒頰留香，難以筆墨形容，自己試啦XD6）   聖子皇: 肉厚而口感爽口，鮮甜，正!7）   羊架: 肉鮮，火侯剛剛好8）   薄燒牛: 包蒜，特別好味，學到野XP9）   蝦乾蟹籽炒飯: 粒粒皆美味，幾飽都要繼續食10）讚岐湯烏冬: 真係要讚，奇好味=P11）綠茶雪糕: 大滿足, YEAH~~~真係”大飽”和”眼福”，聖誕帶家人又食又睇先HAHA~~

尼間鐵板餐廳 之前喺佐敦已經有幫襯開 呢排就搬咗去尖沙咀 仲方便左😆地鐵站一出就係啦早幾日再同老公去左食晚餐🥣格局裝修仲比之前靚咗 加左部大電視之餘 仲有玩具俾小朋友玩😆餐牌同之前大部份都一樣 不過今次有個新驚喜就係鵝肝今次多左菠蘿加咗菠蘿反而更加好食另外仲有個松露蒸蛋 都好好食😋師傅嘅手勢同表演依然咁有水準最後當然唔少得既就系畫公仔啦畫得好靚啲字可以掉轉來寫真係好犀利好滿足的一餐晚餐下次可以叫埋屋企人一齊黎 多人仲可以坐間房添

今日朋友仔仔10個月大！👶🏻同朋友仔聚一聚！🥰順便同仔仔慶祝！👶🏻🥳黎左開業超過20年以上既鐵板超！🍽🔥由太子起家搬到山林道再轉戰尖沙咀同樣出色！👍🏼🤩尖沙咀新鋪仲多左好多擺設！💕好多兒時回憶返晒來！🥰多年老字號！👍🏼食物超有質素！👍🏼老闆仲要好好人！👍🏼好有親和力！🥰呢種親和力令到佢留得住好多支持佢既客人！🥰👍🏼有廳同有房坐！😃有套餐叫！👍🏼套餐價錢公道！💰食物方面一d都唔馬虎！👍🏼樣樣新鮮！👍🏼🐟🦐🦀鮑魚同聖子得恰到好處！👍🏼😋食落超有口感！👍🏼完全冇硬既感覺！👍🏼帶子亦都煮得好出色！👍🏼會放埋魚子落去一起吃！🍴雖然我唔食魚子，但嘗試一齊放入口中感覺也不錯！👍🏼🤩一d都唔抗拒！👍🏼龍蝦超生蜢！🦞放上鐵板一段時間都仲係識郁既！😱🦞👍🏼師父仲玩埋火！🔥玩完之後都仲係識郁！🦞😱👍🏼可想而知有幾生蜢！👍🏼龍蝦頭仲會幫你加埋蜆肉煮湯飲！🦞🍲新鮮生猛蝦夠晒大隻！🦐👍🏼好少可見到咁大隻嘅大蝦！👍🏼🦐蝦頭勁多膏！🦐🤩銀鱈魚煎法夠特別！🐟皮同魚分開燒！🔥皮方面燒到脆卜卜！🥰送酒一流！🍶鵝肝配包大部份食肆都係會就咁放上去包到！🍞但師傅會烘一烘個麵包等麵

同朋友聚餐想食好野，行左去尖東搵左間抵食鐵板燒餐廳環境都幾舒服，一入門口已經見到老闆擺好多私人珍藏figure係店入邊，位置好闊落咁啱我地三個人lunch時段早到，俾左房間我地我地三個人點左2個午市A餐，1個午市C餐。等緊師傅準備食材時候，先上左沙律俾我地，入邊有蟹子、蘿蔔、蟹柳、海藻，冰菜等等，柚子醋酸味可以增加食慾。我地三個餐全程share黎食，首先黎左聖子皇。第一次食鐵板燒聖子，平時食開蒸聖子皇，本身無期望，點知有驚喜。聖子皇鮮味保留到，鹹味啱啱好，完全唔需要再調味，多肉汁，而且好爽口。老闆仲話唔係成日都有聖子皇，我地好幸運食到，所以推薦大家揀左聖子皇先～銀鱈魚牛油味好香，皮脆肉嫩，好juicy燒大蝦先將蝦頭ge膏用個專用器皿裝住煮好，燒好蝦之後再淋蝦膏係上面，真係超多膏，我本身對蝦無咩好感，都忍唔住食多d鵝肝多士+菠蘿我本身對鵝肝已經無抵抗力，食之前聞左下，鵝肝油香味好濃，雖然外面煎到好香脆，切開原來入邊仲係好嫩，食完鵝肝之後食返菠蘿可以中和油膩感紐西蘭羊架我地要左7成熟比較香口，紐西蘭羊架臊味唔會太勁，因為脂肪同肉比例啱啱好，食落肉質彈牙，燒完加埋香草，香味

呢間食咗幾次，至少5次，質素不過不失食材新鮮，海鮮拎出嚟仲係好生猛。服務態度都可以接受，師傅表演都唔錯，會問相機食唔食先價錢都略貴一點，如果有折扣優惠食就抵食喇！

同行朋友，對鮑魚嚴重過敏，會死人嗰種。見到廚師同佢講我朋友有過敏，唔可以同其他食鮑魚嘅客用同一個鐵板，個廚師態度好差咁答:「我會用布抹㗎嘛！」我想講就係抹過都唔得，點解可以咁答個客？講得要轉板一定係唔ok。之後再同店員至肯轉，仲要問我朋友咁奇怪點解會過敏。其實對食物敏感十常八九，轉個位轉個板有幾難？唔明點解要問點解，仲要之後佢哋嘅態度係覺得我哋太誇張好煩到佢哋咁，接受唔到呢d服務態度。