鍋霸吃到飽台式養生火鍋 (莊士倫敦廣場)

營業中

休息中

得返18度咁凍梗係去打邊爐暖身，呢間仲係無·限·時任食，想坐幾耐食幾耐都得😍$398/位 任飲任食Prime grade 安格斯牛肉西班牙無激素黑毛豬肉平時打邊爐唔食肥牛嫌佢鞋，呢到牛肉用安格斯牛頸脊肉，比較嫩滑之餘肉質有彈性，好食太多🥰我一個人都食左4碟😛仲有好多海鮮，是日精選海鮮有大蜆同小蟶子，仲叫左帆立貝、蝦、花膠等等，回哂本又抵食🥳湯底有得揀麻辣/蕃茄/藥膳/鴛鴦鍋等，今日食麻辣小辣+藥膳花膠，藥膳花膠湯頭濃郁，麻辣就辣得過癮，兩款都正！飲品選擇除咗有基本嘅汽水紙包飲品之外仲有酒類、台式冷泡茶，有糖走甜都有呢到另外收費的有酒、鴛鴦鍋、咸蛋黃魚皮(食左，好脆好香蛋黃味)，整體嘢食都好快送到，無點漏單，服務不錯

大概香港人真係好鍾意打邊爐，冇分季節冇分時間冇分心情，最近男朋友心情唔係咁好又知道佢鍾意打邊爐所以決定同佢黎個開心食到飽下午火鍋放題，今次揀咗響屋企隔離嘅《鍋霸》！之前都有聽身邊朋友講質素好好👍🏻咁梗係要試吓啦。因為算係下午茶時分，人唔算多上到去唔使等位可以直接入去，店員安排咗我哋坐窗邊嘅大枱，之後又簡單介紹左點餐方法同野飲分佈，仲同我地講依加會送一碟即製咸蛋黃炸魚皮！正呀～我地至愛呀！仲可以自己加調味料再放入袋搖！之後我地點好哂野食，當然要去拎野飲啦，喺度飲了區見到成牆唔同類型嘅飲品都唔知點揀，結果揀咗桂花烏龍，最特別嘅地方係第一次見到有未溫桂keep住啲嘢飲，諗諗吓其實都幾啱我呢啲中女既，真係好窩心呀～我哋點左麻辣蕃茄雞湯底同埋養生花膠雞湯底，簡直係驚喜呀入邊啲雞非常大件，湯底入邊嘅底料亦都非常之多，重點係花膠都好多！湯底仲好濃好好味添！配料嚟晒，有我最鍾意食嘅牛肉同埋豚肉我哋仲叫咗海鮮，見到啲聖子同蜆！雙眼發亮一次過倒晒落去個湯就會變咗又有蜆味又有花膠同雞既濃味，放埋牛肉落去再加上我哋點嘅麻辣湯底非常之嘢未將啲凍豆腐揼晒啲麻辣湯嘅味道真係好正！我哋兩個人叫咗三轉真係上菜又快又唔會

鍋霸吃到飽台式養生火鍋 (佐敦)佐敦彌敦道219號莊士倫敦廣場6樓天氣開始有點轉涼，開始有點想打邊爐，有同事介紹佐敦一間台灣打邊爐店，於是乎星期六日就特登出嚟試一試。任點任食兩小時！正價時段入座，大人$398 ，小童$268。超過數十款湯底任君選擇，要辣有辣，唔辣嘅都有補身嘅例如蟲草鍋。自家製shake shake鹹蛋黃魚皮送一份，很香脆的魚皮，配上鹹蛋黃！鹹香惹味！無限暢飲自家製飲品自家製四季春冷泡茶自家製桂花烏龍冷泡茶自家製台灣黑糖檸檬冬瓜茶自家製烏梅山楂茶每人一份Häagen-Dazs或者mavenpick雪糕。養生姬松茸雜菌涮涮鍋點了一個松茸雜菌鍋，真係好多菇類！湯底清甜！還有珍貴松茸，打邊爐之餘又可以補身，一啲都唔上火。店內環境大，抽氣系統充足，打邊爐都打得好舒服！肥牛片無激素豬肉片，任點！黑松露墨魚丸、我功黑松露墨魚滑！非常鮮！海蝦大大隻，鯇魚片、海鮮任叫！帆立貝大大粒！其他食材新鮮，全部任點任叫！

今次同朋友嚟佐敦嘅莊士倫敦廣場打邊爐，食養生火鍋，仲要係不限時任食，食到超飽～～不限時任食得嚟仲要食物高質先係最重要～一嚟就送咗一碟黃金炸魚皮，炸得香脆，新鮮好味～～揀咗鴛鴦鍋，養生醉雞鍋同麻辣牛肉鍋～～其實淨係呢個鍋已經好好食，雞肉有髀位嫩滑厚肉；牛肉鍋嘅牛肋條好入味，軟腍香濃～～麻辣鍋叫小辣夠晒惹味～上菜好快，好快成枱嘢食，伊比利亞黑毛豬肉質鮮嫩味濃～食靚牛，安格斯牛頸脊口感軟嫩～～另外，仲有大量火鍋材料可以order,有是日海鮮，係蟶子同蜆～幾新鮮～呢度嘅手打丸好好食，爽口彈牙～最後，仲想推介下冷泡茶，呢度嘅人氣飲品，我試咗幾隻味，最鐘意黑糖冬瓜檸檬茶，清甜解渴，同烏梅山楂茶，酸甜解膩～

呢啲涼爽既天氣，啱晒打邊爐，平時去打邊爐，好多都限時，未食飽就夠鐘，食得黎又冇時間傾計🥲今日黎到呢間，無限時之餘食材高質既「任食」火鍋，可以慢慢品賞嘢食，又可以同fd傾下計，唔洗急急腳！餐廳環境舒適，座位闊落，卡座為主，坐得舒服之餘又有包廂既Feel。湯底種類都好多選擇，唔辣既就有養生醉雞，藥膳花膠雞，藥膳椰子雞，番茄濃湯類別既，牛肉、雞肉、豆腐雜菌等。仲有麻辣牛肉（雞肉）湯底，座位旁有兩枝藥膳原湯，自行加湯！揀完湯底，就可以透過QR Code 落單，我地就叫左398$個餐，可以任食美國安格斯牛頸脊，西班牙伊比利亞黑毛豬，海鮮，各式手打丸類，落單無耐，食物就送到，奉送$48鹹蛋黃魚皮，鹹蛋黃既香味同魚皮既油香味好夾，脆卜卜！仲可以加檯面既調味粉，shake shake。✨麻辣牛肉涮涮鍋，湯底都好足料，牛肉燉到好軟嫩，入味，✨安格斯牛頸脊，雪花紋細緻，嫩滑有咬口，值得一試，海蝦、聖子、大蜆，都好新鮮，鮮甜有口感，牛柏葉，萵筍，鴨血，花膠，配麻辣湯底，吸晒d辣味😋除左各式汽水，有幾款自家製既茶，烏龍山楂茶、冷泡桂花烏龍茶、台灣黑糖冬瓜檸檬茶，冷泡四季春茶，冬瓜檸檬茶，酸酸甜甜，幾消濟，飲完

今日放假當然要食個火鍋放題慶祝下。在佐敦道的莊士倫敦廣場，入面有很多放題店，我們去了鍋霸，因為是無限時任食，可以由中午12點食到凌晨2點，真心好霸氣呀！.湯底有很多選擇，我們選了台灣古早牛肉涮涮鍋。超正，成色很深湯底非常濃郁，味道有濃香的牛肉味。撈一撈湯底，見到有5大條牛腩！是5大條牛腩！你可以試下問一問媽媽牛腩幾錢，一條都好貴，仲要有5大條，淨是湯底都要$100-$200。.我們選了$319的套餐，所以可以任點所有肉類，包抱Prime Grade 安格斯牛肥牛、黑毛豬及沙嗲牛肉。也有很多不同的配料，包括海鮮、手打肉丸、蔬菜響鈴等等，款式選擇很多應有盡有！.而且飲品選擇更是多不勝數，少不了汽水可樂紙包飲品，還有台式飲品，及暖的飲品、維他奶等等。推介大家飲他們自家製的冷泡茶，清新解膩。.推介大家吃黃金炸魚皮，超級邪惡地好吃又香脆，滿口爆發蛋黃的香，正！.值得一題這裏的服務超級好，而且不會漏單走單，而且湯底會備先給你兩大壺，不用自己去中央區拿，十分霸氣的做法。.第一次吃火鍋放題可以坐足N個鐘（當然我們只坐了一兩個鐘就走啦哈哈，飽！），這個體驗及服務質素相當令人滿意呢。

這已是第二次的光顧，第一次是它剛開張。再光顧原因有三：1）地點方便，就在佐敦地鐵站旁；2）價錢ok, 我們點了普通set,又沒有時間限制。 每人只是300多元；3）湯底款式多，嘢食多，最喜歡他有羽衣甘藍，雞好味，有不同款丸；蝦非常新鮮我們只是兩人去吃，每款試一次，未吃完，已吃得飽飽。我們選了藥饍雞煲。 這是一間高質任吃火鍋店。必吃： 鹹蛋魚皮（送的）山楂茶；雞件；羽衣甘藍；丸；蝦；如果可以轉C類，可以坐到12點就更好了。

打完風紅日又放假 當然要出去行下啦😚邊爐癮突然起左 其實之前都食過鍋霸 覺得好正又足料所以再帶屋企人去食😋一坐低就拎咗醬料同嘢飲先 醬料好多選擇 總會調到岩你口味😝飲品方面有幾個雪櫃🤩好多茶類簡 最鍾意桂花烏龍冷泡茶🍵 清清地感覺好潤喉😚湯底揀咗田園蕃茄濃湯牛肉涮涮鍋😍😍蕃茄味超級濃郁 🥰岩晒我依個蕃茄控🍅酸酸甜甜咁其實都好多嘢食選擇 不得不讚超級長蟹柳🤣勁鮮甜！而且夠大條 真係要不斷encore！呢度啲嘢食勁新鮮 肥牛片亦都好嫩 入口即溶🤤諗返起都流緊口水！海蝦🦞大隻得黎勁新鮮 彈牙又鮮甜🤤好少見到出面打邊爐會有呢啲質素嘅蝦👍🏻高質💯到尾聲梗係要食啲甜品🍮竟然有Kitkat脆皮食條😍😍真係滿足到爆 勁開心🥳

今日去佐敦辦點事，做完嘢6:00已經肚餓，之前聽過人哋講呢間野唔錯，所以就上嚟一試，沒有訂位，時間尚早，店舖冇咩人，入座嘅時候佢話冇限時任食，如果7:30前埋單就會有人頭費八折。咁我都一心諗住慢慢食，唔使好似食牛大人嗰啲咁樣趕住時間。一入去揀咗湯底，同埋要$298定係$398之後，就有QR code俾你點菜。我點嘅係椰子雞湯底，同埋$298嘅套餐。椰子雞湯底有幾件好大嘅雞，好滑好好味，煲湯入面一舊椰子都冇，但係就好香椰子味，唔知係咪用椰青水或者椰子水？湯底好夠味，忍唔住飲咗幾啖，成餐飯食完都冇口渴。應該唔重味精。送嘅鹹蛋黃魚皮一碟，如果要再添就要$48一碟。之後我哋就叫返免費嘅普通炸魚皮，都唔錯，佢有三種味粉，你可以自己用個紙袋玩shake shake 魚皮。$298 套餐可以叫就係呢款牛肉（上圖左邊）如果比多$100就有安格斯牛頸脊。近排戰鬥力唔係幾好，諗住都只係食幾片牛肉，就叫個平嘅套餐，所以就比唔到意見貴嗰個牛肉好唔好食。要讚下佢啲嘢飲，選擇真係好多元化，所有放題店有嘅佢都有，冇嘅佢都有，我試咗佢兩款冷泡茶，真心唔錯，唔記得影相，最鍾意佢有梳打水，仲要係玻璃樽嗰隻，對於唔飲甜野嘅

好耐無出街食飯啦～放題火鍋梗加耐～～心血來潮，前一日係openrice 搵下有咩食，見到呢間鍋霸有得online訂位，又未去過，就拉拉林book左17:00先餐廳同日都好快send whatsapp 黎確認訂座～其實佢寫住無限時，都真係唔限時，我地16:45上到去諗住要坐陣齊人先入得，點知門口姐姐話佢地唔會計時，而家入都係食到19:30前交枱，8折人頭費原來甘好既咩，佢係1500-1930架😂😂 只要你食得落坐低揀食邊款，當然唔小得湯底，湯底都有超過10種選擇，款款都好吸引我地揀左醉雞鍋，湯底都幾甜，下次再食要試吓番茄湯先湯底黎啦，仲有兜鹹蛋黃魚皮送落order都係自己電話落，方便，上餐都快手，員工們都好有禮貌。野食都幾好，海鮮都新鮮同甜，野飲選擇雖然唔多，但係都有自家制既茶飲，醬料都係平常食開個d,可以食巨量既芫荽可以有下次既餐廳

今日心血來潮同屋企人睇完早場後就嚟食，之前食係$298+1 無限時任食，但而家只限3小時，重要係分3個時段，如果想食多2重牛重要貴多100，不過個人覺得食返普通已足夠，但價錢同我之前食個陣唔同，我已經扣左小小分，因為一心諗住唔過份2:00pm食到6:00pm，點知我上到去佢已經講話只可以食到5:00，都算啦，啲嘢食雖然同之前無咩變，但個人覺等限制咗個時間就爭啲

咁我就係下晝三點至七點嘅時段入去食嘅因為依段時間食會有八折啦而且呢間第一次去食咁見到佢有好多款嘅湯底可以揀但係呢我本人就唔係太食辣嘅所以呢就叫咗個養生花膠雞湯呢個湯真係足料嘅 有好多嘅雞係個煲裏面 有好多養生嘅材料！感覺都幾健康加上佢啲材料呢大部份都算新鮮海鮮大部份都冇咩沙啲蝦係好新鮮嘅 不過係個豬腸比較肥 但係大致上所有嘢都係比較滿意嘅去嘢飲嗰度仲有一啲出邊冇嘅飲品即係自家製嘅飲品呀比較建議飲泡茶😂可以打咁耐+有八折+海鮮+肉類都差唔多係呢個價錢啦 $280左右

我不嬲都好鍾意打邊爐，呢排立秋之後好似有涼到少少，就更加想打邊爐，無論係港式、台式、定係麻辣火鍋我都鍾意，今次食嘅係一間幾高質嘅台式火鍋，賣點係唔會趕人走、唔使好急食兩個鐘，再出去同朋友食甜品先傾到計既火鍋店。呢間鍋霸吃到飽台式養生火鍋，係一間佐敦嘅台式養生火鍋店，湯底主打特色養生藥膳湯底，好似藥膳醉雞湯底同藥膳椰子雞湯底。火鍋配料超過60款，包括Prime美國安格斯肥牛、西班牙豬肉片、羊肉片、豬頸肉、雞髀肉、多款海鮮、鴨血、手工餃子、ShakeShake鹹蛋黃魚皮等，仲會送Mövenpick雪糕，選擇夠多。小食包括炸魚皮、涼拌麻辣青瓜、木耳，非常惹味。飲品方面有手工冷泡茶、自家製烏梅同台灣進口冬瓜茶，全部都係飲飲。餐廳喺佐敦嘅莊士倫敦廣場，地鐵站行兩三分鐘就到，唔算難book，前一兩日book都有位，book左7:30就入座。餐廳環境幾闊落，全部都係卡位，坐得舒服。座位隔離會擺兩樽雞湯俾我哋自行加湯，冇晒嗰時啲店員會主動換啲湯底。依度會寫明有邊啲嘢食係任點，可以scan QR code點菜。醬料區非常大碟，有蒜蓉、炸蒜、山茶醬、指天椒、蔥、芫荽同麻油。-🥘 吃到飽套餐 💰298/位呢

今日約咗朋友嚟食呢間火鍋放題 其實本來我哋係諗住去食buffet嘅 不過因為book唔到嘅關係 所以就轉咗場嚟呢度打邊爐啦 之前已經食過101嘅邊爐㗎喇 知道呢一間都係佢哋開嘅 所以就想嚟試下 呢度嘅特色就係五點半可以開始食 食到佢收工 馬拉松式咁食 可以一路傾計一路食由於我哋有五個人所以佢就分咗 3 2咁坐中間放咗一塊板 可惜另外兩位朋友遲到 所以當佢哋嚟到嘅時候 我哋五點半入坐果三位已經食飽咗咁滯喇之前睇過食評 好壞參半咁 不過自己食完就覺得牛頸脊同肥牛嘅質素都可以呀 唔係咁差啫 啲蝦都好新鮮不過啲聖子就差啲啦 所以叫咗第一轉就已經冇再嗌最後飯後甜品有movenpick雪糕 都有kitkat雪條揀係比較少見嘅總括黎講 佢嘅價錢偏貴 但係勝在可以俾你五點半食到十點 如果要就唔同朋友嘅放工時間 呢度係一個唔錯嘅選擇 因為可以食住等朋友 嚟到又可以慢慢傾住偈咁一路食 唔洗食到好似同小林尊黑寡婦比賽緊咁 係爽嘅🤤

我好鍾意食火鍋，任食就好啱我，出面好多都限時兩個鐘，食得唔夠過癮。來鍋霸就啱啦，呢度任飲任食仲要唔限時，可以盡情咁食。呢間主打台式火鍋，飲品方面當然有台灣特色飲品冷泡茶丶烏梅汁等飲品選擇，我平時都好鍾意飲冷泡茶，呢度有啱晒我。鍋霸有兩個價錢選擇，隨大家喜好$298 Prime Grade 美國安格斯肥牛西班牙無激素豬肉片$398Prime Grade 安格斯牛頸脊西班牙伊比利亞黑毛豬Prime Grade 美國安格斯肥牛西班牙無激素豬肉片我哋就揀咗個$398坐低之後會免費送碟咸蛋魚皮俾你食住先(咸蛋魚皮再叫要加錢㗎)食火鍋除咗個爐之外就緊係湯底啦，湯底方面都有多達17款選擇有辣有唔辣，我哋就加錢叫咗個鴛鴦鍋(鴛鴦鍋要另外加錢)，台灣麻辣牛肉鍋(小辣)/藥膳椰子雞鍋。先講麻辣牛肉鍋，我哋叫咗個小辣其實辣度都已經OK , 夠香夠麻。牛肉係用牛腩，大大舊啖啖肉又夠淋。藥膳椰子雞鍋都好正，好香椰子味，雞又夠嫩滑，煮耐咗都唔會好鞋，推介。海鮮我哋當日叫咗是日精選海鮮，有聖子仔，蜆，蜆夠鮮甜。另外叫咗海蝦，海蝦爽口，唔係霉，好新鮮。仲有其他魚，脆鯇魚片丶脆骨腩丶白鱔片丶新鮮魚雲丶深海魚柳⋯⋯丸嘅選